{"id":"an5.159","title":"With Udāyī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.159","title":"With Udāyī","units":[{"id":"an5.159:0","sourceIds":["an5.159:0.1","an5.159:0.2","an5.159:0.3"],"kind":"text","text":{"pi":"Aṅguttara Nikāya 5.159\n16. Saddhammavagga\nUdāyīsutta","en":"Numbered Discourses 5.159\n16. The True Teaching\nWith Udāyī"}},{"id":"an5.159:1","sourceIds":["an5.159:1.1","an5.159:1.2","an5.159:1.3","an5.159:1.4","an5.159:1.5","an5.159:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosambiyaṁ viharati ghositārāme.\nTena kho pana samayena āyasmā udāyī mahatiyā gihiparisāya parivuto dhammaṁ desento nisinno hoti.\nAddasā kho āyasmā ānando āyasmantaṁ udāyiṁ mahatiyā gihiparisāya parivutaṁ dhammaṁ desentaṁ nisinnaṁ.\nDisvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:\n“āyasmā, bhante, udāyī mahatiyā gihiparisāya parivuto dhammaṁ desetī”ti.","en":"So I have heard.\nAt one time the Buddha was staying near Kosambī in Ghosita’s monastery.\nNow, at that time Venerable Udāyī was sitting teaching Dhamma, surrounded by a large assembly of laypeople.\nSeeing this, Venerable Ānanda\nwent up to the Buddha, bowed, sat down to one side, and said to him:\n“Sir, Venerable Udāyī is teaching Dhamma, surrounded by a large assembly of laypeople.”"}},{"id":"an5.159:2","sourceIds":["an5.159:2.1","an5.159:2.2","an5.159:2.3","an5.159:2.4","an5.159:2.5","an5.159:2.6","an5.159:2.7","an5.159:2.8","an5.159:2.9","an5.159:2.10","an5.159:2.11"],"kind":"text","text":{"pi":"“Na kho, ānanda, sukaraṁ paresaṁ dhammaṁ desetuṁ.\nParesaṁ, ānanda, dhammaṁ desentena pañca dhamme ajjhattaṁ upaṭṭhāpetvā paresaṁ dhammo desetabbo.\nKatame pañca?\n‘Anupubbiṁ kathaṁ kathessāmī’ti paresaṁ dhammo desetabbo;\n‘pariyāyadassāvī kathaṁ kathessāmī’ti paresaṁ dhammo desetabbo;\n‘anuddayataṁ paṭicca kathaṁ kathessāmī’ti paresaṁ dhammo desetabbo;\n‘na āmisantaro kathaṁ kathessāmī’ti paresaṁ dhammo desetabbo;\n‘attānañca parañca anupahacca kathaṁ kathessāmī’ti paresaṁ dhammo desetabbo.\nNa kho, ānanda, sukaraṁ paresaṁ dhammaṁ desetuṁ.\nParesaṁ, ānanda, dhammaṁ desentena ime pañca dhamme ajjhattaṁ upaṭṭhāpetvā paresaṁ dhammo desetabbo”ti.\nNavamaṁ.","en":"“Ānanda, it’s not easy to teach Dhamma to others.\nYou should establish five things in yourself before teaching Dhamma to others.\nWhat five?\nYou should teach Dhamma to others thinking: ‘I will teach step by step.’ …\n‘I will teach showing my method.’ …\n‘I will teach out of kindness.’ …\n‘I will not teach while secretly hoping to profit.’ …\n‘I will teach without damaging myself or others.’\nIt’s not easy to teach Dhamma to others.\nYou should establish these five things in yourself before teaching Dhamma to others.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.159/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}