{"id":"an5.157","title":"Inappropriate Talk","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.157","title":"Inappropriate Talk","units":[{"id":"an5.157:0","sourceIds":["an5.157:0.1","an5.157:0.2","an5.157:0.3"],"kind":"text","text":{"pi":"Aṅguttara Nikāya 5.157\n16. Saddhammavagga\nDukkathāsutta","en":"Numbered Discourses 5.157\n16. The True Teaching\nInappropriate Talk"}},{"id":"an5.157:1","sourceIds":["an5.157:1.1","an5.157:1.2","an5.157:1.3","an5.157:1.4","an5.157:1.5","an5.157:1.6","an5.157:1.7"],"kind":"text","text":{"pi":"“Pañcannaṁ, bhikkhave, puggalānaṁ kathā dukkathā puggale puggalaṁ upanidhāya.\nKatamesaṁ pañcannaṁ?\nAssaddhassa, bhikkhave, saddhākathā dukkathā;\ndussīlassa sīlakathā dukkathā;\nappassutassa bāhusaccakathā dukkathā;\nmaccharissa cāgakathā dukkathā;\nduppaññassa paññākathā dukkathā.","en":"“Mendicants, it is inappropriate to speak to five individuals by comparing that individual with someone else.\nWhat five?\nIt’s inappropriate to talk to an unfaithful person about faith.\nIt’s inappropriate to talk to an unethical person about ethics.\nIt’s inappropriate to talk to an unlearned person about learning.\nIt’s inappropriate to talk to a stingy person about generosity.\nIt’s inappropriate to talk to a witless person about wisdom."}},{"id":"an5.157:2","sourceIds":["an5.157:2.1","an5.157:2.2","an5.157:2.3","an5.157:2.4","an5.157:2.5"],"kind":"text","text":{"pi":"Kasmā ca, bhikkhave, assaddhassa saddhākathā dukkathā?\nAssaddho, bhikkhave, saddhākathāya kacchamānāya abhisajjati kuppati byāpajjati patitthīyati kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, saddhāsampadaṁ attani na samanupassati, na ca labhati tatonidānaṁ pītipāmojjaṁ.\nTasmā assaddhassa saddhākathā dukkathā.","en":"And why is it inappropriate to talk to an unfaithful person about faith?\nWhen an unfaithful person is spoken to about faith they lose their temper, becoming annoyed, hostile, and hard-hearted, and displaying annoyance, hate, and bitterness.\nWhy is that?\nNot seeing that faith in themselves, they don’t get the rapture and joy that faith brings.\nThat’s why it’s inappropriate to talk to an unfaithful person about faith."}},{"id":"an5.157:3","sourceIds":["an5.157:3.1","an5.157:3.2","an5.157:3.3","an5.157:3.4","an5.157:3.5"],"kind":"text","text":{"pi":"Kasmā ca, bhikkhave, dussīlassa sīlakathā dukkathā?\nDussīlo, bhikkhave, sīlakathāya kacchamānāya abhisajjati kuppati byāpajjati patitthīyati kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, sīlasampadaṁ attani na samanupassati na ca labhati tatonidānaṁ pītipāmojjaṁ.\nTasmā dussīlassa sīlakathā dukkathā.","en":"And why is it inappropriate to talk to an unethical person about ethics?\nWhen an unethical person is spoken to about ethics they lose their temper …\nWhy is that?\nNot seeing that ethical conduct in themselves, they don’t get the rapture and joy that ethical conduct brings.\nThat’s why it’s inappropriate to talk to an unethical person about ethics."}},{"id":"an5.157:4","sourceIds":["an5.157:4.1","an5.157:4.2","an5.157:4.3","an5.157:4.4","an5.157:4.5"],"kind":"text","text":{"pi":"Kasmā ca, bhikkhave, appassutassa bāhusaccakathā dukkathā?\nAppassuto, bhikkhave, bāhusaccakathāya kacchamānāya abhisajjati kuppati byāpajjati patitthīyati kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, sutasampadaṁ attani na samanupassati, na ca labhati tatonidānaṁ pītipāmojjaṁ.\nTasmā appassutassa bāhusaccakathā dukkathā.","en":"And why is it inappropriate to talk to an unlearned person about learning?\nWhen an unlearned person is spoken to about learning they lose their temper …\nWhy is that?\nNot seeing that learning in themselves, they don’t get the rapture and joy that learning brings.