{"id":"an6.56","title":"With Phagguna","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.56","title":"With Phagguna","units":[{"id":"an6.56:0","sourceIds":["an6.56:0.1","an6.56:0.2","an6.56:0.3"],"kind":"text","text":{"pi":"Aṅguttara Nikāya 6.56\n6. Mahāvagga\nPhaggunasutta","en":"Numbered Discourses 6.56\n6. The Great Chapter\nWith Phagguna"}},{"id":"an6.56:1","sourceIds":["an6.56:1.1","an6.56:1.2","an6.56:1.3","an6.56:1.4","an6.56:1.5","an6.56:1.6","an6.56:1.7","an6.56:1.8","an6.56:1.9","an6.56:1.10","an6.56:1.11","an6.56:1.12","an6.56:1.13"],"kind":"text","text":{"pi":"Tena kho pana samayena āyasmā phagguno ābādhiko hoti dukkhito bāḷhagilāno.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:\n“āyasmā, bhante, phagguno ābādhiko dukkhito bāḷhagilāno.\nSādhu, bhante, bhagavā yenāyasmā phagguno tenupasaṅkamatu anukampaṁ upādāyā”ti.\nAdhivāsesi bhagavā tuṇhībhāvena.\nAtha kho bhagavā sāyanhasamayaṁ paṭisallānā vuṭṭhito yenāyasmā phagguno tenupasaṅkami.\nAddasā kho āyasmā phagguno bhagavantaṁ dūratova āgacchantaṁ.\nDisvāna mañcake samadhosi.\nAtha kho bhagavā āyasmantaṁ phaggunaṁ etadavoca:\n“alaṁ, phagguna, mā tvaṁ mañcake samadhosi.\nSantimāni āsanāni parehi paññattāni, tatthāhaṁ nisīdissāmī”ti.\nNisīdi bhagavā paññatte āsane.\nNisajja kho bhagavā āyasmantaṁ phaggunaṁ etadavoca:","en":"Now at that time Venerable Phagguna was sick, suffering, gravely ill.\nThen Venerable Ānanda went up to the Buddha, bowed, sat down to one side, and said to him:\n“Sir, Venerable Phagguna is sick.\nSir, please go to Venerable Phagguna out of sympathy.”\nThe Buddha consented with silence.\nThen in the late afternoon, the Buddha came out of retreat and went to Venerable Phagguna.\nVenerable Phagguna saw the Buddha coming off in the distance\nand stirred in his cot.\nThe Buddha said to him,\n“It’s all right, Phagguna, don’t get up.\nThere are some seats spread out by others, I will sit there.”\nHe sat down on the seat spread out\nand said to Venerable Phagguna:"}},{"id":"an6.56:2","sourceIds":["an6.56:2.1","an6.56:2.2"],"kind":"text","text":{"pi":"“Kacci te, phagguna, khamanīyaṁ kacci yāpanīyaṁ? Kacci te dukkhā vedanā paṭikkamanti, no abhikkamanti; paṭikkamosānaṁ paññāyati, no abhikkamo”ti?\n“Na me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.","en":"“I hope you’re keeping well, Phagguna; I hope you’re all right. I hope your pain is fading, not growing; that its fading is evident, not its growing.”\n“Sir, I’m not keeping well, I’m not getting by. My pain is terrible and growing, not fading; its growing is evident, not its fading."}},{"id":"an6.56:3","sourceIds":["an6.56:3.1","an6.56:3.2"],"kind":"text","text":{"pi":"Seyyathāpi, bhante, balavā puriso tiṇhena sikharena muddhani abhimattheyya; evamevaṁ kho me, bhante, adhimattā vātā muddhani ūhananti.\nNa me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.","en":"The winds piercing my head are so severe, it feels like a strong man drilling into my head with a sharp point.\nI’m not keeping well."}},{"id":"an6.56:4","sourceIds":["an6.56:4.1","an6.56:4.2"],"kind":"text","text":{"pi":"Seyyathāpi, bhante, balavā puriso daḷhena varattakkhaṇḍena sīsaveṭhanaṁ dadeyya; evamevaṁ kho me, bhante, adhimattā sīse sīsavedanā.