{"id":"an4.53","title":"Living Together (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.53","title":"Living Together (1st)","units":[{"id":"an4.53:0","sourceIds":["an4.53:0.1","an4.53:0.2","an4.53:0.3"],"kind":"text","text":{"pi":"Aṅguttara Nikāya 4.53\n6. Puññābhisandavagga\nPaṭhamasaṁvāsasutta","en":"Numbered Discourses 4.53\n6. Overflowing Merit\nLiving Together (1st)"}},{"id":"an4.53:1","sourceIds":["an4.53:1.1","an4.53:1.2","an4.53:1.3","an4.53:1.4","an4.53:1.5"],"kind":"text","text":{"pi":"Ekaṁ samayaṁ bhagavā antarā ca madhuraṁ antarā ca verañjaṁ addhānamaggappaṭipanno hoti.\nSambahulāpi kho gahapatī ca gahapatāniyo ca antarā ca madhuraṁ antarā ca verañjaṁ addhānamaggappaṭipannā honti.\nAtha kho bhagavā maggā okkamma aññatarasmiṁ rukkhamūle (…) nisīdi.\nAddasaṁsu kho gahapatī ca gahapatāniyo ca bhagavantaṁ aññatarasmiṁ rukkhamūle nisinnaṁ.\nDisvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinne kho te gahapatī ca gahapatāniyo ca bhagavā etadavoca:","en":"At one time the Buddha was traveling along the road between Madhurā and Verañjā,\nas were several householders, both women and men.\nThe Buddha left the road and sat at the root of a tree,\nwhere the householders saw him.\nThey went up to the Buddha, bowed, and sat down to one side. The Buddha said to them:"}},{"id":"an4.53:2","sourceIds":["an4.53:2.1","an4.53:2.2","an4.53:2.3","an4.53:2.4","an4.53:2.5","an4.53:2.6"],"kind":"text","text":{"pi":"“Cattārome, gahapatayo, saṁvāsā.\nKatame cattāro?\nChavo chavāya saddhiṁ saṁvasati,\nchavo deviyā saddhiṁ saṁvasati,\ndevo chavāya saddhiṁ saṁvasati,\ndevo deviyā saddhiṁ saṁvasati.","en":"“Householders, there are four ways of living together.\nWhat four?\nA male zombie living with a female zombie;\na male zombie living with a goddess;\na god living with a female zombie;\na god living with a goddess."}},{"id":"an4.53:3","sourceIds":["an4.53:3.1","an4.53:3.2","an4.53:3.3","an4.53:3.4"],"kind":"text","text":{"pi":"Kathañca, gahapatayo, chavo chavāya saddhiṁ saṁvasati?\nIdha, gahapatayo, sāmiko hoti pāṇātipātī adinnādāyī kāmesumicchācārī musāvādī surāmerayamajjapamādaṭṭhāyī dussīlo pāpadhammo maccheramalapariyuṭṭhitena cetasā agāraṁ ajjhāvasati akkosakaparibhāsako samaṇabrāhmaṇānaṁ;\nbhariyāpissa hoti pāṇātipātinī adinnādāyinī kāmesumicchācārinī musāvādinī surāmerayamajjapamādaṭṭhāyinī dussīlā pāpadhammā maccheramalapariyuṭṭhitena cetasā agāraṁ ajjhāvasati akkosikaparibhāsikā samaṇabrāhmaṇānaṁ.\nEvaṁ kho, gahapatayo, chavo chavāya saddhiṁ saṁvasati.","en":"And how does a male zombie live with a female zombie?\nIt’s when the husband kills living creatures, steals, commits sexual misconduct, lies, and consumes intoxicants of beer, wine, and liquor. He’s unethical, of bad character, living at home with his heart full of the stain of stinginess, abusing and insulting ascetics and brahmins.\nAnd the wife is also … unethical, of bad character …\nThat’s how a male zombie lives with a female zombie."}},{"id":"an4.53:4","sourceIds":["an4.53:4.1","an4.53:4.2","an4.53:4.3","an4.53:4.4"],"kind":"text","text":{"pi":"Kathañca, gahapatayo, chavo deviyā saddhiṁ saṁvasati?\nIdha, gahapatayo, sāmiko hoti pāṇātipātī adinnādāyī kāmesumicchācārī musāvādī surāmerayamajjapamādaṭṭhāyī dussīlo pāpadhammo maccheramalapariyuṭṭhitena cetasā agāraṁ ajjhāvasati akkosakaparibhāsako samaṇabrāhmaṇānaṁ;\nbhariyā khvassa hoti pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā surāmerayamajjapamādaṭṭhānā paṭiviratā sīlavatī kalyāṇadhammā vigatamalamaccherena cetasā agāraṁ ajjhāvasati anakkosikaparibhāsikā samaṇabrāhmaṇānaṁ.\nEvaṁ kho, gahapatayo, chavo deviyā saddhiṁ saṁvasati.","en":"And how does a male zombie live with a goddess?\nIt’s when the husband … is unethical, of bad character …\nBut the wife doesn’t kill living creatures, steal, commit sexual misconduct, lie, or consume beer, wine, and liquor intoxicants. She’s ethical, of good character, living at home with heart rid of the stain of stinginess, not abusing and insulting ascetics and brahmins.\nThat’s how a male zombie lives with a goddess."