{"id":"an5.100","title":"With Kakudha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.100","title":"With Kakudha","units":[{"id":"an5.100:0","sourceIds":["an5.100:0.1","an5.100:0.2","an5.100:0.3"],"kind":"text","text":{"pi":"Aṅguttara Nikāya 5.100\n10. Kakudhavagga\nKakudhatherasutta","en":"Numbered Discourses 5.100\n10. With Kakudha\nWith Kakudha"}},{"id":"an5.100:1","sourceIds":["an5.100:1.1","an5.100:1.2","an5.100:1.3","an5.100:1.4","an5.100:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosambiyaṁ viharati ghositārāme.\nTena kho pana samayena kakudho nāma koliyaputto āyasmato mahāmoggallānassa upaṭṭhāko adhunākālaṅkato aññataraṁ manomayaṁ kāyaṁ upapanno.\nTassa evarūpo attabhāvapaṭilābho hoti—seyyathāpi nāma dve vā tīṇi vā māgadhakāni gāmakkhettāni.\nSo tena attabhāvapaṭilābhena neva attānaṁ no paraṁ byābādheti.","en":"So I have heard.\nAt one time the Buddha was staying near Kosambī in Ghosita’s monastery.\nAt that time the Koliyan named Kakudha—Venerable Mahāmoggallāna’s supporter—had recently passed away and been reborn in a certain host of mind-made gods.\nHis incarnation was two or three times the size of a Magadhan village with its fields.\nBut with that incarnation he didn’t obstruct himself or others."}},{"id":"an5.100:2","sourceIds":["an5.100:2.1","an5.100:2.2","an5.100:2.3","an5.100:2.4","an5.100:2.5","an5.100:2.6"],"kind":"text","text":{"pi":"Atha kho kakudho devaputto yenāyasmā mahāmoggallāno tenupasaṅkami; upasaṅkamitvā āyasmantaṁ mahāmoggallānaṁ abhivādetvā ekamantaṁ aṭṭhāsi. Ekamantaṁ ṭhito kho kakudho devaputto āyasmantaṁ mahāmoggallānaṁ etadavoca:\n“devadattassa, bhante, evarūpaṁ icchāgataṁ uppajji:\n‘ahaṁ bhikkhusaṅghaṁ pariharissāmī’ti.\nSahacittuppādā ca, bhante, devadatto tassā iddhiyā parihīno”ti.\nIdamavoca kakudho devaputto.\nIdaṁ vatvā āyasmantaṁ mahāmoggallānaṁ abhivādetvā padakkhiṇaṁ katvā tatthevantaradhāyi.","en":"Then the godling Kakudha went up to Venerable Mahāmoggallāna, bowed, stood to one side, and said to him,\n“Sir, this fixed desire arose in Devadatta:\n‘I shall lead the mendicant Saṅgha.’\nAnd as that thought arose, Devadatta lost that psychic power.”\nThat is what the godling Kakudha said.\nThen he bowed and respectfully circled Mahāmoggallāna, keeping him on his right, before vanishing right there."}},{"id":"an5.100:3","sourceIds":["an5.100:3.1"],"kind":"text","text":{"pi":"Atha kho āyasmā mahāmoggallāno yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā mahāmoggallāno bhagavantaṁ etadavoca:","en":"Then Mahāmoggallāna went up to the Buddha, bowed, sat down to one side, and told him what had happened."}},{"id":"an5.100:4","sourceIds":["an5.100:4.1","an5.100:4.2","an5.100:4.3","an5.100:4.4","an5.100:4.5","an5.100:4.6","an5.100:4.7","an5.100:4.8","an5.100:4.9"],"kind":"text","text":{"pi":"“Kakudho nāma, bhante, koliyaputto mamaṁ upaṭṭhāko adhunākālaṅkato aññataraṁ manomayaṁ kāyaṁ upapanno hoti.\nTassa evarūpo attabhāvapaṭilābho—seyyathāpi nāma dve vā tīṇi vā māgadhakāni gāmakkhettāni.