\nNa me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.","en":"The pain in my head is so severe, it feels like a strong man tightening a strong leather strap around my head.\nI’m not keeping well."}},{"id":"an6.56:5","sourceIds":["an6.56:5.1","an6.56:5.2"],"kind":"text","text":{"pi":"Seyyathāpi, bhante, dakkho goghātako vā goghātakantevāsī vā tiṇhena govikantanena kucchiṁ parikanteyya; evamevaṁ kho me, bhante, adhimattā vātā kucchiṁ parikantanti.\nNa me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.","en":"The winds slicing my belly are so severe, like a deft butcher or their apprentice were slicing open a cow’s belly with a sharp meat cleaver.\nI’m not keeping well."}},{"id":"an6.56:6","sourceIds":["an6.56:6.1","an6.56:6.2","an6.56:6.3"],"kind":"text","text":{"pi":"Seyyathāpi, bhante, dve balavanto purisā dubbalataraṁ purisaṁ nānābāhāsu gahetvā aṅgārakāsuyā santāpeyyuṁ samparitāpeyyuṁ; evamevaṁ kho me, bhante, adhimatto kāyasmiṁ ḍāho.\nNa me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo”ti.\nAtha kho bhagavā āyasmantaṁ phaggunaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.","en":"The burning in my body is so severe, it feels like two strong men grabbing a weaker man by the arms to burn and scorch him on a pit of glowing coals.\nI’m not keeping well, I’m not getting by. My pain is terrible and growing, not fading; its growing is evident, not its fading.”\nThen the Buddha educated, encouraged, fired up, and inspired Venerable Phagguna with a Dhamma talk, after which he rose from his seat and left."}},{"id":"an6.56:7","sourceIds":["an6.56:7.1","an6.56:7.2","an6.56:7.3","an6.56:7.4","an6.56:7.5"],"kind":"text","text":{"pi":"Atha kho āyasmā phagguno acirapakkantassa bhagavato kālamakāsi.\nTamhi cassa samaye maraṇakāle indriyāni vippasīdiṁsu.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:\n“āyasmā, bhante, phagguno acirapakkantassa bhagavato kālamakāsi.\nTamhi cassa samaye maraṇakāle indriyāni vippasīdiṁsū”ti.","en":"Not long after the Buddha left, Venerable Phagguna passed away.\nAt the time of his death, his faculties were bright and clear.\nThen Venerable Ānanda went up to the Buddha, bowed, sat down to one side, and said to him,\n“Sir, soon after the Buddha left, Venerable Phagguna died.\nAt the time of his death, his faculties were bright and clear.”"}},{"id":"an6.56:8","sourceIds":["an6.56:8.1","an6.56:8.2","an6.56:8.3"],"kind":"text","text":{"pi":"“Kiṁ hānanda, phaggunassa bhikkhuno indriyāni na vippasīdissanti.\nPhaggunassa, ānanda, bhikkhuno pañcahi orambhāgiyehi saṁyojanehi cittaṁ avimuttaṁ ahosi.\nTassa taṁ dhammadesanaṁ sutvā pañcahi orambhāgiyehi saṁyojanehi cittaṁ vimuttaṁ.","en":"“And why shouldn’t his faculties be bright and clear?\nThe mendicant Phagguna’s mind was not freed from the five lower fetters.\nBut when he heard that teaching his mind was freed from them."}},{"id":"an6.56:9","sourceIds":["an6.56:9.1","an6.56:9.2","an6.56:9.3","an6.56:9.4","an6.56:9.5","an6.56:9.6","an6.56:9.7"],"kind":"text","text":{"pi":"Chayime, ānanda, ānisaṁsā kālena dhammassavane kālena atthupaparikkhāya.\nKatame cha?\nIdhānanda, bhikkhuno pañcahi orambhāgiyehi saṁyojanehi cittaṁ avimuttaṁ hoti.