{"id":"an5.55","title":"Mother and Son","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.55","title":"Mother and Son","units":[{"id":"an5.55:0","sourceIds":["an5.55:0.1","an5.55:0.2","an5.55:0.3"],"kind":"text","text":{"pi":"Aṅguttara Nikāya 5.55\n6. Nīvaraṇavagga\nMātāputtasutta","en":"Numbered Discourses 5.55\n6. Hindrances\nMother and Son"}},{"id":"an5.55:1","sourceIds":["an5.55:1.1","an5.55:1.2","an5.55:1.3","an5.55:1.4","an5.55:1.5","an5.55:1.6","an5.55:1.7","an5.55:1.8","an5.55:1.9","an5.55:1.10"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena sāvatthiyaṁ ubho mātāputtā vassāvāsaṁ upagamiṁsu—\nbhikkhu ca bhikkhunī ca.\nTe aññamaññassa abhiṇhaṁ dassanakāmā ahesuṁ.\nMātāpi puttassa abhiṇhaṁ dassanakāmā ahosi;\nputtopi mātaraṁ abhiṇhaṁ dassanakāmo ahosi.\nTesaṁ abhiṇhaṁ dassanā saṁsaggo ahosi.\nSaṁsagge sati vissāso ahosi.\nVissāse sati otāro ahosi.\nTe otiṇṇacittā sikkhaṁ apaccakkhāya dubbalyaṁ anāvikatvā methunaṁ dhammaṁ paṭiseviṁsu.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow, at that time a mother and son had both entered the rainy season residence at Sāvatthī,\nas a monk and a nun.\nThey wanted to see each other often.\nThe mother wanted to see her son often,\nand the son his mother.\nSeeing each other often, they became close.\nBeing so close, they became familiar.\nAnd being familiar, lust overcame them.\nWith their minds swamped by lust, without resigning the training and declaring their inability to continue, they had sex."}},{"id":"an5.55:2","sourceIds":["an5.55:2.1","an5.55:2.2","an5.55:2.3","an5.55:2.4"],"kind":"text","text":{"pi":"Atha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“idha, bhante, sāvatthiyaṁ ubho mātāputtā vassāvāsaṁ upagamiṁsu—\nbhikkhu ca bhikkhunī ca, te aññamaññassa abhiṇhaṁ dassanakāmā ahesuṁ, mātāpi puttassa abhiṇhaṁ dassanakāmā ahosi, puttopi mātaraṁ abhiṇhaṁ dassanakāmo ahosi.\nTesaṁ abhiṇhaṁ dassanā saṁsaggo ahosi, saṁsagge sati vissāso ahosi, vissāse sati otāro ahosi, te otiṇṇacittā sikkhaṁ apaccakkhāya dubbalyaṁ anāvikatvā methunaṁ dhammaṁ paṭiseviṁsū”ti.","en":"Then several mendicants went up to the Buddha, bowed, sat down to one side, and told him what had happened."}},{"id":"an5.55:3","sourceIds":["an5.55:3.1","an5.55:3.2","an5.55:3.3","an5.55:3.4","an5.55:3.5"],"kind":"text","text":{"pi":"“Kiṁ nu so, bhikkhave, moghapuriso maññati:\n‘na mātā putte sārajjati, putto vā pana mātarī’ti?\nNāhaṁ, bhikkhave, aññaṁ ekarūpampi samanupassāmi evaṁ rajanīyaṁ evaṁ kamanīyaṁ evaṁ madanīyaṁ evaṁ bandhanīyaṁ evaṁ mucchanīyaṁ evaṁ antarāyakaraṁ anuttarassa yogakkhemassa adhigamāya yathayidaṁ, bhikkhave, itthirūpaṁ.\nItthirūpe, bhikkhave, sattā rattā giddhā gathitā mucchitā ajjhosannā.\nTe dīgharattaṁ socanti itthirūpavasānugā.","en":"“Mendicants, how could that futile man imagine that\na mother cannot lust for her son, or that a son cannot lust for his mother?\nCompared to the sight of a woman, I do not see a single sight that is so arousing, sensuous, intoxicating, captivating, and infatuating, and such an obstacle to reaching the supreme sanctuary from the yoke.\nSentient beings are lustful, greedy, tied, infatuated, and attached to the sight of a woman.\nThey sorrow for a long time under the sway of a woman’s sight."}},{"id":"an5.55:4","sourceIds":["an5.55:4.1","an5.55:4.2","an5.55:4.3"],"kind":"text","text":{"pi":"Nāhaṁ, bhikkhave, aññaṁ ekasaddampi … ekagandhampi … ekarasampi … ekaphoṭṭhabbampi samanupassāmi evaṁ rajanīyaṁ evaṁ kamanīyaṁ evaṁ madanīyaṁ evaṁ bandhanīyaṁ evaṁ mucchanīyaṁ evaṁ antarāyakaraṁ anuttarassa yogakkhemassa adhigamāya yathayidaṁ, bhikkhave, itthiphoṭṭhabbaṁ.