{"id":"an6.54","title":"About Dhammika","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.54","title":"About Dhammika","units":[{"id":"an6.54:0","sourceIds":["an6.54:0.1","an6.54:0.2","an6.54:0.3"],"kind":"text","text":{"pi":"Aṅguttara Nikāya 6.54\n5. Dhammikavagga\nDhammikasutta","en":"Numbered Discourses 6.54\n5. About Dhammika\nAbout Dhammika"}},{"id":"an6.54:1","sourceIds":["an6.54:1.1","an6.54:1.2","an6.54:1.3","an6.54:1.4"],"kind":"text","text":{"pi":"Ekaṁ samayaṁ bhagavā rājagahe viharati gijjhakūṭe pabbate.\nTena kho pana samayena āyasmā dhammiko jātibhūmiyaṁ āvāsiko hoti sabbaso jātibhūmiyaṁ sattasu āvāsesu.\nTatra sudaṁ āyasmā dhammiko āgantuke bhikkhū akkosati paribhāsati vihiṁsati vitudati roseti vācāya.\nTe ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti, na saṇṭhanti, riñcanti āvāsaṁ.","en":"At one time the Buddha was staying near Rājagaha, on the Vulture’s Peak Mountain.\nNow at that time Venerable Dhammika was a resident in all seven monasteries of his native land.\nThere he abused visiting mendicants; he insulted, harmed, attacked, and harassed them.\nThe visiting mendicants who were treated in this way did not stay. They left, abandoning the monastery."}},{"id":"an6.54:2","sourceIds":["an6.54:2.1","an6.54:2.2","an6.54:2.3","an6.54:2.4","an6.54:2.5","an6.54:2.6","an6.54:2.7","an6.54:2.8"],"kind":"text","text":{"pi":"Atha kho jātibhūmakānaṁ upāsakānaṁ etadahosi:\n“mayaṁ kho bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārena.\nAtha ca pana āgantukā bhikkhū pakkamanti, na saṇṭhanti, riñcanti āvāsaṁ.\nKo nu kho hetu ko paccayo yena āgantukā bhikkhū pakkamanti, na saṇṭhanti, riñcanti āvāsan”ti?\nAtha kho jātibhūmakānaṁ upāsakānaṁ etadahosi:\n“ayaṁ kho āyasmā dhammiko āgantuke bhikkhū akkosati paribhāsati vihiṁsati vitudati roseti vācāya.\nTe ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti, na saṇṭhanti, riñcanti āvāsaṁ.\nYannūna mayaṁ āyasmantaṁ dhammikaṁ pabbājeyyāmā”ti.","en":"Then the local lay followers thought to themselves,\n“We have supplied the mendicant Saṅgha with robes, almsfood, lodgings, and medicines and supplies for the sick.\nBut the visiting mendicants don’t stay. They leave, abandoning the monastery.\nWhat is the cause, what is the reason for this?”\nThen the local lay followers thought to themselves,\n“This Venerable Dhammika abuses visiting mendicants; he insults, harms, attacks, and harasses them.\nThe visiting mendicants who were treated in this way do not stay. They leave, abandoning the monastery.\nWhy don’t we banish Venerable Dhammika?”"}},{"id":"an6.54:3","sourceIds":["an6.54:3.1","an6.54:3.2","an6.54:3.3","an6.54:3.4","an6.54:3.5","an6.54:3.6"],"kind":"text","text":{"pi":"Atha kho jātibhūmakā upāsakā yena āyasmā dhammiko tenupasaṅkamiṁsu; upasaṅkamitvā āyasmantaṁ dhammikaṁ etadavocuṁ:\n“pakkamatu, bhante, āyasmā dhammiko imamhā āvāsā;\nalaṁ te idha vāsenā”ti.\nAtha kho āyasmā dhammiko tamhā āvāsā aññaṁ āvāsaṁ agamāsi.\nTatrapi sudaṁ āyasmā dhammiko āgantuke bhikkhū akkosati paribhāsati vihiṁsati vitudati roseti vācāya.\nTe ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti, na saṇṭhanti, riñcanti āvāsaṁ.","en":"Then the local lay followers went up to Venerable Dhammika and said to him,\n“Sir, please leave this monastery.