{"id":"an6.59","title":"With Dārukammika","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.59","title":"With Dārukammika","units":[{"id":"an6.59:0","sourceIds":["an6.59:0.1","an6.59:0.2","an6.59:0.3"],"kind":"text","text":{"pi":"Aṅguttara Nikāya 6.59\n6. Mahāvagga\nDārukammikasutta","en":"Numbered Discourses 6.59\n6. The Great Chapter\nWith Dārukammika"}},{"id":"an6.59:1","sourceIds":["an6.59:1.1","an6.59:1.2","an6.59:1.3","an6.59:1.4","an6.59:1.5","an6.59:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā nātike viharati giñjakāvasathe.\nAtha kho dārukammiko gahapati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho dārukammikaṁ gahapatiṁ bhagavā etadavoca:\n“api nu te, gahapati, kule dānaṁ dīyatī”ti?\n“Dīyati me, bhante, kule dānaṁ.\nTañca kho ye te bhikkhū āraññikā piṇḍapātikā paṁsukūlikā arahanto vā arahattamaggaṁ vā samāpannā, tathārūpesu me, bhante, bhikkhūsu dānaṁ dīyatī”ti.","en":"So I have heard.\nAt one time the Buddha was staying at Ñātika in the brick house.\nThen the householder Dārukammika went up to the Buddha, bowed, and sat down to one side. The Buddha said to him,\n“Householder, I wonder whether your family gives gifts?”\n“It does, sir.\nGifts are given to those mendicants who are perfected or on the path to perfection; they live in the wilderness, eat only almsfood, and wear rag robes.”"}},{"id":"an6.59:2","sourceIds":["an6.59:2.1"],"kind":"text","text":{"pi":"“Dujjānaṁ kho etaṁ, gahapati, tayā gihinā kāmabhoginā puttasambādhasayanaṁ ajjhāvasantena, kāsikacandanaṁ paccanubhontena, mālāgandhavilepanaṁ dhārayantena, jātarūparajataṁ sādiyantena ime vā arahanto ime vā arahattamaggaṁ samāpannāti.","en":"“Householder, as a layman enjoying sensual pleasures, living at home with your children, using sandalwood imported from Kāsi, wearing garlands, fragrance, and makeup, and accepting gold and currency, it’s hard for you to know who is perfected or on the path to perfection."}},{"id":"an6.59:3","sourceIds":["an6.59:3.1","an6.59:3.2","an6.59:3.3","an6.59:3.4"],"kind":"text","text":{"pi":"Āraññiko cepi, gahapati, bhikkhu hoti uddhato unnaḷo capalo mukharo vikiṇṇavāco muṭṭhassati asampajāno asamāhito vibbhantacitto pākatindriyo.\nEvaṁ so tenaṅgena gārayho.\nĀraññiko cepi, gahapati, bhikkhu hoti anuddhato anunnaḷo acapalo amukharo avikiṇṇavāco upaṭṭhitassati sampajāno samāhito ekaggacitto saṁvutindriyo.\nEvaṁ so tenaṅgena pāsaṁso.","en":"If a mendicant living in the wilderness is haughty, insolent, fickle, scurrilous, loose-tongued, unmindful, lacking situational awareness and immersion, with straying mind and undisciplined faculties,\nthen in this respect they’re reprehensible.\nIf a mendicant living in the wilderness is not haughty, insolent, fickle, scurrilous, or loose-tongued, but has established mindfulness, situational awareness and immersion, with unified mind and restrained faculties,\nthen in this respect they’re praiseworthy."}},{"id":"an6.59:4","sourceIds":["an6.59:4.1","an6.59:4.2","an6.59:4.3","an6.59:4.4"],"kind":"text","text":{"pi":"Gāmantavihārī cepi, gahapati, bhikkhu hoti uddhato …pe…\nevaṁ so tenaṅgena gārayho.\nGāmantavihārī cepi, gahapati, bhikkhu hoti anuddhato …pe…\nevaṁ so tenaṅgena pāsaṁso.","en":"If a mendicant who lives within a village is restless …\nthen in this respect they’re reprehensible.