{"id":"an5.213","title":"Ethics","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.213","title":"Ethics","units":[{"id":"an5.213:0","sourceIds":["an5.213:0.1","an5.213:0.2","an5.213:0.3"],"kind":"text","text":{"pi":"Aṅguttara Nikāya 5.213\n22. Akkosakavagga\nSīlasutta","en":"Numbered Discourses 5.213\n22. Abuse\nEthics"}},{"id":"an5.213:1","sourceIds":["an5.213:1.1","an5.213:1.2","an5.213:1.3","an5.213:1.4"],"kind":"text","text":{"pi":"“Pañcime, bhikkhave, ādīnavā dussīlassa sīlavipattiyā.\nKatame pañca?\nIdha, bhikkhave, dussīlo sīlavipanno pamādādhikaraṇaṁ mahatiṁ bhogajāniṁ nigacchati.\nAyaṁ, bhikkhave, paṭhamo ādīnavo dussīlassa sīlavipattiyā.","en":"“Mendicants, there are these five drawbacks for an unethical person because of their failure in ethics.\nWhat five?\nFirstly, an unethical person loses great wealth on account of negligence.\nThis is the first drawback."}},{"id":"an5.213:2","sourceIds":["an5.213:2.1","an5.213:2.2"],"kind":"text","text":{"pi":"Puna caparaṁ, bhikkhave, dussīlassa sīlavipannassa pāpako kittisaddo abbhuggacchati.\nAyaṁ, bhikkhave, dutiyo ādīnavo dussīlassa sīlavipattiyā.","en":"Furthermore, an unethical person gets a bad reputation.\nThis is the second drawback."}},{"id":"an5.213:3","sourceIds":["an5.213:3.1","an5.213:3.2"],"kind":"text","text":{"pi":"Puna caparaṁ, bhikkhave, dussīlo sīlavipanno yaññadeva parisaṁ upasaṅkamati—yadi khattiyaparisaṁ, yadi brāhmaṇaparisaṁ, yadi gahapatiparisaṁ, yadi samaṇaparisaṁ—avisārado upasaṅkamati maṅkubhūto.\nAyaṁ, bhikkhave, tatiyo ādīnavo dussīlassa sīlavipattiyā.","en":"Furthermore, an unethical person enters any kind of assembly unconfident and embarrassed, whether it’s an assembly of aristocrats, brahmins, householders, or ascetics.\nThis is the third drawback."}},{"id":"an5.213:4","sourceIds":["an5.213:4.1","an5.213:4.2"],"kind":"text","text":{"pi":"Puna caparaṁ, bhikkhave, dussīlo sīlavipanno sammūḷho kālaṁ karoti.\nAyaṁ, bhikkhave, catuttho ādīnavo dussīlassa sīlavipattiyā.","en":"Furthermore, an unethical person feels lost when they die.\nThis is the fourth drawback."}},{"id":"an5.213:5","sourceIds":["an5.213:5.1","an5.213:5.2","an5.213:5.3"],"kind":"text","text":{"pi":"Puna caparaṁ, bhikkhave, dussīlo sīlavipanno kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nAyaṁ, bhikkhave, pañcamo ādīnavo dussīlassa sīlavipattiyā.\nIme kho, bhikkhave, pañca ādīnavā dussīlassa sīlavipattiyā.","en":"Furthermore, an unethical person, when their body breaks up, after death, is reborn in a place of loss, a bad place, the underworld, hell.\nThis is the fifth drawback.\nThese are the five drawbacks for an unethical person because of their failure in ethics."}},{"id":"an5.213:6","sourceIds":["an5.213:6.1","an5.213:6.2","an5.213:6.3","an5.213:6.4"],"kind":"text","text":{"pi":"Pañcime, bhikkhave, ānisaṁsā sīlavato sīlasampadāya.\nKatame pañca?\nIdha, bhikkhave, sīlavā sīlasampanno appamādādhikaraṇaṁ mahantaṁ bhogakkhandhaṁ adhigacchati.\nAyaṁ, bhikkhave, paṭhamo ānisaṁso sīlavato sīlasampadāya.","en":"There are these five benefits for an ethical person because of their accomplishment in ethics.\nWhat five?\nFirstly, an ethical person gains great wealth on account of diligence.\nThis is the first benefit."}},{"id":"an5.213:7","sourceIds":["an5.213:7.1","an5.213:7.2"],"kind":"text","text":{"pi":"Puna caparaṁ, bhikkhave, sīlavato sīlasampannassa kalyāṇo kittisaddo abbhuggacchati.\nAyaṁ, bhikkhave, dutiyo ānisaṁso sīlavato sīlasampadāya.","en":"Furthermore, an ethical person gets a good reputation.\nThis is the second benefit."}},{"id":"an5.213:8","sourceIds":["an5.213:8.1","an5.213:8.2"],"kind":"text","text":{"pi":"Puna caparaṁ, bhikkhave, sīlavā sīlasampanno yaññadeva parisaṁ upasaṅkamati—yadi khattiyaparisaṁ, yadi brāhmaṇaparisaṁ, yadi gahapatiparisaṁ, yadi samaṇaparisaṁ—visārado upasaṅkamati amaṅkubhūto.\nAyaṁ bhikkhave, tatiyo ānisaṁso sīlavato sīlasampadāya.","en":"Furthermore, an ethical person enters any kind of assembly bold and self-assured, whether it’s an assembly of aristocrats, brahmins, householders, or ascetics.\nThis is the third benefit."}},{"id":"an5.213:9","sourceIds":["an5.213:9.1","an5.213:9.2"],"kind":"text","text":{"pi":"Puna caparaṁ, bhikkhave, sīlavā sīlasampanno asammūḷho kālaṁ karoti.\nAyaṁ, bhikkhave, catuttho ānisaṁso sīlavato sīlasampadāya.","en":"Furthermore, an ethical person dies not feeling lost.\nThis is the fourth benefit."}},{"id":"an5.213:10","sourceIds":["an5.213:10.1","an5.213:10.2","an5.213:10.3","an5.213:10.4"],"kind":"text","text":{"pi":"Puna caparaṁ, bhikkhave, sīlavā sīlasampanno kāyassa bhedā paraṁ maraṇā sugatiṁ saggaṁ lokaṁ upapajjati.\nAyaṁ, bhikkhave, pañcamo ānisaṁso sīlavato sīlasampadāya.\nIme kho, bhikkhave, pañca ānisaṁsā sīlavato sīlasampadāyā”ti.\nTatiyaṁ.","en":"Furthermore, when an ethical person’s body breaks up, after death, they’re reborn in a good place, a heavenly realm.\nThis is the fifth benefit.\nThese are the five benefits for an ethical person because of their accomplishment in ethics.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.213/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}