{"id":"an5.80","title":"Future Perils (4th)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.80","title":"Future Perils (4th)","units":[{"id":"an5.80:0","sourceIds":["an5.80:0.1","an5.80:0.2","an5.80:0.3"],"kind":"text","text":{"pi":"Aṅguttara Nikāya 5.80\n8. Yodhājīvavagga\nCatutthaanāgatabhayasutta","en":"Numbered Discourses 5.80\n8. Warriors\nFuture Perils (4th)"}},{"id":"an5.80:1","sourceIds":["an5.80:1.1","an5.80:1.2","an5.80:1.3"],"kind":"text","text":{"pi":"“Pañcimāni, bhikkhave, anāgatabhayāni etarahi asamuppannāni āyatiṁ samuppajjissanti.\nTāni vo paṭibujjhitabbāni;\npaṭibujjhitvā ca tesaṁ pahānāya vāyamitabbaṁ.","en":"“Mendicants, these five future perils have not currently arisen, but they will arise in the future.\nYou should look out for them\nand try to give them up."}},{"id":"an5.80:2","sourceIds":["an5.80:2.1","an5.80:2.2","an5.80:2.3","an5.80:2.4","an5.80:2.5","an5.80:2.6","an5.80:2.7"],"kind":"text","text":{"pi":"Katamāni pañca?\nBhavissanti, bhikkhave, bhikkhū anāgatamaddhānaṁ cīvare kalyāṇakāmā.\nTe cīvare kalyāṇakāmā samānā riñcissanti paṁsukūlikattaṁ, riñcissanti araññavanapatthāni pantāni senāsanāni;\ngāmanigamarājadhānīsu osaritvā vāsaṁ kappessanti, cīvarahetu ca anekavihitaṁ anesanaṁ appatirūpaṁ āpajjissanti.\nIdaṁ, bhikkhave, paṭhamaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"What five?\nIn a future time there will be mendicants who like nice robes.\nThey will neglect the practice of wearing rag robes and the practice of frequenting remote lodgings in the wilderness and the forest.\nThey will come down to the villages, towns, and capital cities and make their homes there. And they will employ many kinds of improper solicitation for the sake of a robe.\nThis is the first future peril that has not currently arisen, but will arise in the future …"}},{"id":"an5.80:3","sourceIds":["an5.80:3.1","an5.80:3.2","an5.80:3.3","an5.80:3.4","an5.80:3.5","an5.80:3.6"],"kind":"text","text":{"pi":"Puna caparaṁ, bhikkhave, bhavissanti bhikkhū anāgatamaddhānaṁ piṇḍapāte kalyāṇakāmā.\nTe piṇḍapāte kalyāṇakāmā samānā riñcissanti piṇḍapātikattaṁ, riñcissanti araññavanapatthāni pantāni senāsanāni;\ngāmanigamarājadhānīsu osaritvā vāsaṁ kappessanti jivhaggena rasaggāni pariyesamānā, piṇḍapātahetu ca anekavihitaṁ anesanaṁ appatirūpaṁ āpajjissanti.\nIdaṁ, bhikkhave, dutiyaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"Furthermore, in a future time there will be mendicants who like nice almsfood.\nThey will neglect the practice of walking for almsfood and the practice of frequenting remote lodgings in the wilderness and the forest.\nThey will come down to the villages, towns, and capital cities and make their home there. And they will employ many kinds of improper solicitation for the sake of almsfood.\nThis is the second future peril that has not currently arisen, but will arise in the future …"}},{"id":"an5.80:4","sourceIds":["an5.80:4.1","an5.80:4.2","an5.80:4.3","an5.80:4.4","an5.80:4.5","an5.80:4.6"],"kind":"text","text":{"pi":"Puna caparaṁ, bhikkhave, bhavissanti bhikkhū anāgatamaddhānaṁ senāsane kalyāṇakāmā.\nTe senāsane kalyāṇakāmā samānā riñcissanti rukkhamūlikattaṁ, riñcissanti araññavanapatthāni pantāni senāsanāni;\ngāmanigamarājadhānīsu osaritvā vāsaṁ kappessanti, senāsanahetu ca anekavihitaṁ anesanaṁ appatirūpaṁ āpajjissanti.