{"id":"an5.99","title":"The Lion","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an5.99","title":"The Lion","units":[{"id":"an5.99:0","sourceIds":["an5.99:0.1","an5.99:0.2","an5.99:0.3"],"kind":"text","text":{"pi":"Aṅguttara Nikāya 5.99\n10. Kakudhavagga\nSīhasutta","en":"Numbered Discourses 5.99\n10. With Kakudha\nThe Lion"}},{"id":"an5.99:1","sourceIds":["an5.99:1.1","an5.99:1.2","an5.99:1.3","an5.99:1.4","an5.99:1.5","an5.99:1.6","an5.99:1.7","an5.99:1.8","an5.99:1.9","an5.99:1.10","an5.99:1.11","an5.99:1.12"],"kind":"text","text":{"pi":"“Sīho, bhikkhave, migarājā sāyanhasamayaṁ āsayā nikkhamati;\nāsayā nikkhamitvā vijambhati;\nvijambhitvā samantā catuddisaṁ anuviloketi;\nsamantā catuddisaṁ anuviloketvā tikkhattuṁ sīhanādaṁ nadati;\ntikkhattuṁ sīhanādaṁ naditvā gocarāya pakkamati.\nSo hatthissa cepi pahāraṁ deti, sakkaccaññeva pahāraṁ deti, no asakkaccaṁ;\nmahiṁsassa cepi pahāraṁ deti, sakkaccaññeva pahāraṁ deti, no asakkaccaṁ;\ngavassa cepi pahāraṁ deti, sakkaccaññeva pahāraṁ deti, no asakkaccaṁ;\ndīpissa cepi pahāraṁ deti, sakkaccaññeva pahāraṁ deti, no asakkaccaṁ;\nkhuddakānañcepi pāṇānaṁ pahāraṁ deti antamaso sasabiḷārānampi, sakkaccaññeva pahāraṁ deti, no asakkaccaṁ.\nTaṁ kissa hetu?\n‘Mā me yoggapatho nassā’ti.","en":"“Mendicants, toward evening the lion, king of beasts, emerges from his den,\nyawns,\nsurveys the four quarters,\nand roars his lion’s roar three times.\nThen he sets out on the hunt.\nIf he strikes an elephant, he does it carefully, not carelessly.\nIf he strikes a buffalo …\na cow …\na leopard …\nor any smaller creatures—even a hare or a cat—he does it carefully, not carelessly.\nWhy is that?\nThinking: ‘May I not lose my way.’"}},{"id":"an5.99:2","sourceIds":["an5.99:2.1","an5.99:2.2","an5.99:2.3","an5.99:2.4","an5.99:2.5","an5.99:2.6","an5.99:2.7","an5.99:2.8","an5.99:2.9","an5.99:2.10"],"kind":"text","text":{"pi":"Sīhoti kho, bhikkhave, tathāgatassetaṁ adhivacanaṁ arahato sammāsambuddhassa.\nYaṁ kho, bhikkhave, tathāgato parisāya dhammaṁ deseti, idamassa hoti sīhanādasmiṁ.\nBhikkhūnañcepi, bhikkhave, tathāgato dhammaṁ deseti, sakkaccaññeva tathāgato dhammaṁ deseti, no asakkaccaṁ;\nbhikkhunīnañcepi, bhikkhave, tathāgato dhammaṁ deseti, sakkaccaññeva tathāgato dhammaṁ deseti, no asakkaccaṁ;\nupāsakānañcepi, bhikkhave, tathāgato dhammaṁ deseti, sakkaccaññeva tathāgato dhammaṁ deseti, no asakkaccaṁ;\nupāsikānañcepi, bhikkhave, tathāgato dhammaṁ deseti, sakkaccaññeva tathāgato dhammaṁ deseti, no asakkaccaṁ;\nputhujjanānañcepi, bhikkhave, tathāgato dhammaṁ deseti antamaso annabhāranesādānampi, sakkaccaññeva tathāgato dhammaṁ deseti, no asakkaccaṁ.\nTaṁ kissa hetu?\nDhammagaru, bhikkhave, tathāgato dhammagāravo”ti.\nNavamaṁ.","en":"‘Lion’ is a term for the Realized One, the perfected one, the fully awakened Buddha.\nWhen the Realized One teaches Dhamma to an assembly, this is his lion’s roar.\nWhen the Realized One teaches the monks …\nnuns …\nlaymen …\nlaywomen …\nor ordinary people—even food-carriers and hunters—he teaches them carefully, not carelessly.\nWhy is that?\nBecause the Realized One has respect and reverence for the teaching.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an5.99/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}