{"id":"an6.58","title":"Defilements","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.58","title":"Defilements","units":[{"id":"an6.58:0","sourceIds":["an6.58:0.1","an6.58:0.2","an6.58:0.3"],"kind":"text","text":{"pi":"Aṅguttara Nikāya 6.58\n6. Mahāvagga\nĀsavasutta","en":"Numbered Discourses 6.58\n6. The Great Chapter\nDefilements"}},{"id":"an6.58:1","sourceIds":["an6.58:1.1"],"kind":"text","text":{"pi":"“Chahi, bhikkhave, dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassa.","en":"“Mendicants, a mendicant with six qualities is worthy of offerings dedicated to the gods, worthy of hospitality, worthy of a religious donation, worthy of veneration with cupped palms, and is the supreme field of merit for the world."}},{"id":"an6.58:2","sourceIds":["an6.58:2.1","an6.58:2.2","an6.58:2.3","an6.58:2.4","an6.58:2.5","an6.58:2.6","an6.58:2.7"],"kind":"text","text":{"pi":"Katamehi chahi?\nIdha, bhikkhave, bhikkhuno ye āsavā saṁvarā pahātabbā te saṁvarena pahīnā honti,\nye āsavā paṭisevanā pahātabbā te paṭisevanāya pahīnā honti,\nye āsavā adhivāsanā pahātabbā te adhivāsanāya pahīnā honti,\nye āsavā parivajjanā pahātabbā te parivajjanāya pahīnā honti,\nye āsavā vinodanā pahātabbā te vinodanāya pahīnā honti,\nye āsavā bhāvanā pahātabbā te bhāvanāya pahīnā honti.","en":"What six?\nIt’s a mendicant who, by restraint, has given up the defilements that should be given up by restraint.\nBy using, they’ve given up the defilements that should be given up by using.\nBy enduring, they’ve given up the defilements that should be given up by enduring.\nBy avoiding, they’ve given up the defilements that should be given up by avoiding.\nBy dispelling, they’ve given up the defilements that should be given up by dispelling.\nBy developing, they’ve given up the defilements that should be given up by developing."}},{"id":"an6.58:3","sourceIds":["an6.58:3.1","an6.58:3.2","an6.58:3.3","an6.58:3.4","an6.58:3.5","an6.58:3.6","an6.58:3.7","an6.58:3.8","an6.58:3.9","an6.58:3.10"],"kind":"text","text":{"pi":"Katame ca, bhikkhave, āsavā saṁvarā pahātabbā ye saṁvarena pahīnā honti?\nIdha, bhikkhave, bhikkhu paṭisaṅkhā yoniso cakkhundriyasaṁvarasaṁvuto viharati.\nYaṁ hissa, bhikkhave, cakkhundriyasaṁvaraṁ asaṁvutassa viharato uppajjeyyuṁ āsavā vighātapariḷāhā, cakkhundriyasaṁvaraṁ saṁvutassa viharato evaṁsa te āsavā vighātapariḷāhā na honti.\nPaṭisaṅkhā yoniso sotindriya …pe…\nghānindriya …\njivhindriya …\nkāyindriya …\nmanindriyasaṁvarasaṁvuto viharati.\nYaṁ hissa, bhikkhave, manindriyasaṁvaraṁ asaṁvutassa viharato uppajjeyyuṁ āsavā vighātapariḷāhā, manindriyasaṁvaraṁ saṁvutassa viharato evaṁsa te āsavā vighātapariḷāhā na honti.\nIme vuccanti, bhikkhave, āsavā saṁvarā pahātabbā ye saṁvarena pahīnā honti.","en":"And what are the defilements that should be given up by restraint?\nTake a mendicant who, reflecting rationally, lives restraining the eye faculty.\nFor the distressing and feverish defilements that might arise in someone who lives without restraint of the eye faculty do not arise when there is such restraint.\nReflecting rationally, they live restraining the ear faculty …\nthe nose faculty …\nthe tongue faculty …\nthe body faculty …\nthe mind faculty.\nFor the distressing and feverish defilements that might arise in someone who lives without restraint of the mind faculty do not arise when there is such restraint.\nThese are called the defilements that should be given up by restraint."}},{"id":"an6.58:4","sourceIds":["an6.58:4.1","an6.58:4.2","an6.58:4.3","an6.58:4.4","an6.58:4.5","an6.58:4.6","an6.58:4.7","an6.58:4.8","an6.58:4.9","an6.58:4.10","an6.58:4.11"],"kind":"text","text":{"pi":"Katame ca, bhikkhave, āsavā paṭisevanā pahātabbā ye paṭisevanāya pahīnā honti?\nIdha, bhikkhave, bhikkhu paṭisaṅkhā yoniso cīvaraṁ paṭisevati:\n‘yāvadeva sītassa paṭighātāya, uṇhassa paṭighātāya, ḍaṁsamakasavātātapasarīsapasamphassānaṁ paṭighātāya, yāvadeva hirikopīnapaṭicchādanatthaṁ’.