{"id":"an5.78","title":"Future Perils (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.78","title":"Future Perils (2nd)","units":[{"id":"an5.78:0","sourceIds":["an5.78:0.1","an5.78:0.2","an5.78:0.3"],"kind":"text","text":{"pi":"Aṅguttara Nikāya 5.78\n8. Yodhājīvavagga\nDutiyaanāgatabhayasutta","en":"Numbered Discourses 5.78\n8. Warriors\nFuture Perils (2nd)"}},{"id":"an5.78:1","sourceIds":["an5.78:1.1","an5.78:1.2","an5.78:1.3","an5.78:1.4","an5.78:1.5","an5.78:1.6","an5.78:1.7","an5.78:1.8","an5.78:1.9"],"kind":"text","text":{"pi":"“Pañcimāni, bhikkhave, anāgatabhayāni sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.\nKatamāni pañca?\nIdha, bhikkhave, bhikkhu iti paṭisañcikkhati:\n‘ahaṁ kho etarahi daharo yuvā susukāḷakeso bhadrena yobbanena samannāgato paṭhamena vayasā.\nHoti kho pana so samayo yaṁ imaṁ kāyaṁ jarā phusati.\nJiṇṇena kho pana jarāya abhibhūtena na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.\nPurā maṁ so dhammo āgacchati aniṭṭho akanto amanāpo;\nhandāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato jiṇṇakopi phāsuṁ viharissāmī’ti.\nIdaṁ, bhikkhave, paṭhamaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.","en":"“Mendicants, seeing these five future perils is quite enough for a mendicant to meditate diligently, keenly, and resolutely for attaining the unattained, achieving the unachieved, and realizing the unrealized.\nWhat five?\nA mendicant reflects:\n‘Currently I’m a youth, young, with pristine black hair, blessed with youth, in the prime of life.\nBut there will come a time when this body is struck with old age.\nWhen you’re old, overcome by old age, it’s not easy to focus on the instructions of the Buddhas, and it’s not easy to frequent remote lodgings in the wilderness and the forest.\nBefore that unlikable, undesirable, and disagreeable thing happens,\nI’d better preempt it by rousing up energy for attaining the unattained, achieving the unachieved, and realizing the unrealized. That way, when it happens, I’ll live comfortably even though I’m old.’\nThis is the first future peril …"}},{"id":"an5.78:2","sourceIds":["an5.78:2.1","an5.78:2.2","an5.78:2.3","an5.78:2.4","an5.78:2.5","an5.78:2.6","an5.78:2.7"],"kind":"text","text":{"pi":"Puna caparaṁ, bhikkhave, bhikkhu iti paṭisañcikkhati:\n‘ahaṁ kho etarahi appābādho appātaṅko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya.\nHoti kho pana so samayo yaṁ imaṁ kāyaṁ byādhi phusati.\nByādhitena kho pana byādhinā abhibhūtena na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.\nPurā maṁ so dhammo āgacchati aniṭṭho akanto amanāpo;\nhandāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato byādhitopi phāsuṁ viharissāmī’ti.\nIdaṁ, bhikkhave, dutiyaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.","en":"Furthermore, a mendicant reflects:\n‘Currently, I’m rarely ill or unwell. My stomach digests well, being neither too hot nor too cold, but just right, and fit for meditation.\nBut there will come a time when this body is struck with sickness.\nWhen you’re sick, overcome by sickness, it’s not easy to focus on the instructions of the Buddhas, and it’s not easy to frequent remote lodgings in the wilderness and the forest.\nBefore that unlikable, undesirable, and disagreeable thing happens,\nI’d better preempt it by rousing up energy for attaining the unattained, achieving the unachieved, and realizing the unrealized. That way, when it happens, I’ll live comfortably even though I’m sick.’\nThis is the second future peril …"}},{"id":"an5.78:3","sourceIds":["an5.78:3.1","an5.78:3.2","an5.78:3.3","an5.78:3.4","an5.78:3.5","an5.78:3.6","an5.78:3.7","an5.78:3.8","an5.78:3.9"],"kind":"text","text":{"pi":"Puna caparaṁ, bhikkhave, bhikkhu iti paṭisañcikkhati:\n‘etarahi kho subhikkhaṁ susassaṁ sulabhapiṇḍaṁ, sukaraṁ uñchena paggahena yāpetuṁ.\nHoti kho pana so samayo yaṁ dubbhikkhaṁ hoti dussassaṁ dullabhapiṇḍaṁ, na sukaraṁ uñchena paggahena yāpetuṁ.\nDubbhikkhe kho pana manussā yena subhikkhaṁ tena saṅkamanti.\nTattha saṅgaṇikavihāro hoti ākiṇṇavihāro.\nSaṅgaṇikavihāre kho pana sati ākiṇṇavihāre na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.\nPurā maṁ so dhammo āgacchati aniṭṭho akanto amanāpo;\nhandāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato dubbhikkhepi phāsu viharissāmī’ti.\nIdaṁ, bhikkhave, tatiyaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.","en":"Furthermore, a mendicant reflects:\n‘Currently, there’s plenty of food, a good harvest, so it’s easy to get almsfood, and easy to keep going by collecting alms.