\nSo tena attabhāvapaṭilābhena neva attānaṁ no paraṁ byābādheti.\nAtha kho, bhante, kakudho devaputto yenāhaṁ tenupasaṅkami; upasaṅkamitvā maṁ abhivādetvā ekamantaṁ aṭṭhāsi. Ekamantaṁ ṭhito kho, bhante, kakudho devaputto maṁ etadavoca:\n‘devadattassa, bhante, evarūpaṁ icchāgataṁ uppajji—\nahaṁ bhikkhusaṅghaṁ pariharissāmīti.\nSahacittuppādā ca, bhante, devadatto tassā iddhiyā parihīno’ti.\nIdamavoca, bhante, kakudho devaputto.\nIdaṁ vatvā maṁ abhivādetvā padakkhiṇaṁ katvā tatthevantaradhāyī”ti."}},{"id":"an5.100:5","sourceIds":["an5.100:5.1","an5.100:5.2","an5.100:5.3","an5.100:5.4","an5.100:5.5","an5.100:5.6","an5.100:5.7"],"kind":"text","text":{"pi":"“Kiṁ pana te, moggallāna, kakudho devaputto cetasā ceto paricca vidito:\n‘yaṁ kiñci kakudho devaputto bhāsati sabbaṁ taṁ tatheva hoti, no aññathā’”ti?\n“Cetasā ceto paricca vidito me, bhante, kakudho devaputto:\n‘yaṁ kiñci kakudho devaputto bhāsati sabbaṁ taṁ tatheva hoti, no aññathā’”ti.\n“Rakkhassetaṁ, moggallāna, vācaṁ.\nRakkhassetaṁ, moggallāna, vācaṁ.\nIdāni so moghapuriso attanāva attānaṁ pātukarissati.","en":"“But Moggallāna, did you encompass the godling Kakudha’s mind, and know that\neverything he says is correct and not otherwise?”\n“Indeed I did, sir.”\n“Mark these words, Moggallāna!\nMark these words!\nNow that futile man Devadatta will expose himself by his own deeds."}},{"id":"an5.100:6","sourceIds":["an5.100:6.1","an5.100:6.2","an5.100:6.3","an5.100:6.4","an5.100:6.5","an5.100:6.6","an5.100:6.7","an5.100:6.8","an5.100:6.9","an5.100:6.10","an5.100:6.11"],"kind":"text","text":{"pi":"Pañcime, moggallāna, satthāro santo saṁvijjamānā lokasmiṁ.\nKatame pañca?\nIdha, moggallāna, ekacco satthā aparisuddhasīlo samāno ‘parisuddhasīlomhī’ti paṭijānāti ‘parisuddhaṁ me sīlaṁ pariyodātaṁ asaṅkiliṭṭhan’ti.\nTamenaṁ sāvakā evaṁ jānanti:\n‘ayaṁ kho bhavaṁ satthā aparisuddhasīlo samāno parisuddhasīlomhī’ti paṭijānāti ‘parisuddhaṁ me sīlaṁ pariyodātaṁ asaṅkiliṭṭhan’ti.\nMayañceva kho pana gihīnaṁ āroceyyāma, nāssassa manāpaṁ.\nYaṁ kho panassa amanāpaṁ, kathaṁ naṁ mayaṁ tena samudācareyyāma:\n‘sammannati kho pana cīvarapiṇḍapātasenāsanagilānappaccayabhesajjaparikkhārena;\nyaṁ tumo karissati tumova tena paññāyissatī’ti.\nEvarūpaṁ kho, moggallāna, satthāraṁ sāvakā sīlato rakkhanti;\nevarūpo ca pana satthā sāvakehi sīlato rakkhaṁ paccāsīsati.","en":"Moggallāna, there are these five teachers found in the world.\nWhat five?\nFirstly, some teacher with impure conduct claims: ‘I am pure in ethics. My ethical conduct is pure, bright, uncorrupted.’\nBut their disciples know:\n‘This teacher has impure ethical conduct, but claims to be ethically pure.\nThey wouldn’t like it if we were to tell the laypeople.\nAnd how could we treat them in a way that they don’t like?\nBut they consent to robes, almsfood, lodgings, and medicines and supplies for the sick.\nThey themselves will be recognized by their own deeds.’\nThe disciples of such a teacher cover up their teacher’s conduct,\nand the teacher expects them to do so."