{"id":"an6.39","title":"Sources","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.39","title":"Sources","units":[{"id":"an6.39:0","sourceIds":["an6.39:0.1","an6.39:0.2","an6.39:0.3"],"kind":"text","text":{"pi":"Aṅguttara Nikāya 6.39\n4. Devatāvagga\nNidānasutta","en":"Numbered Discourses 6.39\n4. Deities\nSources"}},{"id":"an6.39:1","sourceIds":["an6.39:1.1","an6.39:1.2","an6.39:1.3","an6.39:1.4","an6.39:1.5","an6.39:1.6","an6.39:1.7","an6.39:1.8","an6.39:1.9","an6.39:1.10","an6.39:1.11","an6.39:1.12"],"kind":"text","text":{"pi":"“Tīṇimāni, bhikkhave, nidānāni kammānaṁ samudayāya.\nKatamāni tīṇi?\nLobho nidānaṁ kammānaṁ samudayāya, doso nidānaṁ kammānaṁ samudayāya, moho nidānaṁ kammānaṁ samudayāya.\nNa, bhikkhave, lobhā alobho samudeti;\natha kho, bhikkhave, lobhā lobhova samudeti.\nNa, bhikkhave, dosā adoso samudeti;\natha kho, bhikkhave, dosā dosova samudeti.\nNa, bhikkhave, mohā amoho samudeti;\natha kho, bhikkhave, mohā mohova samudeti.\nNa, bhikkhave, lobhajena kammena dosajena kammena mohajena kammena devā paññāyanti, manussā paññāyanti, yā vā panaññāpi kāci sugatiyo.\nAtha kho, bhikkhave, lobhajena kammena dosajena kammena mohajena kammena nirayo paññāyati tiracchānayoni paññāyati pettivisayo paññāyati, yā vā panaññāpi kāci duggatiyo.\nImāni kho, bhikkhave, tīṇi nidānāni kammānaṁ samudayāya.","en":"“Mendicants, there are these three sources that give rise to deeds.\nWhat three?\nGreed, hate, and delusion are sources that give rise to deeds.\nGreed doesn’t give rise to contentment.\nRather, greed just gives rise to greed.\nHate doesn’t give rise to love.\nRather, hate just gives rise to hate.\nDelusion doesn’t give rise to understanding.\nRather, delusion just gives rise to delusion.\nIt’s not because of deeds born of greed, hate, and delusion that gods, humans, or those in any other good places are found.\nRather, it’s because of deeds born of greed, hate, and delusion that hell, the animal realm, the ghost realm, or any other bad places are found.\nThese are three sources that give rise to deeds."}},{"id":"an6.39:2","sourceIds":["an6.39:2.1","an6.39:2.2","an6.39:2.3","an6.39:2.4","an6.39:2.5","an6.39:2.6","an6.39:2.7","an6.39:2.8","an6.39:2.9","an6.39:2.10","an6.39:2.11","an6.39:2.12","an6.39:2.13"],"kind":"text","text":{"pi":"Tīṇimāni, bhikkhave, nidānāni kammānaṁ samudayāya.\nKatamāni tīṇi?\nAlobho nidānaṁ kammānaṁ samudayāya, adoso nidānaṁ kammānaṁ samudayāya, amoho nidānaṁ kammānaṁ samudayāya.\nNa, bhikkhave, alobhā lobho samudeti;\natha kho, bhikkhave, alobhā alobhova samudeti.\nNa, bhikkhave, adosā doso samudeti;\natha kho, bhikkhave, adosā adosova samudeti.\nNa, bhikkhave, amohā moho samudeti;\natha kho, bhikkhave, amohā amohova samudeti.\nNa, bhikkhave, alobhajena kammena adosajena kammena amohajena kammena nirayo paññāyati tiracchānayoni paññāyati pettivisayo paññāyati, yā vā panaññāpi kāci duggatiyo.\nAtha kho, bhikkhave, alobhajena kammena adosajena kammena amohajena kammena devā paññāyanti, manussā paññāyanti, yā vā panaññāpi kāci sugatiyo.\nImāni kho, bhikkhave, tīṇi nidānāni kammānaṁ samudayāyā”ti.\nNavamaṁ.","en":"Mendicants, there are these three sources that give rise to deeds.\nWhat three?\nContentment, love, and understanding are sources that give rise to deeds.\nContentment doesn’t give rise to greed.\nRather, contentment just gives rise to contentment.\nLove doesn’t give rise to hate.\nRather, love just gives rise to love.\nUnderstanding doesn’t give rise to delusion.\nRather, understanding just gives rise to understanding.\nIt’s not because of deeds born of contentment, love, and understanding that hell, the animal realm, the ghost realm, or any other bad places are found.\nRather, it’s because of deeds born of contentment, love, and understanding that gods, humans, or those in any other good places are found.\nThese are three sources that give rise to deeds.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.39/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}