{"id":"an6.20","title":"Mindfulness of Death (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.20","title":"Mindfulness of Death (2nd)","units":[{"id":"an6.20:0","sourceIds":["an6.20:0.1","an6.20:0.2","an6.20:0.3"],"kind":"text","text":{"pi":"Aṅguttara Nikāya 6.20\n2. Sāraṇīyavagga\nDutiyamaraṇassatisutta","en":"Numbered Discourses 6.20\n2. Warm-hearted\nMindfulness of Death (2nd)"}},{"id":"an6.20:1","sourceIds":["an6.20:1.1","an6.20:1.2","an6.20:1.3","an6.20:1.4"],"kind":"text","text":{"pi":"Ekaṁ samayaṁ bhagavā nātike viharati giñjakāvasathe.\nTatra kho bhagavā bhikkhū āmantesi:\n“maraṇassati, bhikkhave, bhāvitā bahulīkatā mahapphalā hoti mahānisaṁsā amatogadhā amatapariyosānā.\nKathaṁ bhāvitā ca, bhikkhave, maraṇassati kathaṁ bahulīkatā mahapphalā hoti mahānisaṁsā amatogadhā amatapariyosānā?","en":"At one time the Buddha was staying at Ñātika in the brick house.\nThere the Buddha addressed the mendicants:\n“Mendicants, when mindfulness of death is developed and cultivated it’s very fruitful and beneficial. It has freedom from death as its objective and culmination.\nAnd how is mindfulness of death developed and cultivated to be very fruitful and beneficial, with freedom from death as its objective and culmination?"}},{"id":"an6.20:2","sourceIds":["an6.20:2.1","an6.20:2.2","an6.20:2.3","an6.20:2.4","an6.20:2.5","an6.20:2.6","an6.20:2.7","an6.20:2.8"],"kind":"text","text":{"pi":"Idha, bhikkhave, bhikkhu divase nikkhante rattiyā patihitāya iti paṭisañcikkhati:\n‘bahukā kho me paccayā maraṇassa—\nahi vā maṁ ḍaṁseyya, vicchiko vā maṁ ḍaṁseyya, satapadī vā maṁ ḍaṁseyya;\ntena me assa kālakiriyā, so mamassa antarāyo.\nUpakkhalitvā vā papateyyaṁ, bhattaṁ vā me bhuttaṁ byāpajjeyya, pittaṁ vā me kuppeyya, semhaṁ vā me kuppeyya, satthakā vā me vātā kuppeyyuṁ;\ntena me assa kālakiriyā, so mamassa antarāyo’ti.\nTena, bhikkhave, bhikkhunā iti paṭisañcikkhitabbaṁ:\n‘atthi nu kho me pāpakā akusalā dhammā appahīnā, ye me assu rattiṁ kālaṁ karontassa antarāyāyā’ti.","en":"As day passes by and night draws close, a mendicant reflects:\n‘I might die of many causes.\nA snake might bite me, or a scorpion or centipede might sting me.\nAnd if I died from that it would be an obstacle to my progress.\nOr I might stumble off a cliff, or get food poisoning, or suffer a disturbance of bile, phlegm, or piercing winds.\nAnd if I died from that it would be an obstacle to my progress.’\nThat mendicant should reflect:\n‘Are there any bad, unskillful qualities that I haven’t given up, which might be an obstacle to my progress if I die tonight?’"}},{"id":"an6.20:3","sourceIds":["an6.20:3.1","an6.20:3.2","an6.20:3.3","an6.20:3.4"],"kind":"text","text":{"pi":"Sace, bhikkhave, bhikkhu paccavekkhamāno evaṁ jānāti:\n‘atthi me pāpakā akusalā dhammā appahīnā, ye me assu rattiṁ kālaṁ karontassa antarāyāyā’ti, tena, bhikkhave, bhikkhunā tesaṁyeva pāpakānaṁ akusalānaṁ dhammānaṁ pahānāya adhimatto chando ca vāyāmo ca ussāho ca ussoḷhī ca appaṭivānī ca sati ca sampajaññañca karaṇīyaṁ.\nSeyyathāpi, bhikkhave, ādittacelo vā ādittasīso vā tasseva celassa vā sīsassa vā nibbāpanāya adhimattaṁ chandañca vāyāmañca ussāhañca ussoḷhiñca appaṭivāniñca satiñca sampajaññañca kareyya;\nevamevaṁ kho, bhikkhave, tena bhikkhunā tesaṁyeva pāpakānaṁ akusalānaṁ dhammānaṁ pahānāya adhimatto chando ca vāyāmo ca ussāho ca ussoḷhī ca appaṭivānī ca sati ca sampajaññañca karaṇīyaṁ.","en":"Suppose that, upon checking, a mendicant knows that\nthere are such bad, unskillful qualities. Then in order to give them up they should apply extraordinary enthusiasm, effort, zeal, vigor, perseverance, mindfulness, and situational awareness.\nSuppose your clothes or head were on fire. In order to extinguish it, you’d apply extraordinary enthusiasm, effort, zeal, vigor, perseverance, mindfulness, and situational awareness.\nIn the same way, in order to give up those bad, unskillful qualities, that mendicant should apply extraordinary enthusiasm …"}},{"id":"an6.20:4","sourceIds":["an6.20:4.1","an6.20:4.2"],"kind":"text","text":{"pi":"Sace pana, bhikkhave, bhikkhu paccavekkhamāno evaṁ jānāti:\n‘natthi me pāpakā akusalā dhammā appahīnā, ye me assu rattiṁ kālaṁ karontassa antarāyāyā’ti, tena, bhikkhave, bhikkhunā teneva pītipāmojjena vihātabbaṁ ahorattānusikkhinā kusalesu dhammesu.","en":"But suppose that, upon checking, a mendicant knows that\nthere are no such bad, unskillful qualities. Then that mendicant should meditate with rapture and joy, training day and night in skillful qualities."