{"id":"an4.7","title":"Grace","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.7","title":"Grace","units":[{"id":"an4.7:0","sourceIds":["an4.7:0.1","an4.7:0.2","an4.7:0.3"],"kind":"text","text":{"pi":"Aṅguttara Nikāya 4.7\n1. Bhaṇḍagāmavagga\nSobhanasutta","en":"Numbered Discourses 4.7\n1. At Wares Village\nGrace"}},{"id":"an4.7:1","sourceIds":["an4.7:1.1","an4.7:1.2","an4.7:1.3","an4.7:1.4","an4.7:1.5","an4.7:1.6","an4.7:1.7"],"kind":"text","text":{"pi":"“Cattārome, bhikkhave, viyattā vinītā visāradā bahussutā dhammadharā dhammānudhammappaṭipannā saṅghaṁ sobhenti.\nKatame cattāro?\nBhikkhu, bhikkhave, viyatto vinīto visārado bahussuto dhammadharo dhammānudhammappaṭipanno saṅghaṁ sobheti.\nBhikkhunī, bhikkhave, viyattā vinītā visāradā bahussutā dhammadharā dhammānudhammappaṭipannā saṅghaṁ sobheti.\nUpāsako, bhikkhave, viyatto vinīto visārado bahussuto dhammadharo dhammānudhammappaṭipanno saṅghaṁ sobheti.\nUpāsikā, bhikkhave, viyattā vinītā visāradā bahussutā dhammadharā dhammānudhammappaṭipannā saṅghaṁ sobheti.\nIme kho, bhikkhave, cattāro viyattā vinītā visāradā bahussutā dhammadharā dhammānudhammappaṭipannā saṅghaṁ sobhentīti.","en":"“Mendicants, these four who are competent, educated, self-assured, and learned, who have memorized the teachings and practice in line with the teaching, grace the Saṅgha.\nWhat four?\nA monk,\na nun,\na layman,\nand a laywoman.\nThese four who are competent, educated, self-assured, and learned, who have memorized the teachings and practice in line with the teaching, grace the Saṅgha."}},{"id":"an4.7:2","sourceIds":["an4.7:2.1","an4.7:2.2","an4.7:2.3","an4.7:2.4"],"kind":"text","text":{"pi":"Yo hoti viyatto ca visārado ca,\nBahussuto dhammadharo ca hoti;\nDhammassa hoti anudhammacārī,\nSa tādiso vuccati saṅghasobhano.","en":"Whoever is competent and self-assured,\nlearned, a memorizer of the teachings,\nwho lives in line with the teaching—\nsuch a one is said to grace the Saṅgha."}},{"id":"an4.7:3","sourceIds":["an4.7:3.1","an4.7:3.2","an4.7:3.3","an4.7:3.4","an4.7:3.5","an4.7:3.6","an4.7:3.7"],"kind":"text","text":{"pi":"Bhikkhu ca sīlasampanno,\nbhikkhunī ca bahussutā;\nUpāsako ca yo saddho,\nyā ca saddhā upāsikā;\nEte kho saṅghaṁ sobhenti,\nete hi saṅghasobhanā”ti.\nSattamaṁ.","en":"A monk accomplished in ethics,\nand a learned nun,\na faithful layman,\nand a faithful laywoman, too:\nthese grace the Saṅgha,\nthey are the graces of the Saṅgha.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}