{"id":"an4.68","title":"Devadatta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.68","title":"Devadatta","units":[{"id":"an4.68:0","sourceIds":["an4.68:0.1","an4.68:0.2","an4.68:0.3"],"kind":"text","text":{"pi":"Aṅguttara Nikāya 4.68\n7. Pattakammavagga\nDevadattasutta","en":"Numbered Discourses 4.68\n7. Fitting Deeds\nDevadatta"}},{"id":"an4.68:1","sourceIds":["an4.68:1.1","an4.68:1.2","an4.68:1.3","an4.68:1.4"],"kind":"text","text":{"pi":"Ekaṁ samayaṁ bhagavā rājagahe viharati gijjhakūṭe pabbate acirapakkante devadatte.\nTatra kho bhagavā devadattaṁ ārabbha bhikkhū āmantesi:\n“attavadhāya, bhikkhave, devadattassa lābhasakkārasiloko udapādi.\nParābhavāya, bhikkhave, devadattassa lābhasakkārasiloko udapādi.","en":"At one time the Buddha was staying near Rājagaha, on the Vulture’s Peak Mountain, not long after Devadatta had left.\nThere the Buddha spoke to the mendicants about Devadatta:\n“Possessions, honor, and popularity came to Devadatta for his own ruin and downfall."}},{"id":"an4.68:2","sourceIds":["an4.68:2.1","an4.68:2.2"],"kind":"text","text":{"pi":"Seyyathāpi, bhikkhave, kadalī attavadhāya phalaṁ deti, parābhavāya phalaṁ deti;\nevamevaṁ kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi.","en":"It’s like a banana plant …"}},{"id":"an4.68:3","sourceIds":["an4.68:3.1","an4.68:3.2"],"kind":"text","text":{"pi":"Seyyathāpi, bhikkhave, veḷu attavadhāya phalaṁ deti, parābhavāya phalaṁ deti;\nevamevaṁ kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi.","en":"or a bamboo …"}},{"id":"an4.68:4","sourceIds":["an4.68:4.1","an4.68:4.2"],"kind":"text","text":{"pi":"Seyyathāpi, bhikkhave, naḷo attavadhāya phalaṁ deti, parābhavāya phalaṁ deti;\nevamevaṁ kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi.","en":"or a reed, all of which bear fruit to their own ruin and downfall …"}},{"id":"an4.68:5","sourceIds":["an4.68:5.1","an4.68:5.2"],"kind":"text","text":{"pi":"Seyyathāpi, bhikkhave, assatarī attavadhāya gabbhaṁ gaṇhāti, parābhavāya gabbhaṁ gaṇhāti;\nevamevaṁ kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādīti.","en":"It’s like a mule, which becomes pregnant to its own ruin and downfall.\nIn the same way, possessions, honor, and popularity came to Devadatta for his own ruin and downfall."}},{"id":"an4.68:6","sourceIds":["an4.68:6.1","an4.68:6.2","an4.68:6.3","an4.68:6.4","an4.68:6.5"],"kind":"text","text":{"pi":"Phalaṁ ve kadaliṁ hanti,\nphalaṁ veḷuṁ phalaṁ naḷaṁ;\nSakkāro kāpurisaṁ hanti,\ngabbho assatariṁ yathā”ti.\nAṭṭhamaṁ.","en":"The banana plant is destroyed by its own fruit,\nas are the bamboo and the reed.\nHonor destroys a reprobate,\nas pregnancy destroys a mule.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.68/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}