\nSo tamhi samaye maraṇakāle labhati tathāgataṁ dassanāya.\nTassa tathāgato dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.\nTassa taṁ dhammadesanaṁ sutvā pañcahi orambhāgiyehi saṁyojanehi cittaṁ vimuccati.\nAyaṁ, ānanda, paṭhamo ānisaṁso kālena dhammassavane.","en":"Ānanda, there are these six benefits to hearing the teaching at the right time and examining the meaning at the right time.\nWhat six?\nFirstly, take the case of a mendicant whose mind is not freed from the five lower fetters.\nAt the time of death they get to see the Realized One.\nThe Realized One teaches Dhamma to them that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure.\nWhen they hear that teaching their mind is freed from the five lower fetters.\nThis is the first benefit of listening to the teaching."}},{"id":"an6.56:10","sourceIds":["an6.56:10.1","an6.56:10.2","an6.56:10.3","an6.56:10.4","an6.56:10.5"],"kind":"text","text":{"pi":"Puna caparaṁ, ānanda, bhikkhuno pañcahi orambhāgiyehi saṁyojanehi cittaṁ avimuttaṁ hoti.\nSo tamhi samaye maraṇakāle na heva kho labhati tathāgataṁ dassanāya, api ca kho tathāgatasāvakaṁ labhati dassanāya.\nTassa tathāgatasāvako dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.\nTassa taṁ dhammadesanaṁ sutvā pañcahi orambhāgiyehi saṁyojanehi cittaṁ vimuccati.\nAyaṁ, ānanda, dutiyo ānisaṁso kālena dhammassavane.","en":"Next, take the case of another mendicant whose mind is not freed from the five lower fetters.\nAt the time of death they don’t get to see the Realized One, but they get to see a Realized One’s disciple.\nThe Realized One’s disciple teaches them Dhamma …\nWhen they hear that teaching their mind is freed from the five lower fetters.\nThis is the second benefit of listening to the teaching."}},{"id":"an6.56:11","sourceIds":["an6.56:11.1","an6.56:11.2","an6.56:11.3","an6.56:11.4","an6.56:11.5"],"kind":"text","text":{"pi":"Puna caparaṁ, ānanda, bhikkhuno pañcahi orambhāgiyehi saṁyojanehi cittaṁ avimuttaṁ hoti.\nSo tamhi samaye maraṇakāle na heva kho labhati tathāgataṁ dassanāya, napi tathāgatasāvakaṁ labhati dassanāya;\napi ca kho yathāsutaṁ yathāpariyattaṁ dhammaṁ cetasā anuvitakketi anuvicāreti manasānupekkhati.\nTassa yathāsutaṁ yathāpariyattaṁ dhammaṁ cetasā anuvitakkayato anuvicārayato manasānupekkhato pañcahi orambhāgiyehi saṁyojanehi cittaṁ vimuccati.\nAyaṁ, ānanda, tatiyo ānisaṁso kālena atthupaparikkhāya.","en":"Next, take the case of another mendicant whose mind is not freed from the five lower fetters.\nAt the time of death they don’t get to see the Realized One, or to see a Realized One’s disciple.\nBut they think about and consider the teaching in their heart, examining it with the mind as they learned and memorized it.\nAs they do so their mind is freed from the five lower fetters.\nThis is the third benefit of listening to the teaching."}},{"id":"an6.56:12","sourceIds":["an6.56:12.1","an6.56:12.2","an6.56:12.3","an6.56:12.4","an6.56:12.5"],"kind":"text","text":{"pi":"Idhānanda, bhikkhuno pañcahi orambhāgiyehi saṁyojanehi cittaṁ vimuttaṁ hoti, anuttare ca kho upadhisaṅkhaye cittaṁ avimuttaṁ hoti.\nSo tamhi samaye maraṇakāle labhati tathāgataṁ dassanāya.\nTassa tathāgato dhammaṁ deseti ādikalyāṇaṁ majjhekalyāṇaṁ …pe… brahmacariyaṁ pakāseti.