\nYou’ve stayed here long enough.”\nThen Venerable Dhammika left and went to another monastery.\nThere he abused visiting mendicants; he insulted, harmed, attacked, and harassed them.\nThe visiting mendicants who were treated in this way did not stay. They left, abandoning the monastery."}},{"id":"an6.54:4","sourceIds":["an6.54:4.1","an6.54:4.2","an6.54:4.3","an6.54:4.4","an6.54:4.5","an6.54:4.6","an6.54:4.7","an6.54:4.8"],"kind":"text","text":{"pi":"Atha kho jātibhūmakānaṁ upāsakānaṁ etadahosi:\n“mayaṁ kho bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārena.\nAtha ca pana āgantukā bhikkhū pakkamanti, na saṇṭhanti, riñcanti āvāsaṁ.\nKo nu kho hetu ko paccayo yena āgantukā bhikkhū pakkamanti, na saṇṭhanti, riñcanti āvāsan”ti?\nAtha kho jātibhūmakānaṁ upāsakānaṁ etadahosi:\n“ayaṁ kho āyasmā dhammiko āgantuke bhikkhū akkosati paribhāsati vihiṁsati vitudati roseti vācāya.\nTe ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti, na saṇṭhanti, riñcanti āvāsaṁ.\nYannūna mayaṁ āyasmantaṁ dhammikaṁ pabbājeyyāmā”ti.","en":"Then the local lay followers thought to themselves: …"}},{"id":"an6.54:5","sourceIds":["an6.54:5.1","an6.54:5.2","an6.54:5.3","an6.54:5.4","an6.54:5.5","an6.54:5.6"],"kind":"text","text":{"pi":"Atha kho jātibhūmakā upāsakā yenāyasmā dhammiko tenupasaṅkamiṁsu; upasaṅkamitvā āyasmantaṁ dhammikaṁ etadavocuṁ:\n“pakkamatu, bhante, āyasmā dhammiko imamhāpi āvāsā;\nalaṁ te idha vāsenā”ti.\nAtha kho āyasmā dhammiko tamhāpi āvāsā aññaṁ āvāsaṁ agamāsi.\nTatrapi sudaṁ āyasmā dhammiko āgantuke bhikkhū akkosati paribhāsati vihiṁsati vitudati roseti vācāya.\nTe ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti, na saṇṭhanti, riñcanti āvāsaṁ.","en":"They said to Venerable Dhammika,\n“Sir, please leave this monastery.\nYou’ve stayed here long enough.”\nThen Venerable Dhammika left and went to another monastery.\nThere he abused visiting mendicants; he insulted, harmed, attacked, and harassed them.\nThe visiting mendicants who were treated in this way did not stay. They left, abandoning the monastery."}},{"id":"an6.54:6","sourceIds":["an6.54:6.1","an6.54:6.2","an6.54:6.3","an6.54:6.4","an6.54:6.5","an6.54:6.6","an6.54:6.7","an6.54:6.8","an6.54:6.9","an6.54:6.10","an6.54:6.11","an6.54:6.12","an6.54:6.13"],"kind":"text","text":{"pi":"Atha kho jātibhūmakānaṁ upāsakānaṁ etadahosi:\n“mayaṁ kho bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārena.\nAtha ca pana āgantukā bhikkhū pakkamanti, na saṇṭhanti, riñcanti āvāsaṁ.\nKo nu kho hetu ko paccayo yena āgantukā bhikkhū pakkamanti, na saṇṭhanti, riñcanti āvāsan”ti?\nAtha kho jātibhūmakānaṁ upāsakānaṁ etadahosi: “ayaṁ kho āyasmā dhammiko āgantuke bhikkhū akkosati …pe….\nYannūna mayaṁ āyasmantaṁ dhammikaṁ pabbājeyyāma sabbaso jātibhūmiyaṁ sattahi āvāsehī”ti.\nAtha kho jātibhūmakā upāsakā yenāyasmā dhammiko tenupasaṅkamiṁsu; upasaṅkamitvā āyasmantaṁ dhammikaṁ etadavocuṁ:\n“pakkamatu, bhante, āyasmā dhammiko sabbaso jātibhūmiyaṁ sattahi āvāsehī”ti.\nAtha kho āyasmato dhammikassa etadahosi:\n“pabbājito khomhi jātibhūmakehi upāsakehi sabbaso jātibhūmiyaṁ sattahi āvāsehi.