{"id":"an6.30","title":"Unsurpassable","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.30","title":"Unsurpassable","units":[{"id":"an6.30:0","sourceIds":["an6.30:0.1","an6.30:0.2","an6.30:0.3"],"kind":"text","text":{"pi":"Aṅguttara Nikāya 6.30\n3. Anuttariyavagga\nAnuttariyasutta","en":"Numbered Discourses 6.30\n3. Unsurpassable\nUnsurpassable"}},{"id":"an6.30:1","sourceIds":["an6.30:1.1","an6.30:1.2","an6.30:1.3"],"kind":"text","text":{"pi":"“Chayimāni, bhikkhave, anuttariyāni.\nKatamāni cha?\nDassanānuttariyaṁ, savanānuttariyaṁ, lābhānuttariyaṁ, sikkhānuttariyaṁ, pāricariyānuttariyaṁ, anussatānuttariyanti.","en":"“Mendicants, these six things are unsurpassable.\nWhat six?\nThe unsurpassable seeing, listening, acquisition, training, service, and recollection."}},{"id":"an6.30:2","sourceIds":["an6.30:2.1","an6.30:2.2","an6.30:2.3","an6.30:2.4","an6.30:2.5","an6.30:2.6","an6.30:2.7"],"kind":"text","text":{"pi":"Katamañca, bhikkhave, dassanānuttariyaṁ?\nIdha, bhikkhave, ekacco hatthiratanampi dassanāya gacchati, assaratanampi dassanāya gacchati, maṇiratanampi dassanāya gacchati, uccāvacaṁ vā pana dassanāya gacchati, samaṇaṁ vā brāhmaṇaṁ vā micchādiṭṭhikaṁ micchāpaṭipannaṁ dassanāya gacchati.\nAtthetaṁ, bhikkhave, dassanaṁ; netaṁ natthīti vadāmi.\nTañca kho etaṁ, bhikkhave, dassanaṁ hīnaṁ gammaṁ pothujjanikaṁ anariyaṁ anatthasaṁhitaṁ, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati.\nYo ca kho, bhikkhave, tathāgataṁ vā tathāgatasāvakaṁ vā dassanāya gacchati niviṭṭhasaddho niviṭṭhapemo ekantagato abhippasanno, etadānuttariyaṁ, bhikkhave, dassanānaṁ sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ tathāgataṁ vā tathāgatasāvakaṁ vā dassanāya gacchati niviṭṭhasaddho niviṭṭhapemo ekantagato abhippasanno.\nIdaṁ vuccati, bhikkhave, dassanānuttariyaṁ.\nIti dassanānuttariyaṁ.","en":"And what is the unsurpassable seeing?\nSome people go to see an elephant-treasure, a horse-treasure, a jewel-treasure, or a diverse spectrum of sights; or ascetics and brahmins of wrong view and wrong practice.\nThere is such a seeing, I don’t deny it.\nThat seeing is low, crude, ordinary, ignoble, and pointless. It doesn’t lead to disillusionment, dispassion, cessation, peace, insight, awakening, and extinguishment.\nThe unsurpassable seeing is when someone with settled faith and fondness, sure and devoted, goes to see a Realized One or their disciple. This is in order to purify sentient beings, to get past sorrow and crying, to make an end of pain and sadness, to discover the system, and to realize extinguishment.\nThis is called the unsurpassable seeing.\nSuch is the unsurpassable seeing."}},{"id":"an6.30:3","sourceIds":["an6.30:3.1","an6.30:3.2","an6.30:3.3","an6.30:3.4","an6.30:3.5","an6.30:3.6","an6.30:3.7"],"kind":"text","text":{"pi":"Savanānuttariyañca kathaṁ hoti?\nIdha, bhikkhave, ekacco bherisaddampi savanāya gacchati, vīṇāsaddampi savanāya gacchati, gītasaddampi savanāya gacchati, uccāvacaṁ vā pana savanāya gacchati, samaṇassa vā brāhmaṇassa vā micchādiṭṭhikassa micchāpaṭipannassa dhammassavanāya gacchati.\nAtthetaṁ, bhikkhave, savanaṁ; netaṁ natthīti vadāmi.