}},{"id":"an5.100:7","sourceIds":["an5.100:7.1","an5.100:7.2","an5.100:7.3","an5.100:7.4","an5.100:7.5","an5.100:7.6","an5.100:7.7","an5.100:7.8","an5.100:7.9"],"kind":"text","text":{"pi":"Puna caparaṁ, moggallāna, idhekacco satthā aparisuddhājīvo samāno ‘parisuddhājīvomhī’ti paṭijānāti ‘parisuddho me ājīvo pariyodāto asaṅkiliṭṭho’ti.\nTamenaṁ sāvakā evaṁ jānanti:\n‘ayaṁ kho bhavaṁ satthā aparisuddhājīvo samāno parisuddhājīvomhī’ti paṭijānāti ‘parisuddho me ājīvo pariyodāto asaṅkiliṭṭho’ti.\nMayañceva kho pana gihīnaṁ āroceyyāma, nāssassa manāpaṁ.\nYaṁ kho panassa amanāpaṁ, kathaṁ naṁ mayaṁ tena samudācareyyāma:\n‘sammannati kho pana cīvarapiṇḍapātasenāsanagilānappaccayabhesajjaparikkhārena;\nyaṁ tumo karissati tumova tena paññāyissatī’ti.\nEvarūpaṁ kho, moggallāna, satthāraṁ sāvakā ājīvato rakkhanti;\nevarūpo ca pana satthā sāvakehi ājīvato rakkhaṁ paccāsīsati.","en":"Furthermore, some teacher with impure livelihood claims: ‘I am pure in livelihood. My livelihood is pure, bright, uncorrupted.’\nBut their disciples know:\n‘This teacher has impure livelihood, but claims to have pure livelihood.\nThey wouldn’t like it if we were to tell the laypeople.\nAnd how could we treat them in a way that they don’t like?\nBut they consent to robes, almsfood, lodgings, and medicines and supplies for the sick.\nThey themselves will be recognized by their own deeds.’\nThe disciples of such a teacher cover up their teacher’s livelihood,\nand the teacher expects them to do so."}},{"id":"an5.100:8","sourceIds":["an5.100:8.1","an5.100:8.2","an5.100:8.3","an5.100:8.4","an5.100:8.5","an5.100:8.6","an5.100:8.7","an5.100:8.8","an5.100:8.9"],"kind":"text","text":{"pi":"Puna caparaṁ, moggallāna, idhekacco satthā aparisuddhadhammadesano samāno ‘parisuddhadhammadesanomhī’ti paṭijānāti ‘parisuddhā me dhammadesanā pariyodātā asaṅkiliṭṭhā’ti.\nTamenaṁ sāvakā evaṁ jānanti:\n‘ayaṁ kho bhavaṁ satthā aparisuddhadhammadesano samāno parisuddhadhammadesanomhī’ti paṭijānāti ‘parisuddhā me dhammadesanā pariyodātā asaṅkiliṭṭhā’ti.\nMayañceva kho pana gihīnaṁ āroceyyāma, nāssassa manāpaṁ.\nYaṁ kho panassa amanāpaṁ, kathaṁ naṁ mayaṁ tena samudācareyyāma:\n‘sammannati kho pana cīvarapiṇḍapātasenāsanagilānappaccayabhesajjaparikkhārena;\nyaṁ tumo karissati tumova tena paññāyissatī’ti.\nEvarūpaṁ kho, moggallāna, satthāraṁ sāvakā dhammadesanato rakkhanti;\nevarūpo ca pana satthā sāvakehi dhammadesanato rakkhaṁ paccāsīsati.","en":"Furthermore, some teacher with impure teaching claims: ‘I am pure in teaching. My teaching is pure, bright, uncorrupted.’\nBut their disciples know:\n‘This teacher has impure teaching, but claims to have pure teaching.\nThey wouldn’t like it if we were to tell the laypeople.\nAnd how could we treat them in a way that they don’t like?\nBut they consent to robes, almsfood, lodgings, and medicines and supplies for the sick.\nThey themselves will be recognized by their own deeds.’\nThe disciples of such a teacher cover up their teacher’s teaching,\nand the teacher expects them to do so."