{"id":"an4.94","title":"Immersion (3rd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.94","title":"Immersion (3rd)","units":[{"id":"an4.94:0","sourceIds":["an4.94:0.1","an4.94:0.2","an4.94:0.3"],"kind":"text","text":{"pi":"Aṅguttara Nikāya 4.94\n10. Asuravagga\nTatiyasamādhisutta","en":"Numbered Discourses 4.94\n10. Titans\nImmersion (3rd)"}},{"id":"an4.94:1","sourceIds":["an4.94:1.1","an4.94:1.2","an4.94:1.3","an4.94:1.4","an4.94:1.5","an4.94:1.6"],"kind":"text","text":{"pi":"“Cattārome, bhikkhave, puggalā santo saṁvijjamānā lokasmiṁ.\nKatame cattāro?\nIdha, bhikkhave, ekacco puggalo lābhī hoti ajjhattaṁ cetosamathassa, na lābhī adhipaññādhammavipassanāya.\nIdha pana, bhikkhave, ekacco puggalo lābhī hoti adhipaññādhammavipassanāya, na lābhī ajjhattaṁ cetosamathassa.\nIdha pana, bhikkhave, ekacco puggalo na ceva lābhī hoti ajjhattaṁ cetosamathassa na ca lābhī adhipaññādhammavipassanāya.\nIdha pana, bhikkhave, ekacco puggalo lābhī ceva hoti ajjhattaṁ cetosamathassa lābhī ca adhipaññādhammavipassanāya.","en":"“Mendicants, these four individuals are found in the world.\nWhat four?\nOne individual has internal serenity of heart, but not the higher wisdom of discernment of principles.\nOne individual has the higher wisdom of discernment of principles, but not internal serenity of heart.\nOne individual has neither internal serenity of heart, nor the higher wisdom of discernment of principles.\nOne individual has both internal serenity of heart, and the higher wisdom of discernment of principles."}},{"id":"an4.94:2","sourceIds":["an4.94:2.1","an4.94:2.2","an4.94:2.3","an4.94:2.4","an4.94:2.5","an4.94:2.6","an4.94:2.7"],"kind":"text","text":{"pi":"Tatra, bhikkhave, yvāyaṁ puggalo lābhī ajjhattaṁ cetosamathassa na lābhī adhipaññādhammavipassanāya, tena, bhikkhave, puggalena yvāyaṁ puggalo lābhī adhipaññādhammavipassanāya so upasaṅkamitvā evamassa vacanīyo:\n‘kathaṁ nu kho, āvuso, saṅkhārā daṭṭhabbā?\nKathaṁ saṅkhārā sammasitabbā?\nKathaṁ saṅkhārā vipassitabbā’ti?\nTassa so yathādiṭṭhaṁ yathāviditaṁ byākaroti:\n‘evaṁ kho, āvuso, saṅkhārā daṭṭhabbā, evaṁ saṅkhārā sammasitabbā, evaṁ saṅkhārā vipassitabbā’ti.\nSo aparena samayena lābhī ceva hoti ajjhattaṁ cetosamathassa lābhī ca adhipaññādhammavipassanāya.","en":"As for the individual who has serenity but not discernment: they should approach someone who has discernment and ask:\n‘Reverend, how should conditions be seen?\nHow should they be comprehended?\nHow should they be discerned?’\nThey would answer from their own experience:\n‘This is how conditions should be seen, comprehended, and discerned.’\nAfter some time they have both serenity and discernment."}},{"id":"an4.94:3","sourceIds":["an4.94:3.1","an4.94:3.2","an4.94:3.3","an4.94:3.4","an4.94:3.5","an4.94:3.6","an4.94:3.7","an4.94:3.8"],"kind":"text","text":{"pi":"Tatra, bhikkhave, yvāyaṁ puggalo lābhī adhipaññādhammavipassanāya na lābhī ajjhattaṁ cetosamathassa, tena, bhikkhave, puggalena yvāyaṁ puggalo lābhī ajjhattaṁ cetosamathassa so upasaṅkamitvā evamassa vacanīyo:\n‘kathaṁ nu kho, āvuso, cittaṁ saṇṭhapetabbaṁ?\nKathaṁ cittaṁ sannisādetabbaṁ?\nKathaṁ cittaṁ ekodi kātabbaṁ?\nKathaṁ cittaṁ samādahātabban’ti?