{"id":"an5.27","title":"Immersion","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.27","title":"Immersion","units":[{"id":"an5.27:0","sourceIds":["an5.27:0.1","an5.27:0.2","an5.27:0.3"],"kind":"text","text":{"pi":"Aṅguttara Nikāya 5.27\n3. Pañcaṅgikavagga\nSamādhisutta","en":"Numbered Discourses 5.27\n3. With Five Factors\nImmersion"}},{"id":"an5.27:1","sourceIds":["an5.27:1.1","an5.27:1.2","an5.27:1.3","an5.27:1.4","an5.27:1.5","an5.27:1.6","an5.27:1.7","an5.27:1.8"],"kind":"text","text":{"pi":"“Samādhiṁ, bhikkhave, bhāvetha appamāṇaṁ nipakā patissatā.\nSamādhiṁ, bhikkhave, bhāvayataṁ appamāṇaṁ nipakānaṁ patissatānaṁ pañca ñāṇāni paccattaññeva uppajjanti.\nKatamāni pañca?\n‘Ayaṁ samādhi paccuppannasukho ceva āyatiñca sukhavipāko’ti paccattaññeva ñāṇaṁ uppajjati,\n‘ayaṁ samādhi ariyo nirāmiso’ti paccattaññeva ñāṇaṁ uppajjati,\n‘ayaṁ samādhi akāpurisasevito’ti paccattaññeva ñāṇaṁ uppajjati,\n‘ayaṁ samādhi santo paṇīto paṭippassaddhaladdho ekodibhāvādhigato, na sasaṅkhāraniggayhavāritagato’ti paccattaññeva ñāṇaṁ uppajjati,\n‘sato kho panāhaṁ imaṁ samāpajjāmi sato vuṭṭhahāmī’ti paccattaññeva ñāṇaṁ uppajjati.","en":"“Mendicants, develop limitless immersion, alert and mindful.\nWhen you develop limitless immersion, alert and mindful, five knowledges arise for you personally.\nWhat five?\n‘This immersion is blissful now, and results in bliss in the future.’ …\n‘This immersion is noble and not of the flesh.’ …\n‘This immersion is not cultivated by reprobates.’ …\n‘This immersion is peaceful and sublime and tranquil and unified, not held in place by forceful suppression.’ …\n‘I mindfully enter into and emerge from this immersion.’ …"}},{"id":"an5.27:2","sourceIds":["an5.27:2.1","an5.27:2.2","an5.27:2.3"],"kind":"text","text":{"pi":"Samādhiṁ, bhikkhave, bhāvetha appamāṇaṁ nipakā patissatā.\nSamādhiṁ, bhikkhave, bhāvayataṁ appamāṇaṁ nipakānaṁ patissatānaṁ imāni pañca ñāṇāni paccattaññeva uppajjantī”ti.\nSattamaṁ.","en":"Develop limitless immersion, alert and mindful.\nWhen you develop limitless immersion, alert and mindful, these five knowledges arise for you personally.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.27/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}