{"id":"an5.163","title":"Discussions","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.163","title":"Discussions","units":[{"id":"an5.163:0","sourceIds":["an5.163:0.1","an5.163:0.2","an5.163:0.3"],"kind":"text","text":{"pi":"Aṅguttara Nikāya 5.163\n17. Āghātavagga\nSākacchasutta","en":"Numbered Discourses 5.163\n17. Resentment\nDiscussions"}},{"id":"an5.163:1","sourceIds":["an5.163:1.1","an5.163:1.2","an5.163:1.3","an5.163:1.4"],"kind":"text","text":{"pi":"Tatra kho āyasmā sāriputto bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato sāriputtassa paccassosuṁ.\nĀyasmā sāriputto etadavoca:","en":"There Venerable Sāriputta addressed the mendicants:\n“Reverends, mendicants!”\n“Reverend,” they replied.\nSāriputta said this:"}},{"id":"an5.163:2","sourceIds":["an5.163:2.1","an5.163:2.2","an5.163:2.3","an5.163:2.4","an5.163:2.5","an5.163:2.6","an5.163:2.7","an5.163:2.8","an5.163:2.9"],"kind":"text","text":{"pi":"“Pañcahāvuso, dhammehi samannāgato bhikkhu alaṁ sākaccho sabrahmacārīnaṁ.\nKatamehi pañcahi?\nIdhāvuso, bhikkhu attanā ca sīlasampanno hoti, sīlasampadākathāya ca āgataṁ pañhaṁ byākattā hoti;\nattanā ca samādhisampanno hoti, samādhisampadākathāya ca āgataṁ pañhaṁ byākattā hoti;\nattanā ca paññāsampanno hoti, paññāsampadākathāya ca āgataṁ pañhaṁ byākattā hoti;\nattanā ca vimuttisampanno hoti, vimuttisampadākathāya ca āgataṁ pañhaṁ byākattā hoti;\nattanā ca vimuttiñāṇadassanasampanno hoti, vimuttiñāṇadassanasampadākathāya ca āgataṁ pañhaṁ byākattā hoti.\nImehi kho, āvuso, pañcahi dhammehi samannāgato bhikkhu alaṁ sākaccho sabrahmacārīnan”ti.\nTatiyaṁ.","en":"“A mendicant with five qualities is fit to hold a discussion with their spiritual companions.\nWhat five?\nA mendicant is personally accomplished in ethics, and answers questions that come up when discussing accomplishment in ethics.\nThey’re personally accomplished in immersion, …\nThey’re personally accomplished in wisdom, …\nThey’re personally accomplished in freedom, …\nThey’re personally accomplished in the knowledge and vision of freedom, and they answer questions that come up when discussing accomplishment in the knowledge and vision of freedom.\nA mendicant with these five qualities is fit to hold a discussion with their spiritual companions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.163/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}