{"id":"an5.90","title":"A Trainee (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.90","title":"A Trainee (2nd)","units":[{"id":"an5.90:0","sourceIds":["an5.90:0.1","an5.90:0.2","an5.90:0.3"],"kind":"text","text":{"pi":"Aṅguttara Nikāya 5.90\n9. Theravagga\nDutiyasekhasutta","en":"Numbered Discourses 5.90\n9. Senior Mendicants\nA Trainee (2nd)"}},{"id":"an5.90:1","sourceIds":["an5.90:1.1","an5.90:1.2","an5.90:1.3","an5.90:1.4","an5.90:1.5"],"kind":"text","text":{"pi":"“Pañcime, bhikkhave, dhammā sekhassa bhikkhuno parihānāya saṁvattanti.\nKatame pañca?\nIdha, bhikkhave, sekho bhikkhu bahukicco hoti bahukaraṇīyo viyatto kiṅkaraṇīyesu;\nriñcati paṭisallānaṁ, nānuyuñjati ajjhattaṁ cetosamathaṁ.\nAyaṁ, bhikkhave, paṭhamo dhammo sekhassa bhikkhuno parihānāya saṁvattati.","en":"“These five things lead to the decline of a mendicant trainee.\nWhat five?\nFirstly, a mendicant trainee has many duties and responsibilities, and is competent in many tasks.\nThey neglect retreat, and are not committed to internal serenity of heart.\nThis is the first thing that leads to the decline of a mendicant trainee."}},{"id":"an5.90:2","sourceIds":["an5.90:2.1","an5.90:2.2","an5.90:2.3"],"kind":"text","text":{"pi":"Puna caparaṁ, bhikkhave, sekho bhikkhu appamattakena kammena divasaṁ atināmeti;\nriñcati paṭisallānaṁ, nānuyuñjati ajjhattaṁ cetosamathaṁ.\nAyaṁ, bhikkhave, dutiyo dhammo sekhassa bhikkhuno parihānāya saṁvattati.","en":"Furthermore, a mendicant trainee spends too much time doing trivial work.\nThey neglect retreat, and are not committed to internal serenity of heart.\nThis is the second thing that leads to the decline of a mendicant trainee."}},{"id":"an5.90:3","sourceIds":["an5.90:3.1","an5.90:3.2","an5.90:3.3"],"kind":"text","text":{"pi":"Puna caparaṁ, bhikkhave, sekho bhikkhu saṁsaṭṭho viharati gahaṭṭhapabbajitehi ananulomikena gihisaṁsaggena;\nriñcati paṭisallānaṁ, nānuyuñjati ajjhattaṁ cetosamathaṁ.\nAyaṁ, bhikkhave, tatiyo dhammo sekhassa bhikkhuno parihānāya saṁvattati.","en":"Furthermore, a mendicant trainee mixes closely with laypeople and renunciates, socializing inappropriately like a layperson.\nThey neglect retreat, and are not committed to internal serenity of heart.\nThis is the third thing that leads to the decline of a mendicant trainee."}},{"id":"an5.90:4","sourceIds":["an5.90:4.1","an5.90:4.2","an5.90:4.3"],"kind":"text","text":{"pi":"Puna caparaṁ, bhikkhave, sekho bhikkhu akālena gāmaṁ pavisati, atidivā paṭikkamati;\nriñcati paṭisallānaṁ, nānuyuñjati ajjhattaṁ cetosamathaṁ.\nAyaṁ, bhikkhave, catuttho dhammo sekhassa bhikkhuno parihānāya saṁvattati.","en":"Furthermore, a mendicant trainee enters the town at the wrong time, and returns too late in the day.\nThey neglect retreat, and are not committed to internal serenity of heart.\nThis is the fourth thing that leads to the decline of a mendicant trainee."}},{"id":"an5.90:5","sourceIds":["an5.90:5.1","an5.90:5.2","an5.90:5.3","an5.90:5.4","an5.90:5.5"],"kind":"text","text":{"pi":"Puna caparaṁ, bhikkhave, sekho bhikkhu yāyaṁ kathā ābhisallekhikā cetovivaraṇasappāyā, seyyathidaṁ—\nappicchakathā santuṭṭhikathā pavivekakathā asaṁsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā, evarūpiyā kathāya na nikāmalābhī hoti na akicchalābhī na akasiralābhī;\nriñcati paṭisallānaṁ, nānuyuñjati ajjhattaṁ cetosamathaṁ.\nAyaṁ, bhikkhave, pañcamo dhammo sekhassa bhikkhuno parihānāya saṁvattati.\nIme kho, bhikkhave, pañca dhammā sekhassa bhikkhuno parihānāya saṁvattanti.","en":"Furthermore, a mendicant trainee doesn’t get to take part in talk about self-effacement that helps open the heart, when they want, without trouble or difficulty. That is,\ntalk about fewness of wishes, contentment, seclusion, aloofness, arousing energy, ethics, immersion, wisdom, freedom, and the knowledge and vision of freedom.\nThey neglect retreat, and are not committed to internal serenity of heart.\nThis is the fifth thing that leads to the decline of a mendicant trainee.\nThese five things lead to the decline of a mendicant trainee."