{"id":"an5.178","title":"Kings","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.178","title":"Kings","units":[{"id":"an5.178:0","sourceIds":["an5.178:0.1","an5.178:0.2","an5.178:0.3"],"kind":"text","text":{"pi":"Aṅguttara Nikāya 5.178\n18. Upāsakavagga\nRājāsutta","en":"Numbered Discourses 5.178\n18. A Lay Follower\nKings"}},{"id":"an5.178:1","sourceIds":["an5.178:1.1","an5.178:1.2","an5.178:1.3","an5.178:1.4","an5.178:1.5","an5.178:1.6","an5.178:1.7","an5.178:1.8","an5.178:1.9","an5.178:1.10","an5.178:1.11","an5.178:1.12","an5.178:1.13","an5.178:1.14"],"kind":"text","text":{"pi":"“Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘ayaṁ puriso pāṇātipātaṁ pahāya pāṇātipātā paṭiviratoti.\nTamenaṁ rājāno gahetvā pāṇātipātā veramaṇihetu hananti vā bandhanti vā pabbājenti vā yathāpaccayaṁ vā karontī’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘ayaṁ puriso pāṇātipātaṁ pahāya pāṇātipātā paṭiviratoti.\nTamenaṁ rājāno gahetvā pāṇātipātā veramaṇihetu hananti vā bandhanti vā pabbājenti vā yathāpaccayaṁ vā karontī’ti.\nApi ca khvassa tatheva pāpakammaṁ pavedenti:\n‘ayaṁ puriso itthiṁ vā purisaṁ vā jīvitā voropesīti.\nTamenaṁ rājāno gahetvā pāṇātipātahetu hananti vā bandhanti vā pabbājenti vā yathāpaccayaṁ vā karonti.\nApi nu tumhehi evarūpaṁ diṭṭhaṁ vā sutaṁ vā’”ti?\n“Diṭṭhañca no, bhante, sutañca suyyissati cā”ti.","en":"“What do you think, mendicants?\nHave you ever seen or heard\nof a person who has given up killing living creatures,\nand the kings have them arrested for that, and execute, imprison, or banish them, or do what the case requires?”\n“No, sir.”\n“Good, mendicants!\nI too have never seen or heard of such a thing.\nRather, the kings are informed of someone’s bad deed:\n‘This person has murdered a man or a woman.’\nThe kings have them arrested for killing, and execute, imprison, or banish them, or do what the case requires.\nHave you ever seen or heard of such a case?”\n“Sir, we have seen it and heard of it, and we will hear of it again.”"}},{"id":"an5.178:2","sourceIds":["an5.178:2.1","an5.178:2.2","an5.178:2.3","an5.178:2.4","an5.178:2.5","an5.178:2.6","an5.178:2.7","an5.178:2.8","an5.178:2.9","an5.178:2.10","an5.178:2.11","an5.178:2.12","an5.178:2.13","an5.178:2.14"],"kind":"text","text":{"pi":"“Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘ayaṁ puriso adinnādānaṁ pahāya adinnādānā paṭiviratoti.\nTamenaṁ rājāno gahetvā adinnādānā veramaṇihetu hananti vā bandhanti vā pabbājenti vā yathāpaccayaṁ vā karontī’”ti?\n“No hetaṁ bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘ayaṁ puriso adinnādānaṁ pahāya adinnādānā paṭiviratoti.\nTamenaṁ rājāno gahetvā adinnādānā veramaṇihetu hananti vā bandhanti vā pabbājenti vā yathāpaccayaṁ vā karontī’ti.\nApi ca khvassa tatheva pāpakammaṁ pavedenti:\n‘ayaṁ puriso gāmā vā araññā vā adinnaṁ theyyasaṅkhātaṁ ādiyīti.\nTamenaṁ rājāno gahetvā adinnādānahetu hananti vā bandhanti vā pabbājenti vā yathāpaccayaṁ vā karonti.\nApi nu tumhehi evarūpaṁ diṭṭhaṁ vā sutaṁ vā’”ti?\n“Diṭṭhañca no, bhante, sutañca suyyissati cā”ti.","en":"“What do you think, mendicants?