{"id":"an4.77","title":"Unthinkable","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.77","title":"Unthinkable","units":[{"id":"an4.77:0","sourceIds":["an4.77:0.1","an4.77:0.2","an4.77:0.3"],"kind":"text","text":{"pi":"Aṅguttara Nikāya 4.77\n8. Apaṇṇakavagga\nAcinteyyasutta","en":"Numbered Discourses 4.77\n8.  Sure Bet\nUnthinkable"}},{"id":"an4.77:1","sourceIds":["an4.77:1.1","an4.77:1.2","an4.77:1.3","an4.77:1.4","an4.77:1.5","an4.77:1.6","an4.77:1.7","an4.77:1.8","an4.77:1.9","an4.77:1.10","an4.77:1.11","an4.77:1.12"],"kind":"text","text":{"pi":"“Cattārimāni, bhikkhave, acinteyyāni, na cintetabbāni; yāni cintento ummādassa vighātassa bhāgī assa.\nKatamāni cattāri?\nBuddhānaṁ, bhikkhave, buddhavisayo acinteyyo, na cintetabbo;\nyaṁ cintento ummādassa vighātassa bhāgī assa.\nJhāyissa, bhikkhave, jhānavisayo acinteyyo, na cintetabbo;\nyaṁ cintento ummādassa vighātassa bhāgī assa.\nKammavipāko, bhikkhave, acinteyyo, na cintetabbo;\nyaṁ cintento ummādassa vighātassa bhāgī assa.\nLokacintā, bhikkhave, acinteyyā, na cintetabbā;\nyaṁ cintento ummādassa vighātassa bhāgī assa.\nImāni kho, bhikkhave, cattāri acinteyyāni, na cintetabbāni; yāni cintento ummādassa vighātassa bhāgī assā”ti.\nSattamaṁ.","en":"“Mendicants, these four things are unthinkable. They should not be thought about, and anyone who tries to think about them will go mad or get frustrated.\nWhat four?\nThe domain of the Buddhas …\nThe domain of one in absorption …\nThe results of deeds …\nSpeculation about the world …\nThese are the four unthinkable things. They should not be thought about, and anyone who tries to think about them will go mad or get frustrated.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.77/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}