{"id":"an5.104","title":"A Delicate Ascetic of Ascetics","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.104","title":"A Delicate Ascetic of Ascetics","units":[{"id":"an5.104:0","sourceIds":["an5.104:0.1","an5.104:0.2","an5.104:0.3"],"kind":"text","text":{"pi":"Aṅguttara Nikāya 5.104\n11. Phāsuvihāravagga\nSamaṇasukhumālasutta","en":"Numbered Discourses 5.104\n11. Living Comfortably\nA Delicate Ascetic of Ascetics"}},{"id":"an5.104:1","sourceIds":["an5.104:1.1"],"kind":"text","text":{"pi":"“Pañcahi, bhikkhave, dhammehi samannāgato bhikkhu samaṇesu samaṇasukhumālo hoti.","en":"“Mendicants, a mendicant with five qualities is a delicate ascetic of ascetics."}},{"id":"an5.104:2","sourceIds":["an5.104:2.1","an5.104:2.2","an5.104:2.3","an5.104:2.4","an5.104:2.5","an5.104:2.6","an5.104:2.7","an5.104:2.8"],"kind":"text","text":{"pi":"Katamehi pañcahi?\nIdha, bhikkhave, bhikkhu yācitova bahulaṁ cīvaraṁ paribhuñjati, appaṁ ayācito; yācitova bahulaṁ piṇḍapātaṁ paribhuñjati, appaṁ ayācito; yācitova bahulaṁ senāsanaṁ paribhuñjati, appaṁ ayācito; yācitova bahulaṁ gilānapaccayabhesajjaparikkhāraṁ paribhuñjati, appaṁ ayācito.\nYehi kho pana sabrahmacārīhi saddhiṁ viharati, tyassa manāpeneva bahulaṁ kāyakammena samudācaranti, appaṁ amanāpena; manāpeneva bahulaṁ vacīkammena samudācaranti, appaṁ amanāpena; manāpeneva bahulaṁ manokammena samudācaranti, appaṁ amanāpena;\nmanāpaṁyeva upahāraṁ upaharanti, appaṁ amanāpaṁ.\nYāni kho pana tāni vedayitāni pittasamuṭṭhānāni vā semhasamuṭṭhānāni vā vātasamuṭṭhānāni vā sannipātikāni vā utupariṇāmajāni vā visamaparihārajāni vā opakkamikāni vā kammavipākajāni vā, tānissa na bahudeva uppajjanti.\nAppābādho hoti, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī,\nāsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nImehi kho, bhikkhave, pañcahi dhammehi samannāgato bhikkhu samaṇesu samaṇasukhumālo hoti.","en":"What five?\nIt’s when a mendicant usually uses only what they’ve been invited to accept—robes, almsfood, lodgings, and medicines and supplies for the sick—rarely using them without invitation.\nWhen living with other spiritual practitioners, they usually find themselves treated agreeably by them by way of body, speech, and mind, and rarely disagreeably.\nAnd they are usually presented with agreeable things by them, rarely with disagreeable ones.\nThey’re healthy, so the various unpleasant feelings—stemming from disorders of bile, phlegm, wind, or their conjunction; or caused by change in weather, by not taking care of themselves, by exertion, or as the result of past deeds—usually don’t come up.\nThey get the four absorptions—blissful meditations in this life that belong to the higher mind—when they want, without trouble or difficulty.\nAnd they realize the undefiled freedom of heart and freedom by wisdom. And they live having realized it with their own insight in this very life due to the ending of defilements.\nA mendicant with these five qualities is a delicate ascetic of ascetics."}},{"id":"an5.104:3","sourceIds":["an5.104:3.1","an5.104:3.2","an5.104:3.3","an5.104:3.4","an5.104:3.5","an5.104:3.6","an5.104:3.7"],"kind":"text","text":{"pi":"Yañhi taṁ, bhikkhave, sammā vadamāno vadeyya: ‘samaṇesu samaṇasukhumālo’ti, mameva taṁ, bhikkhave, sammā vadamāno vadeyya: ‘samaṇesu samaṇasukhumālo’ti.\nAhañhi, bhikkhave, yācitova bahulaṁ cīvaraṁ paribhuñjāmi, appaṁ ayācito; yācitova bahulaṁ piṇḍapātaṁ paribhuñjāmi, appaṁ ayācito; yācitova bahulaṁ senāsanaṁ paribhuñjāmi, appaṁ ayācito; yācitova bahulaṁ gilānapaccayabhesajjaparikkhāraṁ paribhuñjāmi, appaṁ ayācito.\nYehi kho pana bhikkhūhi saddhiṁ viharāmi, te maṁ manāpeneva bahulaṁ kāyakammena samudācaranti, appaṁ amanāpena; manāpeneva bahulaṁ vacīkammena samudācaranti, appaṁ amanāpena; manāpeneva bahulaṁ manokammena samudācaranti, appaṁ amanāpena;\nmanāpaṁyeva upahāraṁ upaharanti, appaṁ amanāpaṁ.\nYāni kho pana tāni vedayitāni—pittasamuṭṭhānāni vā semhasamuṭṭhānāni vā vātasamuṭṭhānāni vā sannipātikāni vā utupariṇāmajāni vā visamaparihārajāni vā opakkamikāni vā kammavipākajāni vā—tāni me na bahudeva uppajjanti. Appābādhohamasmi.\ncatunnaṁ kho panasmi jhānānaṁ ābhicetasikānaṁ diṭṭhadhammasukhavihārānaṁ nikāmalābhī akicchalābhī akasiralābhī,\nāsavānaṁ khayā …pe… sacchikatvā upasampajja viharāmi.","en":"And if anyone should be rightly called a delicate ascetic of ascetics, it’s me.\nFor I usually use only what I’ve been invited to accept.\nWhen living with other mendicants, I am usually treated agreeably by them.\nAnd I usually present them with agreeable things.\nI’m healthy.\nI get the four absorptions when I want, without trouble or difficulty.\nAnd I’ve realized the undefiled freedom of heart and freedom by wisdom … in this very life …"}},{"id":"an5.104:4","sourceIds":["an5.104:4.1","an5.104:4.2"],"kind":"text","text":{"pi":"Yañhi taṁ, bhikkhave, sammā vadamāno vadeyya: ‘samaṇesu samaṇasukhumālo’ti, mameva taṁ, bhikkhave, sammā vadamāno vadeyya: ‘samaṇesu samaṇasukhumālo’”ti.\nCatutthaṁ.","en":"So if anyone should be rightly called a delicate ascetic of ascetics, it’s me.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.104/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}