\nItthiphoṭṭhabbe, bhikkhave, sattā rattā giddhā gathitā mucchitā ajjhosannā.\nTe dīgharattaṁ socanti itthiphoṭṭhabbavasānugā.","en":"Compared to the sound … smell … taste … touch of a woman, I do not see a single touch that is so arousing, sensuous, intoxicating, captivating, and infatuating, and such an obstacle to reaching the supreme sanctuary from the yoke.\nSentient beings are lustful, greedy, tied, infatuated, and attached to the touch of a woman.\nThey sorrow for a long time under the sway of a woman’s touch."}},{"id":"an5.55:5","sourceIds":["an5.55:5.1","an5.55:5.2","an5.55:5.3","an5.55:5.4","an5.55:5.5"],"kind":"text","text":{"pi":"Itthī, bhikkhave, gacchantīpi purisassa cittaṁ pariyādāya tiṭṭhati;\nṭhitāpi …pe… nisinnāpi … sayānāpi … hasantīpi … bhaṇantīpi … gāyantīpi … rodantīpi … ugghātitāpi … matāpi purisassa cittaṁ pariyādāya tiṭṭhati.\nYañhi taṁ, bhikkhave, sammā vadamāno vadeyya:\n‘samantapāso mārassā’ti mātugāmaṁyeva sammā vadamāno vadeyya:\n‘samantapāso mārassā’ti.","en":"When a woman walks, she occupies a man’s mind.\nWhen a woman stands … sits … lies down … laughs … speaks … sings … cries … is injured, she occupies a man’s mind. Even when a woman is dead, she occupies a man’s mind.\nFor if anyone should be rightly called ‘an all-round snare of Māra’, it’s ladies."}},{"id":"an5.55:6","sourceIds":["an5.55:6.1","an5.55:6.2","an5.55:6.3","an5.55:6.4","an5.55:6.5","an5.55:6.6"],"kind":"text","text":{"pi":"Sallape asihatthena,\npisācenāpi sallape;\nĀsīvisampi āsīde,\nyena daṭṭho na jīvati;\nNa tveva eko ekāya,\nmātugāmena sallape.","en":"You might chat with someone who has knife in hand.\nYou might even chat with a goblin.\nYou might sit close by a viper,\nwhose bite would take your life.\nBut never should you chat\none on one with a lady."}},{"id":"an5.55:7","sourceIds":["an5.55:7.1","an5.55:7.2","an5.55:7.3","an5.55:7.4","an5.55:7.5","an5.55:7.6"],"kind":"text","text":{"pi":"Muṭṭhassatiṁ tā bandhanti,\npekkhitena sitena ca;\nAthopi dunnivatthena,\nmañjunā bhaṇitena ca;\nNeso jano svāsīsado,\napi ugghātito mato.","en":"They captivate the unmindful\nwith a glance and a smile.\nOr scantily clad,\nthey speak charming words.\nIt’s not good to sit with such a person,\neven if she’s injured or dead."}},{"id":"an5.55:8","sourceIds":["an5.55:8.1","an5.55:8.2","an5.55:8.3","an5.55:8.4"],"kind":"text","text":{"pi":"Pañca kāmaguṇā ete,\nitthirūpasmiṁ dissare;\nRūpā saddā rasā gandhā,\nphoṭṭhabbā ca manoramā.","en":"These five kinds of sensual stimulation\nare apparent in a woman’s body:\nsights, sounds, tastes, smells,\nand touches so delightful."}},{"id":"an5.55:9","sourceIds":["an5.55:9.1","an5.55:9.2","an5.55:9.3","an5.55:9.4"],"kind":"text","text":{"pi":"Tesaṁ kāmoghavūḷhānaṁ,\nkāme aparijānataṁ;\nKālaṁ gati bhavābhavaṁ,\nsaṁsārasmiṁ purakkhatā.","en":"Those swept away by the flood of sensual pleasures,\nnot comprehending them,\nare governed by transmigration—\ntime and destination, and life after life."}},{"id":"an5.55:10","sourceIds":["an5.55:10.1","an5.55:10.2","an5.55:10.3","an5.55:10.4","an5.55:10.5"],"kind":"text","text":{"pi":"Ye ca kāme pariññāya,\ncaranti akutobhayā;\nTe ve pāraṅgatā loke,\nye pattā āsavakkhayan”ti.\nPañcamaṁ.","en":"But those who fully understand sensual pleasures\nlive fearing nothing from any quarter.\nThey are those in the world who’ve crossed over,\nhaving reached the ending of defilements.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.55/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}