{"id":"an5.142","title":"Transgression","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.142","title":"Transgression","units":[{"id":"an5.142:0","sourceIds":["an5.142:0.1","an5.142:0.2","an5.142:0.3"],"kind":"text","text":{"pi":"Aṅguttara Nikāya 5.142\n15. Tikaṇḍakīvagga\nĀrabhatisutta","en":"Numbered Discourses 5.142\n15. At Tikaṇḍakī\nTransgression"}},{"id":"an5.142:1","sourceIds":["an5.142:1.1","an5.142:1.2","an5.142:1.3","an5.142:1.4"],"kind":"text","text":{"pi":"“Pañcime, bhikkhave, puggalā santo saṁvijjamānā lokasmiṁ.\nKatame pañca?\nIdha, bhikkhave, ekacco puggalo ārabhati ca vippaṭisārī ca hoti;\ntañca cetovimuttiṁ paññāvimuttiṁ yathābhūtaṁ nappajānāti yatthassa te uppannā pāpakā akusalā dhammā aparisesā nirujjhanti.","en":"“Mendicants, these five individuals are found in the world.\nWhat five?\nOne individual transgresses and regrets it.\nAnd they don’t truly understand the freedom of heart and freedom by wisdom where those arisen bad, unskillful qualities cease without remainder."}},{"id":"an5.142:2","sourceIds":["an5.142:2.1","an5.142:2.2"],"kind":"text","text":{"pi":"Idha pana, bhikkhave, ekacco puggalo ārabhati, na vippaṭisārī hoti;\ntañca cetovimuttiṁ paññāvimuttiṁ yathābhūtaṁ nappajānāti yatthassa te uppannā pāpakā akusalā dhammā aparisesā nirujjhanti.","en":"One individual transgresses and doesn’t regret it.\nAnd they don’t understand …"}},{"id":"an5.142:3","sourceIds":["an5.142:3.1","an5.142:3.2"],"kind":"text","text":{"pi":"Idha pana, bhikkhave, ekacco puggalo na ārabhati, vippaṭisārī hoti;\ntañca cetovimuttiṁ paññāvimuttiṁ yathābhūtaṁ nappajānāti yatthassa te uppannā pāpakā akusalā dhammā aparisesā nirujjhanti.","en":"One individual doesn’t transgress yet still feels regret.\nAnd they don’t understand …"}},{"id":"an5.142:4","sourceIds":["an5.142:4.1","an5.142:4.2"],"kind":"text","text":{"pi":"Idha pana, bhikkhave, ekacco puggalo na ārabhati na vippaṭisārī hoti;\ntañca cetovimuttiṁ paññāvimuttiṁ yathābhūtaṁ nappajānāti yatthassa te uppannā pāpakā akusalā dhammā aparisesā nirujjhanti.","en":"One individual neither transgresses nor regrets.\nBut they don’t understand …"}},{"id":"an5.142:5","sourceIds":["an5.142:5.1","an5.142:5.2"],"kind":"text","text":{"pi":"Idha pana, bhikkhave, ekacco puggalo na ārabhati na vippaṭisārī hoti;\ntañca cetovimuttiṁ paññāvimuttiṁ yathābhūtaṁ pajānāti yatthassa te uppannā pāpakā akusalā dhammā aparisesā nirujjhanti.","en":"One individual neither transgresses nor regrets.\nAnd they do understand where those arisen bad, unskillful qualities cease without remainder."}},{"id":"an5.142:6","sourceIds":["an5.142:6.1","an5.142:6.2","an5.142:6.3","an5.142:6.4","an5.142:6.5"],"kind":"text","text":{"pi":"Tatra, bhikkhave, yvāyaṁ puggalo ārabhati ca vippaṭisārī ca hoti,\ntañca cetovimuttiṁ paññāvimuttiṁ yathābhūtaṁ nappajānāti yatthassa te uppannā pāpakā akusalā dhammā aparisesā nirujjhanti,\nso evamassa vacanīyo:\n‘āyasmato kho ārambhajā āsavā saṁvijjanti, vippaṭisārajā āsavā pavaḍḍhanti, sādhu vatāyasmā ārambhaje āsave pahāya vippaṭisāraje āsave paṭivinodetvā cittaṁ paññañca bhāvetu;\nevamāyasmā amunā pañcamena puggalena samasamo bhavissatī’ti.","en":"Take the case of the individual who transgresses and regrets it.\nAnd they don’t truly understand the freedom of heart and freedom by wisdom where those arisen bad, unskillful qualities cease without remainder.\nThey should be told:\n‘Venerable, the defilements born of transgression are found in you, and the defilements born of regret grow. You would do well to give up the defilements born of transgression and dispel the defilements born of regret, and then develop the mind and wisdom.