\nBut there will come a time of famine, a bad harvest, when it’s hard to get almsfood, and not easy to keep going by collecting alms.\nIn a time of famine, people move to where there’s plenty of food,\nwhere they live crowded and cramped together.\nWhen you live crowded and cramped together, it’s not easy to focus on the instructions of the Buddhas, and it’s not easy to frequent remote lodgings in the wilderness and the forest.\nBefore that unlikable, undesirable, and disagreeable thing happens,\nI’d better preempt it by rousing up energy for attaining the unattained, achieving the unachieved, and realizing the unrealized. That way, when it happens, I’ll live comfortably even though there’s a famine.’\nThis is the third future peril …"}},{"id":"an5.78:4","sourceIds":["an5.78:4.1","an5.78:4.2","an5.78:4.3","an5.78:4.4","an5.78:4.5","an5.78:4.6","an5.78:4.7","an5.78:4.8","an5.78:4.9"],"kind":"text","text":{"pi":"Puna caparaṁ, bhikkhave, bhikkhu iti paṭisañcikkhati:\n‘etarahi kho manussā samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharanti.\nHoti kho pana so samayo yaṁ bhayaṁ hoti aṭavisaṅkopo, cakkasamārūḷhā jānapadā pariyāyanti.\nBhaye kho pana sati manussā yena khemaṁ tena saṅkamanti.\nTattha saṅgaṇikavihāro hoti ākiṇṇavihāro.\nSaṅgaṇikavihāre kho pana sati ākiṇṇavihāre na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.\nPurā maṁ so dhammo āgacchati aniṭṭho akanto amanāpo;\nhandāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato bhayepi phāsuṁ viharissāmī’ti.\nIdaṁ, bhikkhave, catutthaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.","en":"Furthermore, a mendicant reflects:\n‘Currently, people live in harmony, appreciating each other, without dispute, blending like milk and water, and regarding each other with kindly eyes.\nBut there will come a time of peril due to turmoil in the wilds, so the countryfolk mount their vehicles and flee everywhere.\nIn a time of peril, people move to where there’s sanctuary,\nwhere they live crowded and cramped together.\nWhen you live crowded and cramped together, it’s not easy to focus on the instructions of the Buddhas, and it’s not easy to frequent remote lodgings in the wilderness and the forest.\nBefore that unlikable, undesirable, and disagreeable thing happens,\nI’d better preempt it by rousing up energy for attaining the unattained, achieving the unachieved, and realizing the unrealized. That way, when it happens, I’ll live comfortably even in a time of peril.’\nThis is the fourth future peril …"}},{"id":"an5.78:5","sourceIds":["an5.78:5.1","an5.78:5.2","an5.78:5.3","an5.78:5.4","an5.78:5.5","an5.78:5.6","an5.78:5.7"],"kind":"text","text":{"pi":"Puna caparaṁ, bhikkhave, bhikkhu iti paṭisañcikkhati:\n‘etarahi kho saṅgho samaggo sammodamāno avivadamāno ekuddeso phāsu viharati.\nHoti kho pana so samayo yaṁ saṅgho bhijjati.\nSaṅghe kho pana bhinne na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.\nPurā maṁ so dhammo āgacchati aniṭṭho akanto amanāpo;\nhandāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato bhinnepi saṅghe phāsuṁ viharissāmī’ti.\nIdaṁ, bhikkhave, pañcamaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.","en":"Furthermore, a mendicant reflects:\n‘Currently, the Saṅgha lives comfortably, in harmony, appreciating each other, without dispute, with one recitation.\nBut there will come a time of schism in the Saṅgha.\nWhen there is schism in the Saṅgha, it’s not easy to focus on the instructions of the Buddhas, and it’s not easy to frequent remote lodgings in the wilderness and the forest.\nBefore that unlikable, undesirable, and disagreeable thing happens,\nI’d better preempt it by rousing up energy for attaining the unattained, achieving the unachieved, and realizing the unrealized. That way, when it happens, I’ll live comfortably even though there’s schism in the Saṅgha.’\nThis is the fifth future peril …"}},{"id":"an5.78:6","sourceIds":["an5.78:6.1","an5.78:6.2"],"kind":"text","text":{"pi":"Imāni kho, bhikkhave, pañca anāgatabhayāni sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāyā”ti.\nAṭṭhamaṁ.","en":"These are the five future perils, seeing which is quite enough for a mendicant to meditate diligently, keenly, and resolutely for attaining the unattained, achieving the unachieved, and realizing the unrealized.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.78/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}