{"id":"an6.26","title":"With Mahākaccāna","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.26","title":"With Mahākaccāna","units":[{"id":"an6.26:0","sourceIds":["an6.26:0.1","an6.26:0.2","an6.26:0.3"],"kind":"text","text":{"pi":"Aṅguttara Nikāya 6.26\n3. Anuttariyavagga\nMahākaccānasutta","en":"Numbered Discourses 6.26\n3. Unsurpassable\nWith Mahākaccāna"}},{"id":"an6.26:1","sourceIds":["an6.26:1.1","an6.26:1.2","an6.26:1.3","an6.26:1.4","an6.26:1.5","an6.26:1.6","an6.26:1.7"],"kind":"text","text":{"pi":"Tatra kho āyasmā mahākaccāno bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato mahākaccānassa paccassosuṁ.\nĀyasmā mahākaccāno etadavoca:\n“acchariyaṁ, āvuso;\nabbhutaṁ, āvuso.\nYāvañcidaṁ tena bhagavatā jānatā passatā arahatā sammāsambuddhena sambādhe okāsādhigamo anubuddho sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ cha anussatiṭṭhānāni.","en":"There Mahākaccāna addressed the mendicants:\n“Reverends, mendicants!”\n“Reverend,” they replied.\nVenerable Mahākaccāna said this:\n“It’s incredible, reverends,\nit’s amazing!\nHow this Blessed One who knows and sees, the perfected one, the fully awakened Buddha, has found an opening amid confinement; that is, the six topics for recollection. They are in order to purify sentient beings, to get past sorrow and crying, to make an end of pain and sadness, to discover the system, and to realize extinguishment."}},{"id":"an6.26:2","sourceIds":["an6.26:2.1","an6.26:2.2","an6.26:2.3","an6.26:2.4","an6.26:2.5","an6.26:2.6","an6.26:2.7","an6.26:2.8"],"kind":"text","text":{"pi":"Katamāni cha?\nIdhāvuso, ariyasāvako tathāgataṁ anussarati:\n‘itipi so bhagavā …pe… satthā devamanussānaṁ buddho bhagavā’ti.\nYasmiṁ, āvuso, samaye ariyasāvako tathāgataṁ anussarati nevassa tasmiṁ samaye rāgapariyuṭṭhitaṁ cittaṁ hoti, na dosapariyuṭṭhitaṁ cittaṁ hoti, na mohapariyuṭṭhitaṁ cittaṁ hoti;\nujugatamevassa tasmiṁ samaye cittaṁ hoti, nikkhantaṁ muttaṁ vuṭṭhitaṁ gedhamhā.\n‘Gedho’ti kho, āvuso, pañcannetaṁ kāmaguṇānaṁ adhivacanaṁ.\nSa kho so, āvuso, ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena.\nIdampi kho, āvuso, ārammaṇaṁ karitvā evam’idhekacce sattā visuddhidhammā bhavanti.","en":"What six?\nFirstly, a noble disciple recollects the Realized One:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nWhen a noble disciple recollects the Realized One their mind is not full of greed, hate, and delusion.\nAt that time their mind is quite unswerving. They’ve left behind greed; they’re free of it and have risen above it.\n‘Greed’ is a term for the five kinds of sensual stimulation.\nThat noble disciple meditates with a heart just like space, abundant, expansive, limitless, free of enmity and ill will.\nRelying on this, some sentient beings become pure in this way."}},{"id":"an6.26:3","sourceIds":["an6.26:3.1","an6.26:3.2","an6.26:3.3","an6.26:3.4","an6.26:3.5","an6.26:3.6","an6.26:3.7"],"kind":"text","text":{"pi":"Puna caparaṁ, āvuso, ariyasāvako dhammaṁ anussarati:\n‘svākkhāto bhagavatā dhammo …pe… paccattaṁ veditabbo viññūhī’ti.\nYasmiṁ, āvuso, samaye ariyasāvako dhammaṁ anussarati nevassa tasmiṁ samaye rāgapariyuṭṭhitaṁ cittaṁ hoti, na dosapariyuṭṭhitaṁ cittaṁ hoti, na mohapariyuṭṭhitaṁ cittaṁ hoti;\nujugatamevassa tasmiṁ samaye cittaṁ hoti, nikkhantaṁ muttaṁ vuṭṭhitaṁ gedhamhā.\n‘Gedho’ti kho, āvuso, pañcannetaṁ kāmaguṇānaṁ adhivacanaṁ.\nSa kho so, āvuso, ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena.