{"id":"an6.44","title":"With Migasālā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.44","title":"With Migasālā","units":[{"id":"an6.44:0","sourceIds":["an6.44:0.1","an6.44:0.2","an6.44:0.3"],"kind":"text","text":{"pi":"Aṅguttara Nikāya 6.44\n5. Dhammikavagga\nMigasālāsutta","en":"Numbered Discourses 6.44\n5. About Dhammika\nWith Migasālā"}},{"id":"an6.44:1","sourceIds":["an6.44:1.1","an6.44:1.2"],"kind":"text","text":{"pi":"Atha kho āyasmā ānando pubbaṇhasamayaṁ nivāsetvā pattacīvaramādāya yena migasālāya upāsikāya nivesanaṁ tenupasaṅkami; upasaṅkamitvā paññatte āsane nisīdi.\nAtha kho migasālā upāsikā yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ nisīdi. Ekamantaṁ nisinnā kho migasālā upāsikā āyasmantaṁ ānandaṁ etadavoca:","en":"Then Venerable Ānanda robed up in the morning and, taking his bowl and robe, went to the home of the laywoman Migasālā, where he sat down on the seat spread out.\nThen the laywoman Migasālā went up to Ānanda, bowed, sat down to one side, and said to him,"}},{"id":"an6.44:2","sourceIds":["an6.44:2.1","an6.44:2.2","an6.44:2.3","an6.44:2.4","an6.44:2.5","an6.44:2.6","an6.44:2.7"],"kind":"text","text":{"pi":"“Kathaṁ kathaṁ nāmāyaṁ, bhante ānanda, bhagavatā dhammo desito aññeyyo, yatra hi nāma brahmacārī ca abrahmacārī ca ubho samasamagatikā bhavissanti abhisamparāyaṁ?\nPitā me, bhante, purāṇo brahmacārī ahosi ārācārī virato methunā gāmadhammā.\nSo kālaṅkato bhagavatā byākato sakadāgāmī satto tusitaṁ kāyaṁ upapannoti.\nPetteyyopi me, bhante, isidatto abrahmacārī ahosi sadārasantuṭṭho.\nSopi kālaṅkato bhagavatā byākato sakadāgāmipatto tusitaṁ kāyaṁ upapannoti.\nKathaṁ kathaṁ nāmāyaṁ, bhante ānanda, bhagavatā dhammo desito aññeyyo, yatra hi nāma brahmacārī ca abrahmacārī ca ubho samasamagatikā bhavissanti abhisamparāyan”ti?\n“Evaṁ kho panetaṁ, bhagini, bhagavatā byākatan”ti.","en":"“Honorable Ānanda, how on earth are we supposed to understand the teaching taught by the Buddha, when the chaste and the unchaste are both reborn in exactly the same place in the next life?\nMy father Purāṇa was chaste, set apart, refraining from the vulgar act of sex.\nWhen he passed away the Buddha declared that, since he was a once-returner, he was reborn in the host of joyful gods.\nBut my uncle Isidatta was not chaste; he lived content with his wife.\nWhen he passed away the Buddha declared that, since he too was a once-returner, he was reborn in the host of joyful gods.\nHow on earth are we supposed to understand the teaching taught by the Buddha, when the chaste and the unchaste are both reborn in exactly the same place in the next life?”\n“You’re right, sister, but that’s how the Buddha declared it.”"}},{"id":"an6.44:3","sourceIds":["an6.44:3.1","an6.44:3.2"],"kind":"text","text":{"pi":"Atha kho āyasmā ānando migasālāya upāsikāya nivesane piṇḍapātaṁ gahetvā uṭṭhāyāsanā pakkāmi.\nAtha kho āyasmā ānando pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:","en":"Then Ānanda, after receiving almsfood at Migasālā’s home, rose from his seat and left.\nThen after the meal, on his return from almsround, Ānanda went to the Buddha, bowed, sat down to one side, and told him what had happened."}},{"id":"an6.44:4","sourceIds":["an6.44:4.1","an6.44:4.2","an6.44:4.3","an6.44:4.4","an6.44:4.5","an6.44:4.6","an6.44:4.7","an6.44:4.8","an6.44:4.9","an6.44:4.10"],"kind":"text","text":{"pi":"“Idhāhaṁ, bhante, pubbaṇhasamayaṁ nivāsetvā pattacīvaramādāya yena migasālāya upāsikāya nivesanaṁ tenupasaṅkamiṁ; upasaṅkamitvā paññatte āsane nisīdiṁ.