\nTañca kho etaṁ, bhikkhave, savanaṁ hīnaṁ gammaṁ pothujjanikaṁ anariyaṁ anatthasaṁhitaṁ, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati.\nYo ca kho, bhikkhave, tathāgatassa vā tathāgatasāvakassa vā dhammassavanāya gacchati niviṭṭhasaddho niviṭṭhapemo ekantagato abhippasanno, etadānuttariyaṁ, bhikkhave, savanānaṁ sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ tathāgatassa vā tathāgatasāvakassa vā dhammassavanāya gacchati niviṭṭhasaddho niviṭṭhapemo ekantagato abhippasanno.\nIdaṁ vuccati, bhikkhave, savanānuttariyaṁ.\nIti dassanānuttariyaṁ, savanānuttariyaṁ.","en":"But what of the unsurpassable hearing?\nSome people go to hear the sound of drums, arched harps, singing, or a diverse spectrum of sounds; or ascetics and brahmins of wrong view and wrong practice.\nThere is such a hearing, I don’t deny it.\nThat hearing … doesn’t lead to extinguishment.\nThe unsurpassable hearing is when someone with settled faith and fondness, sure and devoted, goes to hear the teaching of a Realized One or one of his disciples. …\nThis is called the unsurpassable hearing.\nSuch is the unsurpassable seeing and hearing."}},{"id":"an6.30:4","sourceIds":["an6.30:4.1","an6.30:4.2","an6.30:4.3","an6.30:4.4","an6.30:4.5","an6.30:4.6","an6.30:4.7"],"kind":"text","text":{"pi":"Lābhānuttariyañca kathaṁ hoti?\nIdha, bhikkhave, ekacco puttalābhampi labhati, dāralābhampi labhati, dhanalābhampi labhati, uccāvacaṁ vā pana lābhaṁ labhati, samaṇe vā brāhmaṇe vā micchādiṭṭhike micchāpaṭipanne saddhaṁ paṭilabhati.\nAttheso, bhikkhave, lābho; neso natthīti vadāmi.\nSo ca kho eso, bhikkhave, lābho hīno gammo pothujjaniko anariyo anatthasaṁhito, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati.\nYo ca kho, bhikkhave, tathāgate vā tathāgatasāvake vā saddhaṁ paṭilabhati niviṭṭhasaddho niviṭṭhapemo ekantagato abhippasanno, etadānuttariyaṁ, bhikkhave, lābhānaṁ sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ tathāgate vā tathāgatasāvake vā saddhaṁ paṭilabhati niviṭṭhasaddho niviṭṭhapemo ekantagato abhippasanno.\nIdaṁ vuccati, bhikkhave, lābhānuttariyaṁ.\nIti dassanānuttariyaṁ, savanānuttariyaṁ, lābhānuttariyaṁ.","en":"But what of the unsurpassable acquisition?\nSome people acquire a child, a wife, wealth, or a diverse spectrum of things; or they acquire faith in an ascetic or brahmin of wrong view and wrong practice.\nThere is such an acquisition, I don’t deny it.\nThat acquisition … doesn’t lead to extinguishment.\nThe unsurpassable acquisition is when someone with settled faith and fondness, sure and devoted, acquires faith in a Realized One or their disciple. …\nThis is called the unsurpassable acquisition.\nSuch is the unsurpassable seeing, hearing, and acquisition."}},{"id":"an6.30:5","sourceIds":["an6.30:5.1","an6.30:5.2","an6.30:5.3","an6.30:5.4","an6.30:5.5","an6.30:5.6","an6.30:5.7"],"kind":"text","text":{"pi":"Sikkhānuttariyañca kathaṁ hoti?\nIdha, bhikkhave, ekacco hatthismimpi sikkhati, assasmimpi sikkhati, rathasmimpi sikkhati, dhanusmimpi sikkhati, tharusmimpi sikkhati, uccāvacaṁ vā pana sikkhati, samaṇassa vā brāhmaṇassa vā micchādiṭṭhikassa micchāpaṭipannassa sikkhati.