\nHave you ever seen or heard\nof a person who has given up stealing,\nand the kings have them arrested for that …?”\n“No, sir.”\n“Good, mendicants!\nI too have never seen or heard of such a thing.\nRather, the kings are informed of someone’s bad deed:\n‘This person took something from a village or wilderness, with the intention to commit theft.’\nThe kings have them arrested for stealing …\nHave you ever seen or heard of such a case?”\n“Sir, we have seen it and heard of it, and we will hear of it again.”"}},{"id":"an5.178:3","sourceIds":["an5.178:3.1","an5.178:3.2","an5.178:3.3","an5.178:3.4","an5.178:3.5","an5.178:3.6","an5.178:3.7","an5.178:3.8","an5.178:3.9","an5.178:3.10","an5.178:3.11","an5.178:3.12","an5.178:3.13","an5.178:3.14"],"kind":"text","text":{"pi":"“Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘ayaṁ puriso kāmesumicchācāraṁ pahāya kāmesumicchācārā paṭiviratoti.\nTamenaṁ rājāno gahetvā kāmesumicchācārā veramaṇihetu hananti vā bandhanti vā pabbājenti vā yathāpaccayaṁ vā karontī’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘ayaṁ puriso kāmesumicchācāraṁ pahāya kāmesumicchācārā paṭiviratoti.\nTamenaṁ rājāno gahetvā kāmesumicchācārā veramaṇihetu hananti vā bandhanti vā pabbājenti vā yathāpaccayaṁ vā karontī’ti.\nApi ca khvassa tatheva pāpakammaṁ pavedenti:\n‘ayaṁ puriso paritthīsu parakumārīsu cārittaṁ āpajjīti.\nTamenaṁ rājāno gahetvā kāmesumicchācārahetu hananti vā bandhanti vā pabbājenti vā yathāpaccayaṁ vā karonti.\nApi nu tumhehi evarūpaṁ diṭṭhaṁ vā sutaṁ vā’”ti?\n“Diṭṭhañca no, bhante, sutañca suyyissati cā”ti.","en":"“What do you think, mendicants?\nHave you ever seen or heard\nof a person who has given up sexual misconduct,\nand the kings have them arrested for that …?”\n“No, sir.”\n“Good, mendicants!\nI too have never seen or heard of such a thing.\nRather, the kings are informed of someone’s bad deed:\n‘This person had relations with women or maidens under someone else’s protection.’\nThe kings have them arrested for that …\nHave you ever seen or heard of such a case?”\n“Sir, we have seen it and heard of it, and we will hear of it again.”"}},{"id":"an5.178:4","sourceIds":["an5.178:4.1","an5.178:4.2","an5.178:4.3","an5.178:4.4","an5.178:4.5","an5.178:4.6","an5.178:4.7","an5.178:4.8","an5.178:4.9","an5.178:4.10","an5.178:4.11","an5.178:4.12","an5.178:4.13","an5.178:4.14"],"kind":"text","text":{"pi":"“Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘ayaṁ puriso musāvādaṁ pahāya musāvādā paṭiviratoti.\nTamenaṁ rājāno gahetvā musāvādā veramaṇihetu hananti vā bandhanti vā pabbājenti vā yathāpaccayaṁ vā karontī’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘ayaṁ puriso musāvādaṁ pahāya musāvādā paṭiviratoti.\nTamenaṁ rājāno gahetvā musāvādā veramaṇihetu hananti vā bandhanti vā pabbājenti vā yathāpaccayaṁ vā karontī’ti.\nApi ca khvassa tatheva pāpakammaṁ pavedenti:\n‘ayaṁ puriso gahapatissa vā gahapatiputtassa vā musāvādena atthaṁ pabhañjīti.\nTamenaṁ rājāno gahetvā musāvādahetu hananti vā bandhanti vā pabbājenti vā yathāpaccayaṁ vā karonti.\nApi nu tumhehi evarūpaṁ diṭṭhaṁ vā sutaṁ vā’”ti?\n“Diṭṭhañca no, bhante, sutañca suyyissati cā”ti.","en":"“What do you think, mendicants?