{"id":"an5.180","title":"About Gavesī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.180","title":"About Gavesī","units":[{"id":"an5.180:0","sourceIds":["an5.180:0.1","an5.180:0.2","an5.180:0.3"],"kind":"text","text":{"pi":"Aṅguttara Nikāya 5.180\n18. Upāsakavagga\nGavesīsutta","en":"Numbered Discourses 5.180\n18. A Lay Follower\nAbout Gavesī"}},{"id":"an5.180:1","sourceIds":["an5.180:1.1","an5.180:1.2","an5.180:1.3"],"kind":"text","text":{"pi":"Ekaṁ samayaṁ bhagavā kosalesu cārikaṁ carati mahatā bhikkhusaṅghena saddhiṁ.\nAddasā kho bhagavā addhānamaggappaṭipanno aññatarasmiṁ padese mahantaṁ sālavanaṁ;\ndisvāna maggā okkamma yena taṁ sālavanaṁ tenupasaṅkami; upasaṅkamitvā taṁ sālavanaṁ ajjhogāhetvā aññatarasmiṁ padese sitaṁ pātvākāsi.","en":"At one time the Buddha was wandering in the land of the Kosalans together with a large Saṅgha of mendicants.\nWhile traveling along a road the Buddha saw a large sal grove in a certain spot.\nHe left the road, went to the sal grove, and plunged deep into it. And at a certain spot he smiled."}},{"id":"an5.180:2","sourceIds":["an5.180:2.1","an5.180:2.2","an5.180:2.3","an5.180:2.4","an5.180:2.5","an5.180:2.6"],"kind":"text","text":{"pi":"Atha kho āyasmato ānandassa etadahosi:\n“ko nu kho hetu ko paccayo bhagavato sitassa pātukammāya?\nNa akāraṇena tathāgatā sitaṁ pātukarontī”ti.\nAtha kho āyasmā ānando bhagavantaṁ etadavoca:\n“ko nu kho, bhante, hetu ko paccayo bhagavato sitassa pātukammāya?\nNa akāraṇena tathāgatā sitaṁ pātukarontī”ti.","en":"Then Venerable Ānanda thought,\n“What is the cause, what is the reason why the Buddha smiled?\nRealized Ones do not smile for no reason.”\nSo Venerable Ānanda said to the Buddha,\n“What is the cause, what is the reason why the Buddha smiled?\nRealized Ones do not smile for no reason.”"}},{"id":"an5.180:3","sourceIds":["an5.180:3.1","an5.180:3.2","an5.180:3.3","an5.180:3.4","an5.180:3.5","an5.180:3.6","an5.180:3.7","an5.180:3.8"],"kind":"text","text":{"pi":"“Bhūtapubbaṁ, ānanda, imasmiṁ padese nagaraṁ ahosi iddhañceva phītañca bahujanaṁ ākiṇṇamanussaṁ.\nTaṁ kho panānanda, nagaraṁ kassapo bhagavā arahaṁ sammāsambuddho upanissāya vihāsi.\nKassapassa kho panānanda, bhagavato arahato sammāsambuddhassa gavesī nāma upāsako ahosi sīlesu aparipūrakārī.\nGavesinā kho, ānanda, upāsakena pañcamattāni upāsakasatāni paṭidesitāni samādapitāni ahesuṁ sīlesu aparipūrakārino.\nAtha kho, ānanda, gavesissa upāsakassa etadahosi:\n‘ahaṁ kho imesaṁ pañcannaṁ upāsakasatānaṁ bahūpakāro pubbaṅgamo samādapetā, ahañcamhi sīlesu aparipūrakārī, imāni ca pañca upāsakasatāni sīlesu aparipūrakārino.\nIccetaṁ samasamaṁ, natthi kiñci atirekaṁ;\nhandāhaṁ atirekāyā’ti.","en":"“Once upon a time, Ānanda, there was a city in this spot that was successful and prosperous, populous and full of people.\nAnd Kassapa, a blessed one, a perfected one, a fully awakened Buddha, lived supported by that city.\nHe had a lay follower named Gavesī who had not fulfilled all the precepts.\nAnd the five hundred lay followers who were taught and advised by Gavesī also had not fulfilled all the precepts.\nThen Gavesī thought:\n‘I’m the helper, leader, and adviser of these five hundred lay followers, yet neither I nor they have fulfilled the precepts.\nWe’re the same, I’m in no way better.\nSo let me do better.’"}},{"id":"an5.180:4","sourceIds":["an5.180:4.1","an5.180:4.2","an5.180:4.3","an5.180:4.4","an5.180:4.5","an5.180:4.6","an5.180:4.7","an5.180:4.8","an5.180:4.9","an5.180:4.10","an5.180:4.11","an5.180:4.12"],"kind":"text","text":{"pi":"Atha kho, ānanda, gavesī upāsako yena tāni pañca upāsakasatāni tenupasaṅkami; upasaṅkamitvā tāni pañca upāsakasatāni etadavoca:\n‘ajjatagge maṁ āyasmanto sīlesu paripūrakāriṁ dhārethā’ti.