{"id":"an4.87","title":"The Son","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.87","title":"The Son","units":[{"id":"an4.87:0","sourceIds":["an4.87:0.1","an4.87:0.2","an4.87:0.3"],"kind":"text","text":{"pi":"Aṅguttara Nikāya 4.87\n9. Macalavagga\nPuttasutta","en":"Numbered Discourses 4.87\n9. Confirmed\nThe Son"}},{"id":"an4.87:1","sourceIds":["an4.87:1.1","an4.87:1.2","an4.87:1.3"],"kind":"text","text":{"pi":"“Cattārome, bhikkhave, puggalā santo saṁvijjamānā lokasmiṁ.\nKatame cattāro?\nSamaṇamacalo, samaṇapuṇḍarīko, samaṇapadumo, samaṇesu samaṇasukhumālo.","en":"“Mendicants, these four individuals are found in the world.\nWhat four?\nThe confirmed ascetic, the white lotus ascetic, the pink lotus ascetic, and the delicate ascetic of ascetics."}},{"id":"an4.87:2","sourceIds":["an4.87:2.1","an4.87:2.2","an4.87:2.3","an4.87:2.4","an4.87:2.5","an4.87:2.6"],"kind":"text","text":{"pi":"Kathañca, bhikkhave, puggalo samaṇamacalo hoti?\nIdha, bhikkhave, bhikkhu sekho hoti pāṭipado;\nanuttaraṁ yogakkhemaṁ patthayamāno viharati.\nSeyyathāpi, bhikkhave, rañño khattiyassa muddhāvasittassa jeṭṭho putto ābhiseko anabhisitto macalappatto;\nevamevaṁ kho, bhikkhave, bhikkhu sekho hoti pāṭipado, anuttaraṁ yogakkhemaṁ patthayamāno viharati.\nEvaṁ kho, bhikkhave, puggalo samaṇamacalo hoti.","en":"And how is an individual a confirmed ascetic?\nIt’s when a mendicant is a practicing trainee,\nwho lives aspiring to the supreme sanctuary from the yoke.\nIt’s like the eldest son of an anointed aristocratic king. He has not yet been anointed, but is eligible, and has been confirmed in the succession.\nIn the same way, a mendicant is a practicing trainee, who lives aspiring to the supreme sanctuary from the yoke.\nThat’s how an individual is a confirmed ascetic."}},{"id":"an4.87:3","sourceIds":["an4.87:3.1","an4.87:3.2","an4.87:3.3"],"kind":"text","text":{"pi":"Kathañca, bhikkhave, puggalo samaṇapuṇḍarīko hoti?\nIdha, bhikkhave, bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati, no ca kho aṭṭha vimokkhe kāyena phusitvā viharati.\nEvaṁ kho, bhikkhave, puggalo samaṇapuṇḍarīko hoti.","en":"And how is an individual a white lotus ascetic?\nIt’s when a mendicant realizes the undefiled freedom of heart and freedom by wisdom. And they live having realized it with their own insight in this very life due to the ending of defilements. But they don’t have direct meditative experience of the eight liberations.\nThat’s how an individual is a white lotus ascetic."}},{"id":"an4.87:4","sourceIds":["an4.87:4.1","an4.87:4.2","an4.87:4.3"],"kind":"text","text":{"pi":"Kathañca, bhikkhave, puggalo samaṇapadumo hoti?\nIdha, bhikkhave, bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati, aṭṭha ca vimokkhe kāyena phusitvā viharati.\nEvaṁ kho, bhikkhave, puggalo samaṇapadumo hoti.","en":"And how is an individual a pink lotus ascetic?\nIt’s when a mendicant realizes the undefiled freedom of heart and freedom by wisdom … in this very life … And they have direct meditative experience of the eight liberations.\nThat’s how an individual is a pink lotus ascetic."}},{"id":"an4.87:5","sourceIds":["an4.87:5.1","an4.87:5.2","an4.87:5.3","an4.87:5.4","an4.87:5.5","an4.87:5.6","an4.87:5.7","an4.87:5.8"],"kind":"text","text":{"pi":"Kathañca, bhikkhave, puggalo samaṇesu samaṇasukhumālo hoti?\nIdha, bhikkhave, bhikkhu yācitova bahulaṁ cīvaraṁ paribhuñjati, appaṁ ayācito; yācitova bahulaṁ piṇḍapātaṁ paribhuñjati, appaṁ ayācito; yācitova bahulaṁ senāsanaṁ paribhuñjati, appaṁ ayācito; yācitova bahulaṁ gilānappaccayabhesajjaparikkhāraṁ paribhuñjati, appaṁ ayācito.\nYehi kho pana sabrahmacārīhi saddhiṁ viharati, tyassa manāpeneva bahulaṁ kāyakammena samudācaranti, appaṁ amanāpena; manāpeneva bahulaṁ vacīkammena samudācaranti, appaṁ amanāpena; manāpeneva bahulaṁ manokammena samudācaranti, appaṁ amanāpena;\nmanāpaṁyeva bahulaṁ upahāraṁ upaharanti, appaṁ amanāpaṁ.