\nAtthesā, bhikkhave, sikkhā; nesā natthīti vadāmi.\nSā ca kho esā, bhikkhave, sikkhā hīnā gammā pothujjanikā anariyā anatthasaṁhitā, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati.\nYo ca kho, bhikkhave, tathāgatappavedite dhammavinaye adhisīlampi sikkhati, adhicittampi sikkhati, adhipaññampi sikkhati niviṭṭhasaddho niviṭṭhapemo ekantagato abhippasanno, etadānuttariyaṁ, bhikkhave, sikkhānaṁ sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ tathāgatappavedite dhammavinaye adhisīlampi sikkhati, adhicittampi sikkhati, adhipaññampi sikkhati, niviṭṭhasaddho niviṭṭhapemo ekantagato abhippasanno.\nIdaṁ vuccati, bhikkhave, sikkhānuttariyaṁ.\nIti dassanānuttariyaṁ, savanānuttariyaṁ, lābhānuttariyaṁ, sikkhānuttariyaṁ.","en":"But what of the unsurpassable training?\nSome people train in elephant riding, horse riding, chariot driving, archery, swordsmanship, or a diverse spectrum of things; or they train under an ascetic or brahmin of wrong view and wrong practice.\nThere is such a training, I don’t deny it.\nThat training … doesn’t lead to extinguishment.\nThe unsurpassable training is when someone with settled faith and fondness, sure and devoted, trains in the higher ethics, the higher mind, and the higher wisdom in the teaching and training proclaimed by a Realized One. …\nThis is called the unsurpassable training.\nSuch is the unsurpassable seeing, hearing, acquisition, and training."}},{"id":"an6.30:6","sourceIds":["an6.30:6.1","an6.30:6.2","an6.30:6.3","an6.30:6.4","an6.30:6.5","an6.30:6.6","an6.30:6.7"],"kind":"text","text":{"pi":"Pāricariyānuttariyañca kathaṁ hoti?\nIdha, bhikkhave, ekacco khattiyampi paricarati, brāhmaṇampi paricarati, gahapatimpi paricarati, uccāvacaṁ vā pana paricarati, samaṇaṁ vā brāhmaṇaṁ vā micchādiṭṭhikaṁ micchāpaṭipannaṁ paricarati.\nAtthesā, bhikkhave, pāricariyā; nesā natthīti vadāmi.\nSā ca kho esā, bhikkhave, pāricariyā hīnā gammā pothujjanikā anariyā anatthasaṁhitā, na nibbidāya …pe… na nibbānāya saṁvattati.\nYo ca kho, bhikkhave, tathāgataṁ vā tathāgatasāvakaṁ vā paricarati niviṭṭhasaddho niviṭṭhapemo ekantagato abhippasanno, etadānuttariyaṁ, bhikkhave, pāricariyānaṁ sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ tathāgataṁ vā tathāgatasāvakaṁ vā paricarati niviṭṭhasaddho niviṭṭhapemo ekantagato abhippasanno.\nIdaṁ vuccati, bhikkhave, pāricariyānuttariyaṁ.\nIti dassanānuttariyaṁ, savanānuttariyaṁ, lābhānuttariyaṁ, sikkhānuttariyaṁ, pāricariyānuttariyaṁ.","en":"But what of the unsurpassable service?\nSome people serve an aristocrat, a brahmin, a householder, or a diverse spectrum of people; or they serve ascetics and brahmins of wrong view and wrong practice.\nThere is such service, I don’t deny it.\nThat service … doesn’t lead to extinguishment.\nThe unsurpassable service is when someone with settled faith and fondness, sure and devoted, serves a Realized One or their disciple. …\nThis is called the unsurpassable service.\nSuch is the unsurpassable seeing, listening, acquisition, training, and service."