\nAtha kho, bhante, migasālā upāsikā yenāhaṁ tenupasaṅkami; upasaṅkamitvā maṁ abhivādetvā ekamantaṁ nisīdi. Ekamantaṁ nisinnā kho, bhante, migasālā upāsikā maṁ etadavoca:\n‘kathaṁ kathaṁ nāmāyaṁ, bhante ānanda, bhagavatā dhammo desito aññeyyo, yatra hi nāma brahmacārī ca abrahmacārī ca ubho samasamagatikā bhavissanti abhisamparāyaṁ.\nPitā me, bhante, purāṇo brahmacārī ahosi ārācārī virato methunā gāmadhammā.\nSo kālaṅkato bhagavatā byākato sakadāgāmipatto tusitaṁ kāyaṁ upapannoti.\nPetteyyopi me, bhante, isidatto abrahmacārī ahosi sadārasantuṭṭho.\nSopi kālaṅkato bhagavatā byākato sakadāgāmipatto tusitaṁ kāyaṁ upapannoti.\nKathaṁ kathaṁ nāmāyaṁ, bhante ānanda, bhagavatā dhammo desito aññeyyo, yatra hi nāma brahmacārī ca abrahmacārī ca ubho samasamagatikā bhavissanti abhisamparāyan’ti?\nEvaṁ vutte, ahaṁ, bhante, migasālaṁ upāsikaṁ etadavocaṁ:\n‘evaṁ kho panetaṁ, bhagini, bhagavatā byākatan’”ti."}},{"id":"an6.44:5","sourceIds":["an6.44:5.1","an6.44:5.2"],"kind":"text","text":{"pi":"“Kā cānanda, migasālā upāsikā bālā abyattā ammakā ammakapaññā, ke ca purisapuggalaparopariyañāṇe?\nChayime, ānanda, puggalā santo saṁvijjamānā lokasmiṁ.","en":"“Ānanda, who is this laywoman Migasālā, a foolish incompetent aunty, with an aunty’s wit? And who is it that knows how to assess individual persons?\nThese six individuals are found in the world."}},{"id":"an6.44:6","sourceIds":["an6.44:6.1","an6.44:6.2","an6.44:6.3","an6.44:6.4"],"kind":"text","text":{"pi":"Katame cha?\nIdhānanda, ekacco puggalo sorato hoti sukhasaṁvāso, abhinandanti sabrahmacārī ekattavāsena.\nTassa savanenapi akataṁ hoti, bāhusaccenapi akataṁ hoti, diṭṭhiyāpi appaṭividdhaṁ hoti, sāmāyikampi vimuttiṁ na labhati.\nSo kāyassa bhedā paraṁ maraṇā hānāya pareti no visesāya, hānagāmīyeva hoti no visesagāmī.","en":"What six?\nTake a certain individual who is gentle and pleasant to be with. And spiritual companions enjoy living together with them.\nAnd they’ve not listened or learned or penetrated theoretically or found even temporary freedom.\nWhen their body breaks up, after death, they depart for a lower place, not a higher. They’re going to a lower place, not a higher."}},{"id":"an6.44:7","sourceIds":["an6.44:7.1","an6.44:7.2","an6.44:7.3"],"kind":"text","text":{"pi":"Idha panānanda, ekacco puggalo sorato hoti sukhasaṁvāso, abhinandanti sabrahmacārī ekattavāsena.\nTassa savanenapi kataṁ hoti, bāhusaccenapi kataṁ hoti, diṭṭhiyāpi paṭividdhaṁ hoti, sāmāyikampi vimuttiṁ labhati.\nSo kāyassa bhedā paraṁ maraṇā visesāya pareti no hānāya, visesagāmīyeva hoti no hānagāmī.","en":"Take another individual who is gentle and pleasant to be with. And spiritual companions enjoy living together with them.\nAnd they’ve listened and learned and penetrated theoretically and found temporary freedom.\nWhen their body breaks up, after death, they depart for a higher place, not a lower. They’re going to a higher place, not a lower."}},{"id":"an6.44:8","sourceIds":["an6.44:8.1","an6.44:8.2","an6.44:8.3"],"kind":"text","text":{"pi":"Tatrānanda, pamāṇikā pamiṇanti:\n‘imassapi teva dhammā aparassapi teva dhammā, kasmā tesaṁ eko hīno eko paṇīto’ti.\nTañhi tesaṁ, ānanda, hoti dīgharattaṁ ahitāya dukkhāya.","en":"Judgmental people compare them, saying:\n‘This one has just the same qualities as the other, so why is one worse and one better?’\nThis will be for their lasting harm and suffering."}},{"id":"an6.44:9","sourceIds":["an6.44:9.1","an6.44:9.2","an6.44:9.3","an6.44:9.4","an6.44:9.5","an6.44:9.6","an6.44:9.7","an6.44:9.8","an6.44:9.9"],"kind":"text","text":{"pi":"Tatrānanda, yvāyaṁ puggalo sorato hoti sukhasaṁvāso, abhinandanti sabrahmacārī ekattavāsena, tassa savanenapi kataṁ hoti, bāhusaccenapi kataṁ hoti, diṭṭhiyāpi paṭividdhaṁ hoti, sāmāyikampi vimuttiṁ labhati.