{"id":"an6.18","title":"A Fish Dealer","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.18","title":"A Fish Dealer","units":[{"id":"an6.18:0","sourceIds":["an6.18:0.1","an6.18:0.2","an6.18:0.3"],"kind":"text","text":{"pi":"Aṅguttara Nikāya 6.18\n2. Sāraṇīyavagga\nMacchabandhasutta","en":"Numbered Discourses 6.18\n2. Warm-hearted\nA Fish Dealer"}},{"id":"an6.18:1","sourceIds":["an6.18:1.1","an6.18:1.2","an6.18:1.3","an6.18:1.4","an6.18:1.5","an6.18:1.6"],"kind":"text","text":{"pi":"Ekaṁ samayaṁ bhagavā kosalesu cārikaṁ carati mahatā bhikkhusaṅghena saddhiṁ.\nAddasā kho bhagavā addhānamaggappaṭipanno aññatarasmiṁ padese macchikaṁ macchabandhaṁ macche vadhitvā vadhitvā vikkiṇamānaṁ.\nDisvā maggā okkamma aññatarasmiṁ rukkhamūle paññatte āsane nisīdi.\nNisajja kho bhagavā bhikkhū āmantesi:\n“passatha no tumhe, bhikkhave, amuṁ macchikaṁ macchabandhaṁ macche vadhitvā vadhitvā vikkiṇamānan”ti?\n“Evaṁ, bhante”.","en":"At one time the Buddha was wandering in the land of the Kosalans together with a large Saṅgha of mendicants.\nWhile walking along the road he saw a fish dealer in a certain spot selling fish that he had killed himself.\nSeeing this he left the road, sat at the root of a tree on the seat spread out,\nand addressed the mendicants:\n“Mendicants, do you see that fish dealer selling fish that he killed himself?”\n“Yes, sir.”"}},{"id":"an6.18:2","sourceIds":["an6.18:2.1","an6.18:2.2","an6.18:2.3","an6.18:2.4","an6.18:2.5","an6.18:2.6","an6.18:2.7","an6.18:2.8","an6.18:2.9"],"kind":"text","text":{"pi":"“Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘macchiko macchabandho macche vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaṁ vā bhogakkhandhaṁ ajjhāvasanto’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘macchiko macchabandho macche vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaṁ vā bhogakkhandhaṁ ajjhāvasanto’ti.\nTaṁ kissa hetu?\nTe hi so, bhikkhave, macche vajjhe vadhāyupanīte pāpakena manasānupekkhati, tasmā so neva hatthiyāyī hoti na assayāyī na rathayāyī na yānayāyī na bhogabhogī, na mahantaṁ bhogakkhandhaṁ ajjhāvasati.","en":"“What do you think, mendicants?\nHave you ever seen or heard\nof a fish dealer selling fish that he killed himself who, by means of that work and livelihood, got to travel by elephant, horse, chariot, or vehicle, or to enjoy wealth, or to live off a large fortune?”\n“No, sir.”\n“Good, mendicants!\nI too have never seen or heard of such a thing.\nWhy is that?\nBecause when the fish are led to the slaughter he regards them with bad intentions."}},{"id":"an6.18:3","sourceIds":["an6.18:3.1","an6.18:3.2","an6.18:3.3","an6.18:3.4","an6.18:3.5","an6.18:3.6","an6.18:3.7","an6.18:3.8","an6.18:3.9"],"kind":"text","text":{"pi":"Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘goghātako gāvo vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaṁ vā bhogakkhandhaṁ ajjhāvasanto’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘goghātako gāvo vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaṁ vā bhogakkhandhaṁ ajjhāvasanto’ti.\nTaṁ kissa hetu?\nTe hi so, bhikkhave, gāvo vajjhe vadhāyupanīte pāpakena manasānupekkhati, tasmā so neva hatthiyāyī hoti na assayāyī na rathayāyī na yānayāyī na bhogabhogī, na mahantaṁ bhogakkhandhaṁ ajjhāvasati.","en":"What do you think, mendicants?\nHave you ever seen or heard\nof a butcher of cattle selling cattle that he killed himself who, by means of that work and livelihood, got to travel by elephant, horse, chariot, or vehicle, or to enjoy wealth, or to live off a large fortune?”\n“No, sir.”\n“Good, mendicants!\nI too have never seen or heard of such a thing.\nWhy is that?\nBecause when the cattle are led to the slaughter he regards them with bad intentions."}},{"id":"an6.18:4","sourceIds":["an6.18:4.1","an6.18:4.2","an6.18:4.3","an6.18:4.4","an6.18:4.5","an6.18:4.6","an6.18:4.7","an6.18:4.8","an6.18:4.9","an6.18:4.10","an6.18:4.11","an6.18:4.12","an6.18:4.13","an6.18:4.14","an6.18:4.15","an6.18:4.16","an6.18:4.17"],"kind":"text","text":{"pi":"Taṁ kiṁ maññatha, bhikkhave,\napi nu tumhehi diṭṭhaṁ vā sutaṁ vā:\n‘orabbhiko …pe…\nsūkariko …pe…\nsākuṇiko …pe…\nmāgaviko mage vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaṁ vā bhogakkhandhaṁ ajjhāvasanto’”ti?\n“No hetaṁ, bhante”.\n“Sādhu, bhikkhave.\nMayāpi kho etaṁ, bhikkhave, neva diṭṭhaṁ na sutaṁ:\n‘māgaviko mage vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaṁ vā bhogakkhandhaṁ ajjhāvasanto’ti.\nTaṁ kissa hetu?\nTe hi so, bhikkhave, mage vajjhe vadhāyupanīte pāpakena manasānupekkhati, tasmā so neva hatthiyāyī hoti na assayāyī na rathayāyī na yānayāyī na bhogabhogī, na mahantaṁ bhogakkhandhaṁ ajjhāvasati.\nTe hi nāma so, bhikkhave, tiracchānagate pāṇe vajjhe vadhāyupanīte pāpakena manasānupekkhamāno neva hatthiyāyī bhavissati na assayāyī na rathayāyī na yānayāyī na bhogabhogī, na mahantaṁ bhogakkhandhaṁ ajjhāvasissati.\nKo pana vādo yaṁ manussabhūtaṁ vajjhaṁ vadhāyupanītaṁ pāpakena manasānupekkhati.\nTañhi tassa, bhikkhave, hoti dīgharattaṁ ahitāya dukkhāya.\nKāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjatī”ti.\nAṭṭhamaṁ.","en":"What do you think, mendicants?\nHave you ever seen or heard\nof a butcher of sheep …\na butcher of pigs …\na butcher of poultry …\nor a deer-hunter selling deer which he killed himself who, by means of that work and livelihood, got to travel by elephant, horse, chariot, or vehicle, or to enjoy wealth, or to live off a large fortune?”\n“No, sir.”\n“Good, mendicants!\nI too have never seen or heard of such a thing.\nWhy is that?\nBecause when the deer are led to the slaughter he regards them with bad intentions.\nBy regarding even animals led to the slaughter with bad intentions he did not get to travel by elephant, horse, chariot, or vehicle, or to enjoy wealth, or to live off a large fortune.\nHow much worse is someone who regards human beings brought to the slaughter with bad intentions!\nThis will be for their lasting harm and suffering.\nWhen their body breaks up, after death, they’re reborn in a place of loss, a bad place, the underworld, hell.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.18/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}