{"id":"an6.17","title":"Sleep","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.17","title":"Sleep","units":[{"id":"an6.17:0","sourceIds":["an6.17:0.1","an6.17:0.2","an6.17:0.3"],"kind":"text","text":{"pi":"Aṅguttara Nikāya 6.17\n2. Sāraṇīyavagga\nSoppasutta","en":"Numbered Discourses 6.17\n2. Warm-hearted\nSleep"}},{"id":"an6.17:1","sourceIds":["an6.17:1.1","an6.17:1.2","an6.17:1.3","an6.17:1.4","an6.17:1.5","an6.17:1.6","an6.17:1.7","an6.17:1.8","an6.17:1.9","an6.17:1.10","an6.17:1.11","an6.17:1.12","an6.17:1.13","an6.17:1.14","an6.17:1.15","an6.17:1.16","an6.17:1.17","an6.17:1.18"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho bhagavā sāyanhasamayaṁ paṭisallānā vuṭṭhito yenupaṭṭhānasālā tenupasaṅkami; upasaṅkamitvā paññatte āsane nisīdi.\nĀyasmāpi kho sāriputto sāyanhasamayaṁ paṭisallānā vuṭṭhito yenupaṭṭhānasālā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nĀyasmāpi kho mahāmoggallāno …\nāyasmāpi kho mahākassapo …\nāyasmāpi kho mahākaccāno …\nāyasmāpi kho mahākoṭṭhiko …\nāyasmāpi kho mahācundo …\nāyasmāpi kho mahākappino …\nāyasmāpi kho anuruddho …\nāyasmāpi kho revato …\nāyasmāpi kho ānando sāyanhasamayaṁ paṭisallānā vuṭṭhito yenupaṭṭhānasālā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nAtha kho bhagavā bahudeva rattiṁ nisajjāya vītināmetvā uṭṭhāyāsanā vihāraṁ pāvisi.\nTepi kho āyasmanto acirapakkantassa bhagavato uṭṭhāyāsanā yathāvihāraṁ agamaṁsu.\nYe pana tattha bhikkhū navā acirapabbajitā adhunāgatā imaṁ dhammavinayaṁ te yāva sūriyuggamanā kākacchamānā supiṁsu.\nAddasā kho bhagavā dibbena cakkhunā visuddhena atikkantamānusakena te bhikkhū yāva sūriyuggamanā kākacchamāne supante.\nDisvā yenupaṭṭhānasālā tenupasaṅkami; upasaṅkamitvā paññatte āsane nisīdi.\nNisajja kho bhagavā bhikkhū āmantesi:","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen in the late afternoon, the Buddha came out of retreat, went to the assembly hall, and sat down on the seat spread out.\nVenerable Sāriputta also came out of retreat, went to the assembly hall, bowed to the Buddha and sat down to one side.\nVenerables Mahāmoggallāna,\nMahākassapa,\nMahākaccāna,\nMahākoṭṭhita,\nMahācunda,\nMahākappina,\nAnuruddha,\nRevata,\nand Ānanda did the same.\nThe Buddha spent much of the night sitting in meditation, then rose from his seat and entered his dwelling.\nAnd soon after the Buddha left those venerables each went to their own dwelling.\nBut those mendicants who were junior, recently gone forth, newly come to this teaching and training slept until the sun came up, snoring.\nThe Buddha saw them doing this, with his clairvoyance that is purified and superhuman.\nHe went to the assembly hall, sat down on the seat spread out,\nand addressed the mendicants:"}},{"id":"an6.17:2","sourceIds":["an6.17:2.1","an6.17:2.2","an6.17:2.3","an6.17:2.4","an6.17:2.5","an6.17:2.6","an6.17:2.7","an6.17:2.8","an6.17:2.9","an6.17:2.10","an6.17:2.11","an6.17:2.12","an6.17:2.13","an6.17:2.14","an6.17:2.15","an6.17:2.16","an6.17:2.17","an6.17:2.18","an6.17:2.19","an6.17:2.20"],"kind":"text","text":{"pi":"“Kahaṁ nu kho, bhikkhave, sāriputto?\nKahaṁ mahāmoggallāno?\nKahaṁ mahākassapo?\nKahaṁ mahākaccāno?\nKahaṁ mahākoṭṭhiko?\nKahaṁ mahācundo?\nKahaṁ mahākappino?\nKahaṁ anuruddho?\nKahaṁ revato?\nKahaṁ ānando?\nKahaṁ nu kho te, bhikkhave, therā sāvakā gatā”ti?\n“Tepi kho, bhante, āyasmanto acirapakkantassa bhagavato uṭṭhāyāsanā yathāvihāraṁ agamaṁsū”ti.\n“Tena no tumhe, bhikkhave, therā bhikkhū nāgatāti yāva sūriyuggamanā kākacchamānā supatha?\nTaṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘rājā khattiyo muddhāvasitto yāvadatthaṁ seyyasukhaṁ passasukhaṁ middhasukhaṁ anuyutto viharanto yāvajīvaṁ rajjaṁ kārento janapadassa vā piyo manāpo’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘rājā khattiyo muddhāvasitto yāvadatthaṁ seyyasukhaṁ passasukhaṁ middhasukhaṁ anuyutto viharanto yāvajīvaṁ rajjaṁ kārento janapadassa vā piyo manāpo’ti.","en":"“Mendicants, where is Sāriputta?\nWhere are Mahāmoggallāna,\nMahākassapa,\nMahākaccāna,\nMahākoṭṭhita,\nMahācunda,\nMahākappina,\nAnuruddha,\nRevata,\nand Ānanda?