}},{"id":"an5.100:9","sourceIds":["an5.100:9.1","an5.100:9.2","an5.100:9.3","an5.100:9.4","an5.100:9.5","an5.100:9.6","an5.100:9.7","an5.100:9.8","an5.100:9.9"],"kind":"text","text":{"pi":"Puna caparaṁ, moggallāna, idhekacco satthā aparisuddhaveyyākaraṇo samāno ‘parisuddhaveyyākaraṇomhī’ti paṭijānāti ‘parisuddhaṁ me veyyākaraṇaṁ pariyodātaṁ asaṅkiliṭṭhan’ti.\nTamenaṁ sāvakā evaṁ jānanti:\n‘ayaṁ kho bhavaṁ satthā aparisuddhaveyyākaraṇo samāno parisuddhaveyyākaraṇomhī’ti paṭijānāti ‘parisuddhaṁ me veyyākaraṇaṁ pariyodātaṁ asaṅkiliṭṭhan’ti.\nMayañceva kho pana gihīnaṁ āroceyyāma, nāssassa manāpaṁ.\nYaṁ kho panassa amanāpaṁ, kathaṁ naṁ mayaṁ tena samudācareyyāma:\n‘sammannati kho pana cīvarapiṇḍapātasenāsanagilānappaccayabhesajjaparikkhārena;\nyaṁ tumo karissati tumova tena paññāyissatī’ti.\nEvarūpaṁ kho, moggallāna, satthāraṁ sāvakā veyyākaraṇato rakkhanti;\nevarūpo ca pana satthā sāvakehi veyyākaraṇato rakkhaṁ paccāsīsati.","en":"Furthermore, some teacher with impure answers claims: ‘I am pure in how I answer. My answers are pure, bright, uncorrupted.’\nBut their disciples know:\n‘This teacher has impure answers, but claims to have pure answers.\nThey wouldn’t like it if we were to tell the laypeople.\nAnd how could we treat them in a way that they don’t like?\nBut they consent to robes, almsfood, lodgings, and medicines and supplies for the sick.\nThey themselves will be recognized by their own deeds.’\nThe disciples of such a teacher cover up their teacher’s answers,\nand the teacher expects them to do so."}},{"id":"an5.100:10","sourceIds":["an5.100:10.1","an5.100:10.2","an5.100:10.3","an5.100:10.4","an5.100:10.5","an5.100:10.6","an5.100:10.7","an5.100:10.8","an5.100:10.9","an5.100:10.10"],"kind":"text","text":{"pi":"Puna caparaṁ, moggallāna, idhekacco satthā aparisuddhañāṇadassano samāno ‘parisuddhañāṇadassanomhī’ti paṭijānāti ‘parisuddhaṁ me ñāṇadassanaṁ pariyodātaṁ asaṅkiliṭṭhan’ti.\nTamenaṁ sāvakā evaṁ jānanti:\n‘ayaṁ kho bhavaṁ satthā aparisuddhañāṇadassano samāno parisuddhañāṇadassanomhī’ti paṭijānāti ‘parisuddhaṁ me ñāṇadassanaṁ pariyodātaṁ asaṅkiliṭṭhan’ti.\nMayañceva kho pana gihīnaṁ āroceyyāma, nāssassa manāpaṁ.\nYaṁ kho panassa amanāpaṁ, kathaṁ naṁ mayaṁ tena samudācareyyāma:\n‘sammannati kho pana cīvarapiṇḍapātasenāsanagilānappaccayabhesajjaparikkhārena;\nyaṁ tumo karissati tumova tena paññāyissatī’ti.\nEvarūpaṁ kho, moggallāna, satthāraṁ sāvakā ñāṇadassanato rakkhanti;\nevarūpo ca pana satthā sāvakehi ñāṇadassanato rakkhaṁ paccāsīsati.\nIme kho, moggallāna, pañca satthāro santo saṁvijjamānā lokasmiṁ.","en":"Furthermore, some teacher with impure knowledge and vision claims: ‘I am pure in knowledge and vision. My knowledge and vision are pure, bright, uncorrupted.’\nBut their disciples know:\n‘This teacher has impure knowledge and vision, but claims to have pure knowledge and vision.\nThey wouldn’t like it if we were to tell the laypeople.\nAnd how could we treat them in a way that they don’t like?