\nTassa taṁ dhammadesanaṁ sutvā anuttare upadhisaṅkhaye cittaṁ vimuccati.\nAyaṁ, ānanda, catuttho ānisaṁso kālena dhammassavane.","en":"Next, take the case of a mendicant whose mind is freed from the five lower fetters, but not with the supreme ending of attachments.\nAt the time of death they get to see the Realized One.\nThe Realized One teaches them Dhamma …\nWhen they hear that teaching their mind is freed with the supreme ending of attachments.\nThis is the fourth benefit of listening to the teaching."}},{"id":"an6.56:13","sourceIds":["an6.56:13.1","an6.56:13.2","an6.56:13.3","an6.56:13.4","an6.56:13.5"],"kind":"text","text":{"pi":"Puna caparaṁ, ānanda, bhikkhuno pañcahi orambhāgiyehi saṁyojanehi cittaṁ vimuttaṁ hoti, anuttare ca kho upadhisaṅkhaye cittaṁ avimuttaṁ hoti.\nSo tamhi samaye maraṇakāle na heva kho labhati tathāgataṁ dassanāya, api ca kho tathāgatasāvakaṁ labhati dassanāya.\nTassa tathāgatasāvako dhammaṁ deseti ādikalyāṇaṁ …pe… parisuddhaṁ brahmacariyaṁ pakāseti.\nTassa taṁ dhammadesanaṁ sutvā anuttare upadhisaṅkhaye cittaṁ vimuccati.\nAyaṁ, ānanda, pañcamo ānisaṁso kālena dhammassavane.","en":"Next, take the case of another mendicant whose mind is freed from the five lower fetters, but not with the supreme ending of attachments.\nAt the time of death they don’t get to see the Realized One, but they get to see a Realized One’s disciple.\nThe Realized One’s disciple teaches them Dhamma …\nWhen they hear that teaching their mind is freed with the supreme ending of attachments.\nThis is the fifth benefit of listening to the teaching."}},{"id":"an6.56:14","sourceIds":["an6.56:14.1","an6.56:14.2","an6.56:14.3","an6.56:14.4","an6.56:14.5"],"kind":"text","text":{"pi":"Puna caparaṁ, ānanda, bhikkhuno pañcahi orambhāgiyehi saṁyojanehi cittaṁ vimuttaṁ hoti, anuttare ca kho upadhisaṅkhaye cittaṁ avimuttaṁ hoti.\nSo tamhi samaye maraṇakāle na heva kho labhati tathāgataṁ dassanāya, napi tathāgatasāvakaṁ labhati dassanāya;\napi ca kho yathāsutaṁ yathāpariyattaṁ dhammaṁ cetasā anuvitakketi anuvicāreti manasānupekkhati.\nTassa yathāsutaṁ yathāpariyattaṁ dhammaṁ cetasā anuvitakkayato anuvicārayato manasānupekkhato anuttare upadhisaṅkhaye cittaṁ vimuccati.\nAyaṁ, ānanda, chaṭṭho ānisaṁso kālena atthupaparikkhāya.","en":"Next, take the case of another mendicant whose mind is freed from the five lower fetters, but not with the supreme ending of attachments.\nAt the time of death they don’t get to see the Realized One, or to see a Realized One’s disciple.\nBut they think about and consider the teaching in their heart, examining it with the mind as they learned and memorized it.\nAs they do so their mind is freed with the supreme ending of attachments.\nThis is the sixth benefit of listening to the teaching."}},{"id":"an6.56:15","sourceIds":["an6.56:15.1","an6.56:15.2"],"kind":"text","text":{"pi":"Ime kho, ānanda, cha ānisaṁsā kālena dhammassavane kālena atthupaparikkhāyā”ti.\nDutiyaṁ.","en":"These are the six benefits to hearing the teaching at the right time and examining the meaning at the right time.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.56/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}