\nIf a mendicant who lives within a village is not restless …\nthen in this respect they’re praiseworthy."}},{"id":"an6.59:5","sourceIds":["an6.59:5.1","an6.59:5.2","an6.59:5.3","an6.59:5.4"],"kind":"text","text":{"pi":"Piṇḍapātiko cepi, gahapati, bhikkhu hoti uddhato …pe…\nevaṁ so tenaṅgena gārayho.\nPiṇḍapātiko cepi, gahapati, bhikkhu hoti anuddhato …pe…\nevaṁ so tenaṅgena pāsaṁso.","en":"If a mendicant who eats only almsfood is restless …\nthen in this respect they’re reprehensible.\nIf a mendicant who eats only almsfood is not restless …\nthen in this respect they’re praiseworthy."}},{"id":"an6.59:6","sourceIds":["an6.59:6.1","an6.59:6.2","an6.59:6.3","an6.59:6.4"],"kind":"text","text":{"pi":"Nemantaniko cepi, gahapati, bhikkhu hoti uddhato …pe…\nevaṁ so tenaṅgena gārayho.\nNemantaniko cepi, gahapati, bhikkhu hoti anuddhato …pe…\nevaṁ so tenaṅgena pāsaṁso.","en":"If a mendicant who accepts invitations is restless …\nthen in this respect they’re reprehensible.\nIf a mendicant who accepts invitations is not restless …\nthen in this respect they’re praiseworthy."}},{"id":"an6.59:7","sourceIds":["an6.59:7.1","an6.59:7.2","an6.59:7.3","an6.59:7.4"],"kind":"text","text":{"pi":"Paṁsukūliko cepi, gahapati, bhikkhu hoti uddhato …pe…\nevaṁ so tenaṅgena gārayho.\nPaṁsukūliko cepi, gahapati, bhikkhu hoti anuddhato …pe…\nevaṁ so tenaṅgena pāsaṁso.","en":"If a mendicant who wears rag robes is restless …\nthen in this respect they’re reprehensible.\nIf a mendicant who wears rag robes is not restless …\nthen in this respect they’re praiseworthy."}},{"id":"an6.59:8","sourceIds":["an6.59:8.1","an6.59:8.2","an6.59:8.3","an6.59:8.4"],"kind":"text","text":{"pi":"Gahapaticīvaradharo cepi, gahapati, bhikkhu hoti uddhato unnaḷo capalo mukharo vikiṇṇavāco muṭṭhassati asampajāno asamāhito vibbhantacitto pākatindriyo.\nEvaṁ so tenaṅgena gārayho.\nGahapaticīvaradharo cepi, gahapati, bhikkhu hoti anuddhato anunnaḷo acapalo amukharo avikiṇṇavāco upaṭṭhitassati sampajāno samāhito ekaggacitto saṁvutindriyo.\nEvaṁ so tenaṅgena pāsaṁso.","en":"If a mendicant who wears robes offered by householders is haughty, insolent, fickle, scurrilous, loose-tongued, unmindful, lacking situational awareness and immersion, with straying mind and undisciplined faculties,\nthen in this respect they’re reprehensible.\nIf a mendicant who wears robes offered by householders is not haughty, insolent, fickle, scurrilous, or loose-tongued, but has established mindfulness, situational awareness and immersion, with unified mind and restrained faculties,\nthen in this respect they’re praiseworthy."}},{"id":"an6.59:9","sourceIds":["an6.59:9.1","an6.59:9.2","an6.59:9.3","an6.59:9.4","an6.59:9.5"],"kind":"text","text":{"pi":"Iṅgha tvaṁ, gahapati, saṅghe dānaṁ dehi.\nSaṅghe te dānaṁ dadato cittaṁ pasīdissati.\nSo tvaṁ pasannacitto kāyassa bhedā paraṁ maraṇā sugatiṁ saggaṁ lokaṁ upapajjissasī”ti.\n“Esāhaṁ, bhante, ajjatagge saṅghe dānaṁ dassāmī”ti.\nPañcamaṁ.","en":"Go ahead, householder, give gifts to the Saṅgha.\nYour mind will become bright and clear,\nand when your body breaks up, after death, you’ll be reborn in a good place, a heavenly realm.”\n“Sir, from this day forth I will give gifts to the Saṅgha.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.59/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}