\nKahaṁ nu kho dāni gacchāmī”ti?\nAtha kho āyasmato dhammikassa etadahosi:\n“yannūnāhaṁ yena bhagavā tenupasaṅkameyyan”ti.","en":"Then the local lay followers thought to themselves,\n“Why don’t we banish Venerable Dhammika from all seven monasteries in our native land?”\nThen the local lay followers went up to Venerable Dhammika and said to him,\n“Sir, please leave all seven monasteries in our native land.”\nThen Venerable Dhammika thought,\n“I’ve been banished by the local lay followers from all seven monasteries in my native land.\nWhere am I to go now?”\nHe thought,\n“Why don’t I go to see the Buddha?”"}},{"id":"an6.54:7","sourceIds":["an6.54:7.1","an6.54:7.2","an6.54:7.3","an6.54:7.4","an6.54:7.5"],"kind":"text","text":{"pi":"Atha kho āyasmā dhammiko pattacīvaramādāya yena rājagahaṁ tena pakkāmi.\nAnupubbena yena rājagahaṁ gijjhakūṭo pabbato yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ dhammikaṁ bhagavā etadavoca:\n“handa kuto nu tvaṁ, brāhmaṇa dhammika, āgacchasī”ti?\n“Pabbājito ahaṁ, bhante, jātibhūmakehi upāsakehi sabbaso jātibhūmiyaṁ sattahi āvāsehī”ti.\n“Alaṁ, brāhmaṇa dhammika, kiṁ te iminā, yaṁ taṁ tato tato pabbājenti, so tvaṁ tato tato pabbājito mameva santike āgacchasi.","en":"Then Venerable Dhammika took his bowl and robe and set out for Rājagaha.\nEventually he came to Rājagaha and the Vulture’s Peak. He went up to the Buddha, bowed, and sat down to one side. The Buddha said to him,\n“So, Brahmin Dhammika, where have you come from?”\n“Sir, I’ve been banished by the local lay followers from all seven monasteries in my native land.”\n“Enough, Brahmin Dhammika, what’s that to you? Now that you’ve been banished from all of those places, you have come to me."}},{"id":"an6.54:8","sourceIds":["an6.54:8.1","an6.54:8.2","an6.54:8.3","an6.54:8.4","an6.54:8.5","an6.54:8.6"],"kind":"text","text":{"pi":"Bhūtapubbaṁ, brāhmaṇa dhammika, sāmuddikā vāṇijā tīradassiṁ sakuṇaṁ gahetvā nāvāya samuddaṁ ajjhogāhanti.\nTe atīradakkhiṇiyā nāvāya tīradassiṁ sakuṇaṁ muñcanti.\nSo gacchateva puratthimaṁ disaṁ, gacchati pacchimaṁ disaṁ, gacchati uttaraṁ disaṁ, gacchati dakkhiṇaṁ disaṁ, gacchati uddhaṁ, gacchati anudisaṁ.\nSace so samantā tīraṁ passati, tathāgatakova hoti.\nSace pana so samantā tīraṁ na passati tameva nāvaṁ paccāgacchati.\nEvamevaṁ kho, brāhmaṇa dhammika, yaṁ taṁ tato tato pabbājenti so tvaṁ tato tato pabbājito mameva santike āgacchasi.","en":"Once upon a time, some sea-merchants set sail for the ocean deeps, taking with them a land-spotting bird.\nWhen their ship was out of sight of land, they released the bird.\nIt flew right away to the east, the west, the north, the south, upwards, and in-between.\nIf it saw land on any side, it went there and stayed.\nBut if it saw no land on any side it returned to the ship.\nIn the same way, now that you’ve been banished from all of those places, you have come to me."}},{"id":"an6.54:9","sourceIds":["an6.54:9.1","an6.54:9.2","an6.54:9.3","an6.54:9.4","an6.54:9.5","an6.54:9.6","an6.54:9.7","an6.54:9.8"],"kind":"text","text":{"pi":"Bhūtapubbaṁ, brāhmaṇa dhammika, rañño korabyassa suppatiṭṭho nāma nigrodharājā ahosi pañcasākho sītacchāyo manoramo.