\nAtha kho, ānanda, tesaṁ pañcannaṁ upāsakasatānaṁ etadahosi:\n‘ayyo kho gavesī amhākaṁ bahūpakāro pubbaṅgamo samādapetā.\nAyyo hi nāma gavesī sīlesu paripūrakārī bhavissati.\nKimaṅgaṁ pana mayan’ti.\nAtha kho, ānanda, tāni pañca upāsakasatāni yena gavesī upāsako tenupasaṅkamiṁsu; upasaṅkamitvā gavesiṁ upāsakaṁ etadavocuṁ:\n‘ajjatagge ayyo gavesī imānipi pañca upāsakasatāni sīlesu paripūrakārino dhāretū’ti.\nAtha kho, ānanda, gavesissa upāsakassa etadahosi:\n‘ahaṁ kho imesaṁ pañcannaṁ upāsakasatānaṁ bahūpakāro pubbaṅgamo samādapetā, ahañcamhi sīlesu paripūrakārī, imānipi pañca upāsakasatāni sīlesu paripūrakārino.\nIccetaṁ samasamaṁ, natthi kiñci atirekaṁ;\nhandāhaṁ atirekāyā’ti.","en":"Then Gavesī went to those five hundred lay followers and said to them:\n‘From this day forth may the venerables remember me as one who has fulfilled the precepts.’\nThen those five hundred lay followers thought:\n‘Master Gavesī is our helper, leader, and adviser,\nand now he will fulfill the precepts.\nWhy don’t we do the same?’\nThen those five hundred lay followers went to Gavesī and said to him:\n‘From this day forth may Master Gavesī remember these five hundred lay followers as having fulfilled the precepts.’\nThen Gavesī thought:\n‘I’m the helper, leader, and adviser of these five hundred lay followers, and both I and they have fulfilled the precepts.\nWe’re the same, I’m in no way better.\nSo let me do better.’"}},{"id":"an5.180:5","sourceIds":["an5.180:5.1","an5.180:5.2","an5.180:5.3","an5.180:5.4","an5.180:5.5","an5.180:5.6","an5.180:5.7","an5.180:5.8","an5.180:5.9","an5.180:5.10","an5.180:5.11","an5.180:5.12","an5.180:5.13","an5.180:5.14","an5.180:5.15","an5.180:5.16"],"kind":"text","text":{"pi":"Atha kho, ānanda, gavesī upāsako yena tāni pañca upāsakasatāni tenupasaṅkami; upasaṅkamitvā tāni pañca upāsakasatāni etadavoca:\n‘ajjatagge maṁ āyasmanto brahmacāriṁ dhāretha ārācāriṁ virataṁ methunā gāmadhammā’ti.\nAtha kho, ānanda, tesaṁ pañcannaṁ upāsakasatānaṁ etadahosi:\n‘ayyo kho gavesī amhākaṁ bahūpakāro pubbaṅgamo samādapetā.\nAyyo hi nāma gavesī brahmacārī bhavissati ārācārī virato methunā gāmadhammā.\nKimaṅgaṁ pana mayan’ti.\nAtha kho, ānanda, tāni pañca upāsakasatāni yena gavesī upāsako tenupasaṅkamiṁsu; upasaṅkamitvā gavesiṁ upāsakaṁ etadavocuṁ:\n‘ajjatagge ayyo gavesī imānipi pañca upāsakasatāni brahmacārino dhāretu ārācārino viratā methunā gāmadhammā’ti.\nAtha kho, ānanda, gavesissa upāsakassa etadahosi:\n‘ahaṁ kho imesaṁ pañcannaṁ upāsakasatānaṁ bahūpakāro pubbaṅgamo samādapetā.\nAhañcamhi sīlesu paripūrakārī.\nImānipi pañca upāsakasatāni sīlesu paripūrakārino.\nAhañcamhi brahmacārī ārācārī virato methunā gāmadhammā.\nImānipi pañca upāsakasatāni brahmacārino ārācārino viratā methunā gāmadhammā.\nIccetaṁ samasamaṁ, natthi kiñci atirekaṁ;\nhandāhaṁ atirekāyā’ti.","en":"Then Gavesī went to those five hundred lay followers and said to them:\n‘From this day forth may the venerables remember me as one who is chaste, set apart, refraining from the vulgar act of sex.’\nThen those five hundred lay followers did the same. …\nThen Gavesī thought:\n‘These five hundred lay followers …\nare chaste, set apart, refraining from the vulgar act of sex.\nWe’re the same, I’m in no way better.\nSo let me do better.’"