{"id":"an5.133","title":"A Principled King","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.133","title":"A Principled King","units":[{"id":"an5.133:0","sourceIds":["an5.133:0.1","an5.133:0.2","an5.133:0.3"],"kind":"text","text":{"pi":"Aṅguttara Nikāya 5.133\n14. Rājavagga\nDhammarājāsutta","en":"Numbered Discourses 5.133\n14. Kings\nA Principled King"}},{"id":"an5.133:1","sourceIds":["an5.133:1.1","an5.133:1.2","an5.133:1.3","an5.133:1.4"],"kind":"text","text":{"pi":"“Yopi so, bhikkhave, rājā cakkavattī dhammiko dhammarājā, sopi na arājakaṁ cakkaṁ vattetī”ti.\nEvaṁ vutte aññataro bhikkhu bhagavantaṁ etadavoca:\n“ko pana, bhante, rañño cakkavattissa dhammikassa dhammarañño rājā”ti?\n“Dhammo, bhikkhū”ti bhagavā avoca.","en":"“Mendicants, even a wheel-turning monarch, a just and principled king, does not wield power without having their own king.”\nWhen he said this, one of the mendicants said to the Buddha,\n“But who is the king of the wheel-turning monarch, the just and principled king?”\n“It is principle, monk,” said the Buddha."}},{"id":"an5.133:2","sourceIds":["an5.133:2.1"],"kind":"text","text":{"pi":"“Idha, bhikkhu, rājā cakkavattī dhammiko dhammarājā dhammaññeva nissāya dhammaṁ sakkaronto dhammaṁ garuṁ karonto dhammaṁ apacāyamāno dhammaddhajo dhammaketu dhammādhipateyyo dhammikaṁ rakkhāvaraṇaguttiṁ saṁvidahati antojanasmiṁ.","en":"“Monk, a wheel-turning monarch provides just protection and security for his court, relying only on principle—honoring, respecting, and venerating principle, having principle as his flag, banner, and authority."}},{"id":"an5.133:3","sourceIds":["an5.133:3.1","an5.133:3.2","an5.133:3.3"],"kind":"text","text":{"pi":"Puna caparaṁ, bhikkhu, rājā cakkavattī dhammiko dhammarājā dhammaññeva nissāya dhammaṁ sakkaronto dhammaṁ garuṁ karonto dhammaṁ apacāyamāno dhammaddhajo dhammaketu dhammādhipateyyo dhammikaṁ rakkhāvaraṇaguttiṁ saṁvidahati khattiyesu anuyantesu …pe… balakāyasmiṁ brāhmaṇagahapatikesu negamajānapadesu samaṇabrāhmaṇesu migapakkhīsu.\nSa kho so, bhikkhu, rājā cakkavattī dhammiko dhammarājā dhammaññeva nissāya dhammaṁ sakkaronto dhammaṁ garuṁ karonto dhammaṁ apacāyamāno dhammaddhajo dhammaketu dhammādhipateyyo dhammikaṁ rakkhāvaraṇaguttiṁ saṁvidahitvā antojanasmiṁ dhammikaṁ rakkhāvaraṇaguttiṁ saṁvidahitvā khattiyesu anuyantesu balakāyasmiṁ brāhmaṇagahapatikesu negamajānapadesu samaṇabrāhmaṇesu migapakkhīsu dhammeneva cakkaṁ pavatteti;\ntaṁ hoti cakkaṁ appaṭivattiyaṁ kenaci manussabhūtena paccatthikena pāṇinā.","en":"He provides just protection and security for his aristocrats, vassals, troops, brahmins and householders, people of town and country, ascetics and brahmins, beasts and birds.\nWhen he has done this, he wields power only in a principled manner.\nAnd this power cannot be undermined by any human enemy."}},{"id":"an5.133:4","sourceIds":["an5.133:4.1","an5.133:4.2","an5.133:4.3","an5.133:4.4","an5.133:4.5","an5.133:4.6"],"kind":"text","text":{"pi":"Evamevaṁ kho, bhikkhu, tathāgato arahaṁ sammāsambuddho dhammiko dhammarājā dhammaññeva nissāya dhammaṁ sakkaronto dhammaṁ garuṁ karonto dhammaṁ apacāyamāno dhammaddhajo dhammaketu dhammādhipateyyo dhammikaṁ rakkhāvaraṇaguttiṁ saṁvidahati bhikkhūsu:\n‘evarūpaṁ kāyakammaṁ sevitabbaṁ, evarūpaṁ kāyakammaṁ na sevitabbaṁ;\nevarūpaṁ vacīkammaṁ sevitabbaṁ, evarūpaṁ vacīkammaṁ na sevitabbaṁ;\nevarūpaṁ manokammaṁ sevitabbaṁ, evarūpaṁ manokammaṁ na sevitabbaṁ;\nevarūpo ājīvo sevitabbo, evarūpo ājīvo na sevitabbo;\nevarūpo gāmanigamo sevitabbo, evarūpo gāmanigamo na sevitabbo’ti.","en":"In the same way, monk, a Realized One, a perfected one, a fully awakened Buddha, a just and principled king, provides just protection and security for the monks, relying only on principle—honoring, respecting, and venerating principle, having principle as his flag, banner, and authority.