\nSuppatiṭṭhassa kho pana, brāhmaṇa dhammika, nigrodharājassa dvādasayojanāni abhiniveso ahosi, pañca yojanāni mūlasantānakānaṁ.\nSuppatiṭṭhassa kho pana, brāhmaṇa dhammika, nigrodharājassa tāva mahantāni phalāni ahesuṁ;\nseyyathāpi nāma āḷhakathālikā.\nEvamassa sādūni phalāni ahesuṁ;\nseyyathāpi nāma khuddaṁ madhuṁ anelakaṁ.\nSuppatiṭṭhassa kho pana, brāhmaṇa dhammika, nigrodharājassa ekaṁ khandhaṁ rājā paribhuñjati saddhiṁ itthāgārena, ekaṁ khandhaṁ balakāyo paribhuñjati, ekaṁ khandhaṁ negamajānapadā paribhuñjanti, ekaṁ khandhaṁ samaṇabrāhmaṇā paribhuñjanti, ekaṁ khandhaṁ migā paribhuñjanti.\nSuppatiṭṭhassa kho pana, brāhmaṇa dhammika, nigrodharājassa na koci phalāni rakkhati, na ca sudaṁ aññamaññassa phalāni hiṁsanti.","en":"Once upon a time, King Koravya had a royal banyan tree with five trunks called ‘Well Planted’. It was shady and lovely.\nIts canopy spread over twelve leagues, while the network of roots spread for five leagues.\nIts fruits were as large as\na rice pot.\nAnd they were as sweet as\npure wild honey.\nThe king and harem made use of one trunk, the troops another, the people of town and country another, ascetics and brahmins another, and beasts and birds another.\nNo one guarded the fruit, yet no one damaged another’s fruits."}},{"id":"an6.54:10","sourceIds":["an6.54:10.1","an6.54:10.2","an6.54:10.3","an6.54:10.4","an6.54:10.5"],"kind":"text","text":{"pi":"Atha kho, brāhmaṇa dhammika, aññataro puriso suppatiṭṭhassa nigrodharājassa yāvadatthaṁ phalāni bhakkhitvā sākhaṁ bhañjitvā pakkāmi.\nAtha kho, brāhmaṇa dhammika, suppatiṭṭhe nigrodharāje adhivatthāya devatāya etadahosi:\n‘acchariyaṁ vata bho, abbhutaṁ vata bho.\nYāva pāpo manusso, yatra hi nāma suppatiṭṭhassa nigrodharājassa yāvadatthaṁ phalāni bhakkhitvā sākhaṁ bhañjitvā pakkamissati, yannūna suppatiṭṭho nigrodharājā āyatiṁ phalaṁ na dadeyyā’ti.\nAtha kho, brāhmaṇa dhammika, suppatiṭṭho nigrodharājā āyatiṁ phalaṁ na adāsi.","en":"Then a certain person ate as much as he liked of the fruit, then broke off a branch and left.\nThen the deity haunting the royal banyan tree thought,\n‘Oh lord, how incredible, how amazing!\nHow wicked this person is, to eat as much as they like, then break off a branch and leave! Why don’t I make sure that the royal banyan tree gives no fruit in future?’\nThen the royal banyan tree gave no more fruit."}},{"id":"an6.54:11","sourceIds":["an6.54:11.1","an6.54:11.2","an6.54:11.3","an6.54:11.4"],"kind":"text","text":{"pi":"Atha kho, brāhmaṇa dhammika, rājā korabyo yena sakko devānamindo tenupasaṅkami; upasaṅkamitvā sakkaṁ devānamindaṁ etadavoca:\n‘yagghe, mārisa, jāneyyāsi suppatiṭṭho nigrodharājā phalaṁ na detī’ti.\nAtha kho, brāhmaṇa dhammika, sakko devānamindo tathārūpaṁ iddhābhisaṅkhāraṁ abhisaṅkhāsi, yathā bhusā vātavuṭṭhi āgantvā suppatiṭṭhaṁ nigrodharājaṁ pavattesi ummūlamakāsi.\nAtha kho, brāhmaṇa dhammika, suppatiṭṭhe nigrodharāje adhivatthā devatā dukkhī dummanā assumukhī rudamānā ekamantaṁ aṭṭhāsi.","en":"Then King Koravya went up to Sakka, lord of gods, and said to him,\n‘Please good fellow, you should know that the royal banyan tree called Well Planted gives no fruit.’