\nAyaṁ, ānanda, puggalo amunā purimena puggalena abhikkantataro ca paṇītataro ca.\nTaṁ kissa hetu?\nImaṁ hānanda, puggalaṁ dhammasoto nibbahati,\ntadantaraṁ ko jāneyya aññatra tathāgatena.\nTasmātihānanda, mā puggalesu pamāṇikā ahuvattha;\nmā puggalesu pamāṇaṁ gaṇhittha.\nKhaññati hānanda, puggalesu pamāṇaṁ gaṇhanto.\nAhaṁ vā, ānanda, puggalesu pamāṇaṁ gaṇheyyaṁ, yo vā panassa mādiso.","en":"In this case, the individual who is gentle … and has listened, learned, penetrated theoretically, and found temporary freedom\nis better and finer than the other individual.\nWhy is that?\nBecause the stream of the teaching carries them along.\nBut who knows the difference between them except a Realized One?\nSo, Ānanda, don’t be judgmental about individuals.\nDon’t pass judgment on individuals.\nThose who pass judgment on individuals harm themselves.\nI, or someone like me, may pass judgment on individuals."}},{"id":"an6.44:10","sourceIds":["an6.44:10.1","an6.44:10.2","an6.44:10.3"],"kind":"text","text":{"pi":"Idha panānanda, ekaccassa puggalassa kodhamāno adhigato hoti, samayena samayañcassa lobhadhammā uppajjanti.\nTassa savanenapi akataṁ hoti, bāhusaccenapi akataṁ hoti, diṭṭhiyāpi appaṭividdhaṁ hoti, sāmāyikampi vimuttiṁ na labhati.\nSo kāyassa bhedā paraṁ maraṇā hānāya pareti no visesāya, hānagāmīyeva hoti no visesagāmī.","en":"Take another individual who is angry and conceited, and from time to time has greedy thoughts.\nAnd they’ve not listened or learned or penetrated theoretically or found even temporary freedom.\nWhen their body breaks up, after death, they depart for a lower place, not a higher. They’re going to a lower place, not a higher."}},{"id":"an6.44:11","sourceIds":["an6.44:11.1","an6.44:11.2","an6.44:11.3"],"kind":"text","text":{"pi":"Idha panānanda, ekaccassa puggalassa kodhamāno adhigato hoti, samayena samayañcassa lobhadhammā uppajjanti.\nTassa savanenapi kataṁ hoti …pe…\nno hānagāmī.","en":"Take another individual who is angry and conceited, and from time to time has greedy thoughts. …\nBecause the stream of the teaching carries them along. …\nWhen their body breaks up, after death, they depart for a higher place, not a lower. They’re going to a higher place, not a lower."}},{"id":"an6.44:12","sourceIds":["an6.44:12.1","an6.44:12.2"],"kind":"text","text":{"pi":"Tatrānanda, pamāṇikā pamiṇanti …pe…\nyo vā panassa mādiso.","en":"Judgmental people compare them …\nI, or someone like me, may pass judgment on people."}},{"id":"an6.44:13","sourceIds":["an6.44:13.1","an6.44:13.2","an6.44:13.3"],"kind":"text","text":{"pi":"Idha panānanda, ekaccassa puggalassa kodhamāno adhigato hoti, samayena samayañcassa vacīsaṅkhārā uppajjanti.\nTassa savanenapi akataṁ hoti …pe… sāmāyikampi vimuttiṁ na labhati.\nSo kāyassa bhedā paraṁ maraṇā hānāya pareti no visesāya, hānagāmīyeva hoti no visesagāmī.","en":"Take another individual who is angry and conceited, and from time to time has the impulse to speak inappropriately.\nAnd they’ve not listened or learned or penetrated theoretically or found even temporary freedom.\nWhen their body breaks up, after death, they depart for a lower place, not a higher. They’re going to a lower place, not a higher."}},{"id":"an6.44:14","sourceIds":["an6.44:14.1","an6.44:14.2","an6.44:14.3"],"kind":"text","text":{"pi":"Idha panānanda, ekaccassa puggalassa kodhamāno adhigato hoti, samayena samayañcassa vacīsaṅkhārā uppajjanti.\nTassa savanenapi kataṁ hoti, bāhusaccenapi kataṁ hoti, diṭṭhiyāpi paṭividdhaṁ hoti, sāmāyikampi vimuttiṁ labhati.