{"id":"an5.130","title":"Loss","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.130","title":"Loss","units":[{"id":"an5.130:0","sourceIds":["an5.130:0.1","an5.130:0.2","an5.130:0.3"],"kind":"text","text":{"pi":"Aṅguttara Nikāya 5.130\n13. Gilānavagga\nByasanasutta","en":"Numbered Discourses 5.130\n13. Sick\nLoss"}},{"id":"an5.130:1","sourceIds":["an5.130:1.1","an5.130:1.2","an5.130:1.3","an5.130:1.4","an5.130:1.5","an5.130:1.6"],"kind":"text","text":{"pi":"“Pañcimāni, bhikkhave, byasanāni.\nKatamāni pañca?\nÑātibyasanaṁ, bhogabyasanaṁ, rogabyasanaṁ, sīlabyasanaṁ, diṭṭhibyasanaṁ.\nNa, bhikkhave, sattā ñātibyasanahetu vā bhogabyasanahetu vā rogabyasanahetu vā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.\nSīlabyasanahetu vā, bhikkhave, sattā diṭṭhibyasanahetu vā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.\nImāni kho, bhikkhave, pañca byasanāni.","en":"“Mendicants, there are these five losses.\nWhat five?\nLoss of relatives, wealth, health, ethics, and view.\nIt is not because of loss of relatives, wealth, or health that sentient beings, when their body breaks up, after death, are reborn in a place of loss, a bad place, the underworld, hell.\nIt is because of loss of ethics or view that sentient beings, when their body breaks up, after death, are reborn in a place of loss, a bad place, the underworld, hell.\nThese are the five losses."}},{"id":"an5.130:2","sourceIds":["an5.130:2.1","an5.130:2.2","an5.130:2.3","an5.130:2.4","an5.130:2.5","an5.130:2.6","an5.130:2.7","an5.130:2.8"],"kind":"text","text":{"pi":"Pañcimā, bhikkhave, sampadā.\nKatamā pañca?\nÑātisampadā, bhogasampadā, ārogyasampadā, sīlasampadā, diṭṭhisampadā.\nNa, bhikkhave, sattā ñātisampadāhetu vā bhogasampadāhetu vā ārogyasampadāhetu vā kāyassa bhedā paraṁ maraṇā sugatiṁ saggaṁ lokaṁ upapajjanti.\nSīlasampadāhetu vā, bhikkhave, sattā diṭṭhisampadāhetu vā kāyassa bhedā paraṁ maraṇā sugatiṁ saggaṁ lokaṁ upapajjanti.\nImā kho, bhikkhave, pañca sampadā”ti.\nDasamaṁ.\nGilānavaggo tatiyo.","en":"There are these five endowments.\nWhat five?\nEndowment with relatives, wealth, health, ethics, and view.\nIt is not because of endowment with relatives, wealth, or health that sentient beings, when their body breaks up, after death, are reborn in a good place, a heavenly realm.\nIt is because of endowment with ethics or view that sentient beings, when their body breaks up, after death, are reborn in a good place, a heavenly realm.\nThese are the five endowments.”"}},{"id":"an5.130:3","sourceIds":["an5.130:3.0","an5.130:3.1","an5.130:3.2","an5.130:3.3","an5.130:3.4"],"kind":"text","text":{"pi":"Tassuddānaṁ\nGilāno satisūpaṭṭhi,\nDve upaṭṭhākā duvāyusā;\nVapakāsasamaṇasukhā,\nParikuppaṁ byasanena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.130/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}