{"id":"an5.170","title":"With Bhaddaji","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.170","title":"With Bhaddaji","units":[{"id":"an5.170:0","sourceIds":["an5.170:0.1","an5.170:0.2","an5.170:0.3"],"kind":"text","text":{"pi":"Aṅguttara Nikāya 5.170\n17. Āghātavagga\nBhaddajisutta","en":"Numbered Discourses 5.170\n17. Resentment\nWith Bhaddaji"}},{"id":"an5.170:1","sourceIds":["an5.170:1.1","an5.170:1.2","an5.170:1.3","an5.170:1.4"],"kind":"text","text":{"pi":"Ekaṁ samayaṁ āyasmā ānando kosambiyaṁ viharati ghositārāme.\nAtha kho āyasmā bhaddaji yenāyasmā ānando tenupasaṅkami; upasaṅkamitvā āyasmatā ānandena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho āyasmantaṁ bhaddajiṁ āyasmā ānando etadavoca:\n“kiṁ nu kho, āvuso bhaddaji, dassanānaṁ aggaṁ, kiṁ savanānaṁ aggaṁ, kiṁ sukhānaṁ aggaṁ, kiṁ saññānaṁ aggaṁ, kiṁ bhavānaṁ aggan”ti?","en":"At one time Venerable Ānanda was staying near Kosambī in Ghosita’s monastery.\nThen Venerable Bhaddaji went up to Venerable Ānanda, and exchanged greetings with him.\nWhen the greetings and polite conversation were over, he sat down to one side, and Venerable Ānanda said to him:\n“Reverend Bhaddaji, what is the best sight, the best sound, the best happiness, the best perception, and the best state of existence?”"}},{"id":"an5.170:2","sourceIds":["an5.170:2.1","an5.170:2.2","an5.170:2.3","an5.170:2.4","an5.170:2.5","an5.170:2.6","an5.170:2.7","an5.170:2.8","an5.170:2.9","an5.170:2.10"],"kind":"text","text":{"pi":"“Atthāvuso, brahmā abhibhū anabhibhūto aññadatthudaso vasavattī, yo taṁ brahmānaṁ passati, idaṁ dassanānaṁ aggaṁ.\nAtthāvuso, ābhassarā nāma devā sukhena abhisannā parisannā.\nTe kadāci karahaci udānaṁ udānenti:\n‘aho sukhaṁ, aho sukhan’ti.\nYo taṁ saddaṁ suṇāti, idaṁ savanānaṁ aggaṁ.\nAtthāvuso, subhakiṇhā nāma devā.\nTe santaṁyeva tusitā sukhaṁ paṭivedenti, idaṁ sukhānaṁ aggaṁ.\nAtthāvuso, ākiñcaññāyatanūpagā devā, idaṁ saññānaṁ aggaṁ.\nAtthāvuso, nevasaññānāsaññāyatanūpagā devā, idaṁ bhavānaṁ aggan”ti.\n“Sameti kho idaṁ āyasmato bhaddajissa, yadidaṁ bahunā janenā”ti?","en":"“Reverend, there is this Divinity, the vanquisher, the unvanquished, the universal seer, the wielder of power. When you see the Divinity, that’s the best sight.\nThere are the gods called ‘of sublime luminosity’, who are drenched and steeped in pleasure.\nEvery so often they feel inspired to exclaim:\n‘Oh, what bliss! Oh, what bliss!’\nWhen you hear that, it’s the best sound.\nThere are the gods called ‘of universal beauty’.\nSince they’re truly content, they experience pleasure. This is the best happiness.\nThere are the gods reborn in the dimension of nothingness. This is the best perception.\nThere are the gods reborn in the dimension of neither perception nor non-perception. This is the best state of existence.”\n“So, Venerable Bhaddaji, do you agree with what most people say about this?”"}},{"id":"an5.170:3","sourceIds":["an5.170:3.1","an5.170:3.2","an5.170:3.3","an5.170:3.4","an5.170:3.5"],"kind":"text","text":{"pi":"“Āyasmā kho ānando bahussuto.\nPaṭibhātu āyasmantaṁyeva ānandan”ti.\n“Tenahāvuso bhaddaji, suṇāhi, sādhukaṁ manasi karohi; bhāsissāmī”ti.\n“Evamāvuso”ti kho āyasmā bhaddaji āyasmato ānandassa paccassosi.\nĀyasmā ānando etadavoca:","en":"“Well, Venerable Ānanda, you’re very learned.\nWhy don’t you clarify this yourself?”\n“Well then, Reverend Bhaddaji, listen and apply your mind well, I will speak.”\n“Yes, reverend,” Bhaddaji replied.\nĀnanda said this:"}},{"id":"an5.170:4","sourceIds":["an5.170:4.1","an5.170:4.2","an5.170:4.3","an5.170:4.4","an5.170:4.5","an5.170:4.6","an5.170:4.7"],"kind":"text","text":{"pi":"“Yathā passato kho, āvuso, anantarā āsavānaṁ khayo hoti, idaṁ dassanānaṁ aggaṁ.\nYathā suṇato anantarā āsavānaṁ khayo hoti, idaṁ savanānaṁ aggaṁ.\nYathā sukhitassa anantarā āsavānaṁ khayo hoti, idaṁ sukhānaṁ aggaṁ.\nYathā saññissa anantarā āsavānaṁ khayo hoti, idaṁ saññānaṁ aggaṁ.\nYathā bhūtassa anantarā āsavānaṁ khayo hoti, idaṁ bhavānaṁ aggan”ti.\nDasamaṁ.\nĀghātavaggo dutiyo.","en":"“What you see when the defilements are ended without delay is the best sight.\nWhat you hear when the defilements are ended without delay is the best sound.\nThe happiness you feel when the defilements are ended without delay is the best happiness.\nWhat you perceive when the defilements are ended without delay is the best perception.\nThe state of existence in which the defilements are ended without delay is the best state of existence.”"}},{"id":"an5.170:5","sourceIds":["an5.170:5.0","an5.170:5.1","an5.170:5.2","an5.170:5.3","an5.170:5.4"],"kind":"text","text":{"pi":"Tassuddānaṁ\nDve āghātavinayā,\nsākacchā sājīvato pañhaṁ;\nPucchā nirodho codanā,\nsīlaṁ nisanti bhaddajīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.170/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}