{"id":"an5.79","title":"Future Perils (3rd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.79","title":"Future Perils (3rd)","units":[{"id":"an5.79:0","sourceIds":["an5.79:0.1","an5.79:0.2","an5.79:0.3"],"kind":"text","text":{"pi":"Aṅguttara Nikāya 5.79\n8. Yodhājīvavagga\nTatiyaanāgatabhayasutta","en":"Numbered Discourses 5.79\n8. Warriors\nFuture Perils (3rd)"}},{"id":"an5.79:1","sourceIds":["an5.79:1.1","an5.79:1.2","an5.79:1.3"],"kind":"text","text":{"pi":"“Pañcimāni, bhikkhave, anāgatabhayāni etarahi asamuppannāni āyatiṁ samuppajjissanti.\nTāni vo paṭibujjhitabbāni;\npaṭibujjhitvā ca tesaṁ pahānāya vāyamitabbaṁ.","en":"“Mendicants, these five future perils have not currently arisen, but they will arise in the future.\nYou should look out for them\nand try to give them up."}},{"id":"an5.79:2","sourceIds":["an5.79:2.1","an5.79:2.2","an5.79:2.3","an5.79:2.4","an5.79:2.5","an5.79:2.6","an5.79:2.7","an5.79:2.8","an5.79:2.9","an5.79:2.10","an5.79:2.11","an5.79:2.12","an5.79:2.13"],"kind":"text","text":{"pi":"Katamāni pañca?\nBhavissanti, bhikkhave, bhikkhū anāgatamaddhānaṁ abhāvitakāyā abhāvitasīlā abhāvitacittā abhāvitapaññā.\nTe abhāvitakāyā samānā abhāvitasīlā abhāvitacittā abhāvitapaññā aññe upasampādessanti.\nTepi na sakkhissanti vinetuṁ adhisīle adhicitte adhipaññāya.\nTepi bhavissanti abhāvitakāyā abhāvitasīlā abhāvitacittā abhāvitapaññā.\nTe abhāvitakāyā samānā abhāvitasīlā abhāvitacittā abhāvitapaññā aññe upasampādessanti.\nTepi na sakkhissanti vinetuṁ adhisīle adhicitte adhipaññāya.\nTepi bhavissanti abhāvitakāyā abhāvitasīlā abhāvitacittā abhāvitapaññā.\nIti kho, bhikkhave, dhammasandosā vinayasandoso;\nvinayasandosā dhammasandoso.\nIdaṁ, bhikkhave, paṭhamaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"What five?\nIn a future time there will be mendicants who have not developed their physical endurance, ethics, mind, and wisdom.\nThey will ordain others,\nbut be unable to guide them in the higher ethics, mind, and wisdom.\nThey too will not develop their physical endurance, ethics, mind, and wisdom.\nThey too will ordain others,\nbut be unable to guide them in the higher ethics, mind, and wisdom.\nThey too will not develop their physical endurance, ethics, mind, and wisdom.\nAnd that is how corrupt training comes from corrupt teachings,\nand corrupt teachings come from corrupt training.\nThis is the first future peril that has not currently arisen, but will arise in the future …"}},{"id":"an5.79:3","sourceIds":["an5.79:3.1","an5.79:3.2","an5.79:3.3","an5.79:3.4","an5.79:3.5","an5.79:3.6","an5.79:3.7","an5.79:3.8","an5.79:3.9","an5.79:3.10","an5.79:3.11","an5.79:3.12"],"kind":"text","text":{"pi":"Puna caparaṁ, bhikkhave, bhavissanti bhikkhū anāgatamaddhānaṁ abhāvitakāyā abhāvitasīlā abhāvitacittā abhāvitapaññā.\nTe abhāvitakāyā samānā abhāvitasīlā abhāvitacittā abhāvitapaññā aññesaṁ nissayaṁ dassanti.\nTepi na sakkhissanti vinetuṁ adhisīle adhicitte adhipaññāya.\nTepi bhavissanti abhāvitakāyā abhāvitasīlā abhāvitacittā abhāvitapaññā.\nTe abhāvitakāyā samānā abhāvitasīlā abhāvitacittā abhāvitapaññā aññesaṁ nissayaṁ dassanti.\nTepi na sakkhissanti vinetuṁ adhisīle adhicitte adhipaññāya.\nTepi bhavissanti abhāvitakāyā abhāvitasīlā abhāvitacittā abhāvitapaññā.\nIti kho, bhikkhave, dhammasandosā vinayasandoso;\nvinayasandosā dhammasandoso.\nIdaṁ, bhikkhave, dutiyaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"Furthermore, in a future time there will be mendicants who have not developed their physical endurance, ethics, mind, and wisdom.\nThey will give dependence to others,\nbut be unable to guide them in the higher ethics, mind, and wisdom.\nThey too will not develop their physical endurance, ethics, mind, and wisdom.\nThey too will give dependence to others,\nbut be unable to guide them in the higher ethics, mind, and wisdom.\nThey too will not develop their physical endurance, ethics, mind, and wisdom.\nAnd that is how corrupt training comes from corrupt teachings,\nand corrupt teachings come from corrupt training.\nThis is the second future peril that has not currently arisen, but will arise in the future …"}},{"id":"an5.79:4","sourceIds":["an5.79:4.1","an5.79:4.2","an5.79:4.3","an5.79:4.4","an5.79:4.5","an5.79:4.6","an5.79:4.7"],"kind":"text","text":{"pi":"Puna caparaṁ, bhikkhave, bhavissanti bhikkhū anāgatamaddhānaṁ abhāvitakāyā abhāvitasīlā abhāvitacittā abhāvitapaññā.\nTe abhāvitakāyā samānā abhāvitasīlā abhāvitacittā abhāvitapaññā abhidhammakathaṁ vedallakathaṁ kathentā kaṇhadhammaṁ okkamamānā na bujjhissanti.\nIti kho, bhikkhave, dhammasandosā vinayasandoso;\nvinayasandosā dhammasandoso.