\nThen Sakka used his psychic powers to will that a violent storm come. And it felled and uprooted the royal banyan tree.\nThen the deity haunting the tree stood to one side, miserable and sad, weeping, with a tearful face."}},{"id":"an6.54:12","sourceIds":["an6.54:12.1","an6.54:12.2","an6.54:12.3","an6.54:12.4","an6.54:12.5","an6.54:12.6","an6.54:12.7","an6.54:12.8","an6.54:12.9","an6.54:12.10","an6.54:12.11"],"kind":"text","text":{"pi":"Atha kho, brāhmaṇa dhammika, sakko devānamindo yena suppatiṭṭhe nigrodharāje adhivatthā devatā tenupasaṅkami; upasaṅkamitvā suppatiṭṭhe nigrodharāje adhivatthaṁ devataṁ etadavoca:\n‘kiṁ nu tvaṁ, devate, dukkhī dummanā assumukhī rudamānā ekamantaṁ ṭhitā’ti?\n‘Tathā hi pana me, mārisa, bhusā vātavuṭṭhi āgantvā bhavanaṁ pavattesi ummūlamakāsī’ti.\n‘Api nu tvaṁ, devate, rukkhadhamme ṭhitāya bhusā vātavuṭṭhi āgantvā bhavanaṁ pavattesi ummūlamakāsī’ti?\n‘Kathaṁ pana, mārisa, rukkho rukkhadhamme ṭhito hotī’ti?\n‘Idha, devate, rukkhassa mūlaṁ mūlatthikā haranti, tacaṁ tacatthikā haranti, pattaṁ pattatthikā haranti, pupphaṁ pupphatthikā haranti, phalaṁ phalatthikā haranti.\nNa ca tena devatāya anattamanatā vā anabhinandi vā karaṇīyā.\nEvaṁ kho, devate, rukkho rukkhadhamme ṭhito hotī’ti.\n‘Aṭṭhitāyeva kho me, mārisa, rukkhadhamme bhusā vātavuṭṭhi āgantvā bhavanaṁ pavattesi ummūlamakāsī’ti.\n‘Sace kho tvaṁ, devate, rukkhadhamme tiṭṭheyyāsi, siyā te bhavanaṁ yathāpure’ti.\n‘Ṭhassāmahaṁ, mārisa, rukkhadhamme, hotu me bhavanaṁ yathāpure’ti.","en":"Then Sakka went up to that deity, and said,\n‘Why, god, are you standing to one side, miserable and sad, weeping, with a tearful face?’\n‘Because, my good fellow, a violent storm came and felled and uprooted my home.’\n‘Well, did you stand by your tree’s duty when the storm came?’\n‘But my good fellow, how does a tree stand by its duty?’\n‘It’s when those who need the tree’s roots, bark, leaves, flowers, or fruit take what they need.\nYet the deity is not displeased or upset because of this.\nThis is how a tree stands by its duty.’\n‘I was not standing by a tree’s duty when the storm came and felled and uprooted my home.’\n‘God, if you were to stand by a tree’s duty, your home may be as it was before.’\n‘I will stand by a tree’s duty! May my home be as it was before!’"}},{"id":"an6.54:13","sourceIds":["an6.54:13.1","an6.54:13.2","an6.54:13.3","an6.54:13.4","an6.54:13.5","an6.54:13.6","an6.54:13.7","an6.54:13.8","an6.54:13.9","an6.54:13.10","an6.54:13.11"],"kind":"text","text":{"pi":"Atha kho, brāhmaṇa dhammika, sakko devānamindo tathārūpaṁ iddhābhisaṅkhāraṁ abhisaṅkhāsi, yathā bhusā vātavuṭṭhi āgantvā suppatiṭṭhaṁ nigrodharājaṁ ussāpesi, sacchavīni mūlāni ahesuṁ.\nEvamevaṁ kho, brāhmaṇa dhammika, api nu taṁ samaṇadhamme ṭhitaṁ jātibhūmakā upāsakā pabbājesuṁ sabbaso jātibhūmiyaṁ sattahi āvāsehī”ti?\n“Kathaṁ pana, bhante, samaṇo samaṇadhamme ṭhito hotī”ti?\n“Idha, brāhmaṇa dhammika, samaṇo akkosantaṁ na paccakkosati, rosantaṁ na paṭirosati, bhaṇḍantaṁ na paṭibhaṇḍati.\nEvaṁ kho, brāhmaṇa dhammika, samaṇo samaṇadhamme ṭhito hotī”ti.\n“Aṭṭhitaṁyeva maṁ, bhante, samaṇadhamme jātibhūmakā upāsakā pabbājesuṁ sabbaso jātibhūmiyaṁ sattahi āvāsehī”ti.