\nSo kāyassa bhedā paraṁ maraṇā visesāya pareti no hānāya, visesagāmīyeva hoti no hānagāmī.","en":"Take another individual who is angry and conceited, and from time to time has the impulse to speak inappropriately.\nBut they’ve listened and learned and penetrated theoretically and found temporary freedom.\nWhen their body breaks up, after death, they depart for a higher place, not a lower. They’re going to a higher place, not a lower."}},{"id":"an6.44:15","sourceIds":["an6.44:15.1","an6.44:15.2","an6.44:15.3"],"kind":"text","text":{"pi":"Tatrānanda, pamāṇikā pamiṇanti:\n‘imassapi teva dhammā, aparassapi teva dhammā. Kasmā tesaṁ eko hīno, eko paṇīto’ti?\nTañhi tesaṁ, ānanda, hoti dīgharattaṁ ahitāya dukkhāya.","en":"Judgmental people compare them, saying:\n‘This one has just the same qualities as the other, so why is one worse and one better?’\nThis will be for their lasting harm and suffering."}},{"id":"an6.44:16","sourceIds":["an6.44:16.1","an6.44:16.2","an6.44:16.3","an6.44:16.4","an6.44:16.5","an6.44:16.6","an6.44:16.7","an6.44:16.8","an6.44:16.9"],"kind":"text","text":{"pi":"Tatrānanda, yassa puggalassa kodhamāno adhigato hoti, samayena samayañcassa vacīsaṅkhārā uppajjanti, tassa savanenapi kataṁ hoti, bāhusaccenapi kataṁ hoti, diṭṭhiyāpi paṭividdhaṁ hoti, sāmāyikampi vimuttiṁ labhati.\nAyaṁ, ānanda, puggalo amunā purimena puggalena abhikkantataro ca paṇītataro ca.\nTaṁ kissa hetu?\nImaṁ hānanda, puggalaṁ dhammasoto nibbahati.\nTadantaraṁ ko jāneyya aññatra tathāgatena.\nTasmātihānanda, mā puggalesu pamāṇikā ahuvattha;\nmā puggalesu pamāṇaṁ gaṇhittha.\nKhaññati hānanda, puggalesu pamāṇaṁ gaṇhanto.\nAhaṁ vā, ānanda, puggalesu pamāṇaṁ gaṇheyyaṁ, yo vā panassa mādiso.","en":"In this case, the individual who is angry and conceited, but has listened, learned, penetrated theoretically, and found temporary freedom\nis better and finer than the other individual.\nWhy is that?\nBecause the stream of the teaching carries them along.\nBut who knows the difference between them except a Realized One?\nSo, Ānanda, don’t be judgmental about individuals.\nDon’t pass judgment on individuals.\nThose who pass judgment on individuals harm themselves.\nI, or someone like me, may pass judgment on individuals."}},{"id":"an6.44:17","sourceIds":["an6.44:17.1","an6.44:17.2"],"kind":"text","text":{"pi":"Kā cānanda, migasālā upāsikā bālā abyattā ammakā ammakapaññā, ke ca purisapuggalaparopariyañāṇe.\nIme kho, ānanda, cha puggalā santo saṁvijjamānā lokasmiṁ.","en":"Who is this laywoman Migasālā, a foolish incompetent aunty, with an aunty’s wit? And who is it that knows how to assess individual persons?\nThese six individuals are found in the world."}},{"id":"an6.44:18","sourceIds":["an6.44:18.1","an6.44:18.2","an6.44:18.3","an6.44:18.4"],"kind":"text","text":{"pi":"Yathārūpena, ānanda, sīlena purāṇo samannāgato ahosi, tathārūpena sīlena isidatto samannāgato abhavissa. Nayidha purāṇo isidattassa gatimpi aññassa.\nYathārūpāya ca, ānanda, paññāya isidatto samannāgato ahosi, tathārūpāya paññāya purāṇo samannāgato abhavissa. Nayidha isidatto purāṇassa gatimpi aññassa.\nIti kho, ānanda, ime puggalā ubho ekaṅgahīnā”ti.\nDutiyaṁ.","en":"If Isidatta had achieved Purāṇa’s level of ethical conduct, Purāṇa could not have even known Isidatta’s destination.\nAnd if Purāṇa had achieved Isidatta’s level of wisdom, Isidatta could not have even known Purāṇa’s destination.\nSo both individuals were lacking in one respect.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.44/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}