\nIdaṁ, bhikkhave, tatiyaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"Furthermore, in a future time there will be mendicants who like nice lodgings.\nThey will neglect the practice of staying at the root of a tree and the practice of frequenting remote lodgings in the wilderness and the forest.\nThey will come down to the villages, towns, and capital cities and make their home there. And they will employ many kinds of improper solicitation for the sake of lodgings.\nThis is the third future peril that has not currently arisen, but will arise in the future …"}},{"id":"an5.80:5","sourceIds":["an5.80:5.1","an5.80:5.2","an5.80:5.3","an5.80:5.4","an5.80:5.5","an5.80:5.6"],"kind":"text","text":{"pi":"Puna caparaṁ, bhikkhave, bhavissanti bhikkhū anāgatamaddhānaṁ bhikkhunīsikkhamānāsamaṇuddesehi saṁsaṭṭhā viharissanti.\nBhikkhunīsikkhamānāsamaṇuddesehi saṁsagge kho pana, bhikkhave, sati etaṁ pāṭikaṅkhaṁ:\n‘anabhiratā vā brahmacariyaṁ carissanti, aññataraṁ vā saṅkiliṭṭhaṁ āpattiṁ āpajjissanti, sikkhaṁ vā paccakkhāya hīnāyāvattissanti’.\nIdaṁ, bhikkhave, catutthaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"Furthermore, in a future time there will be mendicants who mix closely with nuns, trainee nuns, and novice nuns.\nIn such conditions, it can be expected that\nthey will lead the spiritual life dissatisfied, or commit one of the corrupt offenses, or resign the training and return to a lesser life.\nThis is the fourth future peril that has not currently arisen, but will arise in the future …"}},{"id":"an5.80:6","sourceIds":["an5.80:6.1","an5.80:6.2","an5.80:6.3","an5.80:6.4","an5.80:6.5","an5.80:6.6"],"kind":"text","text":{"pi":"Puna caparaṁ, bhikkhave, bhavissanti bhikkhū anāgatamaddhānaṁ ārāmikasamaṇuddesehi saṁsaṭṭhā viharissanti.\nĀrāmikasamaṇuddesehi saṁsagge kho pana, bhikkhave, sati etaṁ pāṭikaṅkhaṁ:\n‘anekavihitaṁ sannidhikāraparibhogaṁ anuyuttā viharissanti, oḷārikampi nimittaṁ karissanti, pathaviyāpi haritaggepi’.\nIdaṁ, bhikkhave, pañcamaṁ anāgatabhayaṁ etarahi asamuppannaṁ āyatiṁ samuppajjissati.\nTaṁ vo paṭibujjhitabbaṁ;\npaṭibujjhitvā ca tassa pahānāya vāyamitabbaṁ.","en":"Furthermore, in a future time there will be mendicants who mix closely with monastery attendants and novices.\nIn such conditions it can be expected that\nthey will engage in storing up goods for their own use, and making obvious hints about digging the earth and cutting plants.\nThis is the fifth future peril that has not currently arisen, but will arise in the future …"}},{"id":"an5.80:7","sourceIds":["an5.80:7.1","an5.80:7.2","an5.80:7.3","an5.80:7.4","an5.80:7.5"],"kind":"text","text":{"pi":"Imāni kho, bhikkhave, pañca anāgatabhayāni etarahi asamuppannāni āyatiṁ samuppajjissanti.\nTāni vo paṭibujjhitabbāni;\npaṭibujjhitvā ca tesaṁ pahānāya vāyamitabban”ti.\nDasamaṁ.\nYodhājīvavaggo tatiyo.","en":"These are the five future perils that have not currently arisen, but will arise in the future.\nYou should look out for them\nand try to give them up.”"}},{"id":"an5.80:8","sourceIds":["an5.80:8.0","an5.80:8.1","an5.80:8.2","an5.80:8.3","an5.80:8.4"],"kind":"text","text":{"pi":"Tassuddānaṁ\nDve cetovimuttiphalā,\ndve ca dhammavihārino;\nYodhājīvā ca dve vuttā,\ncattāro ca anāgatāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.80/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}