{"id":"an5.249","title":"A Charnel Ground","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.249","title":"A Charnel Ground","units":[{"id":"an5.249:0","sourceIds":["an5.249:0.1","an5.249:0.2","an5.249:0.3"],"kind":"text","text":{"pi":"Aṅguttara Nikāya 5.249\n25. Duccaritavagga\nSivathikasutta","en":"Numbered Discourses 5.249\n25. Bad Conduct\nA Charnel Ground"}},{"id":"an5.249:1","sourceIds":["an5.249:1.1","an5.249:1.2","an5.249:1.3","an5.249:1.4"],"kind":"text","text":{"pi":"“Pañcime, bhikkhave, ādīnavā sivathikāya.\nKatame pañca?\nAsuci, duggandhā, sappaṭibhayā, vāḷānaṁ amanussānaṁ āvāso, bahuno janassa ārodanā—\nime kho, bhikkhave, pañca ādīnavā sivathikāya.","en":"“Mendicants, there are these five drawbacks to a charnel ground.\nWhat five?\nIt’s filthy, stinking, frightening, a gathering place for savage monsters, and a weeping place for many people.\nThese are the five drawbacks of a charnel ground."}},{"id":"an5.249:2","sourceIds":["an5.249:2.1","an5.249:2.2","an5.249:2.3","an5.249:2.4","an5.249:2.5","an5.249:2.6","an5.249:2.7","an5.249:2.8"],"kind":"text","text":{"pi":"Evamevaṁ kho, bhikkhave, pañcime ādīnavā sivathikūpame puggale.\nKatame pañca?\nIdha, bhikkhave, ekacco puggalo asucinā kāyakammena samannāgato hoti;\nasucinā vacīkammena samannāgato hoti;\nasucinā manokammena samannāgato hoti.\nIdamassa asucitāya vadāmi.\nSeyyathāpi sā, bhikkhave, sivathikā asuci;\ntathūpamāhaṁ, bhikkhave, imaṁ puggalaṁ vadāmi.","en":"In the same way there are five drawbacks of an individual like a charnel ground.\nWhat five?\nTo start with, an individual has filthy conduct by way of body, speech, and mind.\nThis is how they’re filthy, I say.\nThat individual is just as filthy as a charnel ground."}},{"id":"an5.249:3","sourceIds":["an5.249:3.1","an5.249:3.2","an5.249:3.3","an5.249:3.4"],"kind":"text","text":{"pi":"Tassa asucinā kāyakammena samannāgatassa, asucinā vacīkammena samannāgatassa, asucinā manokammena samannāgatassa pāpako kittisaddo abbhuggacchati.\nIdamassa duggandhatāya vadāmi.\nSeyyathāpi sā, bhikkhave, sivathikā duggandhā;\ntathūpamāhaṁ, bhikkhave, imaṁ puggalaṁ vadāmi.","en":"Because of their filthy conduct, they get a bad reputation.\nThis is how they’re stinky, I say.\nThat individual is just as stinky as a charnel ground."}},{"id":"an5.249:4","sourceIds":["an5.249:4.1","an5.249:4.2","an5.249:4.3","an5.249:4.4"],"kind":"text","text":{"pi":"Tamenaṁ asucinā kāyakammena samannāgataṁ, asucinā vacīkammena samannāgataṁ, asucinā manokammena samannāgataṁ pesalā sabrahmacārī ārakā parivajjanti.\nIdamassa sappaṭibhayasmiṁ vadāmi.\nSeyyathāpi sā, bhikkhave, sivathikā sappaṭibhayā;\ntathūpamāhaṁ, bhikkhave, imaṁ puggalaṁ vadāmi.","en":"Because of their filthy conduct, good-hearted spiritual companions avoid them from afar.\nThat’s how they’re frightening, I say.\nThat individual is just as frightening as a charnel ground."}},{"id":"an5.249:5","sourceIds":["an5.249:5.1","an5.249:5.2","an5.249:5.3","an5.249:5.4"],"kind":"text","text":{"pi":"So asucinā kāyakammena samannāgato, asucinā vacīkammena samannāgato, asucinā manokammena samannāgato sabhāgehi puggalehi saddhiṁ saṁvasati.\nIdamassa vāḷāvāsasmiṁ vadāmi.\nSeyyathāpi sā, bhikkhave, sivathikā vāḷānaṁ amanussānaṁ āvāso;\ntathūpamāhaṁ, bhikkhave, imaṁ puggalaṁ vadāmi.","en":"Because of their filthy conduct, they live together with individuals of a similar character.\nThis is how they gather with savage monsters, I say.\nThat individual is just as much a gathering place of savage monsters as a charnel ground."}},{"id":"an5.249:6","sourceIds":["an5.249:6.1","an5.249:6.2","an5.249:6.3","an5.249:6.4","an5.249:6.5","an5.249:6.6","an5.249:6.7"],"kind":"text","text":{"pi":"Tamenaṁ asucinā kāyakammena samannāgataṁ, asucinā vacīkammena samannāgataṁ, asucinā manokammena samannāgataṁ pesalā sabrahmacārī disvā khīyadhammaṁ āpajjanti:\n‘aho vata no dukkhaṁ ye mayaṁ evarūpehi puggalehi saddhiṁ saṁvasāmā’ti.\nIdamassa ārodanāya vadāmi.\nSeyyathāpi sā, bhikkhave, sivathikā bahuno janassa ārodanā;\ntathūpamāhaṁ, bhikkhave, imaṁ puggalaṁ vadāmi.\nIme kho, bhikkhave, pañca ādīnavā sivathikūpame puggale”ti.\nNavamaṁ.","en":"Because of their filthy conduct, when good-hearted spiritual companions see them they complain:\n‘Oh, it’s so painful for us to have to live together with such as these.’\nThis is how there’s weeping, I say.\nThis person is just as much a weeping place for many people as a charnel ground.\nThese are the five drawbacks of an individual like a charnel ground.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.249/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}