\nBut they consent to robes, almsfood, lodgings, and medicines and supplies for the sick.\nThey themselves will be recognized by their own deeds.’\nThe disciples of such a teacher cover up their teacher’s knowledge and vision,\nand the teacher expects them to do so.\nThese are the five teachers found in the world."}},{"id":"an5.100:11","sourceIds":["an5.100:11.1","an5.100:11.2","an5.100:11.3","an5.100:11.4","an5.100:11.5","an5.100:11.6","an5.100:11.7","an5.100:11.8","an5.100:11.9","an5.100:11.10","an5.100:11.11","an5.100:11.12"],"kind":"text","text":{"pi":"Ahaṁ kho pana, moggallāna, parisuddhasīlo samāno ‘parisuddhasīlomhī’ti paṭijānāmi ‘parisuddhaṁ me sīlaṁ pariyodātaṁ asaṅkiliṭṭhan’ti.\nNa ca maṁ sāvakā sīlato rakkhanti, na cāhaṁ sāvakehi sīlato rakkhaṁ paccāsīsāmi.\nParisuddhājīvo samāno ‘parisuddhājīvomhī’ti paṭijānāmi ‘parisuddho me ājīvo pariyodāto asaṅkiliṭṭho’ti.\nNa ca maṁ sāvakā ājīvato rakkhanti, na cāhaṁ sāvakehi ājīvato rakkhaṁ paccāsīsāmi.\nParisuddhadhammadesano samāno ‘parisuddhadhammadesanomhī’ti paṭijānāmi ‘parisuddhā me dhammadesanā pariyodātā asaṅkiliṭṭhā’ti.\nNa ca maṁ sāvakā dhammadesanato rakkhanti, na cāhaṁ sāvakehi dhammadesanato rakkhaṁ paccāsīsāmi.\nParisuddhaveyyākaraṇo samāno ‘parisuddhaveyyākaraṇomhī’ti paṭijānāmi ‘parisuddhaṁ me veyyākaraṇaṁ pariyodātaṁ asaṅkiliṭṭhan’ti.\nNa ca maṁ sāvakā veyyākaraṇato rakkhanti, na cāhaṁ sāvakehi veyyākaraṇato rakkhaṁ paccāsīsāmi.\nParisuddhañāṇadassano samāno ‘parisuddhañāṇadassanomhī’ti paṭijānāmi ‘parisuddhaṁ me ñāṇadassanaṁ pariyodātaṁ asaṅkiliṭṭhan’ti.\nNa ca maṁ sāvakā ñāṇadassanato rakkhanti, na cāhaṁ sāvakehi ñāṇadassanato rakkhaṁ paccāsīsāmī”ti.\nDasamaṁ.\nKakudhavaggo pañcamo.","en":"But Moggallāna, I have pure ethical conduct, and I claim: ‘I am pure in ethical conduct. My ethical conduct is pure, bright, uncorrupted.’\nMy disciples don’t cover up my conduct, and I don’t expect them to.\nI have pure livelihood, and I claim: ‘I am pure in livelihood. My livelihood is pure, bright, uncorrupted.’\nMy disciples don’t cover up my livelihood, and I don’t expect them to.\nI have pure teaching, and I claim: ‘I am pure in teaching. My teaching is pure, bright, uncorrupted.’\nMy disciples don’t cover up my teaching, and I don’t expect them to.\nI have pure answers, and I claim: ‘I am pure in how I answer. My answers are pure, bright, uncorrupted.’\nMy disciples don’t cover up my answers, and I don’t expect them to.\nI have pure knowledge and vision, and I claim: ‘I am pure in knowledge and vision. My knowledge and vision are pure, bright, uncorrupted.’\nMy disciples don’t cover up my knowledge and vision, and I don’t expect them to.”"}},{"id":"an5.100:12","sourceIds":["an5.100:12.0","an5.100:12.1","an5.100:12.2","an5.100:12.3","an5.100:12.4","an5.100:12.5"],"kind":"text","text":{"pi":"Tassuddānaṁ\nDve sampadā byākaraṇaṁ,\nphāsu akuppapañcamaṁ;\nSutaṁ kathā āraññako,\nsīho ca kakudho dasāti.\nDutiyo paṇṇāsako samatto."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.100/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}