}},{"id":"an6.30:7","sourceIds":["an6.30:7.1","an6.30:7.2","an6.30:7.3","an6.30:7.4","an6.30:7.5","an6.30:7.6"],"kind":"text","text":{"pi":"Anussatānuttariyañca kathaṁ hoti?\nIdha, bhikkhave, ekacco puttalābhampi anussarati, dāralābhampi anussarati, dhanalābhampi anussarati, uccāvacaṁ vā pana lābhaṁ anussarati, samaṇaṁ vā brāhmaṇaṁ vā micchādiṭṭhikaṁ micchāpaṭipannaṁ anussarati.\nAtthesā, bhikkhave, anussati; nesā natthīti vadāmi.\nSā ca kho esā, bhikkhave, anussati hīnā gammā pothujjanikā anariyā anatthasaṁhitā, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati.\nYo ca kho, bhikkhave, tathāgataṁ vā tathāgatasāvakaṁ vā anussarati niviṭṭhasaddho niviṭṭhapemo ekantagato abhippasanno, etadānuttariyaṁ, bhikkhave, anussatīnaṁ sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ tathāgataṁ vā tathāgatasāvakaṁ vā anussarati niviṭṭhasaddho niviṭṭhapemo ekantagato abhippasanno.\nIdaṁ vuccati, bhikkhave, anussatānuttariyaṁ.","en":"But what of the unsurpassable recollection?\nSome people recollect a child, a wife, wealth, or a diverse spectrum of things; or they recollect an ascetic or brahmin of wrong view and wrong practice.\nThere is such recollection, I don’t deny it.\nThat recollection is low, crude, ordinary, ignoble, and pointless. It doesn’t lead to disillusionment, dispassion, cessation, peace, insight, awakening, and extinguishment.\nThe unsurpassable recollection is when someone with settled faith and fondness, sure and devoted, recollects a Realized One or their disciple. …\nThis is called the unsurpassable recollection."}},{"id":"an6.30:8","sourceIds":["an6.30:8.1"],"kind":"text","text":{"pi":"Imāni kho, bhikkhave, cha anuttariyānīti.","en":"These are the six unsurpassable things."}},{"id":"an6.30:9","sourceIds":["an6.30:9.1","an6.30:9.2","an6.30:9.3","an6.30:9.4"],"kind":"text","text":{"pi":"Ye dassanānuttaraṁ laddhā,\nsavanañca anuttaraṁ;\nLābhānuttariyaṁ laddhā,\nsikkhānuttariye ratā.","en":"They’ve gained the unsurpassed seeing,\nthe unsurpassed hearing,\nand the unsurpassable acquisition.\nThey enjoy the unsurpassable training"}},{"id":"an6.30:10","sourceIds":["an6.30:10.1","an6.30:10.2","an6.30:10.3","an6.30:10.4"],"kind":"text","text":{"pi":"Upaṭṭhitā pāricariyā,\nbhāvayanti anussatiṁ;\nVivekappaṭisaṁyuttaṁ,\nkhemaṁ amatagāminiṁ.","en":"and serve with care.\nThen they develop recollection\nconnected with seclusion,\nwhich is safe, and leads to freedom from death."}},{"id":"an6.30:11","sourceIds":["an6.30:11.1","an6.30:11.2","an6.30:11.3","an6.30:11.4","an6.30:11.5","an6.30:11.6"],"kind":"text","text":{"pi":"Appamāde pamuditā,\nnipakā sīlasaṁvutā;\nTe ve kālena paccenti,\nyattha dukkhaṁ nirujjhatī”ti.\nDasamaṁ.\nAnuttariyavaggo tatiyo.","en":"They rejoice in diligence,\nalert and ethically restrained.\nAnd in time they arrive\nat the place where suffering ceases.”"}},{"id":"an6.30:12","sourceIds":["an6.30:12.0","an6.30:12.1","an6.30:12.2","an6.30:12.3","an6.30:12.4"],"kind":"text","text":{"pi":"Tassuddānaṁ\nSāmako aparihāniyo,\nBhayaṁ himavānussati;\nKaccāno dve ca samayā,\nUdāyī anuttariyenāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.30/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}