{"id":"an5.119","title":"Wrong Speech","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.119","title":"Wrong Speech","units":[{"id":"an5.119:0","sourceIds":["an5.119:0.1","an5.119:0.2","an5.119:0.3"],"kind":"text","text":{"pi":"Aṅguttara Nikāya 5.119\n12. Andhakavindavagga\nMicchāvācāsutta","en":"Numbered Discourses 5.119\n12. At Andhakavinda\nWrong Speech"}},{"id":"an5.119:1","sourceIds":["an5.119:1.1","an5.119:1.2","an5.119:1.3","an5.119:1.4","an5.119:1.5","an5.119:1.6","an5.119:1.7","an5.119:1.8"],"kind":"text","text":{"pi":"“Pañcahi, bhikkhave, dhammehi samannāgatā bhikkhunī yathābhataṁ nikkhittā evaṁ niraye.\nKatamehi pañcahi?\nAnanuvicca apariyogāhetvā avaṇṇārahassa vaṇṇaṁ bhāsati,\nananuvicca apariyogāhetvā vaṇṇārahassa avaṇṇaṁ bhāsati,\nmicchāvācā ca hoti,\nmicchākammantā ca,\nsaddhādeyyaṁ vinipāteti.\nImehi kho, bhikkhave, pañcahi dhammehi samannāgatā bhikkhunī yathābhataṁ nikkhittā evaṁ niraye.","en":"“Mendicants, a nun with five qualities is placed in hell as if delivered there.\nWhat five?\nWithout examining or scrutinizing, she praises those deserving of criticism,\nand criticizes those deserving of praise.\nShe has wrong speech\nand wrong action,\nand wastes gifts given in faith.\nA nun with these five qualities is placed in hell as if delivered there."}},{"id":"an5.119:2","sourceIds":["an5.119:2.1","an5.119:2.2","an5.119:2.3","an5.119:2.4","an5.119:2.5","an5.119:2.6","an5.119:2.7","an5.119:2.8","an5.119:2.9"],"kind":"text","text":{"pi":"Pañcahi, bhikkhave, dhammehi samannāgatā bhikkhunī yathābhataṁ nikkhittā evaṁ sagge.\nKatamehi pañcahi?\nAnuvicca pariyogāhetvā avaṇṇārahassa avaṇṇaṁ bhāsati,\nanuvicca pariyogāhetvā vaṇṇārahassa vaṇṇaṁ bhāsati,\nsammāvācā ca hoti,\nsammākammantā ca,\nsaddhādeyyaṁ na vinipāteti.\nImehi kho, bhikkhave, pañcahi dhammehi samannāgatā bhikkhunī yathābhataṁ nikkhittā evaṁ sagge”ti.\nNavamaṁ.","en":"A nun with five qualities is placed in heaven as if delivered there.\nWhat five?\nAfter examining and scrutinizing, she criticizes those deserving of criticism,\nand praises those deserving of praise.\nShe has right speech\nand right action,\nand doesn’t waste gifts given in faith.\nA nun with these five qualities is placed in heaven as if delivered there.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.119/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}