\nYāni kho pana tāni vedayitāni pittasamuṭṭhānāni vā semhasamuṭṭhānāni vā vātasamuṭṭhānāni vā sannipātikāni vā utupariṇāmajāni vā visamaparihārajāni vā opakkamikāni vā kammavipākajāni vā, tāni panassa na bahudeva uppajjanti. Appābādho hoti.\nCatunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī,\nāsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nEvaṁ kho, bhikkhave, puggalo samaṇesu samaṇasukhumālo hoti.","en":"And how is an individual a delicate ascetic of ascetics?\nIt’s when a mendicant usually uses only what they’ve been invited to accept—robes, almsfood, lodgings, and medicines and supplies for the sick—rarely using them without invitation.\nWhen living with other spiritual practitioners, they usually find themselves treated agreeably by them by way of body, speech, and mind, and rarely disagreeably.\nAnd they are usually presented with agreeable things by them, rarely with disagreeable ones.\nThey’re healthy, so the various unpleasant feelings—stemming from disorders of bile, phlegm, wind, or their conjunction; or caused by change in weather, by not taking care of yourself, by exertion, or as the result of past deeds—usually don’t come up.\nThey get the four absorptions—blissful meditations in this life that belong to the higher mind—when they want, without trouble or difficulty.\nAnd they realize the undefiled freedom of heart and freedom by wisdom … in this very life …\nThat’s how an individual is a delicate ascetic of ascetics."}},{"id":"an4.87:6","sourceIds":["an4.87:6.1","an4.87:6.2","an4.87:6.3","an4.87:6.4","an4.87:6.5","an4.87:6.6"],"kind":"text","text":{"pi":"Yañhi taṁ, bhikkhave, sammā vadamāno vadeyya samaṇesu samaṇasukhumāloti, mameva taṁ, bhikkhave, sammā vadamāno vadeyya samaṇesu samaṇasukhumāloti.\nAhañhi, bhikkhave, yācitova bahulaṁ cīvaraṁ paribhuñjāmi, appaṁ ayācito; yācitova bahulaṁ piṇḍapātaṁ paribhuñjāmi, appaṁ ayācito; yācitova bahulaṁ senāsanaṁ paribhuñjāmi, appaṁ ayācito; yācitova bahulaṁ gilānappaccayabhesajjaparikkhāraṁ paribhuñjāmi, appaṁ ayācito.\nYehi kho pana bhikkhūhi saddhiṁ viharāmi te me manāpeneva bahulaṁ kāyakammena samudācaranti, appaṁ amanāpena; manāpeneva bahulaṁ vacīkammena samudācaranti, appaṁ amanāpena; manāpeneva bahulaṁ manokammena samudācaranti, appaṁ amanāpena; manāpaṁyeva bahulaṁ upahāraṁ upaharanti, appaṁ amanāpaṁ.\nYāni kho pana tāni vedayitāni pittasamuṭṭhānāni vā semhasamuṭṭhānāni vā vātasamuṭṭhānāni vā sannipātikāni vā utupariṇāmajāni vā visamaparihārajāni vā opakkamikāni vā kammavipākajāni vā, tāni me na bahudeva uppajjanti. Appābādhohamasmi.\nCatunnaṁ kho panasmi jhānānaṁ ābhicetasikānaṁ diṭṭhadhammasukhavihārānaṁ nikāmalābhī akicchalābhī akasiralābhī,\nāsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharāmi.","en":"And if anyone should be rightly called a delicate ascetic of ascetics, it’s me.\nFor I usually use only what I’ve been invited to accept …\nWhen living with other mendicants, I am usually treated agreeably by them.  …\nI’m healthy …\nI get the four absorptions when I want, without trouble or difficulty.\nAnd I’ve realized the undefiled freedom of heart and freedom by wisdom … in this very life …"}},{"id":"an4.87:7","sourceIds":["an4.87:7.1","an4.87:7.2","an4.87:7.3"],"kind":"text","text":{"pi":"Yañhi taṁ, bhikkhave, sammā vadamāno vadeyya samaṇesu samaṇasukhumāloti, mameva taṁ, bhikkhave, sammā vadamāno vadeyya samaṇesu samaṇasukhumāloti.\nIme kho, bhikkhave, cattāro puggalā santo saṁvijjamānā lokasmin”ti.\nSattamaṁ.","en":"So if anyone should be rightly called a delicate ascetic of ascetics, it’s me.\nThese are the four individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.87/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}