{"id":"an5.34","title":"With General Sīha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.34","title":"With General Sīha","units":[{"id":"an5.34:0","sourceIds":["an5.34:0.1","an5.34:0.2","an5.34:0.3"],"kind":"text","text":{"pi":"Aṅguttara Nikāya 5.34\n4. Sumanavagga\nSīhasenāpatisutta","en":"Numbered Discourses 5.34\n4. With Sumanā\nWith General Sīha"}},{"id":"an5.34:1","sourceIds":["an5.34:1.1","an5.34:1.2","an5.34:1.3"],"kind":"text","text":{"pi":"Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nAtha kho sīho senāpati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho sīho senāpati bhagavantaṁ etadavoca:\n“sakkā nu kho, bhante, bhagavā sandiṭṭhikaṁ dānaphalaṁ paññāpetun”ti?","en":"At one time the Buddha was staying near Vesālī, at the Great Wood, in the hall with the peaked roof.\nThen General Sīha went up to the Buddha, bowed, sat down to one side, and asked him,\n“Sir, can you point out a fruit of giving that’s apparent in the present life?”"}},{"id":"an5.34:2","sourceIds":["an5.34:2.1","an5.34:2.2","an5.34:2.3"],"kind":"text","text":{"pi":"“Sakkā, sīhā”ti bhagavā avoca:\n“dāyako, sīha, dānapati bahuno janassa piyo hoti manāpo.\nYampi, sīha, dāyako dānapati bahuno janassa piyo hoti manāpo, idampi sandiṭṭhikaṁ dānaphalaṁ.","en":"“I can, Sīha,” said the Buddha.\n“A giver, a donor is dear and beloved to many people.\nThis is a fruit of giving that’s apparent in the present life."}},{"id":"an5.34:3","sourceIds":["an5.34:3.1","an5.34:3.2"],"kind":"text","text":{"pi":"Puna caparaṁ, sīha, dāyakaṁ dānapatiṁ santo sappurisā bhajanti.\nYampi, sīha, dāyakaṁ dānapatiṁ santo sappurisā bhajanti, idampi sandiṭṭhikaṁ dānaphalaṁ.","en":"Furthermore, good and true persons associate with a giver.\nThis is another fruit of giving that’s apparent in the present life."}},{"id":"an5.34:4","sourceIds":["an5.34:4.1","an5.34:4.2"],"kind":"text","text":{"pi":"Puna caparaṁ, sīha, dāyakassa dānapatino kalyāṇo kittisaddo abbhuggacchati.\nYampi, sīha, dāyakassa dānapatino kalyāṇo kittisaddo abbhuggacchati, idampi sandiṭṭhikaṁ dānaphalaṁ.","en":"Furthermore, a giver gains a good reputation.\nThis is another fruit of giving that’s apparent in the present life."}},{"id":"an5.34:5","sourceIds":["an5.34:5.1","an5.34:5.2"],"kind":"text","text":{"pi":"Puna caparaṁ, sīha, dāyako dānapati yaṁ yadeva parisaṁ upasaṅkamati—yadi khattiyaparisaṁ yadi brāhmaṇaparisaṁ yadi gahapatiparisaṁ yadi samaṇaparisaṁ—visārado upasaṅkamati amaṅkubhūto.\nYampi, sīha, dāyako dānapati yaṁ yadeva parisaṁ upasaṅkamati—yadi khattiyaparisaṁ yadi brāhmaṇaparisaṁ yadi gahapatiparisaṁ yadi samaṇaparisaṁ—visārado upasaṅkamati amaṅkubhūto, idampi sandiṭṭhikaṁ dānaphalaṁ.","en":"Furthermore, a giver enters any kind of assembly bold and self-assured, whether it’s an assembly of aristocrats, brahmins, householders, or ascetics.\nThis is another fruit of giving that’s apparent in the present life."}},{"id":"an5.34:6","sourceIds":["an5.34:6.1","an5.34:6.2"],"kind":"text","text":{"pi":"Puna caparaṁ, sīha, dāyako dānapati kāyassa bhedā paraṁ maraṇā sugatiṁ saggaṁ lokaṁ upapajjati.\nYampi, sīha, dāyako dānapati kāyassa bhedā paraṁ maraṇā sugatiṁ saggaṁ lokaṁ upapajjati, idaṁ samparāyikaṁ dānaphalan”ti.","en":"Furthermore, when a giver’s body breaks up, after death, they’re reborn in a good place, a heavenly realm.\nThis is a fruit of giving to do with lives to come.”"}},{"id":"an5.34:7","sourceIds":["an5.34:7.1","an5.34:7.2","an5.34:7.3","an5.34:7.4","an5.34:7.5","an5.34:7.6","an5.34:7.7","an5.34:7.8","an5.34:7.9","an5.34:7.10","an5.34:7.11"],"kind":"text","text":{"pi":"Evaṁ vutte, sīho senāpati bhagavantaṁ etadavoca:\n“yānimāni, bhante, bhagavatā cattāri sandiṭṭhikāni dānaphalāni akkhātāni, nāhaṁ ettha bhagavato saddhāya gacchāmi; ahaṁ petāni jānāmi.