\nIdaṁ, bhikkhave, tatiyaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"Furthermore, in a future time there will be mendicants who have not developed their physical endurance, ethics, mind, and wisdom.\nIn discussion about the teachings and elaborations they’ll fall into dark ideas without realizing it.\nAnd that is how corrupt training comes from corrupt teachings,\nand corrupt teachings come from corrupt training.\nThis is the third future peril that has not currently arisen, but will arise in the future …"}},{"id":"an5.79:5","sourceIds":["an5.79:5.1","an5.79:5.2","an5.79:5.3","an5.79:5.4","an5.79:5.5","an5.79:5.6","an5.79:5.7","an5.79:5.8"],"kind":"text","text":{"pi":"Puna caparaṁ, bhikkhave, bhavissanti bhikkhū anāgatamaddhānaṁ abhāvitakāyā abhāvitasīlā abhāvitacittā abhāvitapaññā.\nTe abhāvitakāyā samānā abhāvitasīlā abhāvitacittā abhāvitapaññā ye te suttantā tathāgatabhāsitā gambhīrā gambhīratthā lokuttarā suññatāppaṭisaṁyuttā, tesu bhaññamānesu na sussūsissanti, na sotaṁ odahissanti, na aññā cittaṁ upaṭṭhapessanti, na ca te dhamme uggahetabbaṁ pariyāpuṇitabbaṁ maññissanti.\nYe pana te suttantā kavitā kāveyyā cittakkharā cittabyañjanā bāhirakā sāvakabhāsitā, tesu bhaññamānesu sussūsissanti, sotaṁ odahissanti, aññā cittaṁ upaṭṭhapessanti, te ca dhamme uggahetabbaṁ pariyāpuṇitabbaṁ maññissanti.\nIti kho, bhikkhave, dhammasandosā vinayasandoso;\nvinayasandosā dhammasandoso.\nIdaṁ, bhikkhave, catutthaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"Furthermore, in a future time there will be mendicants who have not developed their physical endurance, ethics, mind, and wisdom.\nWhen discourses spoken by the Realized One—deep, profound, transcendent, dealing with emptiness—are being recited they won’t want to listen. They won’t actively listen or try to understand, nor will they think those teachings are worth learning and memorizing.\nBut when discourses composed by poets—poetry, with fancy words and phrases, composed by outsiders or spoken by disciples—are being recited they will want to listen. They’ll actively listen and try to understand, and they’ll think those teachings are worth learning and memorizing.\nAnd that is how corrupt training comes from corrupt teachings,\nand corrupt teachings come from corrupt training.\nThis is the fourth future peril that has not currently arisen, but will arise in the future …"}},{"id":"an5.79:6","sourceIds":["an5.79:6.1","an5.79:6.2","an5.79:6.3","an5.79:6.4","an5.79:6.5","an5.79:6.6","an5.79:6.7","an5.79:6.8","an5.79:6.9"],"kind":"text","text":{"pi":"Puna caparaṁ, bhikkhave, bhavissanti bhikkhū anāgatamaddhānaṁ abhāvitakāyā abhāvitasīlā abhāvitacittā abhāvitapaññā.\nTe abhāvitakāyā samānā abhāvitasīlā abhāvitacittā abhāvitapaññā therā bhikkhū bāhulikā bhavissanti sāthalikā okkamane pubbaṅgamā paviveke nikkhittadhurā, na vīriyaṁ ārabhissanti appattassa pattiyā anadhigatassa adhigamāya asacchikatassa sacchikiriyāya.\nTesaṁ pacchimā janatā diṭṭhānugatiṁ āpajjissati.\nSāpi bhavissati bāhulikā sāthalikā okkamane pubbaṅgamā paviveke nikkhittadhurā, na vīriyaṁ ārabhissati appattassa pattiyā anadhigatassa adhigamāya asacchikatassa sacchikiriyāya.\nIti kho, bhikkhave, dhammasandosā vinayasandoso;\nvinayasandosā dhammasandoso.\nIdaṁ, bhikkhave, pañcamaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"Furthermore, in a future time there will be mendicants who have not developed their physical endurance, ethics, mind, and wisdom.\nThe senior mendicants will be indulgent and slack, leaders in backsliding, neglecting seclusion, not rousing energy for attaining the unattained, achieving the unachieved, and realizing the unrealized.\nThose who come after them will follow their example.\nThey too will become indulgent and slack, leaders in backsliding, neglecting seclusion, not rousing energy for attaining the unattained, achieving the unachieved, and realizing the unrealized.\nAnd that is how corrupt training comes from corrupt teachings,\nand corrupt teachings come from corrupt training.\nThis is the fifth future peril that has not currently arisen, but will arise in the future …"}},{"id":"an5.79:7","sourceIds":["an5.79:7.1","an5.79:7.2","an5.79:7.3","an5.79:7.4"],"kind":"text","text":{"pi":"Imāni kho, bhikkhave, pañca anāgatabhayāni etarahi asamuppannāni āyatiṁ samuppajjissanti.\nTāni vo paṭibujjhitabbāni;\npaṭibujjhitvā ca tesaṁ pahānāya vāyamitabban”ti.\nNavamaṁ.","en":"These are the five future perils that have not currently arisen, but will arise in the future.\nYou should look out for them,\nand try to give them up.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.79/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}