\nHave you ever seen or heard\nof a person who has given up lying,\nand the kings have them arrested for that …?”\n“No, sir.”\n“Good, mendicants!\nI too have never seen or heard of such a thing.\nRather, the kings are informed of someone’s bad deed:\n‘This person has ruined a householder or householder’s child by lying.’\nThe kings have them arrested for that …\nHave you ever seen or heard of such a case?”\n“Sir, we have seen it and heard of it, and we will hear of it again.”"}},{"id":"an5.178:5","sourceIds":["an5.178:5.1","an5.178:5.2","an5.178:5.3","an5.178:5.4","an5.178:5.5","an5.178:5.6","an5.178:5.7","an5.178:5.8","an5.178:5.9","an5.178:5.10","an5.178:5.11","an5.178:5.12","an5.178:5.13","an5.178:5.14","an5.178:5.15","an5.178:5.16","an5.178:5.17","an5.178:5.18"],"kind":"text","text":{"pi":"“Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘ayaṁ puriso surāmerayamajjapamādaṭṭhānaṁ pahāya surāmerayamajjapamādaṭṭhānā paṭiviratoti.\nTamenaṁ rājāno gahetvā surāmerayamajjapamādaṭṭhānā veramaṇihetu hananti vā bandhanti vā pabbājenti vā yathāpaccayaṁ vā karontī’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘ayaṁ puriso surāmerayamajjapamādaṭṭhānaṁ pahāya surāmerayamajjapamādaṭṭhānā paṭiviratoti.\nTamenaṁ rājāno gahetvā surāmerayamajjapamādaṭṭhānā veramaṇihetu hananti vā bandhanti vā pabbājenti vā yathāpaccayaṁ vā karontī’ti.\nApi ca khvassa tatheva pāpakammaṁ pavedenti:\n‘ayaṁ puriso surāmerayamajjapamādaṭṭhānaṁ anuyutto itthiṁ vā purisaṁ vā jīvitā voropesi;\nayaṁ puriso surāmerayamajjapamādaṭṭhānaṁ anuyutto gāmā vā araññā vā adinnaṁ theyyasaṅkhātaṁ ādiyi;\nayaṁ puriso surāmerayamajjapamādaṭṭhānaṁ anuyutto paritthīsu parakumārīsu cārittaṁ āpajji;\nayaṁ puriso surāmerayamajjapamādaṭṭhānaṁ anuyutto gahapatissa vā gahapatiputtassa vā musāvādena atthaṁ pabhañjīti.\nTamenaṁ rājāno gahetvā surāmerayamajjapamādaṭṭhānahetu hananti vā bandhanti vā pabbājenti vā yathāpaccayaṁ vā karonti.\nApi nu tumhehi evarūpaṁ diṭṭhaṁ vā sutaṁ vā’”ti?\n“Diṭṭhañca no, bhante, sutañca suyyissati cā”ti.\nAṭṭhamaṁ.","en":"“What do you think, mendicants?\nHave you ever seen or heard\nof a person who has given up intoxicants of beer, wine, and liquor,\nand the kings have them arrested for that, and execute, imprison, or banish them, or do what the case requires?”\n“No, sir.”\n“Good, mendicants!\nI too have never seen or heard of such a thing.\nRather, the kings are informed of someone’s bad deed:\n‘While under the influence of intoxicants of beer, wine, and liquor, this person murdered a woman or a man.\nOr they stole something from a village or wilderness.\nOr they had relations with women or maidens under someone else’s protection.\nOr they ruined a householder or householder’s child by lying.’\nThe kings have them arrested for being under the influence of intoxicants of beer, wine, and liquor, and execute, imprison, or banish them, or do what the case requires.\nHave you ever seen or heard of such a case?”\n“Sir, we have seen it and heard of it, and we will hear of it again.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.178/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}