\n‘This kind of bodily action should be cultivated. This kind of bodily action should not be cultivated.\nThis kind of verbal action should be cultivated. This kind of verbal action should not be cultivated.\nThis kind of mental action should be cultivated. This kind of mental action should not be cultivated.\nThis kind of livelihood should be cultivated. This kind of livelihood should not be cultivated.\nThis kind of village or town should be cultivated. This kind of village or town should not be cultivated.’"}},{"id":"an5.133:5","sourceIds":["an5.133:5.1","an5.133:5.2","an5.133:5.3","an5.133:5.4","an5.133:5.5","an5.133:5.6"],"kind":"text","text":{"pi":"Puna caparaṁ, bhikkhu, tathāgato arahaṁ sammāsambuddho dhammiko dhammarājā dhammaññeva nissāya dhammaṁ sakkaronto dhammaṁ garuṁ karonto dhammaṁ apacāyamāno dhammaddhajo dhammaketu dhammādhipateyyo dhammikaṁ rakkhāvaraṇaguttiṁ saṁvidahati bhikkhunīsu …pe… upāsakesu …pe… upāsikāsu:\n‘evarūpaṁ kāyakammaṁ sevitabbaṁ, evarūpaṁ kāyakammaṁ na sevitabbaṁ;\nevarūpaṁ vacīkammaṁ sevitabbaṁ, evarūpaṁ vacīkammaṁ na sevitabbaṁ;\nevarūpaṁ manokammaṁ sevitabbaṁ, evarūpaṁ manokammaṁ na sevitabbaṁ;\nevarūpo ājīvo sevitabbo, evarūpo ājīvo na sevitabbo;\nevarūpo gāmanigamo sevitabbo, evarūpo gāmanigamo na sevitabbo’ti.","en":"In the same way, monk, a Realized One, a perfected one, a fully awakened Buddha, a just and principled king, provides just protection and security for the nuns … laymen … laywomen, relying only on principle—honoring, respecting, and venerating principle, having principle as his flag, banner, and authority.\n‘This kind of bodily action should be cultivated. This kind of bodily action should not be cultivated.\nThis kind of verbal action should be cultivated. This kind of verbal action should not be cultivated.\nThis kind of mental action should be cultivated. This kind of mental action should not be cultivated.\nThis kind of livelihood should be cultivated. This kind of livelihood should not be cultivated.\nThis kind of village or town should be cultivated. This kind of village or town should not be cultivated.’"}},{"id":"an5.133:6","sourceIds":["an5.133:6.1","an5.133:6.2","an5.133:6.3"],"kind":"text","text":{"pi":"Sa kho so, bhikkhu, tathāgato arahaṁ sammāsambuddho dhammiko dhammarājā dhammaññeva nissāya dhammaṁ sakkaronto dhammaṁ garuṁ karonto dhammaṁ apacāyamāno dhammaddhajo dhammaketu dhammādhipateyyo dhammikaṁ rakkhāvaraṇaguttiṁ saṁvidahitvā bhikkhūsu, dhammikaṁ rakkhāvaraṇaguttiṁ saṁvidahitvā bhikkhunīsu, dhammikaṁ rakkhāvaraṇaguttiṁ saṁvidahitvā upāsakesu, dhammikaṁ rakkhāvaraṇaguttiṁ saṁvidahitvā upāsikāsu dhammeneva anuttaraṁ dhammacakkaṁ pavatteti;\ntaṁ hoti cakkaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmin”ti.\nTatiyaṁ.","en":"When a Realized One, a perfected one, a fully awakened Buddha has provided just protection and security for the monks, nuns, laymen, and laywomen, he rolls forth the supreme Wheel of Dhamma only in a principled manner.\nAnd that wheel cannot be rolled back by any ascetic or brahmin or god or Māra or divinity or by anyone in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.133/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}