\nIdampi kho, āvuso, ārammaṇaṁ karitvā evam’idhekacce sattā visuddhidhammā bhavanti.","en":"Furthermore, a noble disciple recollects the teaching:\n‘The teaching is well explained by the Buddha—apparent in the present life, immediately effective, inviting inspection, relevant, so that sensible people can know it for themselves.’\nWhen a noble disciple recollects the teaching their mind is not full of greed, hate, and delusion. …"}},{"id":"an6.26:4","sourceIds":["an6.26:4.1","an6.26:4.2","an6.26:4.3","an6.26:4.4","an6.26:4.5","an6.26:4.6","an6.26:4.7"],"kind":"text","text":{"pi":"Puna caparaṁ, āvuso, ariyasāvako saṅghaṁ anussarati:\n‘suppaṭipanno bhagavato sāvakasaṅgho …pe… anuttaraṁ puññakkhettaṁ lokassā’ti.\nYasmiṁ, āvuso, samaye ariyasāvako saṅghaṁ anussarati nevassa tasmiṁ samaye rāgapariyuṭṭhitaṁ cittaṁ hoti, na dosapariyuṭṭhitaṁ cittaṁ hoti, na mohapariyuṭṭhitaṁ cittaṁ hoti;\nujugatamevassa tasmiṁ samaye cittaṁ hoti, nikkhantaṁ muttaṁ vuṭṭhitaṁ gedhamhā.\n‘Gedho’ti kho, āvuso, pañcannetaṁ kāmaguṇānaṁ adhivacanaṁ.\nSa kho so, āvuso, ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena.\nIdampi kho, āvuso, ārammaṇaṁ karitvā evam’idhekacce sattā visuddhidhammā bhavanti.","en":"Furthermore, a noble disciple recollects the Saṅgha:\n‘The Saṅgha of the Buddha’s disciples is practicing the way that’s good, direct, systematic, and proper. It consists of the four pairs, the eight individual persons. This is the Saṅgha of the Buddha’s disciples that is worthy of offerings dedicated to the gods, worthy of hospitality, worthy of a religious donation, worthy of greeting with cupped palms, and is the supreme field of merit for the world.’\nWhen a noble disciple recollects the Saṅgha their mind is not full of greed, hate, and delusion. …"}},{"id":"an6.26:5","sourceIds":["an6.26:5.1","an6.26:5.2","an6.26:5.3","an6.26:5.4","an6.26:5.5","an6.26:5.6"],"kind":"text","text":{"pi":"Puna caparaṁ, āvuso, ariyasāvako attano sīlāni anussarati akhaṇḍāni …pe… samādhisaṁvattanikāni.\nYasmiṁ, āvuso, samaye ariyasāvako attano sīlaṁ anussarati nevassa tasmiṁ samaye rāgapariyuṭṭhitaṁ cittaṁ hoti, na dosapariyuṭṭhitaṁ cittaṁ hoti, na mohapariyuṭṭhitaṁ cittaṁ hoti;\nujugatamevassa tasmiṁ samaye cittaṁ hoti, nikkhantaṁ muttaṁ vuṭṭhitaṁ gedhamhā.\n‘Gedho’ti kho, āvuso, pañcannetaṁ kāmaguṇānaṁ adhivacanaṁ.\nSa kho so, āvuso, ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena.\nIdampi kho, āvuso, ārammaṇaṁ karitvā evam’idhekacce sattā visuddhidhammā bhavanti.","en":"Furthermore, a noble disciple recollects their own ethical precepts, which are intact, impeccable, spotless, and unmarred, liberating, praised by sensible people, not mistaken, and leading to immersion.\nWhen a noble disciple recollects their ethical precepts their mind is not full of greed, hate, and delusion. …"}},{"id":"an6.26:6","sourceIds":["an6.26:6.1","an6.26:6.2","an6.26:6.3","an6.26:6.4","an6.26:6.5","an6.26:6.6","an6.26:6.7","an6.26:6.8"],"kind":"text","text":{"pi":"Puna caparaṁ, āvuso, ariyasāvako attano cāgaṁ anussarati:\n‘lābhā vata me, suladdhaṁ vata me …pe…\nyācayogo dānasaṁvibhāgarato’ti.\nYasmiṁ, āvuso, samaye ariyasāvako attano cāgaṁ anussarati nevassa tasmiṁ samaye rāgapariyuṭṭhitaṁ cittaṁ hoti, na dosapariyuṭṭhitaṁ cittaṁ hoti, na mohapariyuṭṭhitaṁ cittaṁ hoti;\nujugatamevassa tasmiṁ samaye cittaṁ hoti, nikkhantaṁ muttaṁ vuṭṭhitaṁ gedhamhā.\n‘Gedho’ti kho, āvuso, pañcannetaṁ kāmaguṇānaṁ adhivacanaṁ.\nSa kho so, āvuso, ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena.\nIdampi kho, āvuso, ārammaṇaṁ karitvā evam’idhekacce sattā visuddhidhammā bhavanti.","en":"Furthermore, a noble disciple recollects their generosity:\n‘I’m so fortunate, so very fortunate!\nAmong people full of the stain of stinginess I live at home with heart rid of the stain of stinginess, freely generous, open-handed, loving to let go, committed to charity, loving to give and to share.’\nWhen a noble disciple recollects their generosity their mind is not full of greed, hate, and delusion. …"}},{"id":"an6.26:7","sourceIds":["an6.26:7.1","an6.26:7.2","an6.26:7.3","an6.26:7.4","an6.26:7.5","an6.26:7.6","an6.26:7.7","an6.26:7.8","an6.26:7.9","an6.26:7.10","an6.26:7.11","an6.26:7.12"],"kind":"text","text":{"pi":"Puna caparaṁ, āvuso, ariyasāvako devatā anussarati:\n‘santi devā cātumahārājikā, santi devā …pe… tatuttari.\nYathārūpāya saddhāya samannāgatā tā devatā ito cutā tattha upapannā; mayhampi tathārūpā saddhā saṁvijjati.\nYathārūpena sīlena …\nsutena …\ncāgena …\npaññāya samannāgatā tā devatā ito cutā tattha upapannā; mayhampi tathārūpā paññā saṁvijjatī’ti.\nYasmiṁ, āvuso, samaye ariyasāvako attano ca tāsañca devatānaṁ saddhañca sīlañca sutañca cāgañca paññañca anussarati nevassa tasmiṁ samaye rāgapariyuṭṭhitaṁ cittaṁ hoti, na dosapariyuṭṭhitaṁ cittaṁ hoti, na mohapariyuṭṭhitaṁ cittaṁ hoti;\nujugatamevassa tasmiṁ samaye cittaṁ hoti, nikkhantaṁ muttaṁ vuṭṭhitaṁ gedhamhā.\n‘Gedho’ti kho, āvuso, pañcannetaṁ kāmaguṇānaṁ adhivacanaṁ.\nSa kho so, āvuso, ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena.\nIdampi kho, āvuso, ārammaṇaṁ karitvā evam’idhekacce sattā visuddhidhammā bhavanti.","en":"Furthermore, a noble disciple recollects the deities:\n‘There are the gods of the four great kings, the gods of the thirty-three, the gods of Yama, the joyful gods, the gods who love to create, the gods who control what is created by others, the gods of the Divinity’s host, and gods even higher than these.\nWhen those deities passed away from here, they were reborn there because of their faith, ethics, learning, generosity, and wisdom. I, too, have the same kind of faith, ethics, learning, generosity, and wisdom.’\nWhen a noble disciple recollects the faith, ethics, learning, generosity, and wisdom of both themselves and the deities their mind is not full of greed, hate, and delusion.\nAt that time their mind is quite unswerving. They’ve left behind greed; they’re free of it and have risen above it.\n‘Greed’ is a term for the five kinds of sensual stimulation.\nThat noble disciple meditates with a heart just like space, abundant, expansive, limitless, free of enmity and ill will.\nRelying on this, some sentient beings become pure in this way."}},{"id":"an6.26:8","sourceIds":["an6.26:8.1","an6.26:8.2","an6.26:8.3"],"kind":"text","text":{"pi":"Acchariyaṁ, āvuso, abbhutaṁ, āvuso.\nYāvañcidaṁ tena bhagavatā jānatā passatā arahatā sammāsambuddhena sambādhe okāsādhigamo anubuddho sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ cha anussatiṭṭhānānī”ti.\nChaṭṭhaṁ.","en":"It’s incredible, reverends, it’s amazing!\nHow this Blessed One who knows and sees, the perfected one, the fully awakened Buddha, has found an opening amid confinement; that is, the six topics for recollection. They are in order to purify sentient beings, to get past sorrow and crying, to make an end of pain and sadness, to discover the system, and to realize extinguishment.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.26/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}