{"id":"an5.31","title":"With Sumanā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.31","title":"With Sumanā","units":[{"id":"an5.31:0","sourceIds":["an5.31:0.1","an5.31:0.2","an5.31:0.3"],"kind":"text","text":{"pi":"Aṅguttara Nikāya 5.31\n4. Sumanavagga\nSumanasutta","en":"Numbered Discourses 5.31\n4. With Sumanā\nWith Sumanā"}},{"id":"an5.31:1","sourceIds":["an5.31:1.1","an5.31:1.2"],"kind":"text","text":{"pi":"Ekaṁ samayaṁ …pe… anāthapiṇḍikassa ārāme.\nAtha kho sumanā rājakumārī pañcahi rathasatehi pañcahi rājakumārisatehi parivutā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnā kho sumanā rājakumārī bhagavantaṁ etadavoca:","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen Princess Sumanā, escorted by five hundred chariots and five hundred royal maidens, went up to the Buddha, bowed, sat down to one side, and said to him:"}},{"id":"an5.31:2","sourceIds":["an5.31:2.1","an5.31:2.2","an5.31:2.3","an5.31:2.4"],"kind":"text","text":{"pi":"“Idhassu, bhante, bhagavato dve sāvakā samasaddhā samasīlā samapaññā—\neko dāyako, eko adāyako.\nTe kāyassa bhedā paraṁ maraṇā sugatiṁ saggaṁ lokaṁ upapajjeyyuṁ.\nDevabhūtānaṁ pana nesaṁ, bhante, siyā viseso, siyā nānākaraṇan”ti?","en":"“Sir, suppose there were two disciples equal in faith, ethics, and wisdom.\nOne is a giver, one is not.\nWhen their body breaks up, after death, they’re reborn in a good place, a heavenly realm.\nWhen they have become gods, would there be any distinction or difference between them?”"}},{"id":"an5.31:3","sourceIds":["an5.31:3.1","an5.31:3.2","an5.31:3.3","an5.31:3.4"],"kind":"text","text":{"pi":"“Siyā, sumane”ti bhagavā avoca:\n“yo so, sumane, dāyako so amuṁ adāyakaṁ devabhūto samāno pañcahi ṭhānehi adhigaṇhāti—\ndibbena āyunā, dibbena vaṇṇena, dibbena sukhena, dibbena yasena, dibbena ādhipateyyena.\nYo so, sumane, dāyako so amuṁ adāyakaṁ devabhūto samāno imehi pañcahi ṭhānehi adhigaṇhāti”.","en":"“There would be, Sumanā,” said the Buddha.\n“As a god, the one who was a giver surpasses the other in five respects:\nheavenly lifespan, beauty, happiness, glory, and sovereignty.\nAs a god, the one who was a giver surpasses the other in these five respects.”"}},{"id":"an5.31:4","sourceIds":["an5.31:4.1","an5.31:4.2","an5.31:4.3","an5.31:4.4","an5.31:4.5"],"kind":"text","text":{"pi":"“Sace pana te, bhante, tato cutā itthattaṁ āgacchanti, manussabhūtānaṁ pana nesaṁ, bhante, siyā viseso, siyā nānākaraṇan”ti?\n“Siyā, sumane”ti bhagavā avoca:\n“yo so, sumane, dāyako so amuṁ adāyakaṁ manussabhūto samāno pañcahi ṭhānehi adhigaṇhāti—\nmānusakena āyunā, mānusakena vaṇṇena, mānusakena sukhena, mānusakena yasena, mānusakena ādhipateyyena.\nYo so, sumane, dāyako so amuṁ adāyakaṁ manussabhūto samāno imehi pañcahi ṭhānehi adhigaṇhāti”.","en":"“But sir, if they pass away from there and come back to this place as human beings, would there still be any distinction or difference between them?”\n“There would be, Sumanā,” said the Buddha.\n“As a human being, the one who was a giver surpasses the other in five respects:\nhuman lifespan, beauty, happiness, glory, and sovereignty.\nAs a human being, the one who was a giver surpasses the other in these five respects.”"}},{"id":"an5.31:5","sourceIds":["an5.31:5.1","an5.31:5.2","an5.31:5.3","an5.31:5.4","an5.31:5.5","an5.31:5.6"],"kind":"text","text":{"pi":"“Sace pana te, bhante, ubho agārasmā anagāriyaṁ pabbajanti, pabbajitānaṁ pana nesaṁ, bhante, siyā viseso, siyā nānākaraṇan”ti?\n“Siyā, sumane”ti bhagavā avoca:\n“yo so, sumane, dāyako so amuṁ adāyakaṁ pabbajito samāno pañcahi ṭhānehi adhigaṇhāti—\nyācitova bahulaṁ cīvaraṁ paribhuñjati appaṁ ayācito, yācitova bahulaṁ piṇḍapātaṁ paribhuñjati appaṁ ayācito, yācitova bahulaṁ senāsanaṁ paribhuñjati appaṁ ayācito, yācitova bahulaṁ gilānapaccayabhesajjaparikkhāraṁ paribhuñjati appaṁ ayācito.\nYehi kho pana sabrahmacārīhi saddhiṁ viharati tyassa manāpeneva bahulaṁ kāyakammena samudācaranti appaṁ amanāpena, manāpeneva bahulaṁ vacīkammena samudācaranti appaṁ amanāpena, manāpeneva bahulaṁ manokammena samudācaranti appaṁ amanāpena, manāpaṁyeva bahulaṁ upahāraṁ upaharanti appaṁ amanāpaṁ.\nYo so, sumane, dāyako so amuṁ adāyakaṁ pabbajito samāno imehi pañcahi ṭhānehi adhigaṇhātī”ti.","en":"“But sir, if they both go forth from the lay life to homelessness, would there still be any distinction or difference between them?”