}},{"id":"an4.53:5","sourceIds":["an4.53:5.1","an4.53:5.2","an4.53:5.3","an4.53:5.4"],"kind":"text","text":{"pi":"Kathañca, gahapatayo, devo chavāya saddhiṁ saṁvasati?\nIdha, gahapatayo, sāmiko hoti pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato surāmerayamajjapamādaṭṭhānā paṭivirato sīlavā kalyāṇadhammo vigatamalamaccherena cetasā agāraṁ ajjhāvasati anakkosakaparibhāsako samaṇabrāhmaṇānaṁ;\nbhariyā khvassa hoti pāṇātipātinī …pe… surāmerayamajjapamādaṭṭhāyinī dussīlā pāpadhammā maccheramalapariyuṭṭhitena cetasā agāraṁ ajjhāvasati akkosikaparibhāsikā samaṇabrāhmaṇānaṁ.\nEvaṁ kho, gahapatayo, devo chavāya saddhiṁ saṁvasati.","en":"And how does a god live with a female zombie?\nIt’s when the husband … is ethical, of good character …\nBut the wife … is unethical, of bad character …\nThat’s how a god lives with a female zombie."}},{"id":"an4.53:6","sourceIds":["an4.53:6.1","an4.53:6.2","an4.53:6.3","an4.53:6.4","an4.53:6.5"],"kind":"text","text":{"pi":"Kathañca, gahapatayo, devo deviyā saddhiṁ saṁvasati?\nIdha, gahapatayo, sāmiko hoti pāṇātipātā paṭivirato …pe… sīlavā kalyāṇadhammo vigatamalamaccherena cetasā agāraṁ ajjhāvasati anakkosakaparibhāsako samaṇabrāhmaṇānaṁ;\nbhariyāpissa hoti pāṇātipātā paṭiviratā …pe… surāmerayamajjapamādaṭṭhānā paṭiviratā sīlavatī kalyāṇadhammā vigatamalamaccherena cetasā agāraṁ ajjhāvasati anakkosikaparibhāsikā samaṇabrāhmaṇānaṁ.\nEvaṁ kho, gahapatayo, devo deviyā saddhiṁ saṁvasati.\nIme kho, gahapatayo, cattāro saṁvāsāti.","en":"And how does a god live with a goddess?\nIt’s when the husband … is ethical, of good character …\nAnd the wife is also … ethical, of good character …\nThat’s how a god lives with a goddess.\nThese are the four ways of living together."}},{"id":"an4.53:7","sourceIds":["an4.53:7.1","an4.53:7.2","an4.53:7.3","an4.53:7.4"],"kind":"text","text":{"pi":"Ubho ca honti dussīlā,\nkadariyā paribhāsakā;\nTe honti jānipatayo,\nchavā saṁvāsamāgatā.","en":"When both are unethical,\nmiserly and abusive,\nthen wife and husband\nlive together as zombies."}},{"id":"an4.53:8","sourceIds":["an4.53:8.1","an4.53:8.2","an4.53:8.3","an4.53:8.4","an4.53:8.5","an4.53:8.6"],"kind":"text","text":{"pi":"Sāmiko hoti dussīlo,\nkadariyo paribhāsako;\nBhariyā sīlavatī hoti,\nvadaññū vītamaccharā;\nSāpi devī saṁvasati,\nchavena patinā saha.","en":"When the husband is unethical,\nmiserly and abusive,\nbut the wife is ethical,\nbountiful, rid of stinginess,\nshe’s a goddess living\nwith a zombie for a husband."}},{"id":"an4.53:9","sourceIds":["an4.53:9.1","an4.53:9.2","an4.53:9.3","an4.53:9.4","an4.53:9.5","an4.53:9.6"],"kind":"text","text":{"pi":"Sāmiko sīlavā hoti,\nvadaññū vītamaccharo;\nBhariyā hoti dussīlā,\nkadariyā paribhāsikā;\nSāpi chavā saṁvasati,\ndevena patinā saha.","en":"When the husband is ethical,\nbountiful, rid of stinginess,\nbut the wife is unethical,\nmiserly and abusive,\nshe’s a zombie living\nwith a god for a husband."}},{"id":"an4.53:10","sourceIds":["an4.53:10.1","an4.53:10.2","an4.53:10.3","an4.53:10.4"],"kind":"text","text":{"pi":"Ubho saddhā vadaññū ca,\nsaññatā dhammajīvino;\nTe honti jānipatayo,\naññamaññaṁ piyaṁvadā.","en":"When both are faithful and bountiful,\ndisciplined, living righteously,\nthen wife and husband\nsay nice things to each other."}},{"id":"an4.53:11","sourceIds":["an4.53:11.1","an4.53:11.2","an4.53:11.3","an4.53:11.4"],"kind":"text","text":{"pi":"Atthāsaṁ pacurā honti,\nphāsukaṁ upajāyati;\nAmittā dummanā honti,\nubhinnaṁ samasīlinaṁ.","en":"Their needs are amply satisfied,\nso they live at ease.\nTheir enemies are downhearted,\nwhen both are equal in ethics."}},{"id":"an4.53:12","sourceIds":["an4.53:12.1","an4.53:12.2","an4.53:12.3","an4.53:12.4","an4.53:12.5"],"kind":"text","text":{"pi":"Idha dhammaṁ caritvāna,\nsamasīlabbatā ubho;\nNandino devalokasmiṁ,\nmodanti kāmakāmino”ti.\nTatiyaṁ.","en":"Having practiced the teaching here,\nboth equal in precepts and observances,\nthey delight in the heavenly realm,\nenjoying all the pleasures they desire.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.53/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}