\nThat’s why it’s inappropriate to talk to an unlearned person about learning."}},{"id":"an5.157:5","sourceIds":["an5.157:5.1","an5.157:5.2","an5.157:5.3","an5.157:5.4","an5.157:5.5"],"kind":"text","text":{"pi":"Kasmā ca, bhikkhave, maccharissa cāgakathā dukkathā?\nMaccharī, bhikkhave, cāgakathāya kacchamānāya abhisajjati kuppati byāpajjati patitthīyati kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, cāgasampadaṁ attani na samanupassati na ca labhati tatonidānaṁ pītipāmojjaṁ.\nTasmā maccharissa cāgakathā dukkathā.","en":"And why is it inappropriate to talk to a stingy person about generosity?\nWhen a stingy person is spoken to about generosity they lose their temper …\nWhy is that?\nNot seeing that generosity in themselves, they don’t get the rapture and joy that generosity brings.\nThat’s why it’s inappropriate to talk to a stingy person about generosity."}},{"id":"an5.157:6","sourceIds":["an5.157:6.1","an5.157:6.2","an5.157:6.3","an5.157:6.4","an5.157:6.5","an5.157:6.6"],"kind":"text","text":{"pi":"Kasmā ca, bhikkhave, duppaññassa paññākathā dukkathā?\nDuppañño, bhikkhave, paññākathāya kacchamānāya abhisajjati kuppati byāpajjati patitthīyati kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, paññāsampadaṁ attani na samanupassati, na ca labhati tatonidānaṁ pītipāmojjaṁ.\nTasmā duppaññassa paññākathā dukkathā.\nImesaṁ kho, bhikkhave, pañcannaṁ puggalānaṁ kathā dukkathā puggale puggalaṁ upanidhāya.","en":"And why is it inappropriate to talk to a witless person about wisdom?\nWhen a witless person is spoken to about wisdom they lose their temper, becoming annoyed, hostile, and hard-hearted, and displaying annoyance, hate, and bitterness.\nWhy is that?\nNot seeing that wisdom in themselves, they don’t get the rapture and joy that wisdom brings.\nThat’s why it’s inappropriate to talk to a witless person about wisdom.\nIt is inappropriate to speak to these five individuals by comparing that individual with someone else."}},{"id":"an5.157:7","sourceIds":["an5.157:7.1","an5.157:7.2","an5.157:7.3","an5.157:7.4","an5.157:7.5","an5.157:7.6","an5.157:7.7"],"kind":"text","text":{"pi":"Pañcannaṁ, bhikkhave, puggalānaṁ kathā sukathā puggale puggalaṁ upanidhāya.\nKatamesaṁ pañcannaṁ?\nSaddhassa, bhikkhave, saddhākathā sukathā;\nsīlavato sīlakathā sukathā;\nbahussutassa bāhusaccakathā sukathā;\ncāgavato cāgakathā sukathā;\npaññavato paññākathā sukathā.","en":"It is appropriate to speak to five individuals by comparing that individual with someone else.\nWhat five?\nIt’s appropriate to talk to a faithful person about faith.\nIt’s appropriate to talk to an ethical person about ethical conduct.\nIt’s appropriate to talk to a learned person about learning.\nIt’s appropriate to talk to a generous person about generosity.\nIt’s appropriate to talk to a wise person about wisdom."}},{"id":"an5.157:8","sourceIds":["an5.157:8.1","an5.157:8.2","an5.157:8.3","an5.157:8.4","an5.157:8.5"],"kind":"text","text":{"pi":"Kasmā ca, bhikkhave, saddhassa saddhākathā sukathā?\nSaddho, bhikkhave, saddhākathāya kacchamānāya nābhisajjati na kuppati na byāpajjati na patitthīyati na kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, saddhāsampadaṁ attani samanupassati labhati ca tatonidānaṁ pītipāmojjaṁ.\nTasmā saddhassa saddhākathā sukathā.","en":"And why is it appropriate to talk to a faithful person about faith?\nWhen a faithful person is spoken to about faith they don’t lose their temper, they don’t get annoyed, hostile, and hard-hearted, or display annoyance, hate, and bitterness.\nWhy is that?\nSeeing that faith in themselves, they get the rapture and joy that faith brings.\nThat’s why it’s appropriate to talk to a faithful person about faith."