{"id":"an6.15","title":"Regret","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.15","title":"Regret","units":[{"id":"an6.15:0","sourceIds":["an6.15:0.1","an6.15:0.2","an6.15:0.3"],"kind":"text","text":{"pi":"Aṅguttara Nikāya 6.15\n2. Sāraṇīyavagga\nAnutappiyasutta","en":"Numbered Discourses 6.15\n2. Warm-hearted\nRegret"}},{"id":"an6.15:1","sourceIds":["an6.15:1.1","an6.15:1.2","an6.15:1.3"],"kind":"text","text":{"pi":"Tatra kho āyasmā sāriputto bhikkhū āmantesi:\n“tathā tathāvuso, bhikkhu vihāraṁ kappeti yathā yathāssa vihāraṁ kappayato kālakiriyā anutappā hoti.\nKathañcāvuso, bhikkhu tathā tathā vihāraṁ kappeti yathā yathāssa vihāraṁ kappayato kālakiriyā anutappā hoti?","en":"There Sāriputta addressed the mendicants:\n“As a mendicant makes their bed, so they must lie in it, and die tormented by regrets.\nAnd how do they die tormented by regrets?"}},{"id":"an6.15:2","sourceIds":["an6.15:2.1","an6.15:2.2","an6.15:2.3","an6.15:2.4","an6.15:2.5","an6.15:2.6","an6.15:2.7","an6.15:2.8"],"kind":"text","text":{"pi":"Idhāvuso, bhikkhu kammārāmo hoti kammarato kammārāmataṁ anuyutto, bhassārāmo hoti …\nniddārāmo hoti …\nsaṅgaṇikārāmo hoti …\nsaṁsaggārāmo hoti …\npapañcārāmo hoti papañcarato papañcārāmataṁ anuyutto.\nEvaṁ kho, āvuso, bhikkhu tathā tathā vihāraṁ kappeti yathā yathāssa vihāraṁ kappayato kālakiriyā anutappā hoti.\nAyaṁ vuccatāvuso:\n‘bhikkhu sakkāyābhirato nappajahāsi sakkāyaṁ sammā dukkhassa antakiriyāya’.","en":"Take a mendicant who relishes work, talk, sleep, company, closeness, and proliferation. They love these things and like to relish them.\nA mendicant who makes their bed like this must lie in it, and die tormented by regrets.\nThis is called\na mendicant who enjoys substantial reality, who hasn’t given up substantial reality to rightly make an end of suffering."}},{"id":"an6.15:3","sourceIds":["an6.15:3.1","an6.15:3.2"],"kind":"text","text":{"pi":"Tathā tathāvuso, bhikkhu vihāraṁ kappeti yathā yathāssa vihāraṁ kappayato kālakiriyā ananutappā hoti.\nKathañcāvuso, bhikkhu tathā tathā vihāraṁ kappeti yathā yathāssa vihāraṁ kappayato kālakiriyā ananutappā hoti?","en":"As a mendicant makes their bed, so they must lie in it, and die free of regrets.\nAnd how do they die free of regrets?"}},{"id":"an6.15:4","sourceIds":["an6.15:4.1","an6.15:4.2","an6.15:4.3","an6.15:4.4","an6.15:4.5","an6.15:4.6","an6.15:4.7","an6.15:4.8"],"kind":"text","text":{"pi":"Idhāvuso, bhikkhu na kammārāmo hoti na kammarato na kammārāmataṁ anuyutto, na bhassārāmo hoti …\nna niddārāmo hoti …\nna saṅgaṇikārāmo hoti …\nna saṁsaggārāmo hoti …\nna papañcārāmo hoti na papañcarato na papañcārāmataṁ anuyutto.\nEvaṁ kho, āvuso, bhikkhu tathā tathā vihāraṁ kappeti yathā yathāssa vihāraṁ kappayato kālakiriyā ananutappā hoti.\nAyaṁ vuccatāvuso:\n‘bhikkhu nibbānābhirato pajahāsi sakkāyaṁ sammā dukkhassa antakiriyāyā’ti.","en":"Take a mendicant who doesn’t relish work, talk, sleep, company, closeness, and proliferation. They don’t love these things or like to relish them.\nA mendicant who makes their bed like this must lie in it, and die free of regrets.\nThis is called\na mendicant who delights in extinguishment, who has given up substantial reality to rightly make an end of suffering."}},{"id":"an6.15:5","sourceIds":["an6.15:5.1","an6.15:5.2","an6.15:5.3","an6.15:5.4"],"kind":"text","text":{"pi":"Yo papañcamanuyutto,\npapañcābhirato mago;\nVirādhayī so nibbānaṁ,\nyogakkhemaṁ anuttaraṁ.","en":"A beast who likes to proliferate,\nenjoying proliferation,\nfails to win extinguishment,\nthe supreme sanctuary from the yoke."}},{"id":"an6.15:6","sourceIds":["an6.15:6.1","an6.15:6.2","an6.15:6.3","an6.15:6.4","an6.15:6.5"],"kind":"text","text":{"pi":"Yo ca papañcaṁ hitvāna,\nnippapañcapade rato;\nĀrādhayī so nibbānaṁ,\nyogakkhemaṁ anuttaran”ti.\nPañcamaṁ.","en":"But one who gives up proliferation,\nenjoying the state of non-proliferation,\nwins extinguishment,\nthe supreme sanctuary from the yoke.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.15/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}