}},{"id":"an6.20:5","sourceIds":["an6.20:5.1","an6.20:5.2","an6.20:5.3","an6.20:5.4","an6.20:5.5","an6.20:5.6","an6.20:5.7","an6.20:5.8"],"kind":"text","text":{"pi":"Idha pana, bhikkhave, bhikkhu rattiyā nikkhantāya divase patihite iti paṭisañcikkhati:\n‘bahukā kho me paccayā maraṇassa—\nahi vā maṁ ḍaṁseyya, vicchiko vā maṁ ḍaṁseyya, satapadī vā maṁ ḍaṁseyya;\ntena me assa kālakiriyā so mamassa antarāyo.\nUpakkhalitvā vā papateyyaṁ, bhattaṁ vā me bhuttaṁ byāpajjeyya, pittaṁ vā me kuppeyya, semhaṁ vā me kuppeyya, satthakā vā me vātā kuppeyyuṁ;\ntena me assa kālakiriyā so mamassa antarāyo’ti.\nTena, bhikkhave, bhikkhunā iti paṭisañcikkhitabbaṁ:\n‘atthi nu kho me pāpakā akusalā dhammā appahīnā, ye me assu divā kālaṁ karontassa antarāyāyā’ti.","en":"Or else, as night passes by and day draws close, a mendicant reflects:\n‘I might die of many causes.\nA snake might bite me, or a scorpion or centipede might sting me.\nAnd if I died from that it would be an obstacle to my progress.\nOr I might stumble off a cliff, or get food poisoning, or suffer a disturbance of bile, phlegm, or piercing winds.\nAnd if I died from that it would be an obstacle to my progress.’\nThat mendicant should reflect:\n‘Are there any bad, unskillful qualities that I haven’t given up, which might be an obstacle to my progress if I die today?’"}},{"id":"an6.20:6","sourceIds":["an6.20:6.1","an6.20:6.2","an6.20:6.3","an6.20:6.4"],"kind":"text","text":{"pi":"Sace, bhikkhave, bhikkhu paccavekkhamāno evaṁ jānāti:\n‘atthi me pāpakā akusalā dhammā appahīnā, ye me assu divā kālaṁ karontassa antarāyāyā’ti, tena, bhikkhave, bhikkhunā tesaṁyeva pāpakānaṁ akusalānaṁ dhammānaṁ pahānāya adhimatto chando ca vāyāmo ca ussāho ca ussoḷhī ca appaṭivānī ca sati ca sampajaññañca karaṇīyaṁ.\nSeyyathāpi, bhikkhave, ādittacelo vā ādittasīso vā tasseva celassa vā sīsassa vā nibbāpanāya adhimattaṁ chandañca vāyāmañca ussāhañca ussoḷhiñca appaṭivāniñca satiñca sampajaññañca kareyya;\nevamevaṁ kho, bhikkhave, tena bhikkhunā tesaṁyeva pāpakānaṁ akusalānaṁ dhammānaṁ pahānāya adhimatto chando ca vāyāmo ca ussāho ca ussoḷhī ca appaṭivānī ca sati ca sampajaññañca karaṇīyaṁ.","en":"Suppose that, upon checking, a mendicant knows that\nthere are such bad, unskillful qualities. Then in order to give them up they should apply extraordinary enthusiasm, effort, zeal, vigor, perseverance, mindfulness, and situational awareness.\nSuppose your clothes or head were on fire. In order to extinguish it, you’d apply extraordinary enthusiasm, effort, zeal, vigor, perseverance, mindfulness, and situational awareness.\nIn the same way, in order to give up those bad, unskillful qualities, that mendicant should apply extraordinary enthusiasm …"}},{"id":"an6.20:7","sourceIds":["an6.20:7.1","an6.20:7.2"],"kind":"text","text":{"pi":"Sace pana, bhikkhave, bhikkhu paccavekkhamāno evaṁ jānāti:\n‘natthi me pāpakā akusalā dhammā appahīnā, ye me assu divā kālaṁ karontassa antarāyāyā’ti, tena, bhikkhave, bhikkhunā teneva pītipāmojjena vihātabbaṁ ahorattānusikkhinā kusalesu dhammesu.","en":"But suppose that, upon checking, a mendicant knows that\nthere are no such bad, unskillful qualities. Then that mendicant should meditate with rapture and joy, training day and night in skillful qualities."}},{"id":"an6.20:8","sourceIds":["an6.20:8.1","an6.20:8.2","an6.20:8.3"],"kind":"text","text":{"pi":"Evaṁ bhāvitā kho, bhikkhave, maraṇassati evaṁ bahulīkatā mahapphalā hoti mahānisaṁsā amatogadhā amatapariyosānā”ti.\nDasamaṁ.\nSāraṇīyavaggo dutiyo.","en":"Mindfulness of death, when developed and cultivated in this way, is very fruitful and beneficial. It has freedom from death as its objective and culmination.”"}},{"id":"an6.20:9","sourceIds":["an6.20:9.0","an6.20:9.1","an6.20:9.2","an6.20:9.3","an6.20:9.4"],"kind":"text","text":{"pi":"Tassuddānaṁ\nDve sāraṇī nisāraṇīyaṁ,\nbhaddakaṁ anutappiyaṁ;\nNakulaṁ soppamacchā ca,\ndve honti maraṇassatīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.20/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}