{"id":"an4.67","title":"The Snake King","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.67","title":"The Snake King","units":[{"id":"an4.67:0","sourceIds":["an4.67:0.1","an4.67:0.2","an4.67:0.3"],"kind":"text","text":{"pi":"Aṅguttara Nikāya 4.67\n7. Pattakammavagga\nAhirājasutta","en":"Numbered Discourses 4.67\n7. Fitting Deeds\nThe Snake King"}},{"id":"an4.67:1","sourceIds":["an4.67:1.1","an4.67:1.2","an4.67:1.3","an4.67:1.4"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena sāvatthiyaṁ aññataro bhikkhu ahinā daṭṭho kālaṅkato hoti.\nAtha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“idha, bhante, sāvatthiyaṁ aññataro bhikkhu ahinā daṭṭho kālaṅkato”ti.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow, at that time a monk in Sāvatthī passed away due to a snake bite.\nThen several mendicants went up to the Buddha, bowed, sat down to one side, and said to him,\n“Sir, a monk in Sāvatthī has passed away due to a snake bite.”"}},{"id":"an4.67:2","sourceIds":["an4.67:2.1","an4.67:2.2"],"kind":"text","text":{"pi":"“Na hi nūna so, bhikkhave, bhikkhu cattāri ahirājakulāni mettena cittena phari.\nSace hi so, bhikkhave, bhikkhu cattāri ahirājakulāni mettena cittena phareyya, na hi so, bhikkhave, bhikkhu ahinā daṭṭho kālaṁ kareyya.","en":"“Mendicants, that monk mustn’t have spread a mind of love to the four royal snake families.\nIf he had, he wouldn’t have died due to a snake bite."}},{"id":"an4.67:3","sourceIds":["an4.67:3.1","an4.67:3.2","an4.67:3.3","an4.67:3.4"],"kind":"text","text":{"pi":"Katamāni cattāri?\nVirūpakkhaṁ ahirājakulaṁ, erāpathaṁ ahirājakulaṁ, chabyāputtaṁ ahirājakulaṁ, kaṇhāgotamakaṁ ahirājakulaṁ.\nNa hi nūna so, bhikkhave, bhikkhu imāni cattāri ahirājakulāni mettena cittena phari.\nSace hi so, bhikkhave, bhikkhu imāni cattāri ahirājakulāni mettena cittena phareyya, na hi so, bhikkhave, bhikkhu ahinā daṭṭho kālaṁ kareyya.","en":"What four?\nThe royal snake families of Virūpakkha, Erāpatha, Chabyāputta, and Kaṇhāgotamaka. …"}},{"id":"an4.67:4","sourceIds":["an4.67:4.1"],"kind":"text","text":{"pi":"Anujānāmi, bhikkhave, imāni cattāri ahirājakulāni mettena cittena pharituṁ attaguttiyā attarakkhāya attaparittāyāti.","en":"Mendicants, I urge you to spread a mind of love to the four royal snake families, for your own safety, security, and protection."}},{"id":"an4.67:5","sourceIds":["an4.67:5.1","an4.67:5.2","an4.67:5.3","an4.67:5.4"],"kind":"text","text":{"pi":"Virūpakkhehi me mettaṁ,\nMettaṁ erāpathehi me;\nChabyāputtehi me mettaṁ,\nMettaṁ kaṇhāgotamakehi ca.","en":"I love the Virūpakkhas,\nthe Erāpathas I love,\nI love the Chabyāputtas,\nthe Kaṇhāgotamakas I love."}},{"id":"an4.67:6","sourceIds":["an4.67:6.1","an4.67:6.2","an4.67:6.3","an4.67:6.4"],"kind":"text","text":{"pi":"Apādakehi me mettaṁ,\nmettaṁ dvipādakehi me;\nCatuppadehi me mettaṁ,\nmettaṁ bahuppadehi me.","en":"I love the footless creatures,\nthe two-footed I love,\nI love the four-footed,\nthe many-footed I love."}},{"id":"an4.67:7","sourceIds":["an4.67:7.1","an4.67:7.2","an4.67:7.3","an4.67:7.4"],"kind":"text","text":{"pi":"Mā maṁ apādako hiṁsi,\nmā maṁ hiṁsi dvipādako;\nMā maṁ catuppado hiṁsi,\nmā maṁ hiṁsi bahuppado.","en":"May the footless not harm me!\nMay I not be harmed by the two-footed!\nMay the four-footed not harm me!\nMay I not be harmed by the many-footed!"}},{"id":"an4.67:8","sourceIds":["an4.67:8.1","an4.67:8.2","an4.67:8.3","an4.67:8.4"],"kind":"text","text":{"pi":"Sabbe sattā sabbe pāṇā,\nsabbe bhūtā ca kevalā;\nSabbe bhadrāni passantu,\nmā kañci pāpamāgamā.","en":"All sentient beings, all living things,\nall creatures, every one:\nmay they see only nice things,\nmay bad not come to anyone."}},{"id":"an4.67:9","sourceIds":["an4.67:9.1","an4.67:9.2","an4.67:9.3","an4.67:9.4"],"kind":"text","text":{"pi":"Appamāṇo buddho,\nAppamāṇo dhammo;\nAppamāṇo saṅgho,\nPamāṇavantāni sarīsapāni.","en":"The Buddha is immeasurable,\nthe teaching is immeasurable,\nthe Saṅgha is immeasurable.\nBut limited are reptiles,"}},{"id":"an4.67:10","sourceIds":["an4.67:10.1","an4.67:10.2","an4.67:10.3","an4.67:10.4","an4.67:10.5","an4.67:10.6","an4.67:10.7"],"kind":"text","text":{"pi":"Ahivicchikā satapadī,\nUṇṇanābhī sarabū mūsikā;\nKatā me rakkhā katā me parittā,\nPaṭikkamantu bhūtāni;\nSohaṁ namo bhagavato,\nNamo sattannaṁ sammāsambuddhānan”ti.\nSattamaṁ.","en":"snakes and scorpions, centipedes,\nspiders and lizards and mice.\nI’ve made this safeguard, I’ve made this protection:\ngo away, creatures!\nAnd so I revere the Blessed One,\nI revere the seven perfectly awakened Buddhas.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.67/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}