}},{"id":"an5.90:6","sourceIds":["an5.90:6.1","an5.90:6.2","an5.90:6.3","an5.90:6.4","an5.90:6.5"],"kind":"text","text":{"pi":"Pañcime, bhikkhave, dhammā sekhassa bhikkhuno aparihānāya saṁvattanti.\nKatame pañca?\nIdha, bhikkhave, sekho bhikkhu na bahukicco hoti na bahukaraṇīyo viyatto kiṅkaraṇīyesu;\nna riñcati paṭisallānaṁ, anuyuñjati ajjhattaṁ cetosamathaṁ.\nAyaṁ, bhikkhave, paṭhamo dhammo sekhassa bhikkhuno aparihānāya saṁvattati.","en":"These five things don’t lead to the decline of a mendicant trainee.\nWhat five?\nFirstly, a mendicant trainee doesn’t have many duties and responsibilities, even though they are competent in many tasks.\nThey don’t neglect retreat, and are committed to internal serenity of heart.\nThis is the first thing that doesn’t lead to the decline of a mendicant trainee."}},{"id":"an5.90:7","sourceIds":["an5.90:7.1","an5.90:7.2","an5.90:7.3"],"kind":"text","text":{"pi":"Puna caparaṁ, bhikkhave, sekho bhikkhu na appamattakena kammena divasaṁ atināmeti;\nna riñcati paṭisallānaṁ, anuyuñjati ajjhattaṁ cetosamathaṁ.\nAyaṁ, bhikkhave, dutiyo dhammo sekhassa bhikkhuno aparihānāya saṁvattati.","en":"Furthermore, a mendicant trainee doesn’t waste their day doing trivial work.\nThey don’t neglect retreat, and are committed to internal serenity of heart.\nThis is the second thing that doesn’t lead to the decline of a mendicant trainee."}},{"id":"an5.90:8","sourceIds":["an5.90:8.1","an5.90:8.2","an5.90:8.3"],"kind":"text","text":{"pi":"Puna caparaṁ, bhikkhave, sekho bhikkhu asaṁsaṭṭho viharati gahaṭṭhapabbajitehi ananulomikena gihisaṁsaggena;\nna riñcati paṭisallānaṁ, anuyuñjati ajjhattaṁ cetosamathaṁ.\nAyaṁ, bhikkhave, tatiyo dhammo sekhassa bhikkhuno aparihānāya saṁvattati.","en":"Furthermore, a mendicant trainee doesn’t mix closely with laypeople and renunciates, socializing inappropriately like a layperson.\nThey don’t neglect retreat, and are committed to internal serenity of heart.\nThis is the third thing that doesn’t lead to the decline of a mendicant trainee."}},{"id":"an5.90:9","sourceIds":["an5.90:9.1","an5.90:9.2","an5.90:9.3"],"kind":"text","text":{"pi":"Puna caparaṁ, bhikkhave, sekho bhikkhu na atikālena gāmaṁ pavisati, nātidivā paṭikkamati;\nna riñcati paṭisallānaṁ, anuyuñjati ajjhattaṁ cetosamathaṁ.\nAyaṁ, bhikkhave, catuttho dhammo sekhassa bhikkhuno aparihānāya saṁvattati.","en":"Furthermore, a mendicant trainee doesn’t enter the village too early or return too late in the day.\nThey don’t neglect retreat, and are committed to internal serenity of heart.\nThis is the fourth thing that doesn’t lead to the decline of a mendicant trainee."}},{"id":"an5.90:10","sourceIds":["an5.90:10.1","an5.90:10.2","an5.90:10.3","an5.90:10.4","an5.90:10.5","an5.90:10.6","an5.90:10.7"],"kind":"text","text":{"pi":"Puna caparaṁ, bhikkhave, sekho bhikkhu yāyaṁ kathā ābhisallekhikā cetovivaraṇasappāyā, seyyathidaṁ—\nappicchakathā santuṭṭhikathā pavivekakathā asaṁsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā, evarūpiyā kathāya nikāmalābhī hoti akicchalābhī akasiralābhī;\nna riñcati paṭisallānaṁ, anuyuñjati ajjhattaṁ cetosamathaṁ.\nAyaṁ, bhikkhave, pañcamo dhammo sekhassa bhikkhuno aparihānāya saṁvattati.\nIme kho, bhikkhave, pañca dhammā sekhassa bhikkhuno aparihānāya saṁvattantī”ti.\nDasamaṁ.\nTheravaggo catuttho.","en":"Furthermore, a mendicant trainee gets to take part in talk about self-effacement that helps open the heart, when they want, without trouble or difficulty. That is,\ntalk about fewness of wishes, contentment, seclusion, aloofness, arousing energy, ethics, immersion, wisdom, freedom, and the knowledge and vision of freedom.\nThey don’t neglect retreat, and are committed to internal serenity of heart.\nThis is the fifth thing that doesn’t lead to the decline of a mendicant trainee.\nThese five things don’t lead to the decline of a mendicant trainee.”"}},{"id":"an5.90:11","sourceIds":["an5.90:11.0","an5.90:11.1","an5.90:11.2","an5.90:11.3","an5.90:11.4"],"kind":"text","text":{"pi":"Tassuddānaṁ\nRajanīyo vītarāgo,\nkuhakāssaddhaakkhamā;\nPaṭisambhidā ca sīlena,\nthero sekhā pare duveti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.90/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}