\nPaṭisaṅkhā yoniso piṇḍapātaṁ paṭisevati:\n‘neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya, vihiṁsūparatiyā brahmacariyānuggahāya, iti purāṇañca vedanaṁ paṭihaṅkhāmi, navañca vedanaṁ na uppādessāmi, yātrā ca me bhavissati anavajjatā ca phāsuvihāro ca’.\nPaṭisaṅkhā yoniso senāsanaṁ paṭisevati:\n‘yāvadeva sītassa paṭighātāya, uṇhassa paṭighātāya, ḍaṁsamakasavātātapasarīsapasamphassānaṁ paṭighātāya, yāvadeva utuparissayavinodanapaṭisallānārāmatthaṁ’.\nPaṭisaṅkhā yoniso gilānapaccayabhesajjaparikkhāraṁ paṭisevati:\n‘yāvadeva uppannānaṁ veyyābādhikānaṁ vedanānaṁ paṭighātāya, abyābajjhaparamatāyā’ti.\nYaṁ hissa, bhikkhave, appaṭisevato uppajjeyyuṁ āsavā vighātapariḷāhā, paṭisevato evaṁsa te āsavā vighātapariḷāhā na honti.\nIme vuccanti, bhikkhave, āsavā paṭisevanā pahātabbā ye paṭisevanāya pahīnā honti.","en":"And what are the defilements that should be given up by using?\nTake a mendicant who, reflecting rationally, makes use of robes:\n‘Only for the sake of warding off cold and heat; for warding off the touch of flies, mosquitoes, wind, sun, and reptiles; and for covering up the private parts.’\nReflecting rationally, they make use of almsfood:\n‘Not for fun, indulgence, adornment, or decoration, but only to sustain this body, to avoid harm, and to support spiritual practice. In this way, I shall put an end to old discomfort and not give rise to new discomfort, and I will have the means to keep going, blamelessness, and a comfortable abiding.’\nReflecting rationally, they make use of lodgings:\n‘Only for the sake of warding off cold and heat; for warding off the touch of flies, mosquitoes, wind, sun, and reptiles; to shelter from harsh weather and to enjoy retreat.’\nReflecting rationally, they make use of medicines and supplies for the sick:\n‘Only for the sake of warding off the pains of illness and to promote good health.’\nFor the distressing and feverish defilements that might arise in someone who lives without using these things do not arise when they are used.\nThese are called the defilements that should be given up by using."}},{"id":"an6.58:5","sourceIds":["an6.58:5.1","an6.58:5.2","an6.58:5.3","an6.58:5.4"],"kind":"text","text":{"pi":"Katame ca, bhikkhave, āsavā adhivāsanā pahātabbā ye adhivāsanāya pahīnā honti?\nIdha, bhikkhave, bhikkhu paṭisaṅkhā yoniso khamo hoti sītassa uṇhassa, jighacchāya, pipāsāya, ḍaṁsamakasavātātapasarīsapasamphassānaṁ, duruttānaṁ durāgatānaṁ vacanapathānaṁ, uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ adhivāsakajātiko hoti.\nYaṁ hissa, bhikkhave, anadhivāsato uppajjeyyuṁ āsavā vighātapariḷāhā, adhivāsato evaṁsa te āsavā vighātapariḷāhā na honti.\nIme vuccanti, bhikkhave, āsavā adhivāsanā pahātabbā ye adhivāsanāya pahīnā honti.","en":"And what are the defilements that should be given up by enduring?\nTake a mendicant who, reflecting rationally, endures cold, heat, hunger, and thirst. They endure the touch of flies, mosquitoes, wind, sun, and reptiles. They endure rude and unwelcome criticism. And they put up with physical pain—sharp, severe, acute, unpleasant, disagreeable, and life-threatening.\nFor the distressing and feverish defilements that might arise in someone who lives without enduring these things do not arise when they are endured.\nThese are called the defilements that should be given up by enduring."}},{"id":"an6.58:6","sourceIds":["an6.58:6.1","an6.58:6.2","an6.58:6.3","an6.58:6.4"],"kind":"text","text":{"pi":"Katame ca, bhikkhave, āsavā parivajjanā pahātabbā ye parivajjanāya pahīnā honti?\nIdha, bhikkhave, bhikkhu paṭisaṅkhā yoniso caṇḍaṁ hatthiṁ parivajjeti, caṇḍaṁ assaṁ parivajjeti, caṇḍaṁ goṇaṁ parivajjeti, caṇḍaṁ kukkuraṁ parivajjeti, ahiṁ khāṇuṁ kaṇṭakaṭṭhānaṁ sobbhaṁ papātaṁ candanikaṁ oḷigallaṁ, yathārūpe anāsane nisinnaṁ, yathārūpe agocare carantaṁ, yathārūpe pāpake mitte bhajantaṁ viññū sabrahmacārī pāpakesu ṭhānesu okappeyyuṁ, so tañca anāsanaṁ tañca agocaraṁ te ca pāpake mitte paṭisaṅkhā yoniso parivajjeti.\nYaṁ hissa, bhikkhave, aparivajjayato uppajjeyyuṁ āsavā vighātapariḷāhā, parivajjayato evaṁsa te āsavā vighātapariḷāhā na honti.