\n“Bhūtapubbaṁ, brāhmaṇa dhammika, sunetto nāma satthā ahosi titthakaro kāmesu vītarāgo.\nSunettassa kho pana, brāhmaṇa dhammika, satthuno anekāni sāvakasatāni ahesuṁ.\nSunetto satthā sāvakānaṁ brahmalokasahabyatāya dhammaṁ desesi.\nYe kho pana, brāhmaṇa dhammika, sunettassa satthuno brahmalokasahabyatāya dhammaṁ desentassa cittāni na pasādesuṁ te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjiṁsu.\nYe kho pana, brāhmaṇa dhammika, sunettassa satthuno brahmalokasahabyatāya dhammaṁ desentassa cittāni pasādesuṁ te kāyassa bhedā paraṁ maraṇā sugatiṁ saggaṁ lokaṁ upapajjiṁsu.","en":"Then Sakka used his psychic power to will that a violent storm come. And it raised up that mighty banyan tree and the bark of the roots was healed.\nIn the same way, Brahmin Dhammika, were you standing by an ascetic’s duty when the local lay followers banished you from all seven of the monasteries in your native land?”\n“But sir, how do I stand by an ascetic’s duty?”\n“When someone abuses, annoys, or argues with an ascetic, the ascetic doesn’t abuse, annoy, or argue back at them.\nThat’s how an ascetic stands by an ascetic’s duty.”\n“I was not standing by an ascetic’s duty when the local lay followers banished me from all seven of the monasteries in my native land.”\n“Once upon a time, there was a teacher named Sunetta. He was a religious founder and was free of desire for sensual pleasures.\nHe had many hundreds of disciples.\nHe taught them a Dhamma for rebirth in the company of Divinity.\nThose lacking confidence in Sunetta were—when their body broke up, after death—reborn in a place of loss, a bad place, the underworld, hell.\nThose full of confidence in Sunetta were—when their body broke up, after death—reborn in a good place, a heavenly realm."}},{"id":"an6.54:14","sourceIds":["an6.54:14.1"],"kind":"text","text":{"pi":"Bhūtapubbaṁ, brāhmaṇa dhammika, mūgapakkho nāma satthā ahosi …pe…","en":"Once upon a time, there was a teacher named Mūgapakkha …"}},{"id":"an6.54:15","sourceIds":["an6.54:15.1"],"kind":"text","text":{"pi":"Aranemi nāma satthā ahosi …","en":"Aranemi …"}},{"id":"an6.54:16","sourceIds":["an6.54:16.1"],"kind":"text","text":{"pi":"… Kuddālako nāma satthā ahosi …","en":"Kuddālaka …"}},{"id":"an6.54:17","sourceIds":["an6.54:17.1"],"kind":"text","text":{"pi":"… Hatthipālo nāma satthā ahosi …","en":"Hatthipāla …"}},{"id":"an6.54:18","sourceIds":["an6.54:18.1","an6.54:18.2","an6.54:18.3","an6.54:18.4","an6.54:18.5"],"kind":"text","text":{"pi":"… Jotipālo nāma satthā ahosi titthakaro kāmesu vītarāgo.\nJotipālassa kho pana, brāhmaṇa dhammika, satthuno anekāni sāvakasatāni ahesuṁ.\nJotipālo satthā sāvakānaṁ brahmalokasahabyatāya dhammaṁ desesi.\nYe kho pana, brāhmaṇa dhammika, jotipālassa satthuno brahmalokasahabyatāya dhammaṁ desentassa cittāni na pasādesuṁ te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjiṁsu.\nYe kho pana, brāhmaṇa dhammika, jotipālassa satthuno brahmalokasahabyatāya dhammaṁ desentassa cittāni pasādesuṁ te kāyassa bhedā paraṁ maraṇā sugatiṁ saggaṁ lokaṁ upapajjiṁsu.","en":"Jotipāla. He was a religious founder and was free of desire for sensual pleasures.