{"id":"an4.99","title":"Training Rules","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.99","title":"Training Rules","units":[{"id":"an4.99:0","sourceIds":["an4.99:0.1","an4.99:0.2","an4.99:0.3"],"kind":"text","text":{"pi":"Aṅguttara Nikāya 4.99\n10. Asuravagga\nSikkhāpadasutta","en":"Numbered Discourses 4.99\n10. Titans\nTraining Rules"}},{"id":"an4.99:1","sourceIds":["an4.99:1.1","an4.99:1.2","an4.99:1.3","an4.99:1.4","an4.99:1.5","an4.99:1.6"],"kind":"text","text":{"pi":"“Cattārome, bhikkhave, puggalā santo saṁvijjamānā lokasmiṁ.\nKatame cattāro?\nattahitāya paṭipanno no parahitāya,\nparahitāya paṭipanno no attahitāya,\nnevattahitāya paṭipanno no parahitāya,\nattahitāya ceva paṭipanno parahitāya ca.","en":"“Mendicants, these four individuals are found in the world.\nWhat four?\nOne who practices to benefit themselves, but not others;\none who practices to benefit others, but not themselves;\none who practices to benefit neither themselves nor others; and\none who practices to benefit both themselves and others."}},{"id":"an4.99:2","sourceIds":["an4.99:2.1","an4.99:2.2","an4.99:2.3","an4.99:2.4","an4.99:2.5","an4.99:2.6","an4.99:2.7"],"kind":"text","text":{"pi":"Kathañca, bhikkhave, puggalo attahitāya paṭipanno hoti, no parahitāya?\nIdha, bhikkhave, ekacco puggalo attanā pāṇātipātā paṭivirato hoti, no paraṁ pāṇātipātā veramaṇiyā samādapeti;\nattanā adinnādānā paṭivirato hoti, no paraṁ adinnādānā veramaṇiyā samādapeti;\nattanā kāmesumicchācārā paṭivirato hoti, no paraṁ kāmesumicchācārā veramaṇiyā samādapeti;\nattanā musāvādā paṭivirato hoti, no paraṁ musāvādā veramaṇiyā samādapeti;\nattanā surāmerayamajjapamādaṭṭhānā paṭivirato hoti, no paraṁ surāmerayamajjapamādaṭṭhānā veramaṇiyā samādapeti.\nEvaṁ kho, bhikkhave, puggalo attahitāya paṭipanno hoti, no parahitāya.","en":"And how does an individual practice to benefit themselves, but not others?\nIt’s when an individual doesn’t kill living creatures, steal, commit sexual misconduct, lie, or consume intoxicants of beer, wine, and liquor. But they don’t encourage others to do the same.\nThat’s how an individual practices to benefit themselves, but not others."}},{"id":"an4.99:3","sourceIds":["an4.99:3.1","an4.99:3.2","an4.99:3.3","an4.99:3.4","an4.99:3.5","an4.99:3.6","an4.99:3.7"],"kind":"text","text":{"pi":"Kathañca, bhikkhave, puggalo parahitāya paṭipanno hoti, no attahitāya?\nIdha, bhikkhave, ekacco puggalo attanā pāṇātipātā appaṭivirato hoti, paraṁ pāṇātipātā veramaṇiyā samādapeti;\nattanā adinnādānā appaṭivirato hoti, paraṁ adinnādānā veramaṇiyā samādapeti;\nattanā kāmesumicchācārā appaṭivirato hoti, paraṁ kāmesumicchācārā veramaṇiyā samādapeti;\nattanā musāvādā appaṭivirato hoti, paraṁ musāvādā veramaṇiyā samādapeti;\nattanā surāmerayamajjapamādaṭṭhānā appaṭivirato hoti, paraṁ surāmerayamajjapamādaṭṭhānā veramaṇiyā samādapeti.\nEvaṁ kho, bhikkhave, puggalo parahitāya paṭipanno hoti, no attahitāya.","en":"And how does an individual practice to benefit others, but not themselves?\nIt’s when an individual kills living creatures, steals, commits sexual misconduct, lies, and consumes intoxicants of beer, wine, and liquor. But they encourage others to not do these things.\nThat’s how an individual practices to benefit others, but not themselves."}},{"id":"an4.99:4","sourceIds":["an4.99:4.1","an4.99:4.2","an4.99:4.3"],"kind":"text","text":{"pi":"Kathañca, bhikkhave, puggalo nevattahitāya paṭipanno hoti no parahitāya?\nIdha, bhikkhave, ekacco puggalo attanā pāṇātipātā appaṭivirato hoti, no paraṁ pāṇātipātā veramaṇiyā samādapeti …pe… attanā surāmerayamajjapamādaṭṭhānā appaṭivirato hoti, no paraṁ surāmerayamajjapamādaṭṭhānā veramaṇiyā samādapeti.\nEvaṁ kho, bhikkhave, puggalo nevattahitāya paṭipanno hoti, no parahitāya.","en":"And how does a person practice to benefit neither themselves nor others?\nIt’s when an individual kills, etc. … and doesn’t encourage others to not do these things.\nThat’s how an individual practices to benefit neither themselves nor others."}},{"id":"an4.99:5","sourceIds":["an4.99:5.1","an4.99:5.2","an4.99:5.3","an4.99:5.4","an4.99:5.5"],"kind":"text","text":{"pi":"Kathañca, bhikkhave, puggalo attahitāya ceva paṭipanno hoti parahitāya ca?\nIdha, bhikkhave, ekacco puggalo attanā ca pāṇātipātā paṭivirato hoti, parañca pāṇātipātā veramaṇiyā samādapeti …pe… attanā ca surāmerayamajjapamādaṭṭhānā paṭivirato hoti, parañca surāmerayamajjapamādaṭṭhānā veramaṇiyā samādapeti.\nEvaṁ kho, bhikkhave, puggalo attahitāya ceva paṭipanno hoti parahitāya ca.\nIme kho, bhikkhave, cattāro puggalā santo saṁvijjamānā lokasmin”ti.\nNavamaṁ.","en":"And how does an individual practice to benefit both themselves and others?\nIt’s when an individual doesn’t kill, etc. … and encourages others to do the same.\nThat’s how an individual practices to benefit both themselves and others.\nThese are the four individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.99/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}