{"id":"an5.143","title":"At Sārandada","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.143","title":"At Sārandada","units":[{"id":"an5.143:0","sourceIds":["an5.143:0.1","an5.143:0.2","an5.143:0.3"],"kind":"text","text":{"pi":"Aṅguttara Nikāya 5.143\n15. Tikaṇḍakīvagga\nSārandadasutta","en":"Numbered Discourses 5.143\n15. At Tikaṇḍakī\nAt Sārandada"}},{"id":"an5.143:1","sourceIds":["an5.143:1.1","an5.143:1.2","an5.143:1.3","an5.143:1.4","an5.143:1.5","an5.143:1.6","an5.143:1.7"],"kind":"text","text":{"pi":"Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nAtha kho bhagavā pubbaṇhasamayaṁ nivāsetvā pattacīvaramādāya vesāliṁ piṇḍāya pāvisi.\nTena kho pana samayena pañcamattānaṁ licchavisatānaṁ sārandade cetiye sannisinnānaṁ sannipatitānaṁ ayamantarākathā udapādi:\n“pañcannaṁ ratanānaṁ pātubhāvo dullabho lokasmiṁ.\nKatamesaṁ pañcannaṁ?\nHatthiratanassa pātubhāvo dullabho lokasmiṁ, assaratanassa pātubhāvo dullabho lokasmiṁ, maṇiratanassa pātubhāvo dullabho lokasmiṁ, itthiratanassa pātubhāvo dullabho lokasmiṁ, gahapatiratanassa pātubhāvo dullabho lokasmiṁ.\nImesaṁ pañcannaṁ ratanānaṁ pātubhāvo dullabho lokasmin”ti.","en":"At one time the Buddha was staying near Vesālī, at the Great Wood, in the hall with the peaked roof.\nThen the Buddha robed up in the morning and, taking his bowl and robe, entered Vesālī for alms.\nNow at that time around five hundred Licchavis were sitting together at the Sārandada Shrine, and this discussion came up among them,\n“The appearance of five treasures is rare in the world.\nWhat five?\nThe elephant-treasure, the horse-treasure, the jewel-treasure, the woman-treasure, and the householder-treasure.\nThe appearance of these five treasures is rare in the world.”"}},{"id":"an5.143:2","sourceIds":["an5.143:2.1","an5.143:2.2","an5.143:2.3","an5.143:2.4","an5.143:2.5","an5.143:2.6"],"kind":"text","text":{"pi":"Atha kho te licchavī magge purisaṁ ṭhapesuṁ:\n“yadā tvaṁ, ambho purisa, passeyyāsi bhagavantaṁ, atha amhākaṁ āroceyyāsī”ti.\nAddasā kho so puriso bhagavantaṁ dūratova āgacchantaṁ;\ndisvāna yena te licchavī tenupasaṅkami; upasaṅkamitvā te licchavī etadavoca:\n“ayaṁ so, bhante, bhagavā gacchati arahaṁ sammāsambuddho;\nyassadāni kālaṁ maññathā”ti.","en":"Then those Licchavis sent a man out on to the road, saying,\n“My man, please tell us when you see the Buddha.”\nThat man saw the Buddha coming off in the distance.\nHe went to the Licchavis and said,\n“Sirs, the Blessed One, the perfected one, the fully awakened Buddha is coming.\nPlease go at your convenience.”"}},{"id":"an5.143:3","sourceIds":["an5.143:3.1"],"kind":"text","text":{"pi":"Atha kho te licchavī yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ aṭṭhaṁsu. Ekamantaṁ ṭhitā kho te licchavī bhagavantaṁ etadavocuṁ:","en":"Then those Licchavis went up to the Buddha, bowed, stood to one side, and said to him,"}},{"id":"an5.143:4","sourceIds":["an5.143:4.1","an5.143:4.2","an5.143:4.3","an5.143:4.4","an5.143:4.5","an5.143:4.6","an5.143:4.7","an5.143:4.8","an5.143:4.9"],"kind":"text","text":{"pi":"“Sādhu, bhante, yena sārandadaṁ cetiyaṁ tenupasaṅkamatu anukampaṁ upādāyā”ti.\nAdhivāsesi bhagavā tuṇhībhāvena.\nAtha kho bhagavā yena sārandadaṁ cetiyaṁ tenupasaṅkami; upasaṅkamitvā paññatte āsane nisīdi. Nisajja kho bhagavā te licchavī etadavoca:\n“kāya nuttha, licchavī, etarahi kathāya sannisinnā, kā ca pana vo antarākathā vippakatā”ti?\n“Idha, bhante, amhākaṁ sannisinnānaṁ sannipatitānaṁ ayamantarākathā udapādi:\n‘pañcannaṁ ratanānaṁ pātubhāvo dullabho lokasmiṁ.\nKatamesaṁ pañcannaṁ?\nHatthiratanassa pātubhāvo dullabho lokasmiṁ, assaratanassa pātubhāvo dullabho lokasmiṁ, maṇiratanassa pātubhāvo dullabho lokasmiṁ, itthiratanassa pātubhāvo dullabho lokasmiṁ, gahapatiratanassa pātubhāvo dullabho lokasmiṁ.\nImesaṁ pañcannaṁ ratanānaṁ pātubhāvo dullabho lokasmin’”ti.","en":"“Please go to the Sārandada Shrine, out of sympathy.”\nThe Buddha consented with silence.\nThen the Buddha went up to the Sārandada Shrine. He sat down on the seat spread out and said to the Licchavis,\n“Licchavis, what were you sitting talking about just now? What conversation was left unfinished?”\n“Well, sir, this discussion came up among us while we were sitting together:\n‘The appearance of five treasures is rare in the world. …’”"}},{"id":"an5.143:5","sourceIds":["an5.143:5.1","an5.143:5.2","an5.143:5.3","an5.143:5.4","an5.143:5.5","an5.143:5.6","an5.143:5.7","an5.143:5.8","an5.143:5.9","an5.143:5.10"],"kind":"text","text":{"pi":"“Kāmādhimuttānaṁ vata bho licchavīnaṁ kāmaṁyeva ārabbha antarākathā udapādi.\nPañcannaṁ, licchavī, ratanānaṁ pātubhāvo dullabho lokasmiṁ.\nKatamesaṁ pañcannaṁ?\nTathāgatassa arahato sammāsambuddhassa pātubhāvo dullabho lokasmiṁ,\ntathāgatappaveditassa dhammavinayassa desetā puggalo dullabho lokasmiṁ,\ntathāgatappaveditassa dhammavinayassa desitassa viññātā puggalo dullabho lokasmiṁ,\ntathāgatappaveditassa dhammavinayassa desitassa viññātā dhammānudhammappaṭipanno puggalo dullabho lokasmiṁ,\nkataññū katavedī puggalo dullabho lokasmiṁ.\nImesaṁ kho, licchavī, pañcannaṁ ratanānaṁ pātubhāvo dullabho lokasmin”ti.\nTatiyaṁ.","en":"“You Licchavis are so fixated on sensual pleasures, that’s the only discussion that came up!\nLicchavis, the appearance of five treasures is rare in the world.\nWhat five?\nThe appearance of a Realized One, a perfected one, a fully awakened Buddha.\nA teacher of the teaching and training proclaimed by a Realized One.\nAn individual who understands the teaching and training proclaimed by a Realized One.\nAn individual who practices in line with the teaching.\nAn individual who is grateful and thankful.\nThe appearance of these five treasures is rare in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.143/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}