\nWhere have these senior disciples gone?”\n“Soon after the Buddha left those venerables each went to their own dwelling.”\n“So, mendicants, when the senior mendicants left, why did you sleep until the sun came up, snoring?\nWhat do you think, mendicants?\nHave you ever seen or heard\nof an anointed aristocratic king who rules his whole life, dear and beloved to the country, while indulging in the pleasures of sleeping, lying down, and drowsing as much as he likes?”\n“No, sir.”\n“Good, mendicants!\nI too have never seen or heard of such a thing."}},{"id":"an6.17:3","sourceIds":["an6.17:3.1","an6.17:3.2","an6.17:3.3","an6.17:3.4","an6.17:3.5","an6.17:3.6","an6.17:3.7","an6.17:3.8","an6.17:3.9","an6.17:3.10","an6.17:3.11"],"kind":"text","text":{"pi":"Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘raṭṭhiko …pe…\npettaṇiko …\nsenāpatiko …\ngāmagāmaṇiko …\npūgagāmaṇiko yāvadatthaṁ seyyasukhaṁ passasukhaṁ middhasukhaṁ anuyutto viharanto yāvajīvaṁ pūgagāmaṇikattaṁ kārento pūgassa vā piyo manāpo’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘pūgagāmaṇiko yāvadatthaṁ seyyasukhaṁ passasukhaṁ middhasukhaṁ anuyutto viharanto yāvajīvaṁ pūgagāmaṇikattaṁ vā kārento pūgassa vā piyo manāpo’ti.","en":"What do you think, mendicants?\nHave you ever seen or heard\nof an appointed official …\na hereditary official …\na general …\na village chief …\nor a guild head who runs the guild his whole life, dear and beloved to the guild, while indulging in the pleasures of sleeping, lying down, and drowsing as much as he likes?”\n“No, sir.”\n“Good, mendicants!\nI too have never seen or heard of such a thing."}},{"id":"an6.17:4","sourceIds":["an6.17:4.1","an6.17:4.2","an6.17:4.3","an6.17:4.4","an6.17:4.5","an6.17:4.6","an6.17:4.7"],"kind":"text","text":{"pi":"Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘samaṇo vā brāhmaṇo vā yāvadatthaṁ seyyasukhaṁ passasukhaṁ middhasukhaṁ anuyutto indriyesu aguttadvāro bhojane amattaññū jāgariyaṁ ananuyutto avipassako kusalānaṁ dhammānaṁ pubbarattāpararattaṁ bodhipakkhiyānaṁ dhammānaṁ bhāvanānuyogaṁ ananuyutto āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharanto’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘samaṇo vā brāhmaṇo vā yāvadatthaṁ seyyasukhaṁ passasukhaṁ middhasukhaṁ anuyutto indriyesu aguttadvāro bhojane amattaññū jāgariyaṁ ananuyutto avipassako kusalānaṁ dhammānaṁ pubbarattāpararattaṁ bodhipakkhiyānaṁ dhammānaṁ bhāvanānuyogaṁ ananuyutto āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharanto’ti.","en":"What do you think, mendicants?\nHave you ever seen or heard\nof an ascetic or brahmin who indulges in the pleasures of sleeping, lying down, and drowsing as much as they like? Their sense doors are unguarded, they eat too much, they’re not dedicated to wakefulness, they’re unable to discern skillful qualities, and they don’t pursue the development of the qualities on the side of awakening in the evening and toward dawn. Yet they realize the undefiled freedom of heart and freedom by wisdom. And they live having realized it with their own insight in this very life due to the ending of defilements.”\n“No, sir.”\n“Good, mendicants!\nI too have never seen or heard of such a thing."}},{"id":"an6.17:5","sourceIds":["an6.17:5.1","an6.17:5.2","an6.17:5.3","an6.17:5.4"],"kind":"text","text":{"pi":"Tasmātiha, bhikkhave, evaṁ sikkhitabbaṁ:\n‘indriyesu guttadvārā bhavissāma, bhojane mattaññuno, jāgariyaṁ anuyuttā, vipassakā kusalānaṁ dhammānaṁ, pubbarattāpararattaṁ bodhipakkhiyānaṁ dhammānaṁ, bhāvanānuyogamanuyuttā viharissāmā’ti.\nEvañhi vo, bhikkhave, sikkhitabban”ti.\nSattamaṁ.","en":"So you should train like this:\n‘We will guard our sense doors, eat in moderation, be dedicated to wakefulness, discern skillful qualities, and pursue the development of the qualities on the side of awakening in the evening and toward dawn.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.17/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}