\nTassa so yathādiṭṭhaṁ yathāviditaṁ byākaroti:\n‘evaṁ kho, āvuso, cittaṁ saṇṭhapetabbaṁ, evaṁ cittaṁ sannisādetabbaṁ, evaṁ cittaṁ ekodi kātabbaṁ, evaṁ cittaṁ samādahātabban’ti.\nSo aparena samaye lābhī ceva hoti adhipaññādhammavipassanāya lābhī ca ajjhattaṁ cetosamathassa.","en":"As for the individual who has discernment but not serenity: they should approach someone who has serenity and ask:\n‘Reverend, how should the mind be stilled?\nHow should it be settled?\nHow should it be unified?\nHow should it be immersed in samādhi?’\nThey would answer from their own experience:\n‘Reverend, this is how the mind should be stilled, settled, unified, and immersed in samādhi.’\nAfter some time they have both discernment and serenity."}},{"id":"an4.94:4","sourceIds":["an4.94:4.1","an4.94:4.2","an4.94:4.3","an4.94:4.4","an4.94:4.5","an4.94:4.6","an4.94:4.7","an4.94:4.8","an4.94:4.9","an4.94:4.10","an4.94:4.11"],"kind":"text","text":{"pi":"Tatra, bhikkhave, yvāyaṁ puggalo na ceva lābhī ajjhattaṁ cetosamathassa na ca lābhī adhipaññādhammavipassanāya, tena, bhikkhave, puggalena yvāyaṁ puggalo lābhī ceva ajjhattaṁ cetosamathassa lābhī ca adhipaññādhammavipassanāya so upasaṅkamitvā evamassa vacanīyo:\n‘kathaṁ nu kho, āvuso, cittaṁ saṇṭhapetabbaṁ?\nKathaṁ cittaṁ sannisādetabbaṁ?\nKathaṁ cittaṁ ekodi kātabbaṁ?\nKathaṁ cittaṁ samādahātabbaṁ?\nKathaṁ saṅkhārā daṭṭhabbā?\nKathaṁ saṅkhārā sammasitabbā?\nKathaṁ saṅkhārā vipassitabbā’ti?\nTassa so yathādiṭṭhaṁ yathāviditaṁ byākaroti:\n‘evaṁ kho, āvuso, cittaṁ saṇṭhapetabbaṁ, evaṁ cittaṁ sannisādetabbaṁ, evaṁ cittaṁ ekodi kātabbaṁ, evaṁ cittaṁ samādahātabbaṁ, evaṁ saṅkhārā daṭṭhabbā, evaṁ saṅkhārā sammasitabbā, evaṁ saṅkhārā vipassitabbā’ti.\nSo aparena samayena lābhī ceva hoti ajjhattaṁ cetosamathassa lābhī ca adhipaññādhammavipassanāya.","en":"As for the individual who has neither serenity nor discernment: they should approach someone who has serenity and discernment and ask:\n‘Reverend, how should the mind be stilled?\nHow should it be settled?\nHow should it be unified?\nHow should it be immersed in samādhi?’\nHow should conditions be seen?\nHow should they be comprehended?\nHow should they be discerned?’\nThey would answer as they’ve seen and known:\n‘Reverend, this is how the mind should be stilled, settled, unified, and immersed in samādhi. And this is how conditions should be seen, comprehended, and discerned.’\nAfter some time they have both serenity and discernment."}},{"id":"an4.94:5","sourceIds":["an4.94:5.1","an4.94:5.2","an4.94:5.3"],"kind":"text","text":{"pi":"Tatra, bhikkhave, yvāyaṁ puggalo lābhī ceva hoti ajjhattaṁ cetosamathassa lābhī ca adhipaññādhammavipassanāya, tena, bhikkhave, puggalena tesu ceva kusalesu dhammesu patiṭṭhāya uttari āsavānaṁ khayāya yogo karaṇīyo.\nIme kho, bhikkhave, cattāro puggalā santo saṁvijjamānā lokasmin”ti.\nCatutthaṁ.","en":"As for the individual who has both serenity and discernment: grounded on those skillful qualities, they should practice meditation further to end the defilements.\nThese are the four individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.94/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}