{"id":"an6.21","title":"At Sāma Village","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.21","title":"At Sāma Village","units":[{"id":"an6.21:0","sourceIds":["an6.21:0.1","an6.21:0.2","an6.21:0.3"],"kind":"text","text":{"pi":"Aṅguttara Nikāya 6.21\n3. Anuttariyavagga\nSāmakasutta","en":"Numbered Discourses 6.21\n3. Unsurpassable\nAt Sāma Village"}},{"id":"an6.21:1","sourceIds":["an6.21:1.1","an6.21:1.2"],"kind":"text","text":{"pi":"Ekaṁ samayaṁ bhagavā sakkesu viharati sāmagāmake pokkharaṇiyāyaṁ.\nAtha kho aññatarā devatā abhikkantāya rattiyā abhikkantavaṇṇā kevalakappaṁ pokkharaṇiyaṁ obhāsetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhitā kho sā devatā bhagavantaṁ etadavoca:","en":"At one time the Buddha was staying in the land of the Sakyans near the little village of Sāma, by a lotus pond.\nThen, late at night, a glorious deity, lighting up the entire lotus pond, went up to the Buddha, bowed, stood to one side, and said to him,"}},{"id":"an6.21:2","sourceIds":["an6.21:2.1","an6.21:2.2","an6.21:2.3","an6.21:2.4","an6.21:2.5","an6.21:2.6","an6.21:2.7"],"kind":"text","text":{"pi":"“Tayome, bhante, dhammā bhikkhuno parihānāya saṁvattanti.\nKatame tayo?\nKammārāmatā, bhassārāmatā, niddārāmatā—\nime kho, bhante, tayo dhammā bhikkhuno parihānāya saṁvattantī”ti.\nIdamavoca sā devatā.\nSamanuñño satthā ahosi.\nAtha kho sā devatā “samanuñño me satthā”ti bhagavantaṁ abhivādetvā padakkhiṇaṁ katvā tatthevantaradhāyi.","en":"“Sir, three qualities lead to the decline of a mendicant.\nWhat three?\nRelishing work, talk, and sleep.\nThese three qualities lead to the decline of a mendicant.”\nThat is what that deity said,\nand the Teacher concurred.\nThen that deity, knowing that the Teacher concurred, bowed, and respectfully circled the Buddha, keeping him on his right, before vanishing right there."}},{"id":"an6.21:3","sourceIds":["an6.21:3.1","an6.21:3.2","an6.21:3.3","an6.21:3.4","an6.21:3.5","an6.21:3.6","an6.21:3.7","an6.21:3.8","an6.21:3.9"],"kind":"text","text":{"pi":"Atha kho bhagavā tassā rattiyā accayena bhikkhū āmantesi:\n“imaṁ, bhikkhave, rattiṁ aññatarā devatā abhikkantāya rattiyā abhikkantavaṇṇā kevalakappaṁ pokkharaṇiyaṁ obhāsetvā yenāhaṁ tenupasaṅkami; upasaṅkamitvā maṁ abhivādetvā ekamantaṁ aṭṭhāsi. Ekamantaṁ ṭhitā kho, bhikkhave, sā devatā maṁ etadavoca:\n‘tayome, bhante, dhammā bhikkhuno parihānāya saṁvattanti.\nKatame tayo?\nKammārāmatā, bhassārāmatā, niddārāmatā—\nime kho, bhante, tayo dhammā bhikkhuno parihānāya saṁvattantī’ti.\nIdamavoca, bhikkhave, sā devatā.\nIdaṁ vatvā maṁ abhivādetvā padakkhiṇaṁ katvā tatthevantaradhāyi.\nTesaṁ vo, bhikkhave, alābhā tesaṁ dulladdhaṁ, ye vo devatāpi jānanti kusalehi dhammehi parihāyamāne.","en":"Then, when the night had passed, the Buddha told the mendicants all that had happened, adding:\n“It’s unfortunate for those of you who even the deities know are declining in skillful qualities."}},{"id":"an6.21:4","sourceIds":["an6.21:4.1","an6.21:4.2","an6.21:4.3","an6.21:4.4","an6.21:4.5","an6.21:4.6","an6.21:4.7"],"kind":"text","text":{"pi":"Aparepi, bhikkhave, tayo parihāniye dhamme desessāmi.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:\n“katame ca, bhikkhave, tayo parihāniyā dhammā?\nSaṅgaṇikārāmatā, dovacassatā, pāpamittatā—\nime kho, bhikkhave, tayo parihāniyā dhammā.","en":"I will teach you three more qualities that lead to decline.\nListen and apply your mind well, I will speak.”\n“Yes, sir,” they replied.\nThe Buddha said this:\n“And what, mendicants, are three qualities that lead to decline?\nEnjoyment of company, being hard to admonish, and having bad friends.\nThese three qualities lead to decline."}},{"id":"an6.21:5","sourceIds":["an6.21:5.1","an6.21:5.2","an6.21:5.3","an6.21:5.4"],"kind":"text","text":{"pi":"Ye hi keci, bhikkhave, atītamaddhānaṁ parihāyiṁsu kusalehi dhammehi, sabbete imeheva chahi dhammehi parihāyiṁsu kusalehi dhammehi.\nYepi hi keci, bhikkhave, anāgatamaddhānaṁ parihāyissanti kusalehi dhammehi, sabbete imeheva chahi dhammehi parihāyissanti kusalehi dhammehi.\nYepi hi keci, bhikkhave, etarahi parihāyanti kusalehi dhammehi, sabbete imeheva chahi dhammehi parihāyanti kusalehi dhammehī”ti.\nPaṭhamaṁ.","en":"Whether in the past, future, or present, all those who decline in skillful qualities do so because of these six qualities.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.21/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}