\nIme vuccanti, bhikkhave, āsavā parivajjanā pahātabbā ye parivajjanāya pahīnā honti.","en":"And what are the defilements that should be given up by avoiding?\nTake a mendicant who, reflecting rationally, avoids a wild elephant, a wild horse, a wild ox, a wild dog, a snake, a stump, thorny ground, a pit, a cliff, a swamp, and a sewer. Reflecting rationally, they avoid sitting on inappropriate seats, walking in inappropriate neighborhoods, and mixing with bad friends—whatever sensible spiritual companions would believe to be a bad setting.\nFor the distressing and feverish defilements that might arise in someone who lives without avoiding these things do not arise when they are avoided.\nThese are called the defilements that should be given up by avoiding."}},{"id":"an6.58:7","sourceIds":["an6.58:7.1","an6.58:7.2","an6.58:7.3","an6.58:7.4","an6.58:7.5","an6.58:7.6","an6.58:7.7"],"kind":"text","text":{"pi":"Katame ca, bhikkhave, āsavā vinodanā pahātabbā ye vinodanāya pahīnā honti?\nIdha, bhikkhave, bhikkhu paṭisaṅkhā yoniso uppannaṁ kāmavitakkaṁ nādhivāseti pajahati vinodeti byantīkaroti anabhāvaṁ gameti,\npaṭisaṅkhā yoniso uppannaṁ byāpādavitakkaṁ …\nuppannaṁ vihiṁsāvitakkaṁ …\nuppannuppanne pāpake akusale dhamme nādhivāseti pajahati vinodeti byantīkaroti anabhāvaṁ gameti.\nYaṁ hissa, bhikkhave, avinodayato uppajjeyyuṁ āsavā vighātapariḷāhā, vinodayato evaṁsa te āsavā vighātapariḷāhā na honti.\nIme vuccanti, bhikkhave, āsavā vinodanā pahātabbā ye vinodanāya pahīnā honti.","en":"And what are the defilements that should be given up by dispelling?\nTake a mendicant who, reflecting rationally, doesn’t tolerate a sensual,\nmalicious,\nor cruel thought that has arisen, but gives it up, dispels it, eliminates it, and obliterates it.\nThey don’t tolerate any bad, unskillful qualities that have arisen, but give them up, dispel them, eliminate them, and obliterate them.\nFor the distressing and feverish defilements that might arise in someone who lives without dispelling these things do not arise when they are dispelled.\nThese are called the defilements that should be given up by dispelling."}},{"id":"an6.58:8","sourceIds":["an6.58:8.1","an6.58:8.2","an6.58:8.3","an6.58:8.4","an6.58:8.5","an6.58:8.6","an6.58:8.7","an6.58:8.8","an6.58:8.9","an6.58:8.10"],"kind":"text","text":{"pi":"Katame ca, bhikkhave, āsavā bhāvanā pahātabbā ye bhāvanāya pahīnā honti?\nIdha, bhikkhave, bhikkhu paṭisaṅkhā yoniso satisambojjhaṅgaṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ,\npaṭisaṅkhā yoniso dhammavicayasambojjhaṅgaṁ bhāveti …\nvīriyasambojjhaṅgaṁ bhāveti …\npītisambojjhaṅgaṁ bhāveti …\npassaddhisambojjhaṅgaṁ bhāveti …\nsamādhisambojjhaṅgaṁ bhāveti …\nupekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ.\nYaṁ hissa, bhikkhave, abhāvayato uppajjeyyuṁ āsavā vighātapariḷāhā, bhāvayato evaṁsa te āsavā vighātapariḷāhā na honti.\nIme vuccanti, bhikkhave, āsavā bhāvanā pahātabbā ye bhāvanāya pahīnā honti.","en":"And what are the defilements that should be given up by developing?\nTake a mendicant who, reflecting rationally, develops the awakening factors of mindfulness,\ninvestigation of principles,\nenergy,\nrapture,\ntranquility,\nimmersion,\nand equanimity, which rely on seclusion, fading away, and cessation, and ripen as letting go.\nFor the distressing and feverish defilements that might arise in someone who lives without developing these things do not arise when they are developed.\nThese are called the defilements that should be given up by developing."}},{"id":"an6.58:9","sourceIds":["an6.58:9.1","an6.58:9.2"],"kind":"text","text":{"pi":"Imehi kho, bhikkhave, chahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassā”ti.\nCatutthaṁ.","en":"A mendicant with these six qualities is worthy of offerings dedicated to the gods, worthy of hospitality, worthy of a religious donation, worthy of veneration with cupped palms, and is the supreme field of merit for the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.58/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}