{"id":"an5.43","title":"Likable","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.43","title":"Likable","units":[{"id":"an5.43:0","sourceIds":["an5.43:0.1","an5.43:0.2","an5.43:0.3"],"kind":"text","text":{"pi":"Aṅguttara Nikāya 5.43\n5. Muṇḍarājavagga\nIṭṭhasutta","en":"Numbered Discourses 5.43\n5. With King Muṇḍa\nLikable"}},{"id":"an5.43:1","sourceIds":["an5.43:1.1"],"kind":"text","text":{"pi":"Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho anāthapiṇḍikaṁ gahapatiṁ bhagavā etadavoca:","en":"Then the householder Anāthapiṇḍika went up to the Buddha, bowed, and sat down to one side. The Buddha said to him:"}},{"id":"an5.43:2","sourceIds":["an5.43:2.1","an5.43:2.2","an5.43:2.3","an5.43:2.4","an5.43:2.5","an5.43:2.6","an5.43:2.7","an5.43:2.8"],"kind":"text","text":{"pi":"“Pañcime, gahapati, dhammā iṭṭhā kantā manāpā dullabhā lokasmiṁ.\nKatame pañca?\nĀyu, gahapati, iṭṭho kanto manāpo dullabho lokasmiṁ;\nvaṇṇo iṭṭho kanto manāpo dullabho lokasmiṁ;\nsukhaṁ iṭṭhaṁ kantaṁ manāpaṁ dullabhaṁ lokasmiṁ;\nyaso iṭṭho kanto manāpo dullabho lokasmiṁ;\nsaggā iṭṭhā kantā manāpā dullabhā lokasmiṁ.\nIme kho, gahapati, pañca dhammā iṭṭhā kantā manāpā dullabhā lokasmiṁ.","en":"“Householder, these five things, which are likable, desirable, and agreeable are hard to get in the world.\nWhat five?\nLong life,\nbeauty,\nhappiness,\nfame,\nand heaven.\nThese are the five things, which are likable, desirable, and agreeable, but hard to get in the world."}},{"id":"an5.43:3","sourceIds":["an5.43:3.1","an5.43:3.2"],"kind":"text","text":{"pi":"Imesaṁ kho, gahapati, pañcannaṁ dhammānaṁ iṭṭhānaṁ kantānaṁ manāpānaṁ dullabhānaṁ lokasmiṁ na āyācanahetu vā patthanāhetu vā paṭilābhaṁ vadāmi.\nImesaṁ kho, gahapati, pañcannaṁ dhammānaṁ iṭṭhānaṁ kantānaṁ manāpānaṁ dullabhānaṁ lokasmiṁ āyācanahetu vā patthanāhetu vā paṭilābho abhavissa, ko idha kena hāyetha?","en":"And I say that these five things are not got by supplication or wishing for them.\nIf they were, who would lack them?"}},{"id":"an5.43:4","sourceIds":["an5.43:4.1","an5.43:4.2","an5.43:4.3","an5.43:4.4"],"kind":"text","text":{"pi":"Na kho, gahapati, arahati ariyasāvako āyukāmo āyuṁ āyācituṁ vā abhinandituṁ vā āyussa vāpi hetu.\nĀyukāmena, gahapati, ariyasāvakena āyusaṁvattanikā paṭipadā paṭipajjitabbā.\nĀyusaṁvattanikā hissa paṭipadā paṭipannā āyupaṭilābhāya saṁvattati.\nSo lābhī hoti āyussa dibbassa vā mānusassa vā.","en":"A noble disciple who wants to live long ought not pray for it, or hope for it, or pine for it.\nInstead, they should practice the way that leads to long life.\nFor by practicing that way they gain long life\nas a god or a human being."}},{"id":"an5.43:5","sourceIds":["an5.43:5.1","an5.43:5.2","an5.43:5.3","an5.43:5.4"],"kind":"text","text":{"pi":"Na kho, gahapati, arahati ariyasāvako vaṇṇakāmo vaṇṇaṁ āyācituṁ vā abhinandituṁ vā vaṇṇassa vāpi hetu.\nVaṇṇakāmena, gahapati, ariyasāvakena vaṇṇasaṁvattanikā paṭipadā paṭipajjitabbā.\nVaṇṇasaṁvattanikā hissa paṭipadā paṭipannā vaṇṇapaṭilābhāya saṁvattati.\nSo lābhī hoti vaṇṇassa dibbassa vā mānusassa vā.","en":"A noble disciple who wants to be beautiful ought not pray for it, or hope for it, or pine for it.\nInstead, they should practice the way that leads to beauty.