\nHe had many hundreds of disciples.\nHe taught them a Dhamma for rebirth in the company of Divinity.\nThose lacking confidence in Jotipāla were—when their body broke up, after death—reborn in a place of loss, a bad place, the underworld, hell.\nThose full of confidence in Jotipāla were—when their body broke up, after death—reborn in a good place, a heavenly realm."}},{"id":"an6.54:19","sourceIds":["an6.54:19.1","an6.54:19.2","an6.54:19.3","an6.54:19.4","an6.54:19.5","an6.54:19.6","an6.54:19.7","an6.54:19.8","an6.54:19.9","an6.54:19.10"],"kind":"text","text":{"pi":"Taṁ kiṁ maññasi, brāhmaṇa dhammika,\nyo ime cha satthāre titthakare kāmesu vītarāge, anekasataparivāre sasāvakasaṅghe paduṭṭhacitto akkoseyya paribhāseyya, bahuṁ so apuññaṁ pasaveyyā”ti?\n“Evaṁ, bhante”.\n“Yo kho, brāhmaṇa dhammika, ime cha satthāre titthakare kāmesu vītarāge anekasataparivāre sasāvakasaṅghe paduṭṭhacitto akkoseyya paribhāseyya, bahuṁ so apuññaṁ pasaveyya.\nYo ekaṁ diṭṭhisampannaṁ puggalaṁ paduṭṭhacitto akkosati paribhāsati, ayaṁ tato bahutaraṁ apuññaṁ pasavati.\nTaṁ kissa hetu?\nNāhaṁ, brāhmaṇa dhammika, ito bahiddhā evarūpiṁ khantiṁ vadāmi, yathāmaṁ sabrahmacārīsu.\nTasmātiha, brāhmaṇa dhammika, evaṁ sikkhitabbaṁ:\n‘na no samasabrahmacārīsu cittāni paduṭṭhāni bhavissantī’ti.\nEvañhi te, brāhmaṇa dhammika, sikkhitabbanti.","en":"What do you think, Brahmin Dhammika?\nIf someone with malicious intent were to abuse and insult these six teachers with their hundreds of followers, would they not brim with much wickedness?”\n“Yes, sir.”\n“They would indeed.\nBut someone who abuses and insults a single individual accomplished in view with malicious intent brims even more with wickedness.\nWhy is that?\nBrahmin Dhammika, I say that any injury done by those outside of the Buddhist community does not compare with what is done to one’s own spiritual companions.\nSo you should train like this:\n‘We will have no malicious intent for those who we want to have as our spiritual companions.’\nThat is how you should train."}},{"id":"an6.54:20","sourceIds":["an6.54:20.1","an6.54:20.2","an6.54:20.3","an6.54:20.4"],"kind":"text","text":{"pi":"Sunetto mūgapakkho ca,\naranemi ca brāhmaṇo;\nKuddālako ahu satthā,\nhatthipālo ca māṇavo.","en":"Sunetta and Mūgapakkha,\nand Aranemi the brahmin,\nHatthipāla the student,\nand Kuddālaka were Teachers."}},{"id":"an6.54:21","sourceIds":["an6.54:21.1","an6.54:21.2","an6.54:21.3","an6.54:21.4"],"kind":"text","text":{"pi":"Jotipālo ca govindo,\nahu sattapurohito;\nAhiṁsakā atītaṁse,\ncha satthāro yasassino.","en":"And Jotipāla Govinda\nwas priest for seven kings.\nThese six famous teachers,\nharmless ones of the past,"}},{"id":"an6.54:22","sourceIds":["an6.54:22.1","an6.54:22.2","an6.54:22.3","an6.54:22.4"],"kind":"text","text":{"pi":"Nirāmagandhā karuṇedhimuttā,\nKāmasaṁyojanātigā;\nKāmarāgaṁ virājetvā,\nBrahmalokūpagā ahuṁ.","en":"were free of putrefaction, compassionate,\ngone beyond the fetter of sensuality.\nDetached from sensual desire,\nthey were reborn in the realm of divinity."