}},{"id":"an5.157:9","sourceIds":["an5.157:9.1","an5.157:9.2","an5.157:9.3","an5.157:9.4","an5.157:9.5"],"kind":"text","text":{"pi":"Kasmā ca, bhikkhave, sīlavato sīlakathā sukathā?\nSīlavā, bhikkhave, sīlakathāya kacchamānāya nābhisajjati na kuppati na byāpajjati na patitthīyati na kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, sīlasampadaṁ attani samanupassati, labhati ca tatonidānaṁ pītipāmojjaṁ.\nTasmā sīlavato sīlakathā sukathā.","en":"And why is it appropriate to talk to an ethical person about ethical conduct?\nWhen an ethical person is spoken to about ethical conduct they don’t lose their temper …\nWhy is that?\nSeeing that ethical conduct in themselves, they get the rapture and joy that ethical conduct brings.\nThat’s why it’s appropriate to talk to an ethical person about ethical conduct."}},{"id":"an5.157:10","sourceIds":["an5.157:10.1","an5.157:10.2","an5.157:10.3","an5.157:10.4","an5.157:10.5"],"kind":"text","text":{"pi":"Kasmā ca, bhikkhave, bahussutassa bāhusaccakathā sukathā?\nBahussuto, bhikkhave, bāhusaccakathāya kacchamānāya nābhisajjati na kuppati na byāpajjati na patitthīyati na kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, sutasampadaṁ attani samanupassati, labhati ca tatonidānaṁ pītipāmojjaṁ.\nTasmā bahussutassa bāhusaccakathā sukathā.","en":"And why is it appropriate to talk to a learned person about learning?\nWhen a learned person is spoken to about learning they don’t lose their temper …\nWhy is that?\nSeeing that learning in themselves, they get the rapture and joy that learning brings.\nThat’s why it’s appropriate to talk to a learned person about learning."}},{"id":"an5.157:11","sourceIds":["an5.157:11.1","an5.157:11.2","an5.157:11.3","an5.157:11.4","an5.157:11.5"],"kind":"text","text":{"pi":"Kasmā ca, bhikkhave, cāgavato cāgakathā sukathā?\nCāgavā, bhikkhave, cāgakathāya kacchamānāya nābhisajjati na kuppati na byāpajjati na patitthīyati na kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, cāgasampadaṁ attani samanupassati, labhati ca tatonidānaṁ pītipāmojjaṁ.\nTasmā cāgavato cāgakathā sukathā.","en":"And why is it appropriate to talk to a generous person about generosity?\nWhen a generous person is spoken to about generosity they don’t lose their temper …\nWhy is that?\nSeeing that generosity in themselves, they get the rapture and joy that generosity brings.\nThat’s why it’s appropriate to talk to a generous person about generosity."}},{"id":"an5.157:12","sourceIds":["an5.157:12.1","an5.157:12.2","an5.157:12.3","an5.157:12.4","an5.157:12.5","an5.157:12.6","an5.157:12.7"],"kind":"text","text":{"pi":"Kasmā ca, bhikkhave, paññavato paññākathā sukathā?\nPaññavā, bhikkhave, paññākathāya kacchamānāya nābhisajjati na kuppati na byāpajjati na patitthīyati na kopañca dosañca appaccayañca pātukaroti.\nTaṁ kissa hetu?\nTañhi so, bhikkhave, paññāsampadaṁ attani samanupassati labhati ca tatonidānaṁ pītipāmojjaṁ.\nTasmā paññavato paññākathā sukathā.\nImesaṁ kho, bhikkhave, pañcannaṁ puggalānaṁ kathā sukathā puggale puggalaṁ upanidhāyā”ti.\nSattamaṁ.","en":"And why is it appropriate to talk to a wise person about wisdom?\nWhen a wise person is spoken to about wisdom they don’t lose their temper, they don’t get annoyed, hostile, and hard-hearted, or display annoyance, hate, and bitterness.\nWhy is that?\nSeeing that wisdom in themselves, they get the rapture and joy that wisdom brings.\nThat’s why it’s appropriate to talk to a wise person about wisdom.\nIt is appropriate to speak to these five individuals by comparing that individual with someone else.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.157/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}