{"id":"an4.57","title":"Suppavāsā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.57","title":"Suppavāsā","units":[{"id":"an4.57:0","sourceIds":["an4.57:0.1","an4.57:0.2","an4.57:0.3"],"kind":"text","text":{"pi":"Aṅguttara Nikāya 4.57\n6. Puññābhisandavagga\nSuppavāsāsutta","en":"Numbered Discourses 4.57\n6. Overflowing Merit\nSuppavāsā"}},{"id":"an4.57:1","sourceIds":["an4.57:1.1","an4.57:1.2","an4.57:1.3","an4.57:1.4","an4.57:1.5"],"kind":"text","text":{"pi":"Ekaṁ samayaṁ bhagavā koliyesu viharati pajjanikaṁ nāma koliyānaṁ nigamo.\nAtha kho bhagavā pubbaṇhasamayaṁ nivāsetvā pattacīvaramādāya yena suppavāsāya koliyadhītuyā nivesanaṁ tenupasaṅkami; upasaṅkamitvā paññatte āsane nisīdi.\nAtha kho suppavāsā koliyadhītā bhagavantaṁ paṇītena khādanīyena bhojanīyena sahatthā santappesi sampavāresi.\nAtha kho suppavāsā koliyadhītā bhagavantaṁ bhuttāviṁ onītapattapāṇiṁ ekamantaṁ nisīdi.\nEkamantaṁ nisinnaṁ kho suppavāsaṁ koliyadhītaraṁ bhagavā etadavoca:","en":"At one time the Buddha was staying in the land of the Koliyans, where they have a town named Pajjanika.\nThen the Buddha robed up in the morning and, taking his bowl and robe, went to the home of Suppavāsā the Koliyan, where he sat down on the seat spread out.\nThen Suppavāsā served and satisfied the Buddha with her own hands with delicious fresh and cooked foods.\nWhen the Buddha had eaten and washed his hand and bowl, she sat down to one side.\nThe Buddha said to her:"}},{"id":"an4.57:2","sourceIds":["an4.57:2.1","an4.57:2.2","an4.57:2.3","an4.57:2.4","an4.57:2.5","an4.57:2.6","an4.57:2.7","an4.57:2.8"],"kind":"text","text":{"pi":"“Bhojanaṁ, suppavāse, dentī ariyasāvikā paṭiggāhakānaṁ cattāri ṭhānāni deti.\nKatamāni cattāri?\nĀyuṁ deti, vaṇṇaṁ deti, sukhaṁ deti, balaṁ deti.\nĀyuṁ kho pana datvā āyussa bhāginī hoti dibbassa vā mānusassa vā.\nVaṇṇaṁ datvā vaṇṇassa bhāginī hoti dibbassa vā mānusassa vā.\nSukhaṁ datvā sukhassa bhāginī hoti dibbassa vā mānusassa vā.\nBalaṁ datvā balassa bhāginī hoti dibbassa vā mānusassa vā.\nBhojanaṁ, suppavāse, dentī ariyasāvikā paṭiggāhakānaṁ imāni cattāri ṭhānāni detīti.","en":"“Suppavāsā, when a noble disciple gives food, she gives the recipients four things.\nWhat four?\nLong life, beauty, happiness, and strength.\nGiving long life, she has long life as a god or human.\nGiving beauty, she has beauty as a god or human.\nGiving happiness, she has happiness as a god or human.\nGiving strength, she has strength as a god or human.\nWhen a noble disciple gives food, she gives the recipients these four things."}},{"id":"an4.57:3","sourceIds":["an4.57:3.1","an4.57:3.2","an4.57:3.3","an4.57:3.4","an4.57:3.5","an4.57:3.6"],"kind":"text","text":{"pi":"Susaṅkhataṁ bhojanaṁ yā dadāti,\nSuciṁ paṇītaṁ rasasā upetaṁ;\nSā dakkhiṇā ujjugatesu dinnā,\nCaraṇūpapannesu mahaggatesu;\nPuññena puññaṁ saṁsandamānā,\nMahapphalā lokavidūna vaṇṇitā.","en":"When she gives well-prepared food,\npure, fine, and full of flavor,\nthat offering—given to the sincere,\nwho have good conduct, and are big-hearted—\njoins merit to merit. It’s very fruitful,\nand is praised by those who know the world."}},{"id":"an4.57:4","sourceIds":["an4.57:4.1","an4.57:4.2","an4.57:4.3","an4.57:4.4","an4.57:4.5"],"kind":"text","text":{"pi":"Etādisaṁ yaññamanussarantā,\nYe vedajātā vicaranti loke;\nVineyya maccheramalaṁ samūlaṁ,\nAninditā saggamupenti ṭhānan”ti.\nSattamaṁ.","en":"Those who recall such sacrifices,\nlive in the world full of inspiration.\nThey’ve driven out the stain of stinginess, root and all,\nblameless, they go to a heavenly place.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.57/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}