\nIn this way you’ll become just like the fifth individual.’"}},{"id":"an5.142:7","sourceIds":["an5.142:7.1","an5.142:7.2","an5.142:7.3","an5.142:7.4","an5.142:7.5"],"kind":"text","text":{"pi":"Tatra, bhikkhave, yvāyaṁ puggalo ārabhati na vippaṭisārī hoti,\ntañca cetovimuttiṁ paññāvimuttiṁ yathābhūtaṁ nappajānāti yatthassa te uppannā pāpakā akusalā dhammā aparisesā nirujjhanti,\nso evamassa vacanīyo:\n‘āyasmato kho ārambhajā āsavā saṁvijjanti, vippaṭisārajā āsavā na pavaḍḍhanti, sādhu vatāyasmā ārambhaje āsave pahāya cittaṁ paññañca bhāvetu;\nevamāyasmā amunā pañcamena puggalena samasamo bhavissatī’ti.","en":"Take the case of the individual who transgresses and doesn’t regret it.\nAnd they don’t understand …\nThey should be told:\n‘Venerable, the defilements born of transgression are found in you, but the defilements born of regret don’t grow. You would do well to give up the defilements born of transgression, and then develop the mind and wisdom.\nIn this way you’ll become just like the fifth individual.’"}},{"id":"an5.142:8","sourceIds":["an5.142:8.1","an5.142:8.2","an5.142:8.3","an5.142:8.4","an5.142:8.5"],"kind":"text","text":{"pi":"Tatra, bhikkhave, yvāyaṁ puggalo na ārabhati vippaṭisārī hoti,\ntañca cetovimuttiṁ paññāvimuttiṁ yathābhūtaṁ nappajānāti yatthassa te uppannā pāpakā akusalā dhammā aparisesā nirujjhanti,\nso evamassa vacanīyo:\n‘āyasmato kho ārambhajā āsavā na saṁvijjanti, vippaṭisārajā āsavā pavaḍḍhanti, sādhu vatāyasmā vippaṭisāraje āsave paṭivinodetvā cittaṁ paññañca bhāvetu;\nevamāyasmā amunā pañcamena puggalena samasamo bhavissatī’ti.","en":"Take the case of the individual who doesn’t transgress yet feels regret.\nAnd they don’t understand …\nThey should be told:\n‘Venerable, the defilements born of transgression are not found in you, yet the defilements born of regret grow. You would do well to dispel the defilements born of regret, and then develop the mind and wisdom.\nIn this way you’ll become just like the fifth individual.’"}},{"id":"an5.142:9","sourceIds":["an5.142:9.1","an5.142:9.2","an5.142:9.3","an5.142:9.4","an5.142:9.5"],"kind":"text","text":{"pi":"Tatra, bhikkhave, yvāyaṁ puggalo na ārabhati na vippaṭisārī hoti,\ntañca cetovimuttiṁ paññāvimuttiṁ yathābhūtaṁ nappajānāti yatthassa te uppannā pāpakā akusalā dhammā aparisesā nirujjhanti,\nso evamassa vacanīyo:\n‘āyasmato kho ārambhajā āsavā na saṁvijjanti, vippaṭisārajā āsavā na pavaḍḍhanti, sādhu vatāyasmā cittaṁ paññañca bhāvetu;\nevamāyasmā amunā pañcamena puggalena samasamo bhavissatī’ti.","en":"Take the case of the individual who neither transgresses nor regrets.\nBut they don’t understand …\nThey should be told:\n‘Venerable, the defilements born of transgression are not found in you, and the defilements born of regret don’t grow. You would do well to develop the mind and wisdom.\nIn this way you’ll become just like the fifth individual.’"}},{"id":"an5.142:10","sourceIds":["an5.142:10.1","an5.142:10.2"],"kind":"text","text":{"pi":"Iti kho, bhikkhave, ime cattāro puggalā amunā pañcamena puggalena evaṁ ovadiyamānā evaṁ anusāsiyamānā anupubbena āsavānaṁ khayaṁ pāpuṇantī”ti.\nDutiyaṁ.","en":"And so, mendicants, when these four individuals are advised and instructed by comparison with the fifth individual, they gradually attain the ending of defilements.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.142/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}