{"id":"an4.58","title":"Sudatta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.58","title":"Sudatta","units":[{"id":"an4.58:0","sourceIds":["an4.58:0.1","an4.58:0.2","an4.58:0.3"],"kind":"text","text":{"pi":"Aṅguttara Nikāya 4.58\n6. Puññābhisandavagga\nSudattasutta","en":"Numbered Discourses 4.58\n6. Overflowing Merit\nSudatta"}},{"id":"an4.58:1","sourceIds":["an4.58:1.1"],"kind":"text","text":{"pi":"Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho anāthapiṇḍikaṁ gahapatiṁ bhagavā etadavoca:","en":"Then the householder Anāthapiṇḍika went up to the Buddha, bowed, and sat down to one side. The Buddha said to him:"}},{"id":"an4.58:2","sourceIds":["an4.58:2.1","an4.58:2.2","an4.58:2.3","an4.58:2.4","an4.58:2.5","an4.58:2.6"],"kind":"text","text":{"pi":"“Bhojanaṁ, gahapati, dadamāno ariyasāvako paṭiggāhakānaṁ cattāri ṭhānāni deti.\nKatamāni cattāri?\nĀyuṁ deti, vaṇṇaṁ deti, sukhaṁ deti, balaṁ deti.\nĀyuṁ kho pana datvā āyussa bhāgī hoti dibbassa vā mānusassa vā.\nVaṇṇaṁ datvā … sukhaṁ datvā … balaṁ datvā balassa bhāgī hoti dibbassa vā mānusassa vā.\nBhojanaṁ, gahapati, dadamāno ariyasāvako paṭiggāhakānaṁ imāni cattāri ṭhānāni detīti.","en":"“Householder, when a noble disciple gives food, they give the recipients four things.\nWhat four?\nLong life, beauty, happiness, and strength.\nGiving long life, they have long life as a god or human. …\nGiving beauty … happiness … strength …\nWhen a noble disciple gives food, they give the recipients these four things."}},{"id":"an4.58:3","sourceIds":["an4.58:3.1","an4.58:3.2","an4.58:3.3","an4.58:3.4"],"kind":"text","text":{"pi":"Yo saññatānaṁ paradattabhojinaṁ,\nKālena sakkacca dadāti bhojanaṁ;\nCattāri ṭhānāni anuppavecchati,\nĀyuñca vaṇṇañca sukhaṁ balañca.","en":"Carefully giving food at the right time,\nto those who are disciplined, eating only what others give,\nyou provide them with four things:\nlong life, beauty, happiness, and strength."}},{"id":"an4.58:4","sourceIds":["an4.58:4.1","an4.58:4.2","an4.58:4.3","an4.58:4.4","an4.58:4.5"],"kind":"text","text":{"pi":"So āyudāyī vaṇṇadāyī,\nsukhaṁ balaṁ dado naro;\nDīghāyu yasavā hoti,\nyattha yatthūpapajjatī”ti.\nAṭṭhamaṁ.","en":"A person who gives long life, beauty,\nhappiness, and strength,\nhas long life and fame\nwherever they’re reborn.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.58/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}