}},{"id":"an5.180:6","sourceIds":["an5.180:6.1","an5.180:6.2","an5.180:6.3","an5.180:6.4","an5.180:6.5","an5.180:6.6","an5.180:6.7","an5.180:6.8","an5.180:6.9","an5.180:6.10","an5.180:6.11","an5.180:6.12","an5.180:6.13","an5.180:6.14","an5.180:6.15","an5.180:6.16","an5.180:6.17","an5.180:6.18"],"kind":"text","text":{"pi":"Atha kho, ānanda, gavesī upāsako yena tāni pañca upāsakasatāni tenupasaṅkami; upasaṅkamitvā tāni pañca upāsakasatāni etadavoca:\n‘ajjatagge maṁ āyasmanto ekabhattikaṁ dhāretha rattūparataṁ virataṁ vikālabhojanā’ti.\nAtha kho, ānanda, tesaṁ pañcannaṁ upāsakasatānaṁ etadahosi:\n‘ayyo kho gavesī bahūpakāro pubbaṅgamo samādapetā.\nAyyo hi nāma gavesī ekabhattiko bhavissati rattūparato virato vikālabhojanā.\nKimaṅgaṁ pana mayan’ti.\nAtha kho, ānanda, tāni pañca upāsakasatāni yena gavesī upāsako tenupasaṅkamiṁsu; upasaṅkamitvā gavesiṁ upāsakaṁ etadavocuṁ:\n‘ajjatagge ayyo gavesī imānipi pañca upāsakasatāni ekabhattike dhāretu rattūparate virate vikālabhojanā’ti.\nAtha kho, ānanda, gavesissa upāsakassa etadahosi:\n‘ahaṁ kho imesaṁ pañcannaṁ upāsakasatānaṁ bahūpakāro pubbaṅgamo samādapetā.\nAhañcamhi sīlesu paripūrakārī.\nImānipi pañca upāsakasatāni sīlesu paripūrakārino.\nAhañcamhi brahmacārī ārācārī virato methunā gāmadhammā.\nImānipi pañca upāsakasatāni brahmacārino ārācārino viratā methunā gāmadhammā.\nAhañcamhi ekabhattiko rattūparato virato vikālabhojanā.\nImānipi pañca upāsakasatāni ekabhattikā rattūparatā viratā vikālabhojanā.\nIccetaṁ samasamaṁ, natthi kiñci atirekaṁ;\nhandāhaṁ atirekāyā’ti.","en":"Then Gavesī went to those five hundred lay followers and said to them:\n‘From this day forth may the venerables remember me as one who eats in one part of the day, abstaining from eating at night, and from food at the wrong time.’\nThen those five hundred lay followers did the same. …\nThen Gavesī thought:\n‘These five hundred lay followers …\neat in one part of the day, abstaining from eating at night, and food at the wrong time.\nWe’re the same, I’m in no way better.\nSo let me do better.’"}},{"id":"an5.180:7","sourceIds":["an5.180:7.1","an5.180:7.2","an5.180:7.3","an5.180:7.4","an5.180:7.5","an5.180:7.6"],"kind":"text","text":{"pi":"Atha kho, ānanda, gavesī upāsako yena kassapo bhagavā arahaṁ sammāsambuddho tenupasaṅkami; upasaṅkamitvā kassapaṁ bhagavantaṁ arahantaṁ sammāsambuddhaṁ etadavoca:\n‘labheyyāhaṁ, bhante, bhagavato santike pabbajjaṁ labheyyaṁ upasampadan’ti.\nAlattha kho, ānanda, gavesī upāsako kassapassa bhagavato arahato sammāsambuddhassa santike pabbajjaṁ, alattha upasampadaṁ.\nAcirūpasampanno kho panānanda, gavesī bhikkhu eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti abbhaññāsi.\nAññataro ca panānanda, gavesī bhikkhu arahataṁ ahosi.","en":"Then the lay follower Gavesī went up to the blessed one Kassapa, the perfected one, the fully awakened Buddha and said to him:\n‘Sir, may I receive the going forth, the ordination in the Buddha’s presence?’\nAnd he received the going forth, the ordination in the Buddha’s presence.\nNot long after his ordination, the mendicant Gavesī, living alone, withdrawn, diligent, keen, and resolute, soon realized the supreme culmination of the spiritual path in this very life. He lived having achieved with his own insight the goal for which gentlemen rightly go forth from the lay life to homelessness.\nHe understood: ‘Rebirth is ended; the spiritual journey has been completed; what had to be done has been done; there is nothing further for this place.’\nAnd the mendicant Gavesī became one of the perfected."}},{"id":"an5.180:8","sourceIds":["an5.180:8.1","an5.180:8.2","an5.180:8.3","an5.180:8.4","an5.180:8.5","an5.180:8.6","an5.180:8.7"],"kind":"text","text":{"pi":"Atha kho, ānanda, tesaṁ pañcannaṁ upāsakasatānaṁ etadahosi:\n‘ayyo kho gavesī amhākaṁ bahūpakāro pubbaṅgamo samādapetā.