{"id":"an5.195","title":"Piṅgiyānī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.195","title":"Piṅgiyānī","units":[{"id":"an5.195:0","sourceIds":["an5.195:0.1","an5.195:0.2","an5.195:0.3"],"kind":"text","text":{"pi":"Aṅguttara Nikāya 5.195\n20. Brāhmaṇavagga\nPiṅgiyānīsutta","en":"Numbered Discourses 5.195\n20. Brahmins\nPiṅgiyānī"}},{"id":"an5.195:1","sourceIds":["an5.195:1.1","an5.195:1.2","an5.195:1.3","an5.195:1.4"],"kind":"text","text":{"pi":"Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nTena kho pana samayena pañcamattāni licchavisatāni bhagavantaṁ payirupāsanti.\nAppekacce licchavī nīlā honti nīlavaṇṇā nīlavatthā nīlālaṅkārā, appekacce licchavī pītā honti pītavaṇṇā pītavatthā pītālaṅkārā, appekacce licchavī lohitakā honti lohitakavaṇṇā lohitakavatthā lohitakālaṅkārā, appekacce licchavī odātā honti odātavaṇṇā odātavatthā odātālaṅkārā.\nTyassudaṁ bhagavā atirocati vaṇṇena ceva yasasā ca.","en":"At one time the Buddha was staying near Vesālī, at the Great Wood, in the hall with the peaked roof.\nNow at that time around five hundred Licchavis were visiting the Buddha.\nSome of the Licchavis were in blue, of blue color, clad in blue, adorned with blue. And some were similarly colored in yellow, red, or white.\nBut the Buddha outshone them all in beauty and glory."}},{"id":"an5.195:2","sourceIds":["an5.195:2.1","an5.195:2.2","an5.195:2.3","an5.195:2.4"],"kind":"text","text":{"pi":"Atha kho piṅgiyānī brāhmaṇo uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:\n“paṭibhāti maṁ, bhagavā, paṭibhāti maṁ, sugatā”ti.\n“Paṭibhātu taṁ piṅgiyānī”ti bhagavā avoca.\nAtha kho piṅgiyānī brāhmaṇo bhagavato sammukhā sāruppāya gāthāya abhitthavi:","en":"Then the brahmin Piṅgīyānī rose from his seat, arranged his robe over one shoulder, raised his cupped palms toward the Buddha, and said,\n“I feel inspired to speak, Blessed One! I feel inspired to speak, Holy One!”\n“Then speak as you feel inspired,” said the Buddha.\nSo the brahmin Piṅgīyānī extolled the Buddha in his presence with a fitting verse."}},{"id":"an5.195:3","sourceIds":["an5.195:3.1","an5.195:3.2","an5.195:3.3","an5.195:3.4"],"kind":"text","text":{"pi":"“Padmaṁ yathā kokanadaṁ sugandhaṁ,\nPāto siyā phullamavītagandhaṁ;\nAṅgīrasaṁ passa virocamānaṁ,\nTapantamādiccamivantalikkhe”ti.","en":"“Like a fragrant pink lotus\nthat blooms at daybreak, its fragrance unfaded—\nsee Aṅgīrasa dazzle,\nbright as the sun in the sky!”"}},{"id":"an5.195:4","sourceIds":["an5.195:4.1","an5.195:4.2"],"kind":"text","text":{"pi":"Atha kho te licchavī pañcahi uttarāsaṅgasatehi piṅgiyāniṁ brāhmaṇaṁ acchādesuṁ.\nAtha kho piṅgiyānī brāhmaṇo tehi pañcahi uttarāsaṅgasatehi bhagavantaṁ acchādesi.","en":"Then those Licchavis clothed Piṅgiyānī with five hundred upper robes.\nAnd Piṅgiyānī clothed the Buddha with them."}},{"id":"an5.195:5","sourceIds":["an5.195:5.1","an5.195:5.2","an5.195:5.3","an5.195:5.4","an5.195:5.5","an5.195:5.6","an5.195:5.7","an5.195:5.8","an5.195:5.9","an5.195:5.10"],"kind":"text","text":{"pi":"Atha kho bhagavā te licchavī etadavoca:\n“pañcannaṁ, licchavī, ratanānaṁ pātubhāvo dullabho lokasmiṁ.\nKatamesaṁ pañcannaṁ?\nTathāgatassa arahato sammāsambuddhassa pātubhāvo dullabho lokasmiṁ.\nTathāgatappaveditassa dhammavinayassa desetā puggalo dullabho lokasmiṁ.\nTathāgatappaveditassa dhammavinayassa desitassa viññātā puggalo dullabho lokasmiṁ.\nTathāgatappaveditassa dhammavinayassa desitassa viññātā dhammānudhammappaṭipanno puggalo dullabho lokasmiṁ.\nKataññū katavedī puggalo dullabho lokasmiṁ.\nImesaṁ kho, licchavī, pañcannaṁ ratanānaṁ pātubhāvo dullabho lokasmin”ti.\nPañcamaṁ.","en":"Then the Buddha said to the Licchavis:\n“Licchavis, the appearance of five treasures is rare in the world.\nWhat five?\nA Realized One, a perfected one, a fully awakened Buddha.\nA teacher of the teaching and training proclaimed by a Realized One.\nAn individual who understands the teaching and training proclaimed by a Realized One.\nAn individual who practices in line with the teaching.\nAn individual who is grateful and thankful.\nThe appearance of these five treasures is rare in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.195/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}