{"id":"an4.76","title":"At Kusinārā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.76","title":"At Kusinārā","units":[{"id":"an4.76:0","sourceIds":["an4.76:0.1","an4.76:0.2","an4.76:0.3"],"kind":"text","text":{"pi":"Aṅguttara Nikāya 4.76\n8. Apaṇṇakavagga\nKusinārasutta","en":"Numbered Discourses 4.76\n8.  Sure Bet\nAt Kusinārā"}},{"id":"an4.76:1","sourceIds":["an4.76:1.1","an4.76:1.2","an4.76:1.3","an4.76:1.4","an4.76:1.5"],"kind":"text","text":{"pi":"Ekaṁ samayaṁ bhagavā kusinārāyaṁ viharati upavattane mallānaṁ sālavane antarena yamakasālānaṁ parinibbānasamaye.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"At one time the Buddha was staying between a pair of sal trees in the sal forest of the Mallas at Upavattana near Kusinārā at the time of his full extinguishment.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"an4.76:2","sourceIds":["an4.76:2.1","an4.76:2.2","an4.76:2.3"],"kind":"text","text":{"pi":"“Siyā kho pana, bhikkhave, ekabhikkhussapi kaṅkhā vā vimati vā buddhe vā dhamme vā saṅghe vā magge vā paṭipadāya vā, pucchatha, bhikkhave, mā pacchā vippaṭisārino ahuvattha:\n‘sammukhībhūto no satthā ahosi, nāsakkhimha bhagavantaṁ sammukhā paṭipucchitun’”ti.\nEvaṁ vutte, te bhikkhū tuṇhī ahesuṁ.","en":"“Perhaps even a single mendicant has doubt or uncertainty regarding the Buddha, the teaching, the Saṅgha, the path, or the practice. So ask, mendicants! Don’t regret it later, thinking:\n‘We were in the Teacher’s presence and we weren’t able to ask the Buddha a question.’”\nWhen this was said, the mendicants kept silent."}},{"id":"an4.76:3","sourceIds":["an4.76:3.1","an4.76:3.2","an4.76:3.3","an4.76:3.4"],"kind":"text","text":{"pi":"Dutiyampi kho bhagavā bhikkhū āmantesi:\n“siyā kho pana, bhikkhave, ekabhikkhussapi kaṅkhā vā vimati vā buddhe vā dhamme vā saṅghe vā magge vā paṭipadāya vā, pucchatha, bhikkhave, mā pacchā vippaṭisārino ahuvattha:\n‘sammukhībhūto no satthā ahosi, nāsakkhimha bhagavantaṁ sammukhā paṭipucchitun’”ti.\nDutiyampi kho te bhikkhū tuṇhī ahesuṁ.","en":"For a second time the Buddha addressed the mendicants: …\nFor a second time, the mendicants kept silent."}},{"id":"an4.76:4","sourceIds":["an4.76:4.1","an4.76:4.2","an4.76:4.3","an4.76:4.4"],"kind":"text","text":{"pi":"Tatiyampi kho bhagavā bhikkhū āmantesi:\n“siyā kho pana, bhikkhave, ekabhikkhussapi kaṅkhā vā vimati vā buddhe vā dhamme vā saṅghe vā magge vā paṭipadāya vā, pucchatha, bhikkhave, mā pacchā vippaṭisārino ahuvattha:\n‘sammukhībhūto no satthā ahosi, nāsakkhimha bhagavantaṁ sammukhā paṭipucchitun’”ti.\nTatiyampi kho te bhikkhū tuṇhī ahesuṁ.","en":"For a third time the Buddha addressed the mendicants: …\nFor a third time, the mendicants kept silent."}},{"id":"an4.76:5","sourceIds":["an4.76:5.1","an4.76:5.2","an4.76:5.3","an4.76:5.4","an4.76:5.5","an4.76:5.6"],"kind":"text","text":{"pi":"Atha kho bhagavā bhikkhū āmantesi:\n“siyā kho pana, bhikkhave, satthugāravenapi na puccheyyātha, sahāyakopi, bhikkhave, sahāyakassa ārocetū”ti.\nEvaṁ vutte, te bhikkhū tuṇhī ahesuṁ.\nAtha kho āyasmā ānando bhagavantaṁ etadavoca:\n“acchariyaṁ, bhante, abbhutaṁ, bhante.\nEvaṁ pasanno ahaṁ, bhante. Natthi imasmiṁ bhikkhusaṅghe ekabhikkhussapi kaṅkhā vā vimati vā buddhe vā dhamme vā saṅghe vā magge vā paṭipadāya vā”ti.","en":"Then the Buddha said to the mendicants:\n“Mendicants, perhaps you don’t ask out of respect for the Teacher. So let a friend tell a friend.”\nWhen this was said, the mendicants kept silent.\nThen Venerable Ānanda said to the Buddha:\n“It’s incredible, sir, it’s amazing!\nI am quite confident that there’s not even a single mendicant in this Saṅgha who has doubt or uncertainty regarding the Buddha, the teaching, the Saṅgha, the path, or the practice.”"}},{"id":"an4.76:6","sourceIds":["an4.76:6.1","an4.76:6.2","an4.76:6.3"],"kind":"text","text":{"pi":"“Pasādā kho tvaṁ, ānanda, vadesi. Ñāṇameva hettha, ānanda, tathāgatassa: ‘natthi imasmiṁ bhikkhusaṅghe ekabhikkhussapi kaṅkhā vā vimati vā buddhe vā dhamme vā saṅghe vā magge vā paṭipadāya vā’.\nImesañhi, ānanda, pañcannaṁ bhikkhusatānaṁ yo pacchimako bhikkhu so sotāpanno avinipātadhammo niyato sambodhiparāyaṇo”ti.\nChaṭṭhaṁ.","en":"“Ānanda, you speak from faith. But the Realized One knows that there’s not even a single mendicant in this Saṅgha who has doubt or uncertainty regarding the Buddha, the teaching, the Saṅgha, the path, or the practice.\nEven the last of these five hundred mendicants is a stream-enterer, not liable to be reborn in the underworld, assured, destined for awakening.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.76/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}