\nAyyo hi nāma gavesī kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajissati.\nKimaṅgaṁ pana mayan’ti.\nAtha kho, ānanda, tāni pañca upāsakasatāni yena kassapo bhagavā arahaṁ sammāsambuddho tenupasaṅkamiṁsu; upasaṅkamitvā kassapaṁ bhagavantaṁ arahantaṁ sammāsambuddhaṁ etadavocuṁ:\n‘labheyyāma mayaṁ, bhante, bhagavato santike pabbajjaṁ, labheyyāma upasampadan’ti.\nAlabhiṁsu kho, ānanda, tāni pañca upāsakasatāni kassapassa bhagavato arahato sammāsambuddhassa santike pabbajjaṁ, alabhiṁsu upasampadaṁ.","en":"Then those five hundred lay followers thought:\n‘Master Gavesī is our helper, leader, and adviser,\nHe has shaved off his hair and beard, dressed in ocher robes, and gone forth from the lay life to homelessness.\nWhy don’t we do the same?’\nThen those five hundred lay followers went up to the blessed one Kassapa, the perfected one, the fully awakened Buddha and said to him:\n‘Sir, may we receive the going forth and ordination in the Buddha’s presence?’\nAnd they did receive the going forth and ordination in the Buddha’s presence."}},{"id":"an5.180:9","sourceIds":["an5.180:9.1","an5.180:9.2","an5.180:9.3","an5.180:9.4","an5.180:9.5","an5.180:9.6"],"kind":"text","text":{"pi":"Atha kho, ānanda, gavesissa bhikkhuno etadahosi:\n‘ahaṁ kho imassa anuttarassa vimuttisukhassa nikāmalābhī homi akicchalābhī akasiralābhī.\nAho vatimānipi pañca bhikkhusatāni imassa anuttarassa vimuttisukhassa nikāmalābhino assu akicchalābhino akasiralābhino’ti.\nAtha kho, ānanda, tāni pañca bhikkhusatāni vūpakaṭṭhā appamattā ātāpino pahitattā viharantā nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—\nbrahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihariṁsu.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti abbhaññiṁsu.","en":"Then the mendicant Gavesī thought:\n‘I get the supreme bliss of freedom whenever I want, without trouble or difficulty.\nOh, may these five hundred mendicants do the same!’\nThen those five hundred mendicants, living alone, withdrawn, diligent, keen, and resolute, soon realized the supreme culmination of the spiritual path in this very life. They lived having achieved with their own insight the goal for which gentlemen rightly go forth from the lay life to homelessness.\nThey understood: ‘Rebirth is ended, the spiritual journey has been completed, what had to be done has been done, there is nothing further for this place.’"}},{"id":"an5.180:10","sourceIds":["an5.180:10.1","an5.180:10.2","an5.180:10.3","an5.180:10.4","an5.180:10.5","an5.180:10.6"],"kind":"text","text":{"pi":"Iti kho, ānanda, tāni pañca bhikkhusatāni gavesīpamukhāni uttaruttari paṇītapaṇītaṁ vāyamamānā anuttaraṁ vimuttiṁ sacchākaṁsu.\nTasmātiha, ānanda, evaṁ sikkhitabbaṁ:\n‘uttaruttari paṇītapaṇītaṁ vāyamamānā anuttaraṁ vimuttiṁ sacchikarissāmā’ti.\nEvañhi vo, ānanda, sikkhitabban”ti.\nDasamaṁ.\nUpāsakavaggo tatiyo.","en":"And so, Ānanda, those five hundred mendicants headed by Gavesī, trying to go higher and higher, better and better, realized the supreme bliss of freedom.\nSo you should train like this:\n‘Trying to go higher and higher, better and better, we will realize the supreme bliss of freedom.’\nThat’s how you should train.”"}},{"id":"an5.180:11","sourceIds":["an5.180:11.0","an5.180:11.1","an5.180:11.2","an5.180:11.3","an5.180:11.4"],"kind":"text","text":{"pi":"Tassuddānaṁ\nSārajjaṁ visārado nirayaṁ,\nVeraṁ caṇḍālapañcamaṁ;\nPīti vaṇijjā rājāno,\nGihī ceva gavesināti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.180/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}