\nAhaṁ, bhante, dāyako dānapati bahuno janassa piyo manāpo.\nAhaṁ, bhante, dāyako dānapati; maṁ santo sappurisā bhajanti.\nAhaṁ, bhante, dāyako dānapati; mayhaṁ kalyāṇo kittisaddo abbhuggato: ‘sīho senāpati dāyako kārako saṅghupaṭṭhāko’ti.\nAhaṁ, bhante, dāyako dānapati yaṁ yadeva parisaṁ upasaṅkamāmi—yadi khattiyaparisaṁ yadi brāhmaṇaparisaṁ yadi gahapatiparisaṁ yadi samaṇaparisaṁ—visārado upasaṅkamāmi amaṅkubhūto.\nYānimāni, bhante, bhagavatā cattāri sandiṭṭhikāni dānaphalāni akkhātāni, nāhaṁ ettha bhagavato saddhāya gacchāmi; ahaṁ petāni jānāmi.\nYañca kho maṁ, bhante, bhagavā evamāha:\n‘dāyako, sīha, dānapati kāyassa bhedā paraṁ maraṇā sugatiṁ saggaṁ lokaṁ upapajjatī’ti, etāhaṁ na jānāmi; ettha ca panāhaṁ bhagavato saddhāya gacchāmī”ti.\n“Evametaṁ, sīha, evametaṁ, sīha.\nDāyako dānapati kāyassa bhedā paraṁ maraṇā sugatiṁ saggaṁ lokaṁ upapajjatīti.","en":"When he said this, General Sīha said to the Buddha,\n“When it comes to those four fruits of giving that are apparent in the present life, I don’t rely on faith in the Buddha, for I know them too.\nI’m a giver, a donor, and am dear and beloved to many people.\nI’m a giver, and good and true persons associate with me.\nI’m a giver, and I have this good reputation: ‘General Sīha gives, serves, and attends on the Saṅgha.’\nI’m a giver, and I enter any kind of assembly bold and self-assured, whether it’s an assembly of aristocrats, brahmins, householders, or ascetics.\nWhen it comes to these four fruits of giving that are apparent in the present life, I don’t rely on faith in the Buddha, for I know them too.\nBut when the Buddha says:\n‘When a giver’s body breaks up, after death, they’re reborn in a good place, a heavenly realm.’ I don’t know this, so I have to rely on faith in the Buddha.”\n“That’s so true, Sīha! That’s so true!\nWhen a giver’s body breaks up, after death, they’re reborn in a good place, a heavenly realm."}},{"id":"an5.34:8","sourceIds":["an5.34:8.1","an5.34:8.2","an5.34:8.3","an5.34:8.4"],"kind":"text","text":{"pi":"Dadaṁ piyo hoti bhajanti naṁ bahū,\nKittiñca pappoti yaso ca vaḍḍhati;\nAmaṅkubhūto parisaṁ vigāhati,\nVisārado hoti naro amaccharī.","en":"Giving, you’re loved and befriended by many people.\nYou get a good reputation, and your fame grows.\nA generous man enters an assembly\nbold and self-assured."}},{"id":"an5.34:9","sourceIds":["an5.34:9.1","an5.34:9.2","an5.34:9.3","an5.34:9.4"],"kind":"text","text":{"pi":"Tasmā hi dānāni dadanti paṇḍitā,\nVineyya maccheramalaṁ sukhesino;\nTe dīgharattaṁ tidive patiṭṭhitā,\nDevānaṁ sahabyagatā ramanti te.","en":"So an astute person, seeking happiness, would give gifts,\nhaving driven out the stain of stinginess.\nThey live long in the Third Heaven,\nenjoying the company of the gods."}},{"id":"an5.34:10","sourceIds":["an5.34:10.1","an5.34:10.2","an5.34:10.3","an5.34:10.4","an5.34:10.5","an5.34:10.6","an5.34:10.7"],"kind":"text","text":{"pi":"Katāvakāsā katakusalā ito cutā,\nSayaṁpabhā anuvicaranti nandanaṁ;\nTe tattha nandanti ramanti modare,\nSamappitā kāmaguṇehi pañcahi;\nKatvāna vākyaṁ asitassa tādino,\nRamanti sagge sugatassa sāvakā”ti.\nCatutthaṁ.","en":"Having taken the opportunity to do good, when they pass from here\nthey wander self-radiant in the Garden of Delight.\nThere they delight, rejoice, and enjoy themselves,\nprovided with the five kinds of sensual stimulation.\nHaving practiced the word of the unattached, the unaffected,\ndisciples of the Holy One rejoice in heaven.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.34/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}