\nFor by practicing that way they gain beauty\nas a god or a human being."}},{"id":"an5.43:6","sourceIds":["an5.43:6.1","an5.43:6.2","an5.43:6.3","an5.43:6.4"],"kind":"text","text":{"pi":"Na kho, gahapati, arahati ariyasāvako sukhakāmo sukhaṁ āyācituṁ vā abhinandituṁ vā sukhassa vāpi hetu.\nSukhakāmena, gahapati, ariyasāvakena sukhasaṁvattanikā paṭipadā paṭipajjitabbā.\nSukhasaṁvattanikā hissa paṭipadā paṭipannā sukhapaṭilābhāya saṁvattati.\nSo lābhī hoti sukhassa dibbassa vā mānusassa vā.","en":"A noble disciple who wants to be happy ought not pray for it, or hope for it, or pine for it.\nInstead, they should practice the way that leads to happiness.\nFor by practicing that way they gain happiness\nas a god or a human being."}},{"id":"an5.43:7","sourceIds":["an5.43:7.1","an5.43:7.2","an5.43:7.3","an5.43:7.4"],"kind":"text","text":{"pi":"Na kho, gahapati, arahati ariyasāvako yasakāmo yasaṁ āyācituṁ vā abhinandituṁ vā yasassa vāpi hetu.\nYasakāmena, gahapati, ariyasāvakena yasasaṁvattanikā paṭipadā paṭipajjitabbā.\nYasasaṁvattanikā hissa paṭipadā paṭipannā yasapaṭilābhāya saṁvattati.\nSo lābhī hoti yasassa dibbassa vā mānusassa vā.","en":"A noble disciple who wants to be famous ought not pray for it, or hope for it, or pine for it.\nInstead, they should practice the way that leads to fame.\nFor by practicing that way they gain fame\nas a god or a human being."}},{"id":"an5.43:8","sourceIds":["an5.43:8.1","an5.43:8.2","an5.43:8.3","an5.43:8.4"],"kind":"text","text":{"pi":"Na kho, gahapati, arahati ariyasāvako saggakāmo saggaṁ āyācituṁ vā abhinandituṁ vā saggānaṁ vāpi hetu.\nSaggakāmena, gahapati, ariyasāvakena saggasaṁvattanikā paṭipadā paṭipajjitabbā.\nSaggasaṁvattanikā hissa paṭipadā paṭipannā saggapaṭilābhāya saṁvattati.\nSo lābhī hoti saggānanti.","en":"A noble disciple who wants to go to heaven ought not pray for it, or hope for it, or pine for it.\nInstead, they should practice the way that leads to heaven.\nFor by practicing that way they gain heaven,\nthey are one who gains the heavens."}},{"id":"an5.43:9","sourceIds":["an5.43:9.1","an5.43:9.2","an5.43:9.3","an5.43:9.4"],"kind":"text","text":{"pi":"Āyuṁ vaṇṇaṁ yasaṁ kittiṁ,\nSaggaṁ uccākulīnataṁ;\nRatiyo patthayānena,\nUḷārā aparāparā.","en":"For one who desires lofty delights\nagain and again—\nlong life, beauty, fame and reputation,\nheaven, and an eminent family—"}},{"id":"an5.43:10","sourceIds":["an5.43:10.1","an5.43:10.2","an5.43:10.3","an5.43:10.4"],"kind":"text","text":{"pi":"Appamādaṁ pasaṁsanti,\npuññakiriyāsu paṇḍitā;\nAppamatto ubho atthe,\nadhigaṇhāti paṇḍito.","en":"the astute praise diligence\nin making merit.\nBeing diligent, an astute person\nsecures both benefits:"}},{"id":"an5.43:11","sourceIds":["an5.43:11.1","an5.43:11.2","an5.43:11.3","an5.43:11.4","an5.43:11.5"],"kind":"text","text":{"pi":"Diṭṭhe dhamme ca yo attho,\nyo cattho samparāyiko;\nAtthābhisamayā dhīro,\npaṇḍitoti pavuccatī”ti.\nTatiyaṁ.","en":"the benefit in this life,\nand in lives to come.\nAn attentive one, comprehending the meaning,\nis said to be astute.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.43/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}