}},{"id":"an6.54:23","sourceIds":["an6.54:23.1","an6.54:23.2","an6.54:23.3","an6.54:23.4","an6.54:23.5","an6.54:23.6"],"kind":"text","text":{"pi":"Ahesuṁ sāvakā tesaṁ,\nAnekāni satānipi;\nNirāmagandhā karuṇedhimuttā,\nKāmasaṁyojanātigā;\nKāmarāgaṁ virājetvā,\nBrahmalokūpagā ahuṁ.","en":"Many hundreds of\ntheir disciples were also\nfree of putrefaction-stench, compassionate,\ngone beyond the fetter of sensuality.\nDetached from sensual desire,\nthey were reborn in the realm of divinity."}},{"id":"an6.54:24","sourceIds":["an6.54:24.1","an6.54:24.2","an6.54:24.3","an6.54:24.4","an6.54:24.5","an6.54:24.6"],"kind":"text","text":{"pi":"Yete isī bāhirake,\nvītarāge samāhite;\nPaduṭṭhamanasaṅkappo,\nyo naro paribhāsati;\nBahuñca so pasavati,\napuññaṁ tādiso naro.","en":"One who insults\nwith malicious intent\nthese non-Buddhist seers,\nfree of desire, immersed in samādhi;\nsuch a man\nbrims with much wickedness."}},{"id":"an6.54:25","sourceIds":["an6.54:25.1","an6.54:25.2","an6.54:25.3","an6.54:25.4","an6.54:25.5","an6.54:25.6"],"kind":"text","text":{"pi":"Yo cekaṁ diṭṭhisampannaṁ,\nBhikkhuṁ buddhassa sāvakaṁ;\nPaduṭṭhamanasaṅkappo,\nYo naro paribhāsati;\nAyaṁ tato bahutaraṁ,\nApuññaṁ pasave naro.","en":"But one who insults\nwith malicious intent\na single individual accomplished in view,\na mendicant disciple of the Buddha;\nthat man\nbrims even more with wickedness."}},{"id":"an6.54:26","sourceIds":["an6.54:26.1","an6.54:26.2","an6.54:26.3","an6.54:26.4"],"kind":"text","text":{"pi":"Na sādhurūpaṁ āsīde,\ndiṭṭhiṭṭhānappahāyinaṁ;\nSattamo puggalo eso,\nariyasaṅghassa vuccati.","en":"You shouldn’t attack a holy person,\nwho has given up the grounds for views.\nThis individual is called\nthe seventh of the noble Saṅgha."}},{"id":"an6.54:27","sourceIds":["an6.54:27.1","an6.54:27.2","an6.54:27.3","an6.54:27.4"],"kind":"text","text":{"pi":"Avītarāgo kāmesu,\nyassa pañcindriyā mudū;\nSaddhā sati ca vīriyaṁ,\nsamatho ca vipassanā.","en":"They’re not free of desire for sensual pleasures,\nand their faculties are still immature:\nfaith, mindfulness, and energy,\nserenity and discernment."}},{"id":"an6.54:28","sourceIds":["an6.54:28.1","an6.54:28.2","an6.54:28.3","an6.54:28.4"],"kind":"text","text":{"pi":"Tādisaṁ bhikkhumāsajja,\npubbeva upahaññati;\nAttānaṁ upahantvāna,\npacchā aññaṁ vihiṁsati.","en":"If you attack such a mendicant,\nyou first hurt yourself.\nHaving hurt yourself,\nyou harm the other."}},{"id":"an6.54:29","sourceIds":["an6.54:29.1","an6.54:29.2","an6.54:29.3","an6.54:29.4","an6.54:29.5","an6.54:29.6"],"kind":"text","text":{"pi":"Yo ca rakkhati attānaṁ,\nrakkhito tassa bāhiro;\nTasmā rakkheyya attānaṁ,\nakkhato paṇḍito sadā”ti.\nDvādasamaṁ.\nDhammikavaggo pañcamo.","en":"But if you protect yourself,\nthe other is also protected.\nSo you should protect yourself.\nAn astute person is always uninjured.”"}},{"id":"an6.54:30","sourceIds":["an6.54:30.0","an6.54:30.1","an6.54:30.2","an6.54:30.3","an6.54:30.4","an6.54:30.5"],"kind":"text","text":{"pi":"Tassuddānaṁ\nNāgamigasālā iṇaṁ,\nCundaṁ dve sandiṭṭhikā duve;\nKhemaindriya ānanda,\nKhattiyā appamādena dhammikoti.\nPaṭhamo paṇṇāsako samatto."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.54/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}