\n“There would be, Sumanā,” said the Buddha.\n“As a renunciate, the one who was a giver surpasses the other in five respects.\nThey usually use only what they’ve been invited to accept—robes, almsfood, lodgings, and medicines and supplies for the sick—rarely using them without invitation.\nWhen living with other spiritual practitioners, they usually find themselves treated agreeably by them by way of body, speech, and mind, and rarely disagreeably. And they are usually presented with agreeable things by them, rarely with disagreeable ones.\nAs a renunciate, the one who was a giver surpasses the other in these five respects.”"}},{"id":"an5.31:6","sourceIds":["an5.31:6.1","an5.31:6.2"],"kind":"text","text":{"pi":"“Sace pana te, bhante, ubho arahattaṁ pāpuṇanti, arahattappattānaṁ pana nesaṁ, bhante, siyā viseso, siyā nānākaraṇan”ti?\n“Ettha kho panesāhaṁ, sumane, na kiñci nānākaraṇaṁ vadāmi, yadidaṁ vimuttiyā vimuttin”ti.","en":"“But sir, if they both attain perfection, as perfected ones would there still be any distinction or difference between them?”\n“In that case, I say there is no difference between the freedom of one and the freedom of the other.”"}},{"id":"an5.31:7","sourceIds":["an5.31:7.1","an5.31:7.2","an5.31:7.3","an5.31:7.4","an5.31:7.5","an5.31:7.6"],"kind":"text","text":{"pi":"“Acchariyaṁ, bhante, abbhutaṁ, bhante.\nYāvañcidaṁ, bhante, alameva dānāni dātuṁ alaṁ puññāni kātuṁ;\nyatra hi nāma devabhūtassāpi upakārāni puññāni, manussabhūtassāpi upakārāni puññāni, pabbajitassāpi upakārāni puññānī”ti.\n“Evametaṁ, sumane.\nAlañhi, sumane, dānāni dātuṁ alaṁ puññāni kātuṁ.\nDevabhūtassāpi upakārāni puññāni, manussabhūtassāpi upakārāni puññāni, pabbajitassāpi upakārāni puññānī”ti.","en":"“It’s incredible, sir, it’s amazing!\nThis is quite enough to justify giving gifts and making merit.\nFor merit is helpful for those who have become gods, human beings, and renunciates.”\n“That’s so true, Sumanā.\nIt’s quite enough to justify giving gifts and making merit.\nFor merit is helpful for those who have become gods, human beings, and renunciates.”"}},{"id":"an5.31:8","sourceIds":["an5.31:8.1","an5.31:8.2"],"kind":"text","text":{"pi":"Idamavoca bhagavā.\nIdaṁ vatvāna sugato athāparaṁ etadavoca satthā:","en":"That is what the Buddha said.\nThen the Holy One, the Teacher, went on to say:"}},{"id":"an5.31:9","sourceIds":["an5.31:9.1","an5.31:9.2","an5.31:9.3","an5.31:9.4"],"kind":"text","text":{"pi":"“Yathāpi cando vimalo,\ngacchaṁ ākāsadhātuyā;\nSabbe tārāgaṇe loke,\nābhāya atirocati.","en":"“The moon so immaculate,\njourneying across the dimension of space;\noutshines with its radiance\nall the world’s stars."}},{"id":"an5.31:10","sourceIds":["an5.31:10.1","an5.31:10.2","an5.31:10.3","an5.31:10.4"],"kind":"text","text":{"pi":"Tatheva sīlasampanno,\nsaddho purisapuggalo;\nSabbe maccharino loke,\ncāgena atirocati.","en":"So too, a faithful individual,\nperfect in ethics,\noutshines with their generosity\nall the world’s stingy people."}},{"id":"an5.31:11","sourceIds":["an5.31:11.1","an5.31:11.2","an5.31:11.3","an5.31:11.4"],"kind":"text","text":{"pi":"Yathāpi megho thanayaṁ,\nvijjumālī satakkaku;\nThalaṁ ninnañca pūreti,\nabhivassaṁ vasundharaṁ.","en":"The thundering rain cloud,\nits hundred peaks wreathed in lightning,\npours down over the rich earth,\nsoaking the uplands and valleys."}},{"id":"an5.31:12","sourceIds":["an5.31:12.1","an5.31:12.2","an5.31:12.3","an5.31:12.4"],"kind":"text","text":{"pi":"Evaṁ dassanasampanno,\nsammāsambuddhasāvako;\nMacchariṁ adhigaṇhāti,\npañcaṭhānehi paṇḍito.","en":"Even so, an astute person accomplished in vision,\na disciple of the fully awakened Buddha,\nsurpasses a stingy person\nin five respects:"}},{"id":"an5.31:13","sourceIds":["an5.31:13.1","an5.31:13.2","an5.31:13.3","an5.31:13.4","an5.31:13.5"],"kind":"text","text":{"pi":"Āyunā yasasā ceva,\nvaṇṇena ca sukhena ca;\nSa ve bhogaparibyūḷho,\npecca sagge pamodatī”ti.\nPaṭhamaṁ.","en":"long life